元朗新記 (吳松街)

營業中

休息中

「新記雞粥」是元朗的老字號，今天有事出佐敦，順便來到佐敦的分店食碗雞粥。進入店舖，見到堂內也坐滿8成客人，看來口碑不錯呢！除了粥，還有粉麵，小菜，腸粉，種類很多呢！《金牌貴妃雞》例牌 $68歷史：新記獨創的貴妃雞，是挑選最新鮮嫩滑的母雞，用超過20種藥材及香料加上頂級的蝦乾及瑤柱烹調而成的，入口香懷而且帶一點藥材味。我和朋友share一碟例牌貴妃雞，有雞髀也有雞背脊，雞肉嫩滑，整碟雞都好吃。《魚腩粥》$33今次叫了魚腩粥試試，這個粥的魚腩份量都很多，魚肉嫩滑帶甜，粥也煮得很綿滑，這個價錢能吃到美味的魚粥，超抵。《紅燒乳鴿》$65乳鴿燒得很美味，皮脆，肉質嫩滑《杞子枸杞豬潤湯》$50這是我至愛的湯，豬潤軟腍，湯夠清甜，如果枸杞菜能多些則更佳。《魚蛋片頭河》$34

自從元朗新記雞粥喺佐敦開咗分店後，唔使下下走到入元朗就可以食到佢哋嘅招牌雞粥，真係好方便。除咗食招牌貴妃雞粥，我今日仲叫咗紅燒元朗脆皮乳鴿、炸蒜蓉雞翼尖同埋豬膶炒麵。招牌貴妃雞粥我近乎每次都會點，因為真係好好食。粥底軟棉又有雞味，雞又香又滑。最好係份量適中，食完粥仲可以食到其他嘢食。另一款經常點嚟食嘅，就係紅燒元朗脆皮乳鴿。乳鴿皮脆肉嫩，即叫即炸，上枱時仲熱辣辣嘅。依個乳鴿一定要趁熱食呀。今次點咗依道炸蒜蓉雞翼尖小食。估唔到一份有咁多隻翼尖。翼尖係脆炸，入口非常香脆，唔點醬已經好好食。但點咗醬汁後，完完全全變咗另一個口味。一碟翼尖，可以有兩種食法。食粥品，通常都會叫返碟炒麵或者炒米粉。炒麵略嫌普通？可以叫依個豬膶炒麵。炒麵夠乾身，亦麵夠豉油重香味，豬膶同炒麵一齊兜熟，豬膶炒得好好，外面脆，內裡剛剛熟，彷彿有入口即融嘅感覺、煎鵝肝般嘅口感。超掂。

新記雞粥呢個招牌一點都唔陌生，今次我地選擇左叫餸食飯，望住餐牌上各式各樣嘅家常小菜，個肚已經打緊鼓。加$17有白飯一碗同埋湯/飲品。今晚嘅湯係老黃瓜煲豬骨湯，另外點左杯凍豆漿；豆漿豆味幾濃亦唔會太甜。韮黃滑蛋炒蝦仁($69)大大隻嘅鮮蝦絕非急凍蝦，隻隻都爽口彈牙，而且份量一點都不吝嗇。椒鹽豬扒($56)炸得外層酥脆肉質依然軟淋，豬扒肉質係爽口嘅，唔會食落滿口鬆肉粉嘅感覺。以呢個價錢黎講，水準超班。椒絲腐乳炒通菜($65)通菜嫩口冇渣，炒得香口亦唔會好油膩，香濃腐乳醬汁配白飯食一流。最後點左兩款甜品，炸芝麻球同埋薑汁紅棗糕。芝麻球即叫即炸外脆內軟，內裏包着豆沙餡；紅棗糕薑味好濃，反而食唔出紅棗味。總括來講，呢度嘅小菜價錢合理而且碟碟都好有穫氣！

