八月花 (V City)

營業中

休息中

難得平日放假，星期二過來飲享受平日早茶優惠，餐牌寫明11點半前買單就有優惠，點知10:54系統就突然鎖機唔俾落單，姐姐好好心話醒晨優惠仲有，就即刻落幾個點心，點知轉頭話系統唔俾落了，要正價，真心嬲，當時先剛剛11點，點解唔寫明早市優惠截單係11點呢？仲要11點突然轉了午市，咁即係焗住要我係優惠時段俾正價！😤😤😤全場只有一個主任，經理都冇個，反而d姐姐好好態度同服務，真係見到佢哋好認真同辛苦。所謂的大集團應該好好檢討一下個制度，香港經濟就係咁樣被搞差了，想當年的八月花估唔到變成咁樣，真係失望😞！

好耐無來這里飲茶，星期六九點來到不用等位，侍應話因商場未開，酒樓冷氣較弱，坐落有D熱，食物貭素無以前咁好，試左雀籠點心，好飽肚，味道一般，金華火腿酥無乜味，百花蟹鉗餃是蝦肉，蝦餃皮較厚但有好多蝦，招牌酥脆鮮蝦腸粉一D都唔酥脆，但蝦肉好食，最好食是鳳爪骨飯，飯好熱及粒粒分明，排骨鳳爪好入味。侍應有禮，環境寬敞，限時1小時30分鐘。

海鮮好難食，先講 龍蝦伊麵 味道淡而無味 蝦肉好鞋一咬就爛 感覺好似重新返熱。 清蒸東星斑 d肉好‘’林‘’ 唔知係咪蒸太耐。比我感覺有d ‘’預制菜‘’ 既味道 有好印象就係服務，主動有禮貌

在Vcity的商場內很方便， 上菜速度很快，但食物質素只是一般， 甚至叫了一籠食物有酸餿味。而且有某些侍應服務態度差，愛理不理的。雖然價錢不算貴， 但是性價比仍是低，不建議。

今天中午和家人來到這間酒樓飲茶，茶水我們點了鐵觀音，味道不會太苦澀，茶味不錯。至於食物味道，坦白說只是中規中矩，叉燒有些的肉質很堅韌和硬，沒有什麼肉汁，有些就肥瘦適中，口感軟綿綿，視乎是那個部位。蟹籽三文魚蛋白炒飯是全場最美味的菜式，三文魚味道咸咸的，而蟹籽數量都算多，配上蛋白之後味道相當不錯。本身我最期待的菜式是蟹籽鵝肝春卷，想不到希望愈大，失望愈大，雖然春卷香脆可口，而且蟹籽都算多，但是我完全嚐不到鵝肝的味道，只是一款普通的豬肉春卷而已。至於其他點心的味道只是正正常常，沒有什麼特別。總結來說，這間酒樓的點心偏貴，味道亦只是普通，而且用餐限時只90分鐘，環境更擠逼，純粹屯門V City 沒有其他酒樓，才會來這裡吃飯。

早茶時段，但係其實優惠嘅點心並唔多，而且優惠咗之後嘅價錢其實都畀出面嘅茶樓貴，而我哋所叫嘅點心全部都唔優惠點心，所以唔需要趕住喺十一點半之前埋單同離座要咗一個其他茶樓比較少見嘅牛雜，處理得幾好，冇異味，亦都煮得好淋，另外蝦腸就非常一般，唔係晶瑩剔透蝦膠釀魚肚上面嘅蝦膠完全冇蝦味，似係豬肉，反而豬肚燒賣嘅蝦就好鮮味，鯪魚球即炸熱辣辣唔錯整體嚟講呢到價錢屬於貴價，兩個人埋單要三百蚊，性價比唔算高，但勝在坐得舒服唔會好嘈

Weekend同屋企人食中菜，book左位置方便既八月花。晚市時段分別係5:30同7:30，其實5:30有d早，但就老人家就揀呢個時段。因為唔係好餓，5人共order5樣菜。第一個係花膠火腿煲，足料夠香，4人5份分勉強都夠。叉燒野味半肥瘦，唔錯。相反貴妃雞一般般，普通茶樓質素。翡翠豆苗個量好足，5人都好夠分，唔需要叫多個菜，抵食。松露蝦球就比較失望，松露味香但分量比較少。最後蒸帶子豆腐，正常好香豆豉味總之臨時想一家人訂枱食飯都方便易有位，質素中規中矩。

唔算抵食及好味嘅一餐。因為食物味道好一般，相對價錢就會覺得有啲貴。5位叫咗5個餸都食唔晒，可能味道麻麻地及大家唔算太肚餓。叫咗乾蔥豆豉雞 （味道正常，唔係話好惹味，雞肉好靭，份量唔大）露筍山藥炒蓮藕 （蘆筍山藥蓮藕全部都好爽脆，有鑊氣，但蘆筍及蓮藕嘅份量偏少，淮山就食咗好多嚿）酥香鴨 半隻 （鴨皮脆口有少少鹹香鹹香，肉嫩有汁，但同個包好唔夾）蟹子蟹肉燴伊麵 （蟹子蟹肉嘅量都多，味道都鮮甜，但伊麵有啲淋身，如果做到爽口少少就比較好啲。）（唔知咩）魚煲 （魚煲價錢最貴，$398如果冇記錯，有少少湯汁，湯汁好似麵豉湯，同條煎香咗嘅魚都幾夾，但就唔值哩個價錢，唯一食淨好多嘅一味餸，可能係長輩唔鐘意食煎咗嘅魚）埋單$1200，另外一入到去職員有介紹話食穌香鴨，話幾抵食 ，但就唔講有個套餐優惠$398，可以揀兩個餸，好似有龍蝦伊麵，燒鴨？.... 但當時睇晒所有menu 都冇哩個優惠，係我哋落完單之後，出去商場廁所見到有張優惠poster貼係門側邊先知。

