八月花 (V City)

營業中

休息中

去澳洲之前，呢間八月花係我同媽咪經常去嘅飲茶落腳點🥺🥺🥺 喺澳洲返嚟香港隔離十四日第一次去食嘢 一於就同媽咪重臨舊地啦🥰🥰🥰去到人唔係太多所以等咗15分鐘左右就有位啦❤️❤️ 八月花不嬲裝修都好靚 連茶具同埋點心都係比較精緻啲👍🏻👍🏻👍🏻不過價錢就有少少偏上由於因為夜晚同下晝都約咗人食飯，所以都唔敢叫好多嘢食 就叫咗鳳爪流沙包炸兩棉花雞流沙包絕對係我嘅最愛❤️❤️❤️😋😋😋 好夠熱而且一打開真係會流出黎

平日來下午茶，部份食物有特價，不過款式唔多，由於現在有二人限聚令就冇乜問題，因為都夠食，而茶錢都有優惠價，選擇了特別茶就可以免一個茶錢，今次試咗綠茶之中嘅碧螺春，清清地，兩個人飲剛剛好，玻璃茶壺有份優雅的感覺，而且有個蠟燭仔座住茶壼，所以茶夠熱，不過下次都想試吓有開花睇嗰種茶。至於點心特別推介百花釀魚肚，比想像中好食，又爽口又夠味，炸兩都唔錯，不過鳳爪排骨飯和蘿蔔糕味道就中規中矩吧，豬肚燒賣都味道好好，不過得兩舊就冇咁抵食。至於環境上面，現在每一枱都保持一定距離之下，就坐得很舒適，因為以往略嫌坐得太貼太迫。

一直認為八月花係屯門區比較有質素嘅茶樓，點知。。。咁耐冇嚟，質素可以差咗咁多。。。位於v city，西鐵站出口直結，交通就非常方便。店面不算大，所以經常見門外有人等候位置。店鋪環境尚算簇新。服務方面:與一般屋村酒樓無異，無喜無驚。但對於送點心姐姐方面，則有少許微言。。。不知為何，只叫了數碟點心，枱面上仍有空間，但姐姐們每次送點心，總是喜歡把點心斜放於其他雜物上。即使你已在枱面騰出空位，仍是隨手將點心放在最就手的一端雜物上，便頭也不回離去。至於食物質素方面。。。鵝肝蟹籽春捲-算是最好的一款:春捲炸得夠脆，不算油膩，蝦膠爽彈。唯一不明白的是--沒有鵝肝味。。。鑊仔煎釀三寶:正正常常，不過不失。叉燒腸粉:與一般酒樓無異。粉質不夠滑，過於粘口。鮑魚撻:um....鮑魚好味，但撻底太乾身冇味。百花釀魚肚: 呢碟就出事喇。上枱已聞到好重胡椒粉味。一吃之下發現魚肚充滿腥味，即使大量胡椒粉亦未能蓋過。除此以外就沒有其他味道。只可以送一句。好。難。食。八月花品牌，一直都係以質素自居。但今日一試，無論是食物還是服務的質素，也比其一般屋村茶樓還要差。或者他只保留了價錢高尚而已。

美心集團的八月花，走中高檔路線，在新開業的商場更屬常客。今次難得入到屯門V City，就試試佢嘅水準餐廳的半肥瘦叉燒是必點之選，跟一般酒樓不同，叉燒的肥瘦適中，很juicy有口感，食多多也不會肥膩炸両的腸粉亦很有以前的味道，尤其那種米香的味道，別處難尋。蛋白蟹肉炒飯也粒粒分明，香口惹味，很到火喉上菜的速度剛剛好，待應們很專業！今次試住咁多先下次再來晚飯🥣

又係美心集團高質酒樓，首選蜜汁叉燒肥瘦適中軟淋好味，瑤柱蛋白炒飯，飯粒分明炒得乾身香口，其他食物都唔錯好食，唯一美中不足就係嗌左個蒸鯪魚球，雖然味道不變食落依舊彈牙好味，但見到籠鯪魚球眼都突，縮水而且細粒到呢，比任何一間酒樓都細，呢個就好失望

今天約了一班美女到V city的八月花茶聚， 是班美女都是吃貨！ 係咁點、點、點、點了很多點心！ 我覺得最好食的是芝麻卷， 還有長春卷。 鑊仔煎釀三寶也是不錯的選擇！ 一班美女都是自戀狂 ，拍照比吃東西多 ，最後~ 剩了很多點心吃不完！ 有點兒浪費了😋😜😂

