八幡屋涮涮鍋

營業中

休息中

旺角的一家火鍋店享用D4的套餐，主打日本黑毛和牛。這家店的火鍋套餐還有其他美味的食材供任食，而且還有無限供應的豬骨湯，這湯底可以搭配任何食材，都非常美味。日本A4黑毛和牛的肉質鮮嫩，雪花紋理均勻，入口即化，散發出香濃的牛肉味道，實在美味。澳洲M5和牛則帶有豐富的油脂，肉質滑嫩，搭配上醬汁更加美味。美國進口牛肉的濃郁牛肉味道令人著迷，肉汁鎖在肉片中，入口時鮮味爆發。而受牛扁胛則口感豐富，充滿牛肉的鮮味，絕對是值得推薦的美味。豬腩片則是半肥瘦的肉片，肉和油的香味均勻分佈，無論是單獨食用還是搭配其他食材，都非常出色。黑豚肉以豬肉為主，非常鮮甜，每一口都充滿了豬肉的精華。在海鮮方面，海螺肉質彈牙，肉質爽口，味道鮮甜，令人欲罷不能。青口大隻，帶有濃郁的海水味道，外殼新鮮。鮮蝦肉質甜美又爽口，個頭相當大，一隻接一隻地享用，一下子就吃了十幾隻。鮑魚肉質飽滿，有口感，每一口都彈牙。帶子肉質彈牙又爽口，帶有豐富的口感，並散發出鮮甜的味道。蜆小巧玲瓏，味道鮮甜。參龍蝦多汁，肉質豐滿，每一口都充滿了龍蝦的鮮甜味道。還有各種刺身供您任食，包括三文魚刺身、劍魚刺身、鯛魚刺身、吞拿魚刺身、赤貝刺身、赤蝦刺身、珍寶

呢間餐廳竟然可以任食日本黑毛和牛同龍蝦😍仲要有半價優惠!立即約埋班朋友一齊食~呢間係旺角瓊華中心既打邊爐放題，地點方便又就腳，而且座位都住得舒服，好O岩一大班人gathering✌🏻因為有優惠又想食好D, 揀左D4日本黑毛和牛龍蝦盛宴🙂其他仲有海鮮、刺身、壽司、燒物、炸物、沙律無限供應，食飽仲可以滿足埋個甜品胃，多款雪糕，雪條，Haagen dazs任食!而飲品除左汽水可樂外，仲有清酒同啤酒，不得不讚佢地個自助區，又大又齊全,真心好正呀❤️佢既肉果然係和牛級數，牛肉味堅濃郁，仲好鮮嫩多汁，ENCORE左好多碟呀😆龍蝦都好彈牙😝仲有D高級既海鮮，包括鮑魚，海蝦，帆立貝，廣島蠔等，真心食多D海鮮同和牛都可以回本了~🥰開心開心~已經約左朋友下次再食😋

八幡屋既任食套餐真係好正，前菜小食燒肉甜品飲品，呢啲都係任飲任食架，環境又好，通風好好唔會食到成身味呀！佢地既刺身壽司都有好多唔同款既選擇，壽司有三文魚，蝦，唔同款式，啲三文魚壽司好肥美，魚油滿滿，油香十足，勁香勁大件呀！重點就一定係佢地既牛，任食既牛肉質好好，好鮮嫩，可以用壽喜燒既方法，煮到岩岩熟，再點生雞蛋汁去食，味濃鮮香！另外佢地既串燒都好正，即叫即燒，好多選擇，燒到焦香，惹味！加上佢地其他燒海鮮都真係好正架！最後好中意食佢地既雪條，係韓國雪條，雪條好多唔同既味，亦有其他既雪糕，全部都好正呀！