是日同事介紹哩間佐敦新開的元朗新記，在元朗先至食到出名的雞粥，唔駛去得太遠，但見到MENU上有其他好正的粥，所以就點左海鮮粥加豬肉丸，火腿炒油麵，炸豬大腸，粉蹄海螫，五花茶，豆漿同埋甜品姜汁紅棗榚五花茶，豆漿海鮮粥加豬肉丸味道唔錯，最好的是粥底沒有味精，可以食到原味！加豬肉丸真的好好味~火腿炒油麵火腿炒油麵真的少有得食，油麵爽口，加埋粥食真的好正，炸豬大腸炸豬大腸真的好正，現在好多食店都好少有得食，炸豬大腸香脆可口，粉蹄海螫粉蹄海螫真的好耐無食，粉蹄肉真系好味，最後來過甜品姜汁紅棗榚姜汁紅棗榚都唔錯，姜汁味重!

新記雞粥是我常常來的一間餐廳就算不吃粥 也有很多選擇當然這裡的雞粥是非常好吃的 雞很滑又濃味 真的很喜歡 今天這個是蠔仔粥 也不錯 很新鮮但今天我就試粥一些新菜式 蒸魚很滑 蒸得剛剛好 看圖就知道我有多愛了然後這是炸兩 滑滑的腸粉包著脆脆的油炸鬼 重點是醬是任你加 這也太貼心了吧 我是經典的醬怪啊 任加醬對我來說太重要了 哈哈蘇炸魷魚鬚是這定店我的最愛太太太彈牙了真的是必食記得一定要點啊這個炒通菜就普普通通了太滿足了哈哈哈哈哈哈

Lunch 忙到無時間食！唯有下午茶食豐富d補番數！🤩近近地黎咗老字號「新記雞粥」！口啖啖嗌咗個🐷腰🐷膶粥～哈哈。。正所謂補腰補腎好男人😎腰膶岩岩熟！個粥底軟綿綿！好有Home嘅感覺！❤️見係招牌菜嗌咗隻脆皮乳鴿😋一咬一扯d油bi曬出嚟。👍🏻👍🏻同樣係招牌仲有貴妃🐔🤩最鍾意食啖啖肉！唔鞋口！仲幾嫩滑Tim!人地食白粥配腸粉！貪心嘅我就鍾意配炸両！油炸鬼新鮮炸起脆卜卜！🈚️得輸😛

終於遇到更有質素嘅粥店，叫咗隻乳鴿 同 鮮蟹粥。乳鴿即炸熱辣辣，外皮脆卜卜，都幾大隻，唔係BB size, 好好食呀😍 人少少一兩個人，一樣可以嘆到👍🏻鮮蟹粥也是要推介一下，粥底好軟棉，肯定係無添加味精，講埋隻蟹...有鉗．蟹蓋．蟹膏．蟹腳，好足料，因為蟹殼都軟，唔洗架餐，一樣可以食得好斯文好乾淨，真心覺得好好食👍🏻唔怪得元朗開到港九都有分店，粥都有幾十款，除咗之外，見到餐牌有小炒．飯，下午茶同午餐價錢好抵食👍🏻

今日午餐時段經過佐敦吳松街，記起之前試過這間新記雞粥，餸菜大大碟 選擇又多，所以今日和同事再到此一食午餐時段除了有不同的粉麵飯午餐外 還有輕食的粥餐 ,當然還可以選擇大餐牌啦！XO醬炒蘿蔔糕 今日很想吃一些少煎炸的小食，所以選擇了這個xo醬炒蘿蔔糕， 外脆內軟，表面金黃色，脆炸但不油膩，還有一點蘿蔔絲呢！XO 醬加上鑊氣， 美味極。碎牛蛋粥碎牛混入了炸過的米粉程序真的繁複， 所以我只會選擇在粥店品嘗。牛肉價格持續上漲，但牛份量一點也不吝嗇，粥底軟綿、暖粒粒令人嘗一口已大大的滿足。午餐南乳豬手飯朋友揀選了豬手飯，午餐價錢有例湯送， 論性價比確實高，豬手大隻又炆得非常稔滑，味道一流，醬汁更可以用來撈飯！

