元朗冰室

營業中

休息中

唔知點解 就係好鐘情香港既茶餐廳！無論返工放工，還是放假食晏！都係鍾意去茶餐廳開餐食！太子地鐵站附近有間茶記！平日早上就有唔少街坊幫襯~今日同朋友去，食咗兩份三文治餐！我介紹我份蛋治！雖然只係白麵包加雞蛋嘅簡單食材！但就已經覺得好滋味!炒蛋份量一啲唔吝嗇，蛋味濃好香啊！而且一啲都唔老，食落仲有蛋汁添！勝過好多普遍茶記炒蛋！咖啡是即磨，無論色、香、味也超水準！呢度既環境乾淨而且寬敞！早上十點比較清靜，大把卡位任坐！有好單單人匹馬客都有卡坐真的不錯！卡座唔係你腳撞我腳咁，人流都算多！不過應該係附近老街坊多！

第一次去嘅時候，係佢新開無耐，佢最出名係佢嘅豬扒，特別大份，送餐時間一般，有漏單嘅情況，如果遇到極品職員，真係令你嘩然。叫佢落單，態度差不特止，如果要加單，佢會同你講，之前個張單都未入電腦，加唔到單。🧐 佢唔會識得將兩張單一齊入落電腦.....嗰度啲枱特別細，四人座都好迫，唔夠坐，有次嗌左Pizza食，足足等了45mins , 最後食得個兩啖就要走。不過佢都有賣點，叫做兒童鴛鴦 （飲品），幾特別可以值得一試

今天食下午茶又係叫炸豬扒，難得夠大又厚新鮮又juicy! 辛辣麵夠辣，多士都新鮮好味！不過$50下午茶，價位「浪」咗D！要keep住晤好變細塊豬扒呀～朋友叫雞肶都juicy好樣好味的！不過我暫時未想試其他餐，次次叫豬扒！

令人好失望嘅梅菜扣肉飯餐。首先，同餐牌上嘅照片差好多，冇色冇南乳味，似清蒸豬肉多啲。仲要暖暖哋，一啲都唔熱忍唔住請服務員幫我叮熱啲，點知叮完一樣係唔熱，惟有照食，但見倒最面上有塊豬皮超多毛,睇見都唔開胃豬肉之間夾住好薄嘅梅菜頭片，本來係有心思，但已經蒸到淋晒，入口似舊痰，唔敢再食；梅菜又淡，得少少咸味，仲要有沙！難得放肆一次食梅菜扣肉，結果極之失望！

這間“元朗冰室”，不在元朗，而是在旺角太子站附近；傳統冰室的環境、熟悉的冰室食物，就是包羅萬有 ❗所以午餐就吃“鹹魚肉餅飯”套餐。傳統做法的肉餅，軟滑可口(因為溝咗肥豬肉），但鹹魚味不足，扣分❗ 飯量足夠，大飯桶都可以餵飽❕這就是香港冰室的風味，但因位於市區，價錢略貴一點❕

年初三12:00進入坐下， 舉手很久才有職員來下單， 叫了三個餐加單叫奶醬多， 職員郤提我是單叫的， 我話知道， 手寫單有寫奶酱多， 打單沒有單入去。來了飯是生米加冷飯，入不到口， 奶醬多冇來， 重新再叫，幾位職員不理會或應了就算， 再次舉手叫才入單送來。未入座前枱面有上手的人功雲吞， 叫職員執郤不理會。一定冇下次， 比錢食冷飯， 漏單加番又冇人理， 不要幫襯， 谷氣走😡😠😤在太子站對面， 舖頭大間，人手不算少， 可惜只是倒米的😫

沙爹牛肉包個包係鋪滿芝麻嘅除了 沙爹牛肉之外 麵包上枱嘅時候都係熱嘅呢個值得加分 而且佢會有啲肉汁留喺隻碟度可以用嚟點完麵包 跟住放落口，一流杯奶茶唔錯主要係夠熱 將所有砂糖都溶曬係有少少唔夠茶香 同埋唔夠奶滑但絕對對得起佢嘅價錢

今朝晨咁早要搭直通巴上大陸 黎到都係六點零 附近所有餐廳都未開 呢間元朗餐廳開六點半 所以冇得揀情況下揀咗呢間因為平時我除咗美心，大家樂，大集團之外都唔係好在其他餐廳食早餐因為而家出面啲餐廳俾餐都係單蛋單腸一係淨雙蛋，冇好似大集團咁就雙蛋雙腸 但今日叫做焗食呢間冇辦法啦呢間食下午餐我食過嘅 早餐就真係未食過咁有個沙爹牛麵ok嘅只係唔夠熱，湯亦唔係好夠老婆食雪菜米炒滑蛋我改咗雙蛋但係又係嗰啲典型好似用水煮出嚟嘅蛋咁完全唔燶邊佢個 蒜蓉多士都唔知係咪四點幾五點幾已經焗定 食嘅時候完全係硬嘅飲品有齋啡，係即磨嘅呢個係good 旺角嚟講35蚊一個早餐冇乜投訴㗎喇因為都算飽肚又開得早但係你話我會唔會特登嚟就一定唔會囉

