元朗冰室

營業中

休息中

晚餐鰻魚烏冬份量少，鳗魚得兩舊，比一般下午茶餐還要少，收$70。所謂厚切豬扒细塊又乾又鞋，號稱招牌菜都做成咁， 服咗佢。收銀個肥師奶態度好差，問佢取廁所锁匙，良久才答：門口攞啦！茶記少有簿仔張單無價錢，問佢取單，要先收錢，再出單，出了單不屑地講：攞去啦！當人乞衣。 如果唔係開正中港客運熱點，多內地客懵然不知，或貪方便一次性幫襯，應該執咗好耐！！總括而言，不會再幫襯 。希望香港餐飲業引以為鑑，改善一下質素及服務態度。

餐廳於1991年創立，招牌菜為厚豬扒，大塊厚切，肉質嫩，啖啖肉，有多款主食搭配，老少咸宜，值得一試。下午茶餐推介奶油脆豬，味道質感似法包，超級長，金黃色，外脆內軟，搭配豬扒可增添口感。另有熱狗、沙嗲牛肉包 、雞髀、蛋牛治、西多、Pizza等，新鮮熱辣辣，食落唔油，份量十足，大件夾抵食，難怪會坐滿。特餐可自行選擇主食，配菜、多士及蛋嘅烹調方法。邪惡之選有沙嗲牛肉公仔麵，牛肉大塊又唔嚡，麵條軟硬度適中，掛汁，湯底鹹度啱啱好，搭配蒜蓉厚多士同炒蛋，唔會唔好食。晚市限定有火辣烤雞，即叫即整需等候30分鐘，上枱時香噴噴，原隻上，賣相吸引，外皮燒至微微脆身，咬落嫩滑爆汁，絕對值回票價。

極品厚豬扒配沙律： 厚切豬扒好厚身，外層香脆，入面juicy到爆，仲要冇筋，啖啖肉，配合沙律嘅酸甜甜，剛好解膩，正！ 香炸雞脾配沙律：估唔到連雞脾都咁正！金黃脆皮，一咬落去，肉汁多到瀉！雞脾肉真係好嫩滑！ 手拍青瓜：勁驚喜！青瓜超級爽脆！ 大量芫茜+紅椒+醋+辣油，好惹味，勁鍾意！不過唔食得辣嘅慎重考慮，因為都幾辣吓架！ 一口西多士：外脆內軟，炸得好香。除咗有牛油同煉奶，仲有朱古力醬，不過如果再多啲醬就更正啦！乳鴿：皮脆肉嫩，醃得超入味，根本唔使點淮鹽，好食到舔晒手指！ 紅荳冰：懷舊風味！紅豆煮到起沙，甜度剛好，而且有好香濃嘅椰汁味， 食完熱氣嘢飲一啖，勁爽！ 凍檸樂：經典配搭！而且同香口嘢好夾！檸檬夠fresh，可以解吓膩。

呢間餐廳位於繁忙地段，交通方便，非常適合想快餐嘅人。餐牌上有多款選擇，通粉入面有三色豆，自己睇路，凍奶茶味道唔錯，口感平衡，唔會太甜，非常適合炎熱天氣飲用。餐廳提供QR code，自助落單方便快捷，食物上得幾快，適合忙碌嘅上班族或學生。雖然餐廳主打速食，但整體服務質素都不錯，員工態度友善。不過，湯底方面就比較普通，唔好期望有特別濃郁嘅雞湯味，味道上有少少失望。適合隨便食一餐，特別係想快速解決午餐或者晚餐嘅朋友～～

