傷心酸辣粉 (已結業)

平時經過都好多人, 昨晚早咗去, 見人唔太多等了一陣就有位, 有位肥哥哥好好禮貌咁介紹我地,話剛剛推出咗個 好低食只是$78,咁低一於試吓, 豬骨粉似紅薯粉, 口感好有彈性、好Q, 而且有不同辣度撰擇, 我就要了BB辣而我老公就要小辣, 好味道! 另外口水雞(少辣) 和手拍青瓜就同口碑一樣好味道, 我地另外再叫了尖椒皮旦及鹵水拼盆,尖椒皮旦簡直一流, 皮旦晶瑩剔透、旦王糖心, 真係好好食!!!!

之前同朋友A己經去過呢間位於深水土步的總店食過一次中辣的酸辣粉, 辣到食唔到咁滯 (因為見到鋪中有郭x城的幫襯照片, 他都係食中辣, 所以當時都叫左一樣, 原來真係好辣......)今日同朋友A和朋友B一健完身, 朋友B一向都好食得辣, 於是朋友A建議去呢間食店, 叫朋友A去試大辣的酸辣粉 !可能未到食午飯時間, 整間鋪只有三檯客, 地方都很清潔, 讚員工見我地三個大男人 一人一袋野, 安排左我地坐六人檯, 真貼心, 員見我地左睇右睇, 於是介紹左我地食一個二人餐加一個一人套餐, 佢話呢個配搭係最抵, 一人會一碗酸辣粉, 加埋總共四個小食或小菜, 仲一人有一坏野飲, 反正我地無咩主意, 一於試下呢個組合, 我地叫左:三碗酸辣粉 - 兩碗小辣, 一碗大小辣 口水雞 (BB辣)青瓜 (BB辣)豬肚 (BB辣)牛柏葉 海蜇(BB辣)我果碗 酸辣粉味道唔錯, 酸辣分佈平均, 配料有花生, 肉砰, 好滋味; 朋友C果碗大辣成碗面都有一層半吋的辣油, 不過佢就話唔係好辣, 但我見佢一住食一住流緊汗.......口水雞 - 無咩雞味, 不過都預左, 可能叫左bb辣, 變左無咁香口青瓜

之前一直都好想試吓依間店，今晚見有位就入去食，有位肥哥哥就介紹我地食個二人餐，包括有兩碗豬骨粉、一碟口水雞、一碟青瓜及一碟豬肚絲，都係$78咋，好低食並好好味添，跟著我地再叫了碟皮旦及碟鹵水拼盆，皮旦真係一流，晶瑩剔透兼糖心皮旦~~~~讚。埋單都唔洗$200，非常低食。

傷心酸辣粉剛開起在深水埗時，還道是家很背的餐廳，因為裝潢不好，很有國內土氣的感覺，而且名字也有點彆扭，所以都沒敢踏足。怎知，分店越開越多，每店門面都多了很多明星留影，見荃灣又開了一家，終於忍不住要入去試上一試，又是口水雞，口水雞，在國內被譽為：名馳巴蜀三千里，味壓江南十二州這家跟之前在紅磡吃的差不多，只是份量比紅磡那家還多，而且也比較便宜，很值得使，不論外賣口水雞回家做餸好，還是堂食好，愛吃辣的你一定喜歡！

在團購網以三十九蚊，買了傷心酸辣粉二人下午茶或宵夜套餐，食物包括酸辣粉兩碗、蒜茸青瓜一碟、柑桔話梅雪碧兩杯，地點選擇了荃灣眾安街分店。 六點半前來，趕得及下午茶時段，食店內只有兩三枱人，向店員出示團購證明後，有侍應帶位入內，裹面座位算是寬敞，整齊乾淨，冷氣充足。食物有BB辣至勁辣五個程度供選擇，青瓜要了BB辣，酸辣粉要BB辣及小辣各一碗。先到的是柑桔話梅雪碧，雪碧配上一粒甜話梅再加沉在杯底的蜜糖，配搭很新穎，攪勻過後試味，完全沒有柑桔味，雪碧的味道也給蜜糖蓋過，是一杯有汽的蜜糖水，但似乎名不符實。 再來的是蒜茸青瓜，青瓜切成長條型，大概有十舊，浸在辣的醬油上，上面鋪上蒜茸和辣椒。青瓜新鮮爽脆，醬油帶甜味而不會過鹹，配合蒜茸，惹味而清新。最後是酸辣粉，配料有少量肉碎、榨菜、花生、蔥花、芫茜。湯底紅油頗多，略酸不麻，偏鹹，喝不出有鮮肉或豬骨的味道。粉條口感煙韌，質地似紅薯粉。酸辣粉整體味道濃烈，辣味主導，鮮香為次，嗜辣的可以一試。 見侍應為鄰座食客解釋餐牌食物也很有耐性，有問有答，要求多飯也有求必應，服務其實也不錯。

今日下晝食飯時間經過, 見到唔多人唔駛同人迫, 咪入去囉..午市來講唔平, 不過都試試喇, 套餐價 $42 ~ 47, 凍飲加$2, 其他飲料加$5, 8.......我叫咗口水雞+北川涼粉+椰汁 = $47口水雞唔夠麻唔夠香, 冇咩味.北川涼粉, 偏咸.杯椰汁最好 我隔離個女人碗酸辣粉話好咸, 叫個侍應加湯.另外, 有人話要杯水.... 點知, 原來要收 $1... 有冇攪錯 , 收得甘既價錢, 要杯水都要加 $$$$ , 真小家..一次就夠, 唔會再去....

荃灣開了傷心酸辣粉,所有同事都好踴躍試一試.外賣需要自取,差不多整好會電話聯絡我們.我們除了叫了最出名既酸辣粉,還叫了一隻口水雞(小辣),炒土豆絲(小辣),牛肚(小辣),,尖椒皮蛋,首先說說酸辣粉,不知道是不是外賣的關係,薯粉已經變得好淋和發脹了,好難食!而湯底味道好淡!令人失望至於口水雞真係幾驚喜,雞肉好滑,味道好惹味同事說牛肚都不錯,但真的幾辣!其餘就普普通通啦..下次一定要堂食試試.

新店鋪頭細細,午市都幾多人~坐無虛席~不過新店招呼都好周到~門口有侍應好有禮貌帶位~等左一陣就有位啦~今次去新店決定試新野~前菜 " 肉燥豆腐皮蛋""傷心"既"尖椒皮蛋"一直係我至愛~其他麻辣店水準真係無得比!!見佢有新野,又不妨試試~豆腐非常滑~皮蛋亦保持水準,加埋肉燥真係無得頂!!係唔好辣人士既一個非常好既選擇~!!"酸菜牛腩米線"唔太辣,牛腩用坑腩整,非常嫩,又有牛味~D米線同普通食開既米線唔同~比較幼身同滑~好好味~!!所以食左幾啖唔記得映相~仲要好大碗都係$26~非常抵~!!"炸龍抄手"""個名古古怪怪,其實係炸雲吞皮脆有蛋香味, 咬落個餡有肉汁, 第二到食唔到~絕對會因為哩碟野再黎番尋味~每次去傷心都會叫, 出名招牌菜真係好好食~雞好滑~又香~因為平時唔多食辣野,叫"多麻少辣"岩曬口味~