傷心酸辣粉 (已結業)

平時喜歡吃辣的我除了吃譚仔就是到傷心酸辣粉。今回到了荃灣店吃，除了經典版酸辣粉，小弟最愛薯粉其實品感和經典版差不多，都是彈彈牙牙的，非常開胃，而且價錢經濟，雖然沒有餸，但似乎不需要餸也夠好味。另外也推薦手絲雞撈麵，但價錢相對較貴。

又係食辣既時候喇~~ 唔知點解呢排重新愛上麻辣~好久無吃傷心酸辣粉了，記得早幾年成行成市，每個星期食幾餐 間間都要等位今日初嚐荃灣這家，蒜泥白肉好好味，蒜泥夠多，肉做得好簿辣子雞最正宗，夠細粒，夠乾身，係啤酒既好partner  (可惜佢無賣酒，下次要外賣)酸辣粉一如以住，不過下次可以食中辣，雖然我哋倆個都係叫 "小辣"，但係我果碗就勁紅，勁辣(相比起男朋友果碗，我的一定係"中辣")，食到頭頂出汗~~ 哈哈哈哈!! 正啊!!因為太肚餓，食得太快，忘了給大家拍照，所以只係影咗單同menu... 嘻嘻

收工剪完個靓髮，等埋妹妹一起去食傷心酸辣粉。一人叫了一個套餐，套餐包括一碗粉，一小食及飲品一杯。兩個都是叫了酸辣粉走青小辣，我的是加底哦~~唔加底份量有點少，呵呵。酸辣粉煮得夠淋，外表滑滑的，浸在酸辣湯內很入味，酸辣程度一流。而且今次黎食發現多了兩條唐生菜，突然感覺好健康，哈哈…小食叫了蒜泥白肉(小辣)及口水雞(小辣)蒜泥白肉厚薄適中，而且有好多蒜泥，蒜香味非常夠。但一大片很長下，建議中間切開兩段，食起來會方便點。口水雞也很滑，但只有一小部份，配套餐的可能少一點吧。沾上辣油，很好吃！飲品我叫了凍奶茶，妹妹叫了凍檸茶。凍奶茶解辣很棒！

基本上本人好鍾意食酸辣粉，所以每星期都必定食一轉，適逢今日餓餓哋，所以又有籍口食了今次係外賣返屋企食，因為肚餓，所以仲加咗底，加底又唔貴，只需加5蚊，但以前啲麵好彈牙，而家越食越林身，唔係以前啲麵質

本人曾經嘗試過元朗分店既傷心酸辣粉，酸辣粉既濃厚醋味都唔會蓋過本身既湯味。琴日剛好經過荃灣，於是入去食，叫左個口水雞套餐，配酸辣粉＆凍檸茶。口水雞：食得出濃濃既雞汁味。味道不錯酸辣粉：比元朗店既差得遠，個湯冇味，本人起元朗店食過20次以上都係食中辣。但荃灣店醋味比元朗重好多，基本上我碗酸辣粉只得醋味而已。Ps:值得一讚，老闆非常親切有禮

今天是全世人只會過一次的2013年1月4日, 即是2013.1.4在普通話的讀法, 可以解作「愛(2)你(0)一(1)生(3)一(1)世(4)」在這充滿「愛」的日子下, 熊爸與我去吃酸辣粉來激起「熱」情(今天剛巧溫度又再下降), 但事實上是熊爸忘不了有次到此吃的手撕雞飯午餐 $29連熱飲熊爸放工後, 適逢是下午茶時段, 那麼就改變食下午茶聲稱馳名口水雞, 那麼下午茶餐都有口水雞配酸辣粉供應, $32連熱飲應該是抵吃, 正價口水雞配酸辣粉套餐連熱飲都要$43啦。再叫一份正價干撈肺片餐, 選配白飯加時菜, 連熱飲 $46要BB辣酸辣粉就真是「哥哥酸+BB辣」, 味道是以酸為主, BB辣就好似俾針拮的感覺, 還帶微微的麻味；薯粉是直條灰款, 非常煙韌, 咬極都唔斷, 不過嗦湯力夠勁 配料只有花生粒、鹹酸菜 及 肉燥, 鹹酸菜唔夠酸, 花生粒也不夠飽滿油潤。口水雞一碟只得六件, 還要是有肉食都只得半隻雞中亦、一隻雞亦尖 及一件雞胸肉 口水就多到浸住雞, 因為要BB辣所以食到是以麻油為主味；雞肉食到有雪味兼肉質粗糙又實咁都可以賣, $32 都嫌貴, 正價$43唔會係咁嘛~正價干撈肺片餐, 先