餐廳最招牌係厚豬扒，可以配飯、湯麵，仲有豬扒包及豬扒沙律等人均幾十蚊食得飽飽，鄰近地鐵站，24小時營業，抵食又方便🎈招牌厚豬扒配魔鬼醬脆豬包豬扒包超大個，比平時見到嘅大成倍麵包烤得香口，夾住厚豬扒、蕃茄同生菜口感juicy帶有蛋黃芥末醬香味，味道有驚喜🎈厚豬扒拼沙律豬扒真係好厚身，兩邊煎香唔會好多肥肉而做到爽彈有肉汁，係幾正嘅以為沙律係一般茶記沙律，估唔到裡面會有新鮮蘋果，like✔️🎈炸雞脾大大隻雞脾外皮薄脆，內裡有肉汁啖啖肉嘅感覺好正🎈特餐湯麵配炒蛋、蒜茸厚多士同熱飲，價錢合理仲可以加錢要塊豬扒添蒜蓉多士好香蒜味，跟特餐食到又幾有新意🎈照燒汁鰻魚丼原條鰻魚幾厚肉，醬汁甜甜哋配有中華沙律，伴碟配菜有誠意另外跟豬扒餐加咗肉醬，辣度好足，好啱送飯

果然名不虛傳，有實力。啱啱下午茶時段，茶餐有好多款選擇。食物端上枱，出乎意料，又足料，又大份，不得不推介。📍Double 厚豬扒飯🍚兩塊厚厚的豬扒，真的好厚。咬落去多汁入味，配上辣肉醬，絕配。估唔到這個新鮮配搭咁惹味。🥘自家制辣肉醬，好惹味，必追$5📍紅豆冰甜度適中🤭只$5必加🧋📍招牌厚豬扒脆豬包（配魔鬼醬）🍔嘩～超大份，簡直係深水潛艇，一開二之後都仍然勁大份，仲大份過好多其他店豬扒包，而且豬扒真係好厚肉多汁，又有我最愛嘅豬扒骨，簡直係性價比超高。📍香炸雞髀配冰室沙律🍗最驚喜就係沙律，自家製仲有好多蘋果粒粒。雞髀翼都啖啖肉，十分可口。📍冰室一口西多士🍞一上碟，勁大份，配上朱古力及煉奶，好味😋。與法蘭西多士（入邊有花生醬）不同呢，啱晒想食西多口感但又唔鍾意食花生醬嘅朋友。感覺到誠意滿滿🤭📍禾味燒bb鴿🕊️簡直有驚喜，估唔到茶餐廳做乳鴿做得咁出色。😍原來佢係自家製乳鴿，不是出邊入貨，怪不得味道調教十分入味。食完一隻又一隻，唔洗去酒樓都可以食到。另外，厚豬扒篇，入面有好多款唔同嘅組合。老闆話佢個咖喱汁都係自家製，下次必定要試。😋😋😋😋😋最後，不得不讚賞呢度嘅伙計及經理嘅服務態度，真係咁忙嘅時候

早餐食到一件熱辣辣嘅新鮮多士, very good😋呢間餐廳火腿係選用金妹牌火腿, 係特別香啲嘅👍🏻服務正常ok高能量嘅我又發揮我嘅魅力喇😂😂坐我前面枱嘅伯伯姨姨, 一坐低就擰轉頭望我枱上面嘅食物, 咁我就噏兩句話你可以手機點餐, 之後阿姨姨直頭走埋嚟問我點樣點餐🤣🤣🤣見佢態度良好就幫下佢啦, 我唔係人人傾㗎😌😌

点了一个猪扒饭，等了50分钟，还没上，中间叫了3次服务员，等了30分钟时叫了第一个服务员，听了没理我。到了40分钟时第二个男的，很凶，说你点的这个是猪扒饭，时间当然要长一点，等到50分钟，再去问的时候，发现根本就没下单，我当时脑子懵了，说，把钱退给我，我走了，他很凶的说，你钱都没给，你走啦