作為一名健身教練,  定時定侯都要食下炒小菜行經佐敦, 醒起附近有新記分店, 而且比旺角店新D大D, 今晚想食番D港式野, 就過去食晚飯~ 蜆介鯪魚球次次都忍唔住叫隻乳鴿, 今次終於忍得住, 叫左想試好耐既蜆介鯪魚球,  成日見到人食大大粒好吸引!哇真係漲卜卜又大粒, 新鮮熱辣炸出黎, 口感彈牙, 有魚香之餘一D腥都冇! 仲有佢既蜆介都出色, 好耐冇見過真係有粒粒蜆肉係入面既蜆介汁啦, 咸香又鮮味!郊外油菜叫個菜清下口腔,  翠綠爽口~魚香茄子煲有超級多茄子! 仲排到靚靚仔仔, 茄子唔會過軟爛, 咬落去仲有茄子口感, 底下肉碎同汁帶微微辣味, 撈飯正! 椒鹽豬扒推推推介, 惹味到不得了,  撈飯一流之選!  豬扒唔會乾爭爭, 加埋炸蒜炒超香, 再多D辣味就直情係避風塘豬扒啦! 最尾食到一件不留。叫小菜加17蚊飯有野飲,  無意中見到依度有燉湯,  而且日日不同款, 依度既燉湯同出面茶記例湯冇得比, 足料又清甜, 今日既係蓮藕湯, 冇乜味精, 飲完完全唔會口渴~依度D小食, 粥品, 小菜都一樣咁得, 抵我KEEP住幫襯!

今晚在佐敦行完街，揾餐廳食晚飯，見到呢個裝修得很光鮮，聽聞啲雞粥好出名，又有位，於是入去試試。入到去，桌面已放左餐廳嘅招牌菜的菜牌，於是我哋按住呢啲招牌菜來點了。我地點了：1. 貴紀雞粥，呢個係餐廳必食的，當然要點啦。高貴妃雞好香好滑，好入味，配住軟綿綿的滑粥，好好食，我哋一陣已把它食光了。2. XO醬叉燒滑蛋飯，呢個亦都係另外一個招牌菜。蛋好滑，叉燒好鬆軟，加埋個XO醬好特別、好惹味，而且又大碟，好飽肚。除咗招牌菜，我哋亦都叫咗兩款小食：1. 鮮蝦腸粉腸粉好滑，鮮蝦好大粒，幾好的小食。2. 椒絲腐乳通菜叫返碟菜你幫助消化，碟菜好靚，好青綠，加埋啲腐乳炒，唔停得口。我哋都叫咗啲嘢飲。咁多樣嘢，只係二百蚊左右，相當抵食。

今日去佐敦做野，順便來出名雞粥的佐敦分店新記雞粥食粥，今次我們照舊點了馳名的貴妃雞粥，亦都試下新野田雞粥。特別鍾意呢度食粥的原因係每碗粥除左份量大之外，還有煮得特別綿，貴妃雞皮嫩肉滑，雞肉彈牙爽口，田雞肉都好新鮮，冬天食粥暖笠笠暖下胃好正。來親呢度食粥都一定可以食飽飽，因為每個粥餐係配埋麵和一杯野飲，我們點了蝦腸同炒麵，份量都係大大碟架。我們仲點左d小食有涼拌皮蛋和海蜇燻蹄，配粥食都真係不錯。食咁多野當然要飲野，跟餐加$8可以轉特飲七喜龍眼冰，大大杯龍眼冰好解渴呢！以後想食靚粥一定要來新記。

