八幡平石燒牛扒專門店 (Eastmark)

營業中

休息中

之前已經去過鰂魚涌總店，九龍人始終唔方便，好彩九龍灣開左分店，方便好多，其實已經幫襯過好幾次，但今次先有時間post 。一入門口就自助揀牛，買完食物再搵位。今次只有我同大仔一齊食，兩個都叫招牌牛，夠林，又有牛味，抵食。沙律、湯、白飯任裝。個湯好足料，好好飲👍🏼白飯仲可以加飯素，哥哥食得好開心，又可以自己燒，佢好中意食呢間牛👍🏼👍🏼環境衛生，寬敞，唔逼，就算人多都唔會覺得逼，店員好好，有bb椅。仲有無加一服務費👍🏼

網上見到呢間餐廳有人介紹抵食，位置都近九龍灣地鐵站，$80可以食到石燒牛扒仲要白飯牛肉湯沙律任添，決定去試試。星期六夜晚7、8點到，吾洗等有位坐，門口電腦點餐俾錢等食，點左$80牛扒試下先，野飲就個人認為吾抵，可樂一罐要$10，餐廳有提供熱水同檸檬水。坐到埋位，店面裝潢日式，坐位前放有不同調味料俾客人隨心使用。先去拎左碗湯同飯，想拎埋沙律，但係去到已經見晒底，等左一陣都未見添…牛肉湯有牛肉嫁，吾係淨係得湯，😳，飲落淡淡牛肉味，加入原粒黑胡椒煲，令到湯帶微辣，暖胃～ 飯、鰹魚味素任添🤔👍🏾吾小心加多左😂到牛扒上枱，出晒煙～店已將牛煮1-2成熟，熟生客人自己決定，有點手忙腳亂，怕佢會焦… 真係冇咩概念要煮幾耐，唯有切開一件件，裡面紅卜卜既生牛肉，等到每面都望落熟左再夾到碗中慢慢食～牛肉軟吾韌口冇筋，雖然牛肉味吾算重，點蜜糖芥末醬好開胃～ 抵食，質素ok，可以再試～

呢間舖平時lunch hour都人山人海，今晚友人相約食晚飯，就提早book定位。準時6點去到，可能早ge關係，唔係好多枱客。店員禮貌唔錯，貼心咁比我地坐低左先，之後先岀去買餐。牛肉選擇都幾多，價錢ge range由80到幾百都有，重量都分3款，啱晒食量唔同ge人。沙律、湯、同白飯都係自助任fill，店員不是查看食物狀況，雖然係自助但衞生方便冇問題。飯用左珍珠米，配上提供ge飯素，好食。至於牛肉方面，生熟隨自己喜好，但如果要食生一啲ge話，就要食快d。味道方面同其他店沒太大差別。

今日Lunch食好啲🍚！試一試新開嘅石燒牛扒，滿足一下食肉嘅慾望！好似日本餐廳咁門口有部販賣機🎟，揀好食咩俾埋錢就可以搵位坐低同拎自助吧食物。過一陣熱辣辣嘅石板牛扒就會上枱🔥，店家預先煎到1至2成熟，要自己切開再煎熟入面生肉部分，煎到幾成熟就自己決定啦。不過全程都好彈油🙈，要戴好小圍裙同小心掂到石板啊！————————————————👅八幡平招牌牛扒（$80/180g）🔸最特惠嘅入門版牛扒，最小份量嘅180g大概夠食量細嘅女仔👧🏻，食肉獸同男士應該唔夠滿足。按英文睇應該係取自牛肩肉嘅翼板牛排，肉質軟硬適中，尚算有肉汁🥩，因為石板全程都好熱同好快煎熟，煎到喜歡嘅熟度就快啲夾起喇，過熟就會好韌🔸套餐包括白飯、沙律同湯放題，係自助放題區自取，白飯加啲飯素更好味🆓，湯係類似清清甜甜嘅牛肉/牛骨湯———————————————— 🚩總結：唔怕麻煩又enjoy燒肉嘅可以一試———————————————— 🌟注意：只可用八達通或現金付款————————————————📍 八幡平石燒牛扒專門店地址︰九龍灣常悅道21號The Eastmark2樓5-6號舖