今日難得得閒同阿媽嚟飲下午茶， 1:45開始派飛， 2:00開始叫飛入座，入座後先點了鮮蝦腸，筍尖蝦餃和鵪鶉蛋燒賣。鮮蝦腸和蝦餃的蝦完全冇蝦味☹️，一啲都唔新鮮，唯一可取的是蝦餃皮夠薄，同埋係熱辣辣新鮮蒸出來的。鵪鶉蛋燒賣，本來係我最鍾意食嘅其中一樣點心，但係個燒賣好鹹，啲肉都係冇味😔之後再點了個腰豆三色糕和馬拉糕，腰豆三色糕反而比想像中好一點！下午茶$13.8算抵食，馬拉糕就還可以啦！總括而言，質素認真麻麻地😔短期內應該唔會返轉頭幫襯🙁茶位每位$17

母親節媽咪大人請熄爐，今晚一定會同媽咪去食飯啦！我哋今晚揀咗係屯門嘅八月花，原因係佢哋個香薰鴨真係超好味😋充滿煙燻嘅香味易唔會太鹹。除咗香薰鴨；當然唔少得就係母親節套餐啦。當中有燕窩湯，波士頓龍蝦伊麵，蒸魚，鮑魚生菜， 蝦帶子西蘭花，燒雞，荷葉飯。雖然係套餐，但係味道都好好，總覺得雖然今日好忙，廚師都冇失準。呢個套餐最窩心嘅係佢有兩款甜品，一款中式一款西式：桃包子同埋咖啡啫喱凍啊。兩樣甜點師傅都整得好正！

話說一年一度既媽媽節又黎 今年試下呢間八月花先一直好想試 不過一直冇黎過 今次就藉着慶祝媽媽節一家人去食下啦😃😃 臨時母親節，餐廳食野實有套餐優惠我地首先點左個母親節4位餐＄1038套餐 鮑魚.海班餐，最後仲點左個龍蝦🦞伊麵 真係好滿足呀竹笔海皇燴仿翅 - 不錯👍🏻西蘭花帶子蝦球 — 正😄蠔皇原隻鮑魚伴玉掌 - 媽媽👩最鐘意清蒸沙巴龍躉斑 - 正常發揮玫瑰豉油雞（半隻）-不錯👍🏻壽蟠桃 （4個）🙂 還好吧龍蝦伊麵 🤣 唔差啦叫做竹笔湯海皇燴仿翅西蘭花帶子蝦球蠔皇原隻鮑魚伴玉清蒸沙巴龍蠶斑豉油雞半隻壽蟠桃 4件龍蝦伊麵

難得星期日放假，突然想系八月花飲茶食點心。其實內心都好爭扎，本身八月花平日都多人，星期日就更加多人。不過真係想食，等就等啦，去到都真係人頭湧湧。勁多人等叫number. 不幸中之大幸，啲人等得太耐放棄咗，所以唔算等太耐。我哋二人叫左幾款點心，侍應一來就俾咗個前菜，個前菜唔錯，夠開胃。炸两，我覺得唔算出色，個油炸鬼淋左。禪院菜包，呢個真系出色，包皮十分鬆軟，啲餡又靚又香。值得再食！素粉果，好在個餡同菜包唔同，覺得都細心。口感唔錯！馬拉糕，未至於好驚喜，但都唔差，夠滑夠香。二人午餐共消費220元。

之前食過呢一間覺得幾好食😎叫咗男朋友同埋佢爸爸過嚟一齊點不知叫親，乜嘢都冇😨😥西蘭花冇 乳鴿有冇😫最後取義求其次，隨便叫咗佢唯一剩返有嗰啲只係八點幾 唔知點解可以乜都冇晒不過如果有嘅話，佢呢食物係OK嘅🫠希望下次會好運啲啦🙁

星期四嘅八月花都要等位，好誇張。入到去真係多人，檯細，迫，冷氣唔夠。除咗本身十幾蚊茶位，可改menu 上嘅茶，選擇都多，我地要咗明前龍井HKD48，茶有蠟燭heat 住👍QR code 點餐野食份量細，豆腐得四件😅， 魷魚唔係爽，係稔嘅，唔新鮮。唔知係咪因為用餐時間90mins 所以上菜好快。

香港人每日應付好多嘢，真係辛苦晒！每天一次餵養自己力量，挑選最喜歡的食物吧vcity 呢間酒樓裝修唔錯，座位也寬敞，都幾舒服
網上推介，就试吓茶燻鴨配蒸包，廚師火喉控制得好好肉嫩滑好香，稍微不足嘅就係鴨殼旁的肉鹹左少少，其他部份烤得幾好味