朋友推介這間冰室的厚豬扒很鬆軟，于是中午我和媽媽行花市前就去試食，這個位置很容易找到，入到冰室，店員很快安排我們入坐卡位，點餐時，店員很有禮貌，環境也很潔淨。食物質數很好。全日早餐，只需加$5就可以轉紅豆冰，甜度適中，紅豆很軟，很有椰汁味特餐個蒜末蒜蓉厚多士，麵包很新鮮，炒蛋很嫩滑厚豬扒，果然名不虛傳很厚！很多汁！很嫩口！味道亦很入味👍🏼👍🏼👍🏼👍🏼特餐亦可加$3就可轉出前一丁，有小許菜加紅蘿蔔絲，色香味十足。

不能獨自出外又無人煮飯，屋企附近外賣食到厭，唯有等家人放工買外賣回家做晚餐，今日W生買來兩款厚豬扒飯，其實豬扒係一樣味道，祇係配菜不一樣。厚豬扒配蓮藕餅飯豬扒係幾厚，又幾大塊嘅，質感軟但係肉味唔夠，同時帶有輕微的鬆肉粉味道。唔......不過不失啦....反而個配菜啱我口味多啲，蓮藕餅有粒粒蓮藕，豬肉有質感和肉味，與蓮藕好夾，好味另一個配菜係特製酸菜，酸菜爽口又夠脆，話明係酸菜梗係酸啦，不過唔識分經過咩嘢特別處理方法呀。真係唔講唔知....哈哈聽屋企人講呢間冰室有好多分店，上星期經過旺角，見佢又開一間。

無做過功課，純粹經過趕住食飯就入左依間餐廳，心諗係太子但係叫元朗餐廳，應該做得幾好先出黎太子開分店既?!入到去諗住開OPEN RICE睇下有咩推介，見佢話自己豬扒好得，但係係OPEN RICE睇既食評有D人又話唔得…於是唔試喇，反而想試下咖哩！於是叫左個咖哩魚柳飯。嗯，一黎到我係好好好後悔的…因為佢個樣Ｄ汁都好稀下…食落去係唔重咖哩的味道，係有Ｄ辣味既，可能我鍾意既咖哩有椰汁，但係依個無椰汁味所以我唔太鍾意。不過要讚下既係…本身以為咁大碟下面有Ｄ咩，一打開係有菜墊底！Ｄ菜幾好食…薯仔夠腍…嗯，全部配菜都唔差，係２大塊魚柳「林林」地…不過最想講的是！！！有個阿姐好好！全程走黎走去，但仍然面帶笑容，舉手落餐佢未得閒會笑住同你講「唔好意思阻一阻你時間」！一個燦爛既笑容讓我非常落意等！其實仲有個後生仔都係好好笑容的，服務值得一讚為左咁有心既服務，下次再黎試食豬扒！

《元朗冰室》 #食在太子📍太子太子道西141號長榮大廈地下G2-7號舖-冰室系列黎到元朗冰室 但今次係食太子分店 但元朗係無元朗冰室😂通常係呢類餐廳我諗唔到食咩就會食焗豬扒飯或者肉醬意粉🤭午餐：🔹焗豬扒飯/意粉 $53 凍飲+$3炒飯底 但無咩味 蛋飯分離 又無炒飯嘅香豬扒就超淋 全程用匙羹就食到 有鮮蕃茄數件 菠蘿 洋蔥 芝士 配料算ok但個飯真係唔掂 一係比多d汁撈埋食 最後淨左d飯價錢都偏貴 快餐店嘅仲好味都平過呢間🤔🍴3/10

雖然食個LUNCH話唔好咁大要求，不過，比得錢出來食飯，梗係想食好dd啦，呢日去左呢間冰室食飯，見餐牌寫住厚豬扒，咁就落order，點知個餐來到，我真係想問個阿姐咁叫做厚呀?  呢個餐既價錢都唔平架，成$50，但係完全好失望囉，下次都唔會再叫啦。

最近太子多咗好多好嘢食咁岩見到元朗冰室，就入去吃個中午飯，位置寬躺但同普通冰室一樣座位間隔多，香港租金貴，都明白既。叫咗呢個厚切豬扒飯配辣肉醬肉醬非常嘢味價錢係$53豬扒嫩口多汁以呢個價錢算非常抵吃辣肉醬感覺有很多四川辣椒漿嘅調味係入邊，很好送飯。豬扒比手掌咁大，非常厚身，正正這裏還有網絡十分體貼服務也不錯很快就想餐元朗冰室開得咁快也是有原因的希望他們能夠保持水平飲品也算不錯下次會去試吓佢哋嘅紅豆冰

今日10點幾就到左太子，見未到約定時間，就去左食個快早餐，見到附近有一間元朗冰室就入去試下，早上非繁忙時間唔需要等位，侍應安排左我坐卡位，我今次點左沙嗲牛肉麵配蒜蓉多士滑蛋，熱奶茶，沙嗲牛肉麵正正常常無咩太大特別，牛肉偏靱少少，多士既牛油蓉蓉唔夠香，但烘得唔錯，脆口得黎唔會太硬，滑蛋要讚一讚，好滑溜又夠香，熱奶茶唔錯，茶香奶滑，正宗港式奶茶味道。