呢日黎到佐敦就打算食埋晚飯先回家，經過元朗新記見入邊都幾乾淨同光猛，而且好耐無食過雞粥，就比個招牌吸引左入去，順便可以食埋其他廣東馳名小菜。🔷蜆介鯪魚球 💰52 💙75/100鯪魚球足足有六大粒，完全真材實料，咬開可以睇到入邊完全係鯪魚肉，加上每粒都炸至外皮金黃，食果時仲好熱。叫蜆介我捻係應該鯪魚球有配埋個酸咸汁，汁入邊有蜆肉，鯪魚球沾上少少味道已經十分足夠。🔷海蜇生腸 💰52 💙65/100感覺食到有麻油的香味，海蜇及生腸都係好清爽的食物，凍食仲格外爽口，咁岩食緊果時聽到店員講生腸賣哂，應該都係好多食客會點的一味人氣菜。🔷泰式鳳爪 💰47 💙70/100泰式之所以叫泰式應該係佢個酸辣汁，呢道的酸味會比辣味明顯，且辣度不會很辣。另外鳳爪無骨，就咁成隻擺落口食到滿滿的根位呢。🔷叉燒腸粉 💰24 💙85/100腸粉為即叫即拉，因此腸粉皮非常香滑，另一出色位是其選用的叉燒係新鮮的蜜汁叉燒，同係其他地方食的叉燒腸好不同，每粒都大大粒而且食落不乾身。🔷蠔仔貴妃雞粥 💰64 💙75/100粥的份量都頗為多，因此兩個人叫一碗都應該足夠，以煲仔呈上，熱度十足。蠔仔沒有很仔，都幾多且大粒帶甘香，貴妃雞嫩

估唔到平時排晒長龍既元朗新記雞粥最近新開左係佐敦，方便好多，呢度除主打雞粥外，仲有好多款特色小菜。餐廳裝修清新企理，坐得舒適。貴妃雞粥 52貴妃雞粥係招牌菜，先講個粥底，夠晒綿密，有淡淡的米香味，果然係生滾粥。 雞件嫩滑鮮甜，淡淡鹹香味而不失雞肉味，粥既份量都好夠，大約有兩至三碗。紅燒脆皮乳鴿 65乳鴿又係招牌菜之一，賣相已經好吸引，size好大隻，炸得好香脆，間既肉仲好juicy，比美出色的沙X乳鴿，好好食。杞子枸杞豬潤湯 50自己本身好鍾意食豬潤，所以點了豬潤湯，滋補一下。豬膶好新鮮爽口，杞子甜甜的好味明目，直得一試。豉油皇炒麵 27炒麵最怕係預先整好一大鍋，放耐左啲麵過淋，呢度做到岩岩好，色澤均勻，質感唔會好淋，且而唔鹹，岩送食粥一流。炸鯪魚球 52大大粒鯪魚球，炸到脆卜卜，賣相好吸引。啖啖都係鯪魚肉，好足料，沒有粉感。但蜆介汁有點過鹹，會蓋過鯪魚球的鮮甜味。

雞粥成日都食，今日就試食蟹粥 $52，嚐一口粥很軟綿，充滿蟹香味，果然粥做得出色，怪不得同事極力推介必吃，水蟹雖然不是當造，但食落蟹肉也鮮甜脆皮乳鴿 $65，炸得外皮又香又脆，肉質鮮嫩煙韌，保持水份，一點也不乾，份量不少，啖啖肉，食乳鴿就是要外皮脆內裏juice，完全合格香脆炸大腸 $52，好耐冇食炸大腸，因為有水準的炸大腸已經買少見少，一於點來試試，外觀合格，炸得外皮啡黃色，整理得乾淨的大腸，食落一點腥味也沒有，甜酸醬也做得出色，酸甜度適中，點上甜酸醬，食落更有層次感，更開胃除咗食粥出名之外，另外都提供小菜，就點了椒腐炒通菜 $43，份量不太大，兩個人吃剛剛好，獻汁調得剛剛好，不濃不淡，新鮮碧綠，食落爽口

今日同媽咪去食粥，諗住呢間雞粥係賣點就一定好味啦，點知原來唔係剩係有粥食，仲有好多正嘢：我哋叫咗香脆炸大腸、蠔仔粥加豬膶、燒味拼盤、蛋白杏仁茶，同埋炸芝麻球。個粥好味就不在話下，啲豬膶好新鮮好香甜，依啲燒味拼盤都好有水準，同燒味檔有得fight!香脆炸大腸就好大份，好似食極都食唔晒咁，哈哈。不得不提嘅係個炸芝麻球，建議大家朋友後上，因為熱食真係十分之好味。食飽飽之後飲返碗蛋白杏仁茶，潤下之餘又可以美顏，成餐飯好令人滿足！