八方雲集鍋貼水餃專門店

營業中

休息中

I was looking for something tasty and quick to bring back home... And these were a good choice! We ordered the pork, curry, and leek pan fried dumplings. The most flavorful was the curry, for obvious reasons. But all of them were tender and tasty. We've gotten take away a few times and it's always good (not amazing, but good.) And quick. And cheap.

有貢丸，豬腸，莞茜的麵線，看落好似很簡單，但當中的味道確是有其特色的。麵線幼身又滑，不至太軟，豬腸味道只是普通的，有少許香味，但都幾乾淨。貢丸肉質幾彈牙爽口，味道就略欠了冬菇既味。當然亦有吃招牌餃子，平平的餃子，皮薄但內裡肉汁彼多，只吃10隻真的不夠啊。

見到八方雲集出左新嘅野食（其實都出左好耐），終於有機會去試下。第一次去太子呢間分店，其實都幾難搵，因為好似個地址唔係exactly通菜街170號，而係再行過少少。我中午12點左右到，舖頭冇咩人，一個人都可以坐四人檯。舖頭入面有侍應係到即刻包餃子。全間舖頭得三個侍應，咁少人就話仲應付到，唔知 peak hour時佢地點運作。呢個係餐廳入面嘅樣：每一張檯上面都有點餐紙同埋醬料，牙籤，全部都refill左，有豆瓣醬，豉油，醋同埋胡椒粉。點餐紙都有幾多選擇，有套餐同埋單點。另外叫套餐可以平少少追加其他野食同野飲。我散叫左八粒田園蔬菜水餃（$3.2/一粒）同埋一碟油菜全走（$12）。等左十五分鐘左右就上菜。但好奇怪佢地居然用紙碟裝啲野食。我覺得第一就真係好唔環保，第一就係賣相都唔靚。油菜係西生菜，幾大碟，而且好新鮮，生熟程度適中，我覺得係好食同埋好抵食！田園蔬菜水餃同佢張相完全唔同樣，個皮係綠色但係唔係靚嘅綠色，又冇透亮反光嘅感覺（我真係太高期望）。咬開後入面唔算好多料，有一種餡料有幾多但我食唔出係咩，口感有啲似雞絲。仲有少少木耳同埋菜，我諗仲有其他少少餡料但我冇再細心研究。田園蔬菜水餃味道真係

早前某一晚，很夜還未收得工，朋友在八方雲集，買了一個套餐給我，是招牌鍋貼加玉米湯，玉米湯只是一碗普通的粟米忌廉湯，過於黏稠，唔夠熱又唔好飲，相都費事影！招牌鍋貼，已腍晒身，出晒油，若能以微波爐低溫加熱，或會好些，可惜我進食的地方沒有！但求裹腹，總得要吃，菜及豬肉餡料依然入味，皮就腍晒，食到成口都係油！

今日係屋企唔想落街,所以叫左屋企人幫手買八方雲集,呢間野開左好耐,一路都冇機會試,今日終於叫食到。今日叫左三種味,唔知係咪外賣既關係,D餃唔係好脆,。首先講泡菜味,食落好野味,幾特別;再講韮菜,正常味道,不過不失, 韮菜幾香,都值得一試;最後既白菜餃,冇咩特別,唔講都唔知入面有白菜。杯珍珠奶茶好奇怪,杯茶一D都唔甜,仲有好重奶粉味,D珠又冇咬口,飲兩啖就掉左。

食得多日式意式野，忽然想食中國北方小食，於是黎食一直都好中意既鍋貼。入面環境都幾簡陋，木枱無pan櫈，餐具要自己開側櫃拎。員工有d黑面，亦唔會安排你入座。講到好唔掂咁，但野食唔錯，$2.5一隻鍋貼，食7，8隻已經飽晒，招牌豬肉同韭菜都好好味，又夠香，抵食又好食!仲叫左碗珍珠水餃紫菜湯，有5粒迷你水餃，可愛得黎又抵食，有驚喜。以後偶爾外賣一打鍋貼過下口癮，經濟又實惠。

