八公館

營業中

休息中

時常經過域多利皇后街，今日終於上去【八公館】會一會。今晚order左3款菜式如下 :1，炒清菜……好味道，夠鑊氣。2，蒸魚……好味道，時間剛剛好。3，片皮鴨……好味道，即燒，不過等待時間就耐左dd。整體來說，我比4星。服務周到，抵讚！中環太多好野食，不過我一定會再去的。下次要order冬瓜盅試下先。

父親節前夕一家幾口嚟呢度飲茶, 入到嚟環境一般, 不過都算乾淨和闊落。 我哋叫咗8樣點心和一個炒麵， 加埋服務費和5位茶費， 總共HKD689。 因為我哋早埋單， 所以茶錢有優惠，每位十元。 佢哋啲食物質素都幾好， 而且唔係太細碟， 值得推介嘅係金沙脆涼瓜和日本金瓜牛仔骨。 呢度啲點心屬於中高價錢, 如果想食平啲嘅話, 可以考慮12時45分之前買單, 咁樣就可以享有75折優惠。

加拿大朋友回來。我們很多時間也是選擇飲杯茶，吃個點心。閒閒聊聊。因著我們都是在港島區，很自然網上尋找中，西或灣，銅的食店/酒樓。見到網上寫這點的種種，決定去嘗嘗。茶嘛！對我來說不懂品評，認為侍應願意微笑的在茶凍了時，願意換熱的來，就很好。點心方面，我們都不敢在這流感，病毒肆虐時期吃太炸的。所以便叫了這些:腸粉~賣相精美，皮滑滑的，內裡脆脆的，唯獨不知是放涼了或希望讓內裡脆脆的，所以外皮不熱。腐竹~很有豆香般的，對愛吃豆品的我來說，是不錯的一個點心。小龍包~合格有湯的。素餃~是讓我寫這篇食評的原因，內裡的素不錯，但那頗薄又滑的皮，吃了一口後，便讓我讚了。鮑魚燒賣~熱騰騰的甜心讓人最喜愛，燒賣肉好味，鮑魚亦不錯。全餐飯讓我認為服務很不錯，點心又好吃，環境乾淨。卻在最後，不知是否還在新年。我們不像其他老年人/熟客仔給利是。最後給侍應來過黑面&沒有半句說話(是我個人感覺或要求高，則不得已知?但和之前都帶著笑容和殷勤真是兩個模樣)。完

初一 好多野食都無例如 叉燒酥 xo醬腸粉 鴛鴦網腸仲要等左一輪先講不過初一就算啦蝦餃燒賣同松露餃都不過不失個蘿蔔糕更係被讚不絕口 青椒就一枱好辣一枱話完全唔辣個炒米粉就好油咁個流沙包味道可以 都軟熟而個個杏仁馬拉糕就係值得讚揚既依個係放大左既生煎包都幾油 同埋中間個肉餡 唔多埋單千幾蚊 一圍初一黎講都算係咁不過睇我地個枱個姐姐 好似唔係好在狀態咁叫佢俾張單我地睇又無佢過多陣又話無依樣無個樣到最後直頭人都藍見埋都係個句 初一算啦回頭？未必喇

在中環想飲茶選擇並不多，仲要好食又唔貴嘅就少之又少🧐本來有人提議寶x（貪佢平)聽到已經唔想去！好彩有位識食人士提議另一間有質素嘅酒樓☺️原來嚟度開咗半年到，食物好食又特別，仲唔會太貴，而且坐得舒服。點心種類多，咩都想試下脆皮三層肉，排成九宮格咁，表皮燒得夠脆，雖然大部份都係瘦肉，但又唔會過韌鴛鴦脆網腸，嚟到嘅時候已經覺得好特別，因為顏色夠吸精。食落去仲好正外層韌內裏脆卜卜，就咁食已經勁入味蘿蔔絲酥餅就普通左少少蝦餃蝦較爽口，但因為其他點心較特別的關係，相比較之下就普通少少杏仁千層糕，外貌精美，杏仁較多，千層糕不會過甜北菇滑燒賣，豬肉帶少肥，肉結實有彈性千島汁脆皮蘿蔔糕，外層炸得酥脆配上千島汁招牌小米糕，煎得脆，但個人較不喜歡癡牙嘅感覺朋友order 了 子薑皮蛋脆蝦筒，來到都未知道係乜嘢，食落去嘅時候先知道內有薑同皮蛋😱特別得來味道酸酸甜甜，亦有口感四個人太貪心叫得太多，差啲食唔晒，但係咩都想試沒有想到能在中環找到如此性價比高的酒樓

