八幡平石燒牛扒專門店 (Eastmark)

營業中

休息中

呢間係朋友介紹，都近地鐵站，一出去就到個商場，扶手電梯上兩層就到。 首先門面都幾企理，佢要你係門口部機揀好野食比埋錢先可以入去坐，我揀左招牌個扒，本身自己吾大食，晚餐又吾想食咁多野，所以揀最細size都夠食。其次佢係白飯、湯、沙律任裝，所以真係抵食。之後舊肉都好食，只要切簿啲就會燒得好好食，加埋佢啲醬汁更正。

平時經過就已經好想試😆見佢排長龍🤭一於 lunch time去試下好唔好食✨・　八幡平招牌牛扒🥩 ($85)塊牛扒一到就喺塊石板上面咋咋聲，熱辣辣！塊石板最正就係夠曬熱，想舊牛扒整幾熟就整幾熟✨✨😍😍牛扒肉質鮮嫩，好鬆化，可惜牛味唔夠重🥲🥲🥲不過整體上好抵食，因為佢180g 只需要85蚊，仲要免加一，又配埋自助沙律吧，抵食✨・　自助沙律吧🥗 (贈)沙律吧包括沙律菜🥗(柚子豉油/麻醬)、白飯🍚(珍珠米、飯素)、檸檬水🍋、洋蔥牛肉湯🥣，所有喺自助沙律吧嘅嘢都可以無限添加！💕💕💕💕💕唔怕食唔飽🥰🥰🥰・　調味料🫙 (贈)有好多調味料比你揀！包括: 海鹽🧂、黑椒、生蒜🧄、蜜糖芥末醬🍯、豉油等等。好多選擇💯個人覺得加少少海鹽已經好好食，再加埋啲生蒜更惹味😍😍😍・　環境🏡有少少逼🥲🥲🥲因為我唔係坐卡位，同埋因為有自助沙律吧，好多人會出出入入🥹🥹🥹差啲撞到🙈🙈總體評分:7/10⭐️

位處九龍灣，可能要由地鐵行過去，冇乜人，可以訂位吾驶等。湯，沙律，白飯，飯素自助任添。牛肉很有肉味，吾錯。沙津有几隻酱，我落芝麻酱。湯超好飲，熱，勁牛肉味，有肉有蘿蔔係入味， 又唔騷。白飯軟硬適中而且可以自己加飯素，正。如果食得太慢，鐵板唔夠熱，仲可以叫佢加熱一下。食完心思思想再去。

小編是牛扒控🤤，市面上很多石板🐮，若果要環境舒適，有足夠空間的，這間很不錯！🥰------------------------------肉眼200g($150)🐮：石版燒的好處是可以自己調味，決定熟度，小編🥰加大量蒜蓉，黑椒粒，再反轉煎至4-5成熟，然後移離石板，再加岩鹽粒🤩🤩，肉質雖然普通，但自由度十足！------自助吧：有沙律🥗，珍珠飯🍚，牛肉蘿蔔湯好飲！------飲品($10)🧊🧊🧊有大粒冰，有大粒🧊！酒吧feel飲可樂😝（要主動問，有時店員會答沒有🧊，再問就有😂 by 3次經驗）------甜品($15)款式齊全，份量多，是外面手作雪糕店大球。（由圖可見是預先做好，非現場手刮）

平日晚上食生日飯，一同六人book左埋邊一張大枱。環境乾淨衛生，自成一角靜靜地一家人食飯👍🏻開始時，要出門口點餐。員工亦細心協助我地用機點餐。👍🏻點了肉眼牛扒400g, （好大件），鐵三角260g, 蒲燒鰻魚，美國牛舌。食物質數高，牛肉份量足，牛味濃，其實唔食飯都夠飽。因為大家忙於燒肉，食物相片不多。最後，員工幫我地清潔好枱面，食埋自備蛋糕🎂之後老闆仲主動送上雪糕🤗🤗🤗服務態度非常好，很完滿既生日飯👍🏻👍🏻👍🏻#不收切餅費開瓶費#只收現金八達通 如果可以收其他電子收費會更好

同屋企人食飯，慶祝我生日💕🥰🍰佢哋之前已經食過㗎啦，話帶我去試嚇🤣真係唔錯👍🏻樣樣嘢都好大份，白飯同埋湯都係出去自助拎😋唔使怕唔夠飽😖鐵三角🥩有招牌牛扒，A4和牛同埋肉眼👍🏻3份肉都比得足👍🏻又夠juicy同好有肉味，和牛油脂好重好有油香💕牛柳200g🥩好夠食啊都！呢個肉味比其他更重😄肉質再有咬口啲！但絕對唔係柴👍🏻係軟身嘅🥰所以都好正西班牙金裝黑毛豬扒🐷成舊骨燒夠曬過癮😋！好香豬油香味💕自己燒可以睇住火喉唔會過熟👍🏻所以都好嫩滑！燒到啱啱好🥰（豬扒舊骨好好味😖）追加咗美國牛舌🐮👅好大片👍🏻慢慢煎又爽又香口！😋真係一流！處理得好乾淨😆

每次來吃都咁多人， 今日終於食到啦 ,牛扒，日本雞肉， 牛柳，肉鮮味道正，價錢算是便宜，真是不錯，還有白飯，靚湯，沙律任食。在這邊工作人仕或有經過這邊的朋友們可以前來試試，