其實我好鍾意去元朗冰室，記得第一次去係好出色好好味好可惜⋯琴日朝頭早落去太子，經過入去食個早餐⋯叫咗一個美式早餐，都唔平㗎，要成50幾蚊睇佢餐牌嗰張相幾豐富幾靚，我當然知照片是供參考啦🫠但係冇諗過落差可以咁大，原本佢係薯蓉，轉咗茄汁豆佢唔講，我根本都唔食茄汁豆嘅，咁即係成份早餐已經少咗啲... 夾硬試咗少少⋯凍嘅⋯⋯⋯搞錯餐牌張相最少都有3塊蕃茄，佢實物只係得1塊⋯仲要個size只係大過五毫子少少⋯餵貓咩其他荷包蛋火腿都正正常常嗰塊雞肉，我相信你哋睇相都睇得到，佢係有幾咁細塊仲要係好薄嘅，仲要係炸過龍嘅⋯50幾蚊食過咁嘅早餐🥹我真係好失望

蛋治：黃油香氣裡的童年回憶** 「蛋治」（雞蛋三明治）是冰室早餐的永恆經典。太子元朗的蛋治堅持「厚蛋」路線，將滑嫩的炒蛋夾入烘烤過的奶油面包中，蛋液半熟狀態下包裹著微融黃油，入口瞬間香氣四溢。特別的是，店家在蛋液中加入少許牛奶，讓口感更綿密，搭配脆邊吐司，完美重現老香港的「平民奢華」。**熱利賓納：黑加侖子的療癒魔法** 冷天必點的「熱利賓納」，是香港冰室獨有的飲品文化。黑加侖子濃漿加熱水沖泡，酸甜果香撲鼻，入口溫潤順喉。太子元朗的版本特別調整甜度，減少糖漿比例，凸顯天然果酸，並附上一片檸檬增添清新感。冬日捧著熱杯啜飲，暖意從舌尖蔓延至全身，堪稱港式「養生特飲」。

琴日夜晚去同太太去食飯，短頭髮紮少少辮四眼妹近住大門口，員工態度極其惡劣，非常沒有禮貌，豬扒飯味道極鹹，員工態度極其惡劣，唔怪得知香港人個個走去北上食飯，消費，所有飲食行業，永久進入寒冬。 絕對唔會有下次再幫襯。出污糟呀

路經附近食個lunch，由走入鋪頭開始，冇服務，冇禮貌。自己搵位坐，手機自助落單，自己斟水，問一句都呼呼喝喝，員工態度極差，喺餐廳裏面大大聲講嘢嘈到拆天…… 聽見其他食客在詢問員工一些點餐事宜員工對此態度極差像鬧人般…咖喱厚切豬扒飯，味道普通，咖喱味不夠香濃，飲品方面叫了熱齋啡，冇乜咖啡味……同場還有一些旅客在本人座位旁邊打開旅行喼並在旁邊大聲談話，在場員工卻視而不見…其實從來冇期望在此會有什麼服務，但在此用餐感覺極差，不會再幫襯。

剩係叫個常餐，煎隻蛋，啲蛋白仲係透明，多士又無牛油，不過嘢食其實都係其次最想講就係佢惡劣嘅服務態度，食左茶餐廳咁多年，重未見過一間服務態度咁惡劣嘅餐廳，入到去基本上唔會有人理你，叫左好耐都無人幫我落單，個個都唔想做咁，唔明點解會有咁多人去食！應該係個度附近第一間餐廳。

入到去服務態度已經極度惡劣，冇人理＇重點嚟錯兩次食物，兩次話俾佢哋聽，佢哋嘅態度都差，唔承認，當第二次再嚟飲品嘅時候，仲要俾佢鬧返轉頭，我大大聲聲鬧返佢，佢先肯換返俾我，總之啲態度係差到爆＇睇返啲評語，原來個個都話呢度啲態度係出名差，果然並非浪得虛名記豬扒係OK嘅，但係除咗豬扒之外冇樣嘢好食奉勸大家千祈唔好過嚟，否則會好勞氣而且個廁所係咪出邊，入嚟嘅時候講幾多位都冇人理，自己搵位，自己落單，差唔多要去廚房自己煮

職員態度差，做嘢慢吞吞，今次無入去啦，門口已經趕客走！講緊已經夜晚8點幾，有好多吉枱都唔想招呼客人入去。做老闆嘅請花時間睇睇啲伙記，係真心生意多到唔休做？定係前線伙記自己態度出問題？