喺台灣食過八方雲集，第一個感覺: 平！第二個感覺: 抵！味道不俗之餘，食得飽飽所費無幾！喺香港無論四海遊龍定八方雲集，要食飽，一啲都唔平！無計，舖租貴！今次去太子通菜街分店。招牌水餃同鍋貼都係舖頭內即包，食落新鮮無雪味，皮唔厚餡唔少，質素合格。牛肉麵有大大件牛肉同牛筋，重有小棠菜，蘿蔔同红蘿蔔大大舊，但麵條不夠Q，湯底不夠濃，只靠辣油搭夠。台式麵線似台版碗仔翅，杰撻撻嘅湯加肉丸鹵腸，食完好口渴！加埋兩杯豆漿同細細碟油菜，兩個人咁就食咗一百蚊，好似唔多值，畢竟只係台式街坊小食feel...

太子分店首先是"阿姐"服務態度超差兼粗聲粗毫無禮貌,好像趕客,,態度仲衰過街邊大排檔,難怪繁忙時間店內只有幾個食客櫃桶內的食具很骯髒,洗不乾淨食物方面,碗麵缐超重味精,6:45pm吃完一直口渴,渴了水都止不到渴,晚上那陣超重味精使人難以入睡。只是太子分店,其他分店則沒有上述情況!

一個人喺呢頭行寵物街買野比一家貓狗們，一個人搵食， 諗黎諗去，粥粉面飯都唔係太想食，思量一番後，決定黎八方雲集食煎餃。呢度嘅menu係點心紙形式，又似上海菜（酸辣湯）又似台灣菜（貢丸湯），不過次次黎我都只係食佢啲鍋貼，一向都有一定水準，煎得剛剛好，上枱時保持外脆內軟，不過唔夠熱1.韓式辣味鍋貼~ 好似泡菜味咁，只要係少少辣，都幾好食2.韮菜鍋貼~餡料份量算幾多，味道好似媽媽整既感覺，韮菜爽口清新好好味3.招牌鍋貼~招牌反而唔算特別，普通豬肉煎餃咁，咬落係覺得係有過多嘅油而唔係豐富肉汁4.酸梅湯~ 清清地味道唔會太嗆喉，幾消暑解渴## 呢度 $2.2-$2.5/1隻鍋貼，睇落唔算貴，但每隻味至少要5隻起，1個人食試唔哂啲味道，所以呢餐食左15隻餃加飲品，要成 $40 而唔算係飽， 略為不值。有 d 套餐睇落係平 d o既 , $30 左右連飲品 , 但就要食十個同一個味o既鍋貼囉 ><"

八方雲集多數分店都得好少位, 旺角呢間算多架勒, 見好耐無幫襯過咪又去試下. 兩個人嗌左兩個餐.韮菜鍋貼+大腸麵線+豆漿 & 韓式辣味鍋貼 + 紫菜湯其實一開始幫襯八方雲集時好似獨沽一味賣鍋貼水餃, 佢流量大所以D鍋貼都係即煎, 我地嗌呢兩隻味道都OK. 大腸米麵線好似個"獻"多過麵線, 紫菜湯正常, 不過三粒丸中有一粒好鬼淋, 感覺似浸得太耐水咁.

不嬲我都好鬼鐘意食八方雲集水餃，貪佢新鮮煮出呢，種種餃子都合心水，次次都食得好開心，係今次試新野，食佢個牛肉麵，點知"賴野"。麵都仲叫好食，湯底好唔鐘，但牛腩無味，甚至有點腥! 牛展係完全無味! 最過份係牛根，真唔知佢點整，整到同啫哩無咩分別! 我食過最難食的牛肉麵莫過於此! 但爛船都有三斤釘，佢的紅羅白係同湯一齊煲，所以好大舊都好入味! 結果我食剩半碗! 但羅白我就清哂，湯都飲左唔少!下次幫襯!淨食水餃!其他咪攪!唔俾負評係因為水餃真係好食!

