八方雲集鍋貼水餃專門店

營業中

休息中

今日,放假,抽空與人去試一試~4點鐘都要排3個字,可見真係好鬼多人為左佢個名黎試好~夠鐘入去坐~點餐係自己寫紙既~雙併加2蚊~叫左一個雙併同一個泡菜黎食等左十分鐘先有~都好,起碼有新鮮食~但新鮮煎起既都咁差?散既??一夾就散,一係就痴實晒分唔開...真係幾失望,仲以為有咩突出之處只係比人過份吹噓.....自己買包野返去煎都同佢差唔多$$28+28野飲各五蚊~埋單66蚊

我見啲人話"好有名o家 好好食o家 边到都有間喎" 而入去食一次 (原本想買外買食的,等咗一震又見冇人理我,而且又唔知边到收錢~ 見有人行入去俾錢, 就入咗去食囉! 睇唔明咩四選一呀~) 我入咗去見人好多 又冇咩人理我就見位就坐囉~ 見有張睇落似order紙的白紙在就拿來寫啦~ 一寫就有人理我啦!! 叫咗份set one招牌鍋貼同一碗旗魚丸湯,要$26蚊, 碗湯俾碟鍋貼快好多呀~ 飲完都未有得食 (其他遲過我落order都有得食啦~) 碗湯都ok呀~ 淡淡的紫菜湯加四粒叫旗魚(食落有d似墨魚丸)的丸子和西芹粒仲有d雞精味囉~ 鍋貼! 可算是油尖旺區最難食的東西呀~ 可能我唔識食啦! 但我未食過俾佢更難食的鍋貼, 鍋貼包到冇shi味走shi鍋貼裡面的肉味同肉汁, 飲涷飲要外加$5蚊或$6蚊.鍋貼有 :招牌鍋貼、韭菜鍋貼、招牌水餃、韭菜水餃、韓式辣味鍋貼、黃金咖哩鍋貼、韓式辣味水餃、黃金咖哩水餃湯類 :酸辣湯、粟米濃湯、旗魚丸湯、貢丸湯价錢 :$26~$28蚊

差差差食物差: 無論湯 , 餃 , 貢丸都淺而無味! 款式已經不多 , 而且款款的味道都沒太大分別 ! 個名就改到好勁咁~ 掛名係台灣食店, 但我一d都唔覺似台灣風味~我去過台灣三次, 人地d餃子味濃而不咸, 肉有鮮味! 而這裡........唉! 灣仔xx 水餃仲好食過佢!服務差: 一入門口無人理我, 無人問我幾多位! 自己搵左位坐, 而lei 個位仍擺著上一手客人的食物! 我無叫人收, 一路寫單一路等睇下有無人識得收野! 結果, 我連單都落埋, 都無人收野 !!! 而我舉手落單, 足足舉左成分幾鐘都無人理我! 但我睇到既係一d員工係企係度唔知等咩有d就行來行去都無理過我枱上面既野!!!! 最後我叫人收野, 個侍應竟然同我講, 咩原來妳剛剛坐落!!!!! 有無搞錯!!!!!!!我坐左咁耐, 寫埋單都仲話我剛剛坐落!!!! 最不知所謂係個經理, 只係企係個收銀度唔知望咩~ 咩都唔做唔理! 後來我一路食一路留意d 員工~佢地個個都手忙腳亂咁樣~但間舖其實無咩客, 佢地單又落錯, 傳菜又傳錯~ 有d 客等到好唔耐煩走左~ 另外, 有個 員工唔知做咩收野時成碗湯倒左落個客度!! 個經理仍然

經過女友的推介,來到這"八方雲集"吃下午茶(其實可算是午餐呢)叫了一個招牌餃子(鍋貼)及九菜餃(鍋貼)叫套餐附送湯貢丸湯原來有"嚴西"..(本人極討厭"嚴西",所以不評論湯)貢丸:味道淡,只可以說有咬口招牌餃子:內裡夾雜椰菜及豬肉碎,味道亦略為淡,煎得亦都無香口既感覺九菜餃:我認為比招牌餃子來得美味_雖然味道都略為淡,最後都是"醬油送餃"最後多點一杯凍奶茶,冰十分之多,味道十分之淡,還有陣"嚴西味",是我多疑?埋單最後58元,只可以說一試無妨

每次經過也人頭湧湧 , 找個周六午飯去試試湯叫酸辣湯叫了一個雙拼水餃餐 , 招牌水餃+辣味水餃酸辣湯夠多料, 但味道真的偏淡 , 也不夠酸辣之於兩款水餃吃過後也只覺得味道麻麻沒有特別留下深刻的感覺29餐(雙併)+豆漿 = 34總的來說價不貴但試一次就夠.還是找些老店吃好.