見到宣傳，話A4和牛 upgrade A5不加價，一定要再去食啦。和牛都係入口即溶，配食左好多飯 ， 堅好送飯。牛肉湯好野味，食過好多間石燒，呢間嘅湯最正。湯，沙律，飯任食，飽到一個點。還有香港製造嘅雪糕，飯後食一球，滿足晒。

邊個話燒肉一定要一大班先食得，無朋友毒L嘅我決定lunch食好啲，自己一個食燒肉！呢間燒肉店聽同事講得多，話平得嚟肉嘅質素都唔差，所以勁多人排隊，咁唯有早少少去lunch～好好彩去到唔使排隊，可能因為太早😂 原來叫野食係用機係門口點餐，我叫咗一個招牌牛肉200g只係80蚊，餐廳採用自助形式，自己出去拎其他野食包括沙律，白飯同牛肉湯，自己refill，名符其實白飯任裝！牛肉湯真係有好多牛肉，其他野就唔好期望太高。輪到主角石燒牛，比我想像中高質，整體而言，呢個價錢性價比都算高，而且店員都好有禮貌，真心唔錯😋

第一次係無意中行過見到開左試業嘅石燒店，見光線好，地方大，價錢又吸引，所以入左去試試。同大部分石燒一樣，先點餐後內進用膳。點左兩個唔同嘅牛，牛腹同肉眼。講左個湯先，超足料，牛，羅白，洋蔥，好好飲，3，4碗無走雞。到沙拉同飯都係任食，唯一想講下佢地嘅配料同汁醬，比出面用心，好食。多選擇同貴價，如果大家有食過淘×商場另一間石燒，呢間一定好過佢好多倍。無論環境同食物質素。嚟到員工好好咁服務，到牛嚟，都好細心叫睇熱。牛肉多汁，易咬，配上燒汁，蜜糖介辣，仲有我最愛嘅蒜泥!!!!第一次食，唔識食，好趕好趕，驚熟晒唔好食。第二次再去，已經掌握到。如果石凍左，員工仲會換另一塊!推薦嘅餐廳，好味，高質素，服務好。會再幫襯!!

今日同同事慶生試燒牛肉，洋蔥蘿蔔牛肉湯，椰菜沙律同日本米飯係自助任添，最低消費每人一份肉，我地4人就點4份，連湯沙律飯真係好滿足，我哋點咗招牌牛扒，牛柳，肉眼牛扒同黑毛豬扒招牌牛扒肉質好軟，牛味唔算濃肉眼牛扒肉質比較硬(最後仲有d柴)但牛味最濃有油香牛柳肉質軟，牛味濃有輕油香，三種牛一致認為最好味黑毛豬估唔到係最，肉質軟，肉味濃油超香，可食多兩啖飯任添湯好多料，絕不馬虎沙律現在只供應芝麻沙律醬，如有多一、二款沙律醬就更好 飯日本珍珠米飯，仲有飯素可以加燒肉在熱鐵板上，隨個人喜好生熟程度總括以呢個食物質素價錢係ok, 同同事唐慶生食好少少

$80 有一塊180 gram牛扒，你重可以自己調校生熟程度，仲可以無限添加白飯，牛肉湯同埋沙律，仲可以去邊度搵呀？味道仲要唔差個喎！仲有埋圍裙怕你哋食到成身都係，好貼心