今日來到呢間餐廳食野，整體嚟講，雖然價錢唔算特別平，但系價錢合理，重點系食物真系有質素，多款海鮮任食，連鮑魚也可以，涮餐飽，遲啲應該會再同屋企人一齊嚟食飯🙆🏻♀️✨豬骨湯：👍豬骨湯具有濃郁的味道和深厚的湯底。慢慢熬煮的豬骨釋放出豐富的膠原蛋白，賦予湯品濃郁的口感和滋味。M5澳洲和牛拼盤：👍 M5澳洲和牛具有極佳的口感和優美的脂肪紋理。牛肉的質地鮮嫩，口感豐富，並帶有豐富的肉香味。每個部位的牛肉都帶有獨特的風味，如牛排的濃郁和嫩滑，牛腩的肉質鮮美，牛舌的柔軟和鮮甜。熟波士頓龍蝦：👍熟波士頓龍蝦肉質鮮美，味道濃郁。肉質豐滿彈牙，帶有淡淡的甜味和鮮美的海洋風味。冬瓜、南瓜、芋頭、番茄、西蘭花、冬菇：👍冬瓜清爽並帶有一點甜味，南瓜則帶有濃郁的甜味和柔軟的質地。冬菇則具有濃郁的香味和彈牙既口感。

火鍋係香港人最愛，今日又幫大家試新野，呢間八幡屋做既火鍋放題走高級豐富路線，裝修又靚，我今日食既呢就係240分鐘既日本A5和牛餐。🧡熟龍蝦諗住熟龍蝦都唔會太過好食，點知又幾有驚喜，龍蝦大大隻，同平時酒店食既size一樣，龍蝦肉好爽甜，彈牙鮮嫩，好多肉又有膏，完全係啖啖肉，好厚肉既龍蝦！❤️日本A4和牛和牛真係唔同啲，仲要係日本既A4和牛，品質更好，牛肉肉質柔嫩，牛味濃郁，油香滿溢，鮮嫩既牛肉係口腔慢慢溶化，雪花紋分佈非常平均，霜降紋理，絕對係入口即溶！💚火鍋配料sss任食當然仲有唔同既火鍋配料選擇，丸既款式都多，爆汁蟹子丸就幾有驚喜，魚肉豆腐都好軟綿，菜亦有啲特別款，好似羽衣甘藍同椰菜花呢啲都有，真係夠晒豐富！整體黎講呢度唔止合格，直情係高汁火鍋放題之選！

八幡屋有刺身,龍蝦同埋打邊爐任食, 咁多樣野真係非常之吸引到我去食佢, 星期5呢日一早約左朋友同我黎食下 呢度刺身同龍蝦非常出色, 我都忍唔住食左好多件刺身同埋龍蝦,佢既好處係食物上枱速度夠快, 唔會話因為你地落得多而拖慢左個上菜速度! 我地都叫左好多串燒, 燒多春魚都食左好多條, 因為佢燒到好脆同埋夠哂香口, 我食完一條接一條停唔到口!呢度仲有D特別既雪條, 平時係出面都比較少見, 食落去真係食到好香果味, 同埋隻果味都真係唔假! 牛肉夠哂出色!

今日慶祝朋友升職之喜, 揀左黎呢間八幡屋食放題, 我地揀左食D4 餐, 有半價優惠同埋龍蝦任食!不得不讚下佢既龍蝦, 真係新鮮彈牙, 鮮味十足! 佢出面仲有好多壽司可以拎, 款式都唔少, 同埋都REFILL 得好快! 佢仲有好多刺身同埋串燒可以叫, 我地都叫左唔少, 燒菠蘿同牛舌都好出色! 另外牛肉既品質都認真唔錯, 好有牛味, 朋友對呢一餐好滿意, 話下次要請番我! 有好野食就最岩我! 希望我都快D 有呢日! 真係好鄧佢開心!！！！！！

我最近光顧了一家涮涮鍋，餐廳提供了各種美味的食材，我選擇了D4套餐，有半價優惠！仲包埋龍蝦 、海鮮任食，食物包括有冰鎮龍蝦、肥牛、燒雞翼和燒羊架，還有自助的沙律吧。啤酒都係任飲！冰鎮龍蝦新鮮，肉質鮮嫩多汁，搭配蘸料更是不錯的體驗。肥牛切得薄薄，將肥牛片在涮涮鍋中很快就熟了。肥牛質地細嫩，帶有豐富的肉香，每一片都融化在嘴裡。搭配醬料和蔬菜一起食用，味道更加平衡和美味。燒雞翼是我在這家餐廳的另一個喜愛。它們外皮烤得金黃酥脆，內裡肉質嫩滑。這道菜不僅適合作為涮涮鍋的配料，也可以作為單獨的小吃享用。燒羊架烤得剛剛好，肉質鮮嫩多汁，帶有獨特的羊肉風味，容易咬開。

