八方雲集鍋貼水餃專門店

營業中

休息中

朋友話未食過,所以就帶佢試試可能太夜先去到11pm所以好多想食,想試既都賣完.但比起對上一次來食食物款式&選擇都多左少少.辣味鍋貼味道差唔多,但略嫌唔夠辣咖喱鍋貼咖喱味道唔夠濃,略嫌較淡九菜水餃皮較厚,但ok

八方雲集是台灣產物，我來過兩次，第一次是和朋友，第二次是家人。這店子開對了地方，每次經過門前總排滿人，是東西真的好吃，還是港人慕名嗜吃的習慣呢？自選點菜餐單設計頗為失敗，我要花點時間才能了解點菜方式和餐單內容。吃過的東西很多：招牌水餃---皮較厚，但肉汁充盈；用料有椰菜、豬肉。韭菜水餃---菜多肉少，餡料有韭菜、豬肉。韓式辣味鍋貼---說是韓國泡菜混合豬肉較易明白，鍋貼底部煎得金黃香脆。黃金咖哩鍋貼---鍋貼皮很薄，黃金是指咖哩的顏色，餡料還有椰菜和豬肉。肥腸蚵仔麵線---用紙碗盛裝，筷子一挑麵線即爛；$26這個價錢，肥腸蚵仔不算多。旗魚丸紫菜湯---旗魚丸內藏墨魚粒有咬口，紫菜頗多。酸辣湯---台式酸辣湯味道較上海酸辣湯的淡。凍檸樂---檸底跟罐裝可樂，旺角價$6…抵。凍檸茶---有連鎖快餐出品味道。凍鴛鴦---有連鎖快餐出品味道。豆漿---普普通通，還可以的。水餃或鍋貼可以散叫$2.5~$3/隻，最少5隻起。套餐的10隻水餃或鍋貼配湯品只需$26~$28，可另加飲料，價錢可算大眾化，出品質素尚好。餐樓衛生的問題較大，我的椅子用清潔檯面的垢布來抹給你坐，身穿的外套兩次給包餃子的員工弄

本來想彈佢，不過念過佢水餃真係好食，所以算數。坐低等等等等等，都未等到，原來唔係走單，係未整好。個湯，無味。好似糊仔咁，算ok難飲。侍應，叫好多聲先應，不過人多，我體諒。叫左兩客水餃，韓式辣水餃。。好味，等左咁耐，總算無白等，入面應該係泡菜，唔算好辣，女朋友都受到，味道中上。原味水餃，個人相當喜歡，有水準。要等咁耐係因為即叫即煮，所以唔會攤好耐先拎俾你。食完唔夠飽，叫左個蚵仔麵線。1. 有殼。2. 竟然無辣汁可以加。味道其實不太差，但有殼真係敗筆，咬落去雖然得小小，但好影響印象。另外飲品可以唔係呢度叫，冰多過茶，一杯凍奶茶，隔一陣已經淡哂，寧願出去買罐裝咖啡。anyway會再幫襯，但一定唔會食麵線同佢個粟米湯。

收工簡簡單單莫過於去呢0的鍋貼鋪食個鍋貼餐﹗要了招牌鍋貼，套餐十隻加埋野飲$28，也不算貴﹗外皮煎得脆口，富彈性口感煙韌，薄身有嚼勁。入面是椰菜絲與豬肉餡料，椰菜吃得出的新鮮爽脆，味道雖不及韮菜的香，但可細味出豬肉的鮮甜﹗加少少辣醬同吃更覺惹味，滿意的招牌鍋貼。

相約一位很久沒見的好友出來, 大家不約而同選定飯局的地點為八方雲集, 為免要等位, 特意提早用餐時間, 坐下望望手錶, 還未夠七時, 仍有少量空位。幸運地被安排到二人檯, 傾偈大聲一點也不怕。 這次純粹為鍋貼和水餃而來, 縮窄了選擇範圍理應可以快些下決定, 只是又為選味道而煩惱。 味道有四種: 招牌、泡菜、咖喱和韭菜 , 另可單點, 但每款最少點五隻。最後每人各點一個套餐$26/$28, 其中一個雙併另加$2, 配湯。 韓式辣味水餃: 從外已看見內餡紅噹噹, 很心急會是什麼味道呢? 餃皮不太厚, 平時食開的都是菜肉餡, 無想過這樣配搭會是如此棒。 泡菜大大粒, 頗辛辣刺激, 混合豬肉原來幾好味。連本身不愛剩泡菜的我都覺得易入口, 吃過不停。 黃金咖喱水餃: 同樣是辣的口味, 但其實不太辣, 但比較起來我喜歡泡菜多些。 旗魚丸湯: 其實都唔知旗魚是什麼, 個丸食落好似墨魚丸, 幾彈牙, 食到粒粒, 唔會成口粉。 招牌鍋貼: 即叫即製, 約等十分鐘才來。翻開底部一看, 煎得幾金黃, 微脆, 不會過燶, 如果能熱一點更好。皮很薄, 其中一兩隻包得不夠實,散左。餡係椰菜豬肉, 幾爽口鮮甜