屋企人去飲茶，叫咗好多嘢食，環境好大好靚主要以白色為主環境好似八月花幾快嘅樣好青春好又喺返入邊嘅感覺嘢食都唔都唔差，龍蝦湯好鮮甜， 春卷咁簡單嘅嘢都做得好好味， 的確值得更多人去食

難得放假同阿媽去飲茶,因為屯門好少酒樓都要等半個鐘先有位,其實大家可以透過遙距攞飛都得架 店內環境舒適,燈光柔和,每張枱空間都好足夠,職員好細心地洗好餐具再俾客人,而且點心有好多選擇😉😉 當中最好食係豉油王腸粉👍👍,腸粉好玩滑而且好有豉油味,另外鮑汁鳳爪得都好入味好林,仲有乾炒牛河都炒得好有鑊氣，牛肉好滑好正。較為失色就係香煎芋頭糕，唔夠脆而且冇五香粉味,椒鹽魷魚酥，都係唔夠脆同埋太細粒,其他點心就普普通通啦😊😊

眼見好多食肆執笠，希望支持服務行業，耐唔耐都要出去幫襯下，今晚食咗屯門區差唔多最高級嘅中菜～八月花🌼呢間酒樓都算開得耐，由V City開到現在，希望可以繼續營運落去今晚試咗幾個小菜，肉鬆黃金脆魚皮呢個係小食，魚皮切得比較薄好鬆脆，鹹蛋黃唔會太多，恰到好處，再加少少肉鬆喺面，豐富口感層次蘆筍山藥炒蓮藕片份量都算多，蘆筍好爽脆，唔會有渣，蓮藕都幾入味，不過比較油膩麥皮蝦份量比較少，只有5隻蝦，不過佢上面嗰啲脆脆蛋花同麥皮，又幾得意龍蝦汁泡鴛鴦岩米飯龍蝦汁味道好濃，入面都好多海鮮，有蝦有帶子，非常惹味，食完又唔會好頸渴，一定要食得得地煎薄餅即係甜薄撐，唔油膩，入面有花生有椰絲，值得推薦，好似甜甜地又鹹鹹地希望大家努力💪🏼加油

媽媽生日食餐好，八月花有個優惠套餐好抵，半席折了之後$1494，未計前菜茶價加一。先來個炭燒半熟安格斯牛肉沙律，賣相已經好吸引，份量也唔少喎。牛肉有d汁，好香及薄身，好淋好味，沙律有好多青瓜絲，切到好幼細，好食呀！龍蝦湯蛋白燴燕窩，這個好濃龍蝦湯味，有蛋白又有燕窩，夠晒養顏。正！！上湯焗加拿大龍蝦伊麵，嘩！！勁正！！龍蝦肉質夠爽又彈牙，伊麵又唔淋，剛好。燒春雞，夠晒香又夠脆，肉滑唔會肥沙巴龍躉班，啖啖魚肉，好夠滑黑雞樅菌腐竹浸娃娃菜，那個樅菌好似把遮咁，爽身的，腐竹十分之多，加埋d湯好清甜蛋白金粟岩米炒飯，感覺好健康，炒到粒粒分明的，好乾身，岩米幾有咬口。幾得意！101鮮果拿破崙。這個是呢間酒樓好出名的。嚟到嘩嘩聲😍😍😍每層一款生果，好有心思，撘盤好靚。好鬆化😋😋😋

八月花，一向都係我最鐘意嘅酒樓之一，因為裝修靚，餐具餐枱毛都一絲不苟，而且唔需要同其他人搭枱，可以有寧靜嘅傾計空間蝦餃燒賣就係每次都必點嘅，蝦肉彈牙又爽口，而且好鮮味，真材實料，食幾多次都唔厭鵝肝春卷今次就一般喇，無咩鵝肝味，有少少失望，不過整體都有80分以上酥脆鮮蝦腸粉，入面加有脆卜卜嘅脆片，真係錦上添花，而且腸粉皮好滑，keep到個水準最令人懷念嘅當然係芝麻卷，一食，真係充滿童年嘅回憶，唔會太甜，濃濃芝麻香，推介！