這間店開了咁耐這星期才幫親，第一次在佐敦分店食已經覺得好OK，是日又好想食於是放工後就來到太子這間啦，咁好食決定寫食評給佢一個讚!我叫左一個10號餐裡面包括: 細的蚵仔肥腸麵線 + 5隻水餃或鍋貼 + 一杯豆漿 $28蚵仔肥暘麵線發覺多一粒(吾知牛丸點係貢丸，我係食左都吾知佢係乜丸)，食食下好似吾見有蚵仔哦? 不過算啦! 可能粒貢丸就係代替蚵仔啦，肥腸如果可以切細粒D就好啦，因為見到D肥糕浮係面都有小小卻步，總括好好味!我選擇左辣味鍋貼要加一蚊，哩個真係好好味，吾太辣仲好JUICY添，下次都會再ORDER。豆漿飲落吾似用粉開的，而家外面好多舖為了調低成本都是用粉開出來架，吾係自家磨架! 用豆粉始終添加劑，希望八方雲集吾好咁做啦。單叫一杯$10。另外要提一提係酸辣湯好好味吾講得上，但都係幾好的選擇湯料都很多。

一班教會朋友，今期又想轉轉口味，唔晌太子食，走咗去遠啲近旺角嘅八方雲集食鍋貼，因為地方細細又枱逼逼，唔方便叫埋一齊食，所以各有各叫，各叫各食。睇咗一輪，扑鎚點10號餐，有細份嘅大腸蚵仔麵線，搭黃金咖喱鍋貼，飲豆漿，盛惠$29。大腸蚵仔麵線雖然叫做細份，但都唔係嘢少，況且食麵線係連湯飲，好似食碗仔翅咁，所以一個細份大腸蚵仔麵線都幾夠飽肚，再者，個麵線都算足料啦，無話得嗰一粒半舊蚵仔大腸。麵線煮得OK，唔會太過爛太過餬；大腸嘅處理都可以，至少清洗乾淨無朕怪味先，滷水都頗為入味；而蚵仔都幾大粒飽滿又完整，鮮味就一般，整體嚟講，算係唔錯喎。因為小弟唔好辣，所以無加啲辣菜脯，否則可能仲好味。黃金咖喱鍋貼嚟八方雲集，鍋貼係我嘅鐵膽，依次想食得醒神啲，所以揀以咖喱豬肉做餡嘅黃金咖喱鍋貼。食過好幾次八方雲集嘅鍋貼，水準都保持到，今次亦唔例外，鍋貼皮夠薄，咬落唔會一口厚粉，煎得底脆香口，如果控制到煎得無咁油就仲正；咖喱豬肉調味得唔錯，咖喱雖唔及印度、泰國嘅咖喱多層次嘅香，但都唔係無個性嘅死辣，而且辣度屬中和，叫做啱我口味！晌太子、旺角區，$29食餐晏，有時快餐店都唔得啦，加上八方雲集晌味道嘅穩定性上都無

一向都係淨食餃，但對上一次食時見到人地碗米粉都好似唔錯，於是今次都試吓。散叫，要了5粒招牌餃同魚丸新竹米粉，total 都只係$24，好抵食。落單無幾耐，就送招牌鍋貼，原來自己畫錯，問佢轉番餃得唔得，個姐姐仔無話得定唔得，但就拎番走碟鍋貼。過咗一陣就送上水餃，雖然係我自己書錯，佢地都肯換過，算係咁啦。水餃依舊好食，菜多肉少，無咩肥肉，椰菜爽口。魚丸米粉，份量不少，米粉好爽口；魚丸有鱈魚丸同旗魚丸，都唔知邊隻打邊隻，但兩隻都好食。

八方雲雜好似度度都有分店咁-.-佢水餃真係好好食* 食多幾次都無所謂!!!眼見d服務員好似好busy咁0.0 落單都等左一段時間-.-我地叫左兩客水餃&泡菜辣水餃。。好味，等左咁耐而且又唔算好辣，味道中上。原味水餃，我好鐘意呀!!!!， 好有水準。我諗佢係即叫即煮，所以入d面d汁好hot!!!食完想再試埋個蚵仔麵線~~~係未無晒辣汁比人加呢??味道其實不太差不過不失!!!飲品not very good!!~~奶茶好淡-.-下次都係去番佐敦個間食...好似nice d~~好味d!~~價錢一般...唔算貴~~可以單隻餃子叫...最小要5隻呀!!!!用來餱麵都幾抵食