同事介紹新開的「八公館」中午1245前埋單有75折優惠，而且點心質素又高，所以就由隔壁間酒樓轉場去到老遠的皇后大道中三聯隔離鋪的「八公館」飲茶。蜂巢芋盒 - 炸到脆卜卜、熱熱辣，咬下去很香，不錯。鴛鴦脆皮腸粉 - $78。鴛鴦口味的，每款4小件，兩人too much。吃下去都脆，味道都不錯。不過朋友說今次沒她之前吃的脆。鮮蝦菜苗餃 - 好吃，皮薄，鮮蝦菜苗新鮮又好match。棉花雞 - 雞肉嫩，三塊豬皮蒸好後被雞汁染到超甜，一條的蟹柳也很淋及好味。兩個人叫了四個點心，埋單75折後$192，每人$96，中環飲茶來說，算價錢不錯了，還要是高質數的，全部新鮮熱辣端出來。可以encore再encore。

日期： 9月10日人數： 10人話說一班人farewell 同事。有成10個人咁多，食farewell lunch最佳選擇當然係飲茶啦。搵左呢間喺中環街市旁邊嘅八公館。聽聞呢間野以前係北苑，後來裝修返之後重新開業，質素都唔錯。咁就係部門度湊夠八個公，同埋兩位女同事食啦～ 話說我哋主要都係叫點心，。點心都係大家一般會叫嘅嗰啲嘢，好似蝦餃、燒賣、菜苗餃、腸粉、鳳爪、排骨、流沙包等等。另外仲點左黑松露什錦炒飯，同埋豬肉炒河。我哋仲點左一份灌湯餃，比較有特色嘅係酒樓用椰皇裝住隻餃。由於點心太多，我自己都冇一一影晒。總括而言，所有點心都好熱，用料好足，賣相精緻，同埋味道都係唔錯嘅。炒飯粒粒分明，夠乾身。個人覺得唯一不足係碟炒河粉太多油。環境幾好啊，坐得幾舒服，雖然午餐時間滿座，但都唔會好嘈。以咁嘅食物質素，仲要喺中環，價錢相對其他酒樓係合理的，其他小費都唔多。提前兩日訂定都有枱，唔算難book。服務水平正常，個人覺得人手有點不足。

今日約咗人喺中環食lunch，又想飲茶，所以去咗揀呢間八公館，先訂好枱去到即刻有位，四個人我哋叫咗炸蘿蔔糕，豬手，流沙奶皇包，紅油抄手，蝦腸粉，同埋叫咗個梅菜炒飯，先講個炸蘿蔔糕，超級好味外脆內院。豬數都幾大碟，又好味。個炭竹流沙奶皇包有驚喜，好好味。至於個紅油抄手就比較一般，冇驚喜，普普通通。但要讚一讚個梅菜炒飯，個飯好乾身又入味。整體個價錢略為貴， service又一半，環境舒適。估唔到幾好味。👍🏻

八公館食評:1. 蝦餃裏面嘅蝦，爽口又大粒，層皮略嫌不夠薄。2. 牛肚都重口味，吸晒醬汁嘅味，食落爽口3.鳳爪正正常常，唔太特別4.最驚喜係和牛包(外型似菇)，食落好有淡淡的黑胡椒同和牛味，必試！

食點心食到悶呀！ 仲可以有咩選擇呢? 今日點小菜白飯做午餐。前菜公館特色小炒王 小炒王不過不失，蜆肉和蝦乾都好新鮮，最唔明白點解會有油炸鬼呢?啲油炸鬼又唔脆，唔好下下都將啲隔夜嘢擺埋落嚟先得㗎！生煎鹹魚蓉肉餅以為佢係一大個圓咕碌的肉餅，點知佢係一件件，係就係有啲油份，不過真係有啲鹹魚味， 都幾香口。極品鮑魚酥以人頭計，鮑魚酥鹹到苦呀！係咪落錯調味料，應該落糖落左鹽?服務都幾好啦！不過漏咗單，酒樓又好似要落場，唯有埋單。食完之後唔夠飽，唯有再食下午茶啦！