吃了真的只有酸辣和味精，嚐不到其他味道。本來佢果D粉是帶彈性而無味，湯底欠厚濃，吃上口不太好。加上湯面鋪上足0.5cm的鮮紅的油，當你夾上一口粉起來，便掛上一層辣油，如果你愛吃又瘦身的你，一定好又罪惡感。

同老公行行下見到傷口酸辣粉,中意食辣既我就梗係去試下啦~叫左口水雞/酸辣粉/皮旦,個老細仲介紹飲佢地一杯話梅7-up口水雞好滑~真係好滑~糖心皮旦~老實講係好得,一入口就溶化~同平時街買既真係唔同~我去台灣買果d都唔係呢個味~酸辣粉,辣得剛剛好,配料好足~老細推介話梅7-up~ 幾特別~唔錯~我唔好意思問佢係用咩話梅~因為想在家中沖下黎飲~有無人知~總結係: 有機會我一定再去呢間再食~

之前好開心。係荃灣終於有 傷心酸辣粉。。今日一食。。真係覺得好好食。有炸菜..花生..炸菜夠爽口.唔太咸。酸味夠。。簡直一流。。不過睇落就多佐D油。但每樣餸加上去...實有d貴....服務都正正常常..無話特別好....可能下午茶時間..客人都係人來人往....因味道不錯..所以多客都覺得合理至晚上..家人想食此店食品..想叫外買。。在家享用。。..我當然唔介意食多次啦`..打去落Ｏｔｈｅｒ。。佢地問幾多碗。。我話３碗。。佢地話唔送。。我問佢幾多錢先送。。佢話要百幾蚊。。ｏｋ。。咁就收佐線啦。。真係Ｏ　晒咀。。。佢地單張上寫。外賣。＄４０元以上。。。打去又話百幾蚊。先送。。我寧願你話唔夠人手。。送唔到...都唔好個頭派單張..跟住拒絕人..雖然好食。。但做生意。。咁對客人。。真係傷心。。以後唔食Ｅ間酸辣粉。。。唔係＄４０送貨。。其實就唔好咁寫囉....唔優做的名氣店鋪..堂食同外賣的手法...真係一日睇曬./..

小弟一向都很愛吃酸辣粉。食到流晒鼻水先夠過癮。之前試過去深水埗、觀塘、旺角、太子分店食，味道都差唔多，僅辣度有少少唔同。今次o係荃灣分店點左個二人餐，蒜蓉青瓜、麻辣豬肚、口水鷄，酸辣粉特登嗌小辣，諗住唔夠可以加。。 好快就黎左，但憑目測好明顯不及其他分店的 BB 辣 (不是小弟 YIM 尖，真係辣油都唔多滴，約佔碗面 五分一 面積 )。 諗住在起筷前叫阿姐加辣，點知被無情的拒絕。還好之後阿姐事後補上辣油，不過味道確實是差一點。食到一半諗住問佢拎幾張紙巾，點知又再一次被無情的拒絕。原來此分店紙巾需額外收費 好在自己有帶紙巾，如果唔係呑鼻水都唔掂。總括而然，味道和其他味道差唔多，但辣度就不及其他分店，紙巾需收費的 POLICY 確實與別的分店。 不是說這POLICY 有問題，但對食客來說卻不夠窩心。

星期六放假，路經荃灣眾安街，見到不用等位，於是試下！可能係tea time時間，唔算好多人，我們兩個人坐六人枱坐定後，服務員介紹我地食$85套餐：2 碗酸辣粉1碟蒜蓉青瓜1碟麻辣豬肚1碟口水鷄2杯飲品（我地+$10改話梅柑桔雪碧）我們都唔係好食得辣，所以建議我地食bb辣等了一陣間，先來酸辣粉，未放入口已經傳來一陣香味，酸酸辣辣，令人唾涎！薯粉煙煙靭靭，一口接一口。每一啖粉之間夾著酸辣湯，極之好味！跟著三碟餸一齊上枱：蒜蓉青瓜青甜爽口麻辣豬肚混合青瓜絲及花生，在口中有不同口感，靭爽脆，好過癮囗水鷄夠入味最後上埋