終於可以再約朋友食飯睇戲😭4月尾時知道限聚令放寬，第一次時間約朋友補祝生日。這間餐廳位於鄰近德福廣場的商業大廈內，平日人流不多，那天晚上預約了6:45很快就能入座卡位，兩人坐很寬敞，剛巧在應援抽獎活動中獲得一塊Foam Board🙈也能舒適地吃牛扒套餐選擇約有7款，除了必點的牛肉外，亦可選擇雞套餐，適逢餐廳2周年慶，選擇A4和牛套餐自動升級A5鹿兒島產和牛。但經朋友推薦和商量後，決定點鐵三角（招牌牛扒及肉眼各100g+A4日本產和牛80g) 及牛柳套餐200g各一，加起來有440g還有套餐跟日本飯、湯、沙律，相信足夠兩人食用。自3年前起石燒牛扒在香港盛行，也吃過數間餐廳，但一般入座需輪候超過一小時，能訂座的餐廳座位也較窄，而且大多通風系統較差，而平民石燒的食物質素較參差，衛生情況則是一般可接受水平。所以，甫步入這家餐廳到食物上桌真的超驚喜，食具擺放衛生、乾淨企理，食物質素也佳。店家更會主動提供牛脂和更換石板，不怕影響牛肉口感，更重要的是通風良好，吃完也不怕頭暈不適，身上氣味不會過重。再來介紹一下食物，這份鐵三角不愧是必點招牌牛扒肉質好有牛味肉眼肉質較稔味道也不錯，配上店內提供的生蒜和燒

同阿女經過呢頭，咁啱見到呢間想試下，阿女本身話無兒童餐唔要，但阿媽計下數覺得兩個餐加埋同呢到1份扒個價未差唔多就拉左佢入去🤪飯、沙律同湯呢到都係自助+可以任添，帶小朋友黎就真係一流，佢食又唔食得多，但又唔係少，平時去餐廳叫多份餐又要阿媽包底，呢到就方便啦，攞多半碗仔飯再一齊share 份牛剛剛好❤️值得一提因為係自己燒，所以可以一半全熟一半1成熟咁，媽咪鍾意食生嘅，但平時帶住阿女焗住要食熟d，黎呢到就啱啱好可以滿足曬2個願望😂有唔同醬汁選擇，亦有教學教點燒

性價比⭐️⭐️⭐️⭐️回頭率⭐️⭐️⭐️⭐️⭐️⭐️⭐️⭐️為滿分$120/ 招牌牛扒 （270g)Top Blade係平嘢，$120 食到270g又軟淋又牛味濃嘅牛扒其實好不錯了～ 飯 湯 沙律任加～ 真係可以吃到飽☺️除牛之外，店舖仲有豬/ 雞可以揀仲有和牛，下次可以試下食物同價錢我絕對認同性價比高😥我是一人到訪的，當時是 7點，餐廳只有一半入座率，店或者覺得我一人不應佔太多位置，硬要將隔板放在我用餐位置中間？

疫情下好耐冇出街堂食，石燒牛扒係其中一外賣唔到個滋味既野食，所以難得出街食就去番之前食過幾唔錯既石燒牛扒店。呢度最基本個款招牌牛扒份量已經好夠食，仲有沙律菜、白飯同湯係自助任食。個洋蔥牛肉湯好推介，用蘿蔔洋蔥牛肉等配料去煲，幾好飲～牛扒既生熟度可以自己控制，呢一點係我鍾意食石燒牛扒既原因之一。想食生一d既我會將整塊牛扒厚切開幾舊放起，食之前再煎熱。九龍灣店開業時已經有幫襯開，相隔咁耐冇黎食，仲拎住緊個時儲印花既優惠卡黎想繼續儲，點知得知原來已經冇再做儲印花，少少可惜。諗住撕左張印花卡打算掉之時，老闆竟然話送我地每人一球雪糕，好驚喜亦都好多謝佢～雪糕仲要有好多口味揀，我地要左芒果同菠蘿，芒果個款好香，菠蘿個款就食落好有菠蘿味，兩款都好好食，估唔到牛扒店既雪糕一d都唔馬虎😋

事緣太肚餓，求其搵個地方食飯，但又ok woo😜✨用自助售賣機order主食牛肉質素唔差雞扒爽口鮮嫩；但石板超級熱，真係要小心睇火🔥😂出面有自助吧枱，任取沙律、牛肉湯同白飯，三樣都味道正常；如果個飯係粗身嘅珍珠飯會更好🙌🏻~~~~~~~~~~~~~~~~~~~~~~~~~~~~~~🐮鐵三角套餐 $240🐓日本熊本雞扒$150~~~~~~~~~~~~~~~~~~~~~~~~~~~~~~

係九龍灣工作中午有時想食個熱辣辣既石燒肉，呢間絕對係性價比高味道好，而且仲有任添既足料牛肉蘿蔔洋蔥湯，同埋椰菜車厘茄沙律同白飯，值得一讚嘅就係佢嘅醬汁都有幾款選擇，仲有窩心嘅圍裙仔比戶客，咁D肉汁就唔會彈倒件衫啦，而且服務好好真心值得推介👍🏻

牛肉好好味，價錢合理，好多調味料，海鹽，黑胡椒，醬油汁，芥辣，蒜蓉！ 白飯任裝，沙律菜新鮮，蘿蔔洋蔥牛肉湯好鮮味，胡椒味好重好正，飲咗好溫暖！環境乾淨，有位置比客人放外套，以免氣味吸咗落衫度，好貼心

已經第2 次來食啦，今次都係食佢招牌 + 牛柳 招牌食落肉好嫩， 好正冇失準要再讚佢牛肉濃骨。滿滿的牛肉，白蘿蔔，洋蔥加胡椒好入味 仲好驅風要讚佢舖staff 光頭叔叔好nice ,其他店員都有禮貌！ 店坐位夠闊落，光猛，冷氣夠大環境好係德福mcl出面行天橋落就到，好易搵！又唔使同人迫 推薦呀😀😀