元朗冰室

營業中

休息中

呢間元朗冰室喺太子，特餐由朝早十一點開始供應，可以自由配搭餸，加三蚊多一款，唔驚唔夠飽！除咗必備嘅沙嗲牛肉雪菜肉絲等等，加十蚊仲有厚豬扒。既然sell自己係厚豬扒專門店，當然要試吓佢哋豬扒。個豬扒雖然望落唔大舊，但的確比平時食嗰啲厚，切開已經見到好多肉汁，個皮煎得好香脆，啲肉好滑、唔韌，果然係好好食。至於個麵，份量都幾多，用大碗裝，沙嗲牛肉同雪菜肉絲都好多，仲有兩舊午餐肉。平時食呢類餐好怕唔夠飽，食呢一個絕對唔會。特餐當然唔少得個包同蛋啦，個包加咗蒜蓉焗，好脆；炒蛋好滑。除咗常餐，見到全日早餐都好多人食，下次再嚟可以試吓。

好多次經過門口都冇入黎，今次終於啱時間，入黎食個晚餐。見到厚豬扒套餐，心諗網名黎啫，兩塊厚豬應該緊緊夠飽，就試下佢。等到上菜，真係唔係講笑，兩塊咁大塊，一路食一路驚食唔完。最終食完兩塊扒，飲埋汽水飽晒，冇食過d飯。美中不足頭頂冷氣出水，希望有改善啦。

早上約8:15到達餐廳，尚算人多但仍能找到位置。我們一行四人分別點了4款早餐，其中普通早餐(A-D)只需$35，而包含豬扒的早餐稍貴，另外凍飲加$3。早餐A-D均附送蒜茸包，A-C更有炒蛋，非常飽足。D餐蕃茄湯牛肉通粉湯底味濃，但配菜三色豆賣相及味道一般。C餐雪菜肉絲火炒有大量雪菜及數條肉絲，整體味道偏淡。西式豬扒餐賣相吸引，豬扒於上菜時仍熱辣辣，似乎為即時製作。豬扒雖然脂肪較多，但味道不錯。總體而言，服務一般但食物性價比高。

我好少會喺呢度擺一啲我覺得唔好食嘅嘢食，因為我覺得搵食艱難，少不免都會有啲quality上嘅問題，但係今次真係不吐不快！嗰日想食茶餐廳，喺太子見到呢一間元朗冰室，見佢裝修都OK就入去食啦。Dear姐呼呼喝喝，係咁趕住問我地要食啲咩咁。之後我求其叫咗個餐，入面個肉醬死鹹，啲豬扒拿到已經冇晒味得啲梳打粉味。之後啲姐姐抹枱有眼麗麗好似覺得我哋阻住佢咁。總之成個experience好差。俾錢我都唔會黎。又貴。

名為元朗冰室，不過係九龍開既。最初第一次食係深水埗果間，但呢一年呢間野瘋狂開分店，睇黎幾好撈...黎得呢間茶記，一定係食佢招牌厚豬扒架啦。50幾蚊加條腸同野飲。個厚豬扒一如既往keep到水準，大大塊厚切，兩邊煎香，外面有少少脆脆地，入面既肉好腍，但又唔會覺得係鬆肉粉啦到林patpat，味道上唔咸唔淡，點一點佢既特製豉油，用黎送飯就一流。個腸就普普通通啦，冇咩好講。唔係幾好既地方係佢d配菜又凍又冇味，我寧願唔要。呢間野第一次食既時候先43蚊 估唔到兩年後加到就黎60，令到性價比都下降不少。

下午行完街覺得有d攰加上有少少餓諗住這裡個地方坐低休息下.店鋪面積都算幾大,都有唔少人,不過好在唔使等位.見到仲有下午茶餐可以點,就點咗兩個試下.佢哋嘅下午茶餐時間到下午6點,炸雞脾份量都可以,外皮炸得好脆,肉質都可以,不過薯條一上臺就已經係凍嘅,另外脆魚柳比較薄一塊,份量唔算多,搭配嘅沙律唔錯係水果沙律,另外跟餐嘅咖啡一般,加咗錢換個紅豆冰都算唔錯,唔會太甜,紅豆唔會一粒粒.整體嚟講一般,不過都幾適合休息坐下食個下午茶.