個日晚上經過,女友突然話想食,見唔多人,唔洗等,ok直入 !個門口好細,好窄,裹面地方都唔大,d櫈冇靠背喎,坐得都舒適嘅 ! 叫咗個套餐;黃金咖哩鍋貼餐+貢丸湯,鍋貼幾好食,皮好薄,咖哩味都幾香,個湯就凈係得小小莞茜,三粒貢丸,個樣就唔得,好彩都幾好味!有樣野好"奇怪",當時客人唔多,有位小姐入嚟,個侍應問幾多位,"兩位",咁坐個度啦!吓!咁窄,我坐呢度(四人位),個度四人位喎!咁人地都係咁啦!跟住個侍應就冇再出聲! 又唔係滿座,為咩要限人坐邊度,個客又唔係過份 !!對客人嘅態度!!

孖G妹難得1人由油麻地血拼到太子,加上3吋高跟鞋,點都要坐低抖一抖食嗰下午荼,之前經過油麻地八方雲集,人流勁多!行到太子這間反而不是太多人,咁就入去抖抖!環境-雖然較細,但ok啦!款式-唔係咁多,主要分水餃和鍋貼(各有招牌.韓式辣味,黃金咖喱及韭菜), 而湯有四款(酸辣湯,貢丸湯,粟米湯,鯊魚丸湯)孖G妹order了一個雙併套餐(5隻招牌水餃+5隻韓式辣味鍋貼+酸辣湯+豆漿),所以价錢由$26+$2(雙併)+$5(飲品)酸辣湯-套餐來說碗湯size都ok,不是太細,d料都幾多,入口過得好,比街邊好食, 但與正宗酸辣湯仍有距離,可接受。招牌水餃-是是正正一舊舊,size較細,是預先撈起上碟食,自己不用在湯內撈,都幾方面,咬落皮都ok薄,但料就不是很多,亦沒有肉汁鮮味,不過不失。韓式辣味鍋貼-長條形,好似煎到很燶,食落皮薄,肉內有些微辣,但不是咁特別,普通。豆漿-套餐來說算大杯,好彩不是太稀,都有豆漿味,飲得落口。總結-普通料..............!不過不失...............!不要抱太大期望.............!未到

2個人差唔多十點先去食~入到去原來D位都幾迫下,D chairs冇椅背,坐得唔係咁好,又要攞住個袋,幾唔方便下.......1set: 韓式辣味鍋貼+貢丸湯(冇哂酸辣湯) D韓式辣味鍋貼一夾就散哂,D肉跌哂出黎~D味比較重,我覺得麻麻地好食~1set: 招牌鍋貼餃+旗魚湯 旗魚湯個D丸甜甜地,都唔錯....招牌水餃普普通通其實都冇咩特別好食.......

上次去左淘大食既餃子店真係嚇怕我...但見到這間由台灣來港開店既過江龍, 咁為食既我又點忍到口唔試....好彩早到少少所以唔需要等位.2個人叫左一set韭菜餃子+酸辣湯, 再加多個大腸蚵仔麵線食.這間d餃子真係好味好多, d皮薄又有d煙un真係唔錯, 最吸引我其實係碗麵線真係好好食.我覺得好味過專買麵線既店呀...大家有機會都可以試下既.