好耐無食任食涮涮鍋啦～ 又嚟試一試先呢度有唔同款前菜好似碗仔翅呢啲都任食碗仔翅都好稠又足料有好多菇絲蘿蔔絲口感唔錯👍🏻味道又濃當然亦有唔同刺身壽司都任食就連熟龍蝦都可以任食龍蝦仲要係爆膏又厚肉真係超級滿足😋主角如下：🐂日本黑毛和牛🐂日本黑毛和牛帶黎既絕對係細膩既口感同濃郁既肉香係一種幸福既味道！每一啖入口即化既香甜都令黑毛和牛既魅力由味蕾深處溢出真正既肉食奢華！🐽豚腩片🐽同樣係豚腩片又係另一質感飲質同樣柔韌而且非常肥美😍油香十足豬肉既肉香係口腔慢慢滲出同樣令人食唔停口！飲品都係選擇多多凍既有啤酒或者唔同無酒精飲品熱既有唔同既茶 連花茶茶包都有夠晒養顏健康呀！甜品亦係點飽都要繼續食😆呢度有唔同既雪糕雪條亦有自製甜品🍮好似brownies、泡芙呢啲都有仲要好好食😋八幡屋涮涮鍋📍旺角彌敦道628號瓊華中心12樓

首先鋪頭位置都容易搵👍🏻旺角地鐵站E2岀口最近🚇我揀咗150min刺身海鮮火鍋餐（C1）入座之後會上3樣頭盤：刺身 新鮮海鮮 豬肉牛肉煮熟之後見到貝類好新鮮，飽滿有肉😋炸物上枱仲係暖嘅，唔會炸到乾曬👍🏻一開頭上枱有少少驚喜以為係新鮮花甲，但原來都係冰鮮死晒嘅。蠔都係中規中矩唔會好腥。我揀咗個壽喜燒湯底，個湯唔會好淡仲越食越有味，剩係得湯冇其他配料，所以就整個生雞蛋🥚配肉真係一流🫣冇影低啲肉類，但係全部都係薄切，識落有少少肥膏唔會好嚡👍🏻👍🏻最後整個面收尾，好滿足☺️一路食嘢嘅時候店員都會一路幫手收枱，唔至於成枱都係吉碟

唔講唔知餐廳最近推出抵食套餐，就係5點半前入座有買一送一！鍾意食放題既人真係唔可以錯過，所以今次book左4人檯帶埋屋企人去食！今晚去到都幾FULL，好在事前有打電話問有冇位😬我地揀左任食澳洲M5和牛餐，牛肉味道幾濃，唔會太薄片，有口感，仲有牛肩胛同豚肉都唔錯海鮮我最鍾意帆立貝同黃金螺，兩者我都很喜歡，不分高低，打和🈵另外試埋海蝦，又幾爽彈，肉質唔會霉，整體質素幾高打完邊爐緊係要食埋甜品！有5-6款，放在雪櫃，竟然有雜果杯，水果切好哂一粒粒，岩哂我呢d懶人🤩