想食間cafe勁多人排隊... 唔想等所以就周圍行 搵到呢間冰室 上去openrice睇到佢都幾多分店心諗應該唔會太伏嘅... 位置幾方便 就喺地鐵站附近 幾步就到 咁野食都幾多選擇 上至拉麵下至all day breakfast😂😂😂 當然價錢高個普通既冰室 講返個adb 49蚊包熱飲 加五蚊可以upgrade到紅豆冰 但係我就冇揀 個餐本身都幾豐富 雞扒/牛柳/魚柳三選一 加埋炒蛋 火腿 茄汁豆 兩條黑椒腸 沙律 牛角包 擺盤真係唔靚 好鬆散 如果用細啲嘅盤會好好多 睇上去冇咁寒酸😂😂😂 除左牛柳之外其他既都係凍凍地 扣左好多分數... 尤其是個包... 擺入微波爐轉個三十秒都好喇... 牛柳幾好食 普通茶室水準 炒蛋質地都OK但係唔夠咸 好似冇調味咁... 其他既除左凍之外 仲比得勁少 我呢個女仔都食唔飽...伏唔伏見仁見智喇 但係我就唔會再幫襯

厚豬排一流，不時都會想返黎食。叫左個特餐，加$10可轉厚豬排。價錢唔算好抵，但晚餐黎講算唔太貴，厚豬又好食。我特登另外買左一份外賣比屋企人食，叮幾十秒後都好好食。

是夜會食dinner buffet, 所以二點食個下午茶餐的飽點便算！$31的熱狗皇包熱飲熱狗條腸大條蓋去已烘過的麵包，加埋生菜蕃茄同醬，十分幸福滿足$30 沙爹牛肉包跟熱狗一樣的熱烘芝麻包加了一片片分明的沙爹牛，只嫌汁太多，麵包淋了些！抵食又用心👍🏻

今日是復活節假期的最後一天，有些不捨，只好及時行樂。早餐可以慢慢品嚐不用太趕，可以輕鬆腦放空休息一下。環境舒適坐的位置不會狹窄，燈光光猛，給人感覺很有活力。裝修一般，跟附近的普通茶餐廳差不多。我㸃了馳名厚豬扒全日早餐，豬扒真的很厚身😊😊😊😋肉質鮮嫩不硬，腸仔不算大條，有香草味道，特別好吃😋沙律裏面有我最喜歡的芝麻醬，還有牛角包🥐好香的牛油味、炒蛋同火腿茄汁焗豆。這個早餐很豐富太高質素了。

當你食得多西式嘅All day嘅時候，不妨轉下港式嘅all day都唔錯喎🤩🤩🤩呢間冰室主打厚切豬扒，之前食lunch嘅時候食過一次，豬扒確係出色今次試吓呢度嘅早餐先，既然出名食豬扒梗係一定要食返豬扒啦帶咗個全日早餐，有豬扒，炒蛋，火腿，茄汁豆同多士，不過早餐嘅豬扒並唔係厚切，不過同樣都好出色啵，豬扒煎得岩岩好，好鬆厚👍👍👍朋友就嗌咗個沙嗲牛肉麵早餐配炒蛋多士，碟炒蛋炒得好出色好creamy，不過食落去就爭小小味道，同埋略嫌少左啲蛋味

今日一朝出咗街整指甲 整完之後好肚餓就周圍搵食啦 醒起近來見到附近都開咗好多間元朗冰室 有啲好奇 就行咗呢近近哋呢間睇下有咩食 望一望餐牌 見佢係做招牌猴豬扒 有啲興趣 就入咗去一探究竟叫咗個焗意式厚豬扒飯 加一個熱即磨咖啡 加埋56蚊 價錢都幾公道 到個飯嚟咗 好明顯係超級新鮮即焗 因為我唔覺意掂到個兜 辣親 起水泡 但當然唔會怪佢啦 係我唔小心但亦都證明咗佢究竟有幾熱同新鮮 值得一讚哦 初初佢講到咁勁話厚豬扒 但價位又吾係太高 我都半信半疑 但一食便知龍與鳳 又掂喎 豬扒係有番咁上下厚 而且大塊到冚住左成兜飯 加埋個蕃茄汁同炒底 正另外個咖啡都一啲都唔hea 係即磨嘅感覺 好creamy 一杯差啲吾夠喉 哈哈

位於太子站C1出口，地方都幾大，又多卡位。午餐款式多，價錢唔貴，幾抵食。沙薑咸鷄飯都唔錯，份量足夠，鷄夠咸味，啖啖肉，沙薑蓉幾惹味，咸鷄嘅最佳配搭，送飯就最啱，加埋熱奶茶餐飲，幾實在嘅午餐。

茶餐廳來講元朗冰室都算幾闊落，有好多位唔使驚同人逼。我就貪呢度食物種類多，唔怕朋友冇心頭好。各有心頭好就最好。我自己就平平地叫午餐，50元有找算幾抵食。而且質素都幾有保證。沙薑雞，大大件。大約有四分一隻雞。沙薑汁好好味，撈飯最野味。個白飯靚仔都算大大件。餐具都算衛生但當然要衝沖水啦。加凍飲要凍檸茶都係加三元，正正常常普通貨色。貪佢個位闊落又落地玻璃。可以睇到部車唔使驚俾人抄牌。平平地窮食又一餐。埋單接受八達通付款。

食物只是一般，普通茶餐廰質素，唯一欣賞全日早餐有沙律菜，不是茶餐廳的什果沙律可能是位置問題，價錢較貴（以同樣質素比較）。職員十問九唔應，答「有就有，無就無」，「寫咗喺度」，都唔答人。附近有很多其他選擇。