八方雲集鍋貼水餃專門店

營業中

休息中

沒有想食的店子, 經過此店知是新開又人頭湧湧, 與友人決定一試。友人點雙拼鍋貼套餐, 我點韭菜水餃套餐。 先講服務, 那些侍應服務差又冇默契, 落單又錯, 簡直是一塌糊塗! 食物方面, 由於韭菜水餃賣哂 (9點未到已經賣哂, 有冇搞錯?), 落了單的就有, 眼見阿姐將韭菜鍋貼的餡取出再用水餃皮包過。 我望到都不開胃, 但弄得衛生就算, 心想下次一定不會幫襯。朋友話鍋貼不熱, 質素一般。 我等到朋友吃完鍋貼未有得吃, 當然啦, 阿姐邊包邊發脾氣, 包得慢就一定了。 心已經不耐煩, 追吹了幾次後差些發火才到。 韭菜水餃沒有肉汁, 亦有韭菜香味, 仲差過超級市場買的急凍水餃。我吃整幾隻就埋單走人。套餐價錢不貴,但換來 一肚子氣, 下次不會再來。