八方雲集是第二次去吃. 第一次是媽媽帶我去. 她見到呢間野, 佢好開心. 因為佢係台灣人開的, 在台灣吃過一次. 在台灣己經好出名。個日去通菜街(金魚街)買金魚. 見到就入左去. 昨晚又和朋友去了吃. 朋友起初覺得食餃子很普通, 唔想食. 後尾帶她入去. 食過後佢好like, 我們叫左招牌煱貼, 招牌水餃, 酸辣湯, 旗魚丸湯, 一個set都係廿幾元. 好抵食. 一碟有十隻. 兩者裡面都要椰菜豬肉料~煎的皮薄, 蒸的皮厚. 我又好鍾意. 皮唔痴牙, 不粘, 不粉, 酸辣湯好多料, 同平時上海舖飲差不多. 但係唔太酸. 唔辣的旗魚丸湯有三粒丸. 有魚味, 唔似平時食個d魚蛋口感. 外型似墨魚丸, 個湯好飲, 夠清夠熱. 有埋碎紫菜。朋友還加左五元有涷飲. 好大杯. ! 環境: 木椅枱, 好整齊, 光線充兄, 衛生: 合格, 消費: 合理, 最好的是減少好多人手. 餐具及餐紙在枱則櫃自取. 好方便。好似係冇加一.

吃完朱古力 buffet，晚飯都嚥不下。與男友求其找間輕食解決。見這間鍋貼較子專門店，一個餐有餃有湯只是 $26，賣相也不錯，便入內試試。要了津菜豬肉+酸辣湯，另加了 $3 跟豆漿。酸辣湯是辣版冇料碗仔翅，酸味欠奉，要自行加醋：餃子 size 跟灣仔碼頭急凍的差不多，皮厚餡散，比急凍餃子更差。

好像蠻有人氣的一間店，終於來試一試了。店子格局飲快餐店，是快食快走的一類。雖然等的人多，但很快就有座位了，當然是要和人share桌子的。研究一輪，都是覺得點餐比較划算，於是一人來一個餐吧，分別是招牌水餃配忌廉湯和辣味鍋貼配旗魚湯。先喝湯，我的旗魚湯還算不錯，起碼魚丸彈牙，又有一些紫菜可吃。而男友的忌廉湯真的好怪，味道奇怪，與水餃相配來喝更怪。招牌水餃︰皮蠻厚的，我不太喜歡。餃子皮內包著一些肉，好像還有玉米，但不覺得特別。辣味鍋貼︰只是微微的辣度，但只有很少泡菜在內，我覺得不夠呀。這個鍋貼比水餃要好一點，因為始終煎過會香口一點。但其實人多的時候是已經預早煎好的，因為我們發現鍋貼並不是太熱。價錢不貴，應該是吸引人的原因吧。至於味道，我就覺得很一般了。

好簡單~一個劣字~要細說的話~唔係全部劣~但大部份啦~我曾經有好多時間喺台灣生活~亦都試過真係用鍋貼~水餃做早餐~當地食呢d做早餐真係好平常~亦很平~但呢間八方云集~話係台灣風味的話~未免太離譜了~叫左2個餐再單點~先講餐~我的朋友叫左酸辣湯....其實我想叫佢唔好嫁啦~因為我見到隔離枱嗰碗唔係幾對路~但奈何...唔好意思當住人地面咁講...D枱相隔好近~如果我講~~佢一定聽到的..........酸辣湯嚟到.....一飲..如我所料~呢D係酸辣湯嗎？酸味去左邊呀？辣味得胡椒粉嗎？佢基本上係碗仔翅都不如...........而我個旗魚丸湯就反而OK~正常~可以一食THEN~招牌鍋貼來了~10隻當中~俾錯左一隻係咖喱鍋貼~都唔緊要~當食多嘢樣姐~一咬~個皮好快會彈開晒....佢包得唔夠好...入面有好多蔥同菜~肉真係好少~味唔係話好差~但10隻...真係難搞D...............再來單點的笑話...佢單點寫住一隻幾多錢~咁係人都係想食多少就寫多少本身係貼心的服務~但原來係商業策略~佢同一款一定要點5隻或以上咁都叫單點？唯一麵家都可以單點啦....................