難得今次同老公嚟到九龍灣行街街，行完原來已經2:30 ，個肚餓到打晒鼓。於是就響附近嘅小商場找到呢一間石燒牛扒專門店。呢間餐廳位於呢個商場嘅3樓，見到其實樓下2樓一樓嘅餐廳人都非常擁擠，但行到3樓人流明顯就減少。最初仲以為呢一間餐廳水準一定麻麻，但因為行得實在太攰啦，唔想再花時間企喺度等位。於是見到有呢間餐廳又有位環境又似乎唔錯，價錢亦都符合經濟原則。於是我就膽粗粗試一試啦。係呢啲類型嘅石燒牛扒都好多次啦，今次呢一間係算係我食過入面坐得最寬敞，環境光猛，衛生水準都非常不錯。行到門口同一般嘅石燒牛扒專門店一樣，喺門口都會放一部機，比食客自助咁去選擇自己想要嘅食物，因為實在太肚餓了，我同老公就選擇左270克八幡平招牌牛扒，跟住就有一位四眼妹妹侍應係旁邊幫助我，另外就俾咗一部機仔我，類似Supesanwich嗰啲機仔，侍應生妹妹就好有禮貌咁同我講，請你選擇自己嘅想坐嘅位置啦（可能餐廳實在有太多位可以選擇），部機響嘅時候我哋就會送餐俾你㗎啦。至於沙律飯湯就係自助式。其實我都未參透到點解部機響佢哋就會識得送餐俾我，因為枱上面都完全沒有感應裝置。無論如何啦食物送到，唔知係因為我實在太肚餓啊，還是食

午，晚餐我都食過，午餐需要等位，由於工商區晚餐可以揀位坐添！服務超級到位，一定要再試下！ 自助區既沙律，白飯，湯都係任裝架！昨晚朋友既小朋友總共飲左3碗湯，2碗飯

今次分別Order左2份A4和牛和西冷，和牛入口快溶，一貫美味，但估不到西冷都唔弱，牛味香濃。可refill湯和沙律保持一貫水準，湯濃，沙律新鮮。食到好飽都要試下個甜品～雪糕球，made in hk, fresh口味～

I have been wanting to try this restaurant out with a friend of mine for quite a while now. We decided to give it a go yesterday. I have heard good things about this place and after giving it a try, I have to say I am definitely not disappointed. I have to say the concept of eating like this is quite interesting and entertaining. But if you are a male adult, definitely order at least 300g of meat. I think 200g is a bit too little...

平時食石燒牛，普遍是自修室座位設計，而進食期間很易碰到後面食客/經過的職員。今天來到九龍灣一座新商場，試了一間坐得舒適，吸油煙系統不錯 (不會太大煙)的石燒牛。價錢由80元 (招牌牛排) 至300元以上 (和牛)都可選擇，今次一試最便宜的招牌牛排。前菜的沙律和湯，以及白飯配調味都是自助形式，特別好吃是牛腩湯，肉質淋身，又足料 (很多牛腩和蘿蔔)。廚房會為食客先煎牛扒至三成，然後上菜，由食客由行決定生熟程度，職員也會在旁協助，服務不錯。牛扒以80元的水準來說，令人滿意。牛扒的肉質嫩，肥瘦比例適中，又不會多筋，容易入口，食落肉味很濃。用餐體驗不錯，牛扒質素高，是區內高質的石燒牛店之一。

如題，睇你想食食物，定食環境，因為會係非常好同非常差嘅分別食物先，佢有5種扒，招牌，牛柳，西冷，肉眼，和牛，除左牛柳冇試，4個人各叫一款共享招牌，肉非常霖，價錢+味道中規中矩，唔淡唔濃郁，生／熟都唔算韌，如果想食平價扒又唔識整，佢係首選西冷，肉味非常濃郁，不過肉質控制要好好，3~5成還好，7成開始韌肉眼，同西冷相反，極生／極熟都好霖，不過肉味好淡和牛，夠雪花，但係油香唔夠，唔知道係石唔夠熱所以煎唔香，定係肉嘅問題啦到環境，個抽氣系統超級差，完全同冇抽氣一樣，只要一開始煎牛扒，油煙味會非常重，食緊果陣有d難受，去當晚約7成滿坐，唔識煎d哥哥會教／幫手煎，但係人多，好難睇住煎到尾，所以出現左西冷過熟問題