一家人相約晚飯，選了近妹妹居住點的「八月花」，由於我稍遲到達，妹妹已發辦點好菜。一坐下，就已上好這幾味菜。露筍炒螺片，不錯！桂花蟹肉炒仿翅，幾爽口，不錯！脆脆BB豬沙律，BB豬肥了一點，無乜肉，好一般！來個大合照😆左邊的「明前龍井」無乜茶味🤨，茶葉落得唔夠！之後再上半隻炸子雞，做得不錯，皮夠薄又夠脆，很入味，根本不用加調味料。後加一個味滋羊架伴米糕，好難食！不知怎樣形容，總之好難食，我咬了兩口就放棄了！4支羊架有1支無食過！上甜品前侍應來收碟，也問我們：「唔食埋佢？」我們也不知怎樣回答！最後叫咗芒果雪糕楊枝甘露、薑汁湯圓、兩碗蛋白杏仁茶，非常滿足！

預早已經預約了中秋節正日的晚上8時，來到時在門口一大班客人在輪候，當時有點擔心就算預約了都要等很久，幸好職員說第2張枱就輪到我們，大概15分鐘後就入座了。事關大家都想要留肚回家吃月餅，所以不想吃太飽，那就決定要兩個一人餐-花好月圓兩位宴($298/位，2位起。另加茶位費、前菜費及10%服務費)，套餐有6款菜式(平均每道菜約$50)*以下圖片中的是兩人份量：脆脆BB豬沙律(由於平時都有吃過，所以沒特別要說，算是美味，皮是很脆)、龍蝦湯燴素翅(沒有龍蝦味，味覺像罐頭湯的質素)、蒜蓉蒸加拿大龍蝦(半隻，過熟，肉質帶韌)、原隻鮑魚伴海參(正常水準，海參的質地是較爽口)、蛋白岩米桶仔飯(整個晚餐裡可能最愛吃的就是這道，也是平時都有吃過，岩米很煙韌)和迷你脆糖布甸伴鮮果(整體不會很甜，布甸的蛋味尚算突出，不錯)。這個套餐$300左右是很便宜，也吃到了龍蝦、鮑魚和海參，都不能再多要求了吧。

適逢星期六 又早起 ，可以陪下媽媽飲個茶食下點心😚就醒起「八月花」 每次早上行過都見到門外好多人等位， 但好彩 有 FOODGULU可以提早拎定飛 所以係出門口個時拎定 大概半個鍾後就有位一場嚟到 就唔想飲平時叫開嘅普洱 香片 ，試下呢個金盞飄香 味道有啲似菊花咁 但吾濃味芝麻卷（菲林） 已經唔係道道有得食 所以見到就好想試下 口感唔錯 但唔重芝麻味韭黃鮮蝦腸粉 - 雖然出面酒樓都有 但都想試一試呢度有無啲咩唔同 味道幾好 啲蝦都算大隻 鮮蝦鳳冠餃 - 即係蝦餃類 餡好實有蝦味 同埋餃皮唔會同肉分開 燒鵝米粉 - 個燒鵝好juicy 同埋夠肥🤤🤤🤤 米粉又煮到岩岩好 唔會太軟 同埋唔會好散整體嚟講 ： 同媽媽都好滿意八月花 ， 員工服務態度幾好 同埋食物質素亦都幾好 所以會帶媽媽一齊再食過🤤🤤🤤🤤🤤🤤🤤

早茶的話，最近在平日裡的早上9時半到達都已要等30-35分鐘，可能在8時半至9時前到達比較好。每次早茶或下午茶都必點酥皮龍蝦湯鮮竹卷($40，有時會售罄。這個又有酥皮湯又有6件的鮮竹卷，覺得挻化算。雖說湯並不特別濃郁，但面上有大大塊的酥皮搭救，每次一穿破穌皮層都定會弄到滿枱都是碎，無法避免。而那鮮竹卷內的餡料不是素，有蝦的，雖說不會很爽口，但都是軟散的那種)。然後會點多1-2種點心，2名成人就已經非常地飽！瑤柱糯米雞($34/3件，即$11.2/件。裡面是兩層糯米飯夾著餡料，好像三文治的樣子。有瑤柱絲、豬肉碎、火腿粒和淡淡的咸蛋香)荀尖鮮蝦餃($38/4件，即$9.5/件。一咬下，餡料飽滿，蝦肉很爽口，皮薄)叉燒腸粉($34/3條，即$11.3/條。算是滑，餡料都算飽滿)。而晚上與家人吃飯都必點燒味雙拼($128)或乳豬三拼($178，其中一拼必是乳豬。份量還真是挻多，每樣都有8-10件)蛋白岩米桶仔飯($38/位。這裡除了白飯就只有2種飯供選擇，而其中的這個就相對地比較美味，因為岩米帶有咬口，些少煙韌，家人都很喜愛)極品醬油炒飯($108。味道比想像中的淡，因為看到挻深色，普通)有機