哈哈~~ 我終於食到啦^^ 不過同想像中差d bor~食雙併... 招牌水餃(5粒)+招牌鍋貼(5粒)但我覺得好似細粒左d囉!!! d醬都ok ge~要旗魚湯!! 朋友話好味終是叫了這個!!! 個湯有3粒丸... 唔知其他湯係咪都係咁嫁呢?下次試其他先~anyway... 最不滿是門口個阿姐掛住講電話 好似唔想拎俾我咁等候時間重要慢過堂食ge ><

上個星期六中午過後,約左亞姨,我同佢兩條女去買護膚品,集合後我亞姨好肚餓,話佢有fd話寵物街度開左間咩八面什麼既水餃店,應該好好食,響香港島唔知邊度有分店都ok既......(好啦,期望都真係幾大架...)由於我出黎之前響屋企食過野,所以我只係叫左杯凍檸水...而佢就叫左個餐---招牌餃-酸辣湯-凍檸茶...重點黎啦,我亞姨唔係幾睇得明張紙寫咩...睇d圖話想食煎咖喱餃,因為話都應該好好食,但佢最後係唸住叫個煎招牌餃...(雖則我覺得食餃應該係食蒸好d,因為我老公佢上海人係食蒸既多)跟住叫個亞姐黎問佢剔邊個,甘亞姐睇左陣...隨手一指...甘我亞姨就跟佢指既剔左....一黎就黎左個酸辣湯同兩杯飯品先...我就問人拎個碗仔黎,我食先,一入口:唔酸既...........咩酸辣湯啊....點解酸辣湯唔酸架.............條肉絲鬼暑甘長甘粗,切幼小小得唔得啊,成條牛柳絲甘...豬肉絲黎架@.@(就算真係牛肉絲都唔岩啦,華東果邊d人食豬多過食牛架,一定唔會落牛柳絲嘍,就算間野係台店,你宜家係酸辣湯呀....)跟住吉檸水飲....啊...唔係好甜...可唔可以再甜小小呢....不過如果

呢個世界o既餐廳，係有D餐廳真係你食完都唔會記得咩事，存在感唔高，呢間就係其中一間。今次要左十件水餃+一碗粟米濃湯。個湯算ok，起碼D料唔少，唔係罐頭了事。水餃係新鮮包，但煮到上黎，個餡好平凡，無肉汁，絕對唔值$2.5一件(散叫價)。加上D水餃係碟上無湯，感覺唔好囉。可能呢篇食評無乜參考價值，但成間野真係平凡到唔平凡。就算個湯ok，都唔至於要特登去飲。當然，呢間野又講唔上難食。如果朋友叫到，無乜所謂，但自己唔會再去呢間。P.S 你睇小弟d 食評都知，小弟多數畀笑面，但呢間真係畀唔落。

跟朋友在太子meet up，有事談。朋友主動說想吃dumplings，就來了這邊。自己要了韓式辣味鍋貼，又是一碟十隻，再要多一杯豆漿。上台，本來頗期待，但吃下第一口已經心知不妙，餃子內全是泡菜餡，簡單一點說只是泡菜加豬肉放在一起的煎餃，實是普通，而且煎得有點過火，有點穠，吃下有點苦。沒什麼spicy的感覺，只是不斷吃到泡菜，非常叫我失望。由於豆漿豆味足，頗為香濃好喝，還是忍手送個ok面，否則喊面免不了。一次的好經驗，不等於是lifelong guarantee。*朋友請客，謝。

義工過後，又要醫肚。好耐無食過八方。兩個人要了一個韮菜窩貼餐同招牌窩貼餐。跟旗魚丸湯同貢丸湯。湯好快就送上。旗魚丸湯有紫菜同3粒丸；而貢丸湯就只得3粒丸同勁多芫茜。湯底兩者其實無分別，都係好似無咩味嘅鹽水。旗魚丸彈牙，有少少墨魚粒，幾好。貢丸都彈牙，不過好多肥油喺裡面，一咬就覺得好多油。飲完湯後不久，窩貼就送上了。韮菜窩貼同招牌窩貼各十隻。兩者都煎至金黃色，外皮香脆可口，亦夠薄。分別在於餡料，韮菜就較惹味，韮菜多少許肉碎；招牌窩貼餡為椰菜豬肉，椰菜口感較爽。一個餐10 隻餃加一碗丸湯，實在食唔晒。味道其實唔錯，起碼唔算太肥。

今晚專登去八方雲集試一試,我地叫左招牌水餃及招牌鍋貼套餐,揀左酸辣湯及粟米湯,全部都唔掂呀!!酸辣湯 - 無酸辣湯應有的材料及味道,怪味粟米湯 - 好稀,味道淡招牌水餃 - 外皮厚,餡料唔新鮮招牌鍋貼 - 外皮硬及韌,餡料唔新鮮真係超市買的任何一款餃子,都好食過佢,點解佢仲可以開咁多分店呢?