今天到了前身是北園的八公館飲茶。好彩我們一行七人一早已訂了枱，不然他們延續了北園，不認識人便沒有枱的習俗。我們點了點心特別值得一提的是飛雪菠蘿包，包身很輕食落去不膩。確實值得一試。甜品我們點了雷沙湯丸和芒果布甸，雷沙湯丸用的是花生粉，本人對花生過敏，沒有緣份嘗試。芒果布甸偏硬。主要點心的蝦餃和燒賣也很有水準。天鵝酥和芒果布甸一樣應該可以不用在白公館嘗試。服務一如之前北園一樣木口木面沒有大大的評價。

新開幾個月的《八公館》今日終於有機會試喇。它們的餐具呈八角形，呼應其名，落足心思。我們共叫了♡八♡款點心蜂巢芋盒 ♡ 黃橋燒餅 原隻鮮蝦餃 ♡ 北菇滑燒賣 招牌千層糕 ♡ 脆皮三層肉 手剁鮮牛肉球 ♡ 京川滑餃子。。。這兩款炸物不是間間酒樓有得食。難得這裏有供應而且還做得不錯。招牌千層糕是這酒樓唯一【小點】味道美味，但很迷你。脆皮三層肉(小份)同樣是非常迷你版。但味道的確好味，值得推介。原隻鮮蝦餃，表皮沾上金箔，貴氣十足。蝦夠新鮮，但不大隻，味道滿分。其他點心 : 燒賣、牛肉球 都普普通通，不過不失。京川滑餃子，微辣顯惹味。整體食物不錯，有機會的話，可以再光顧。補充 : 中環區食飯一向人多擠迫，這個價錢，這個食肆環境，算是非常好了，可能是新開張幾個月的關係，樣樣都新淨整齊呢！

A relatively new Chinese restaurant in central CBD, perfect lunch spot for office workers.Prices are a little higher than normal, but you get some pretty quality dishes.I particularly enjoyed the pan fried noodle with prawn. The noodles are crispy and thin, only complain is there wasn’t enough of it. The prawn pieces are also huge and fresh.The rice rolls were and nice and soft which contrasted well with the crunchy layer inside before getting to the wagyu beef and mushrooms.Highly recommend tyi

週末與家人到中環「八公館」享用晚餐。餐廳樓高三層，地方光猛整潔，用餐環境舒適。 一行七大兩小享用了以下美食。 「蜜汁叉燒」賣相令人失望，口感乾硬欠理想。「潤燒 BB 乳鴿」食味好多了，乳鴿皮脆肉香富肉汁，讚。「黑椒紅酒焗牛肋條」肥瘦適中，但軟嫩感不及預期。正評，但不算突出。 「生拆蟹肉粉絲煲」微微香辣挺惹味，蟹肉鮮拆足料，推介。 接下來是「沙巴海斑二食」，「碧綠炒球」出品合預期，海斑肉實魚味濃，但未能帶來驚喜。 平日在坊間吃的大斑兩味，普遍一味多肉一味多骨。現在海斑兩食同樣肉豐，已值得加分。再加上這客「薑蔥香燒腩件」以熱鍋盛載，香氣迫人。以薑蔥爆香入饌，更是錦上添花。兩味大斑佳餚比較，小編較欣賞後者。「瑤柱扒豆苗」選用甜嫩的豆苗，伴以少量鹹香瑤柱絲同吃已有不俗的效果。 「富豪蛋白炒飯」飯粒炒得乾爽煙韌，清簡可口。 「澳洲帶子香煎麵」亮點不在帶子，而是脆卜卜的煎麵，趁熱吃相當滋味。 「紅豆沙」味道淡淡，明顯加了水，出品不合格。小編對「八公館」的菜餚評價不錯，但服務觀感一般。另外，只是晚上七時許已有多款食品售罄，亦予食客負面觀感，需留意一下。

Not only did they mix up our order, their service was abysmal. I was particularly shocked by the $108 dish of 黑豚肉 with only 2 slices of regular pork. And to top it all off, their manager had the audacity to make promises that he could not keep by offering us free dishes. Worst dining experience I have ever had. I would rather starve than to eat here. If only I could give 0 stars, I would.