15/12 同S做完faical之後好肚餓見有位就即時彈入去醫肚先。我地叫左兩個set，一個叫招牌拼韭菜窩貼跟酸辣湯; 一個叫招牌拼韭菜餃跟旗魚丸湯。窩貼上枱係熱既同好脆，你好食既。水餃好快凍，餃皮一凍就硬唔再好食。酸辣湯一般好飲不過份量同餡就好少，可似做好d。旗魚丸湯我無飲, 阿S話ok啦。不過我又唔喇點解雙拼要加$2呢? 又唔見佢多左, 佢又唔係專登為雙拼去即整喎，佢都一早煎好哂等人叫架啦，又唔係比多隻碟分開擺喎，咁果$2係為咩加既呢?

沒有想食的店子, 經過此店知是新開又人頭湧湧, 與友人決定一試。友人點雙拼鍋貼套餐, 我點韭菜水餃套餐。 先講服務, 那些侍應服務差又冇默契, 落單又錯, 簡直是一塌糊塗! 食物方面, 由於韭菜水餃賣哂 (9點未到已經賣哂, 有冇搞錯?), 落了單的就有, 眼見阿姐將韭菜鍋貼的餡取出再用水餃皮包過。 我望到都不開胃, 但弄得衛生就算, 心想下次一定不會幫襯。朋友話鍋貼不熱, 質素一般。 我等到朋友吃完鍋貼未有得吃, 當然啦, 阿姐邊包邊發脾氣, 包得慢就一定了。 心已經不耐煩, 追吹了幾次後差些發火才到。 韭菜水餃沒有肉汁, 亦有韭菜香味, 仲差過超級市場買的急凍水餃。我吃整幾隻就埋單走人。套餐價錢不貴,但換來 一肚子氣, 下次不會再來。

上星期日下午1:00等了十分鐘.....好迫好多人，唔好坐......叫o左curry味同招牌水餃，招牌餃10分鐘後上枱，d味都好ok....過o左成15分鐘curry餃仲未到，叫 阿姐check下有無漏單，前後三個都話整緊......再等......成20分鐘，人地遲過我地來都食完走o左......想點?再叫d阿姐追追廚房，又話整緊!!!!唔好敷洐我呀唔該!!最後要發火先至幫我拿張單問廚房!!!!足足等o左成半個鐘先有得食!!!!!唔會再去!!

星期六中午等左15分鐘，滿懷期望地叫了2個set，招牌水餃同9菜水餃。等左10分鐘d餃終於到，一咬都唔覺有咩特別，再咬.......嘩!d豬肉唔熟ga!!!! 吐斬吐唔切! 豬肉未熟有菌ga wor!!! 同d侍應講道歉都無一聲就攞走碟餃，話同我地換，我地食過都怕怕，轉煎餃。個侍應將碟未熟餃拿回廚房，廚房入面d人問做咩，個侍應竟然不俏o甘話:「佢地話未熟wor!!!」火都嚟埋!!! 有膽你食晒佢ar! 唔會再幫趁!!

叫左兩套餐.招牌水餃 + 九菜鍋貼1. 招牌水餃 + 酸辣湯 (酸辣湯味道差 / 招牌水餃入面係椰菜餡一般)2. 九菜鍋貼 + 旗魚丸湯 (鍋貼夠香口還可以)餃子/ 鍋貼款式比較小, 最緊要保持水準, 都會再嚟幫襯嘅試下其他味道．是次消費: 每人約HKD$28 低食

試了兩個餐招牌水餃 + 九菜水餃招牌鍋貼 + 九菜鍋貼水準一般鍋貼上檯時只係暖, 唔熱 叫佢地整返熱啦, 返來都只係熱左少少味道唔錯, 不過個醬汁帶唔出餃子既鮮味我覺得佢地應該整返d "秘制醬汁" 囉酸辣湯味道特別, 尚可, 夠熱整體來說真係冇乜特別唔會特別想再來幫襯