約左朋友過嚟旺角食火鍋，我地食個D4的套餐，主打日本黑毛和牛。當然唔會淨食黑毛和牛咁dry啦！仲有其他好野食，任食任飲涮餐飽呀！要左個百搭的豬骨湯，呢個湯配任何食材都一樣咁好味！肉🥩🥩🥩🥩🥩🐮日本A4 黑毛和牛肉質鮮嫩，雪花均勻，淥一陣已經食得，入口溶化又香又有牛肉味實在美味。🐮澳洲M 5和牛油香肉滑，脂肪較多食落去好有油脂香味，點上醬汁一齊食味道更惹味。🐮美國進口牛肉極濃郁牛肉味，我鐘意呀！牛肉肉汁鎖哂係肉片入面，鮮味係口度爆發。🐮牛扁胛口感較豐富，充滿牛鮮味，又係好味必食推介。🐷豬腩片腩片半肥瘦，呢D就最好食，肉和油香味都好平均，就咁食都一流。🐷黑豚肉以豬肉為多，豬肉非常鮮甜，每一啖都係肉的精華。海鮮🦞🦞🦞🦞🦞🐚螺肉夠晒彈牙，肉質爽口，味道鮮甜，真心食一打都唔夠食，添食潻食再添食。💚青口大大隻海水味十足，連殼極新鮮。🦐鮮蝦又甜又爽口，成隻大人手掌咁大隻，食吓一隻食下一隻，轉眼食咗10幾隻。🦪鮑魚肉飽滿，食得好有口感，啖啖肉夠晒彈牙。🩷帶子肉彈牙又爽口，呢種兩極口感令人口味。而且帶子肉味道鮮甜，極有滿足感。🩵蜆細細隻鮮甜味卻爆足。🦞龍蝦好Juicy，肥美多肉，蝦肉充滿肉汁，每口都係龍

原來對上一次食放題係上年既事，今年實在太忙，又忙於減肥，咁耐無食過放題係好有新鮮感，未試過八幡屋，是日式料理餐廳，有火鍋之外仲有大量海鮮，呢度全層都係，有好大既空間，好多位，店員即時帶位，睇到有好幾個餐，我地擇C3既澳洲M5和牛，再配上沙嗲湯，沙嗲湯底夠濃郁～刺身拼盤(*≧ω≦)😉係呢度仲有得食埋刺身，有蝦、三文魚、吞拿魚、帶子、八爪魚等等，夠晒新鮮又冰凍，下層仲放滿晒冰，佢既保鮮功夫做得好足。澳洲M5和牛 (*≧ω≦)😉係度講返和牛，和牛中既質素可以話中上級別，佢既和牛好柔滑，明顯有好濃烈既牛肉味。黑豚肉 (*≧ω≦)😉除左和牛之外，佢既黑豚肉都唔差，肥瘦都好平均，食起上來仲有豚肉香，好有口感，好滿足。飲品 (*≧ω≦)😉放題餐食咗好多野，一人都飲兩罐飲品，果汁好飲又開胃。

前幾日就同家人係度🙂🙂上到去都幾多人，我地全部walk in入，見到佢地餐牌好豐富，幾個款都好多野食，最想就係有龍蝦，每樣每件都比我地食晒，可以話食到停唔到口，每一件都有喜感，食到讚不絕口🎶🎶🪭呢間日式既海鮮放題唔差，樣樣都好新鮮又有質素，當中最鐘意就係佢個沙嗲鍋，味道好正宗，未食已有沙嗲既飄香，自己加埋火鍋配料，芋頭蓮藕豆卜放晒落去，成個鍋既質素又提升，最靚既龍蝦，一分為二，肉質白透鮮嫩，勁晒多肉，好有沙嗲龍蝦既味道，好食到停唔到口，呢度除海鮮之外，仲有壽司食，拎幾種都覺得好食，今次都可以食返夠本，仲有好多炸物，春卷入面好多料豐富，餃子整得好香，炸蝦三文治又脆又好食，我地覺得好食食完好滿意，下次會再來 ！ ！！環境：🎊🎊🎊🎊🎊食物：🎊🎊🎊🎊🎊

個老細文哥，淨係識得自吹自擂，IG拍晒廣告又話任食熟食海鮮、椒鹽瀨尿蝦，去到蝦毛都冇條，個所謂熟食區求其比啲咖哩魚蛋、牛腩你食下敷衍下你就算，食完啲碟又冇人嚟收，好心幫佢收埋碟個文哥又衝出嚟嘰嘰嘎嘎，又話等員工過嚟收乜乜物物，你啲員工就係唔執碟嘛！全部淨係識得圍埋吹水，當時連埋本人得嗰2枱客，如果話係執唔切嘅係完全講唔通。但又公平啲講，佢打晒招牌嘅M5和牛係唔錯嘅，但真係比佢網上面自吹自擂搞到個落差感好大囉！總言之，呼籲大家唔好信囉IG講嘅嘢，佢做買一送一值唔值得試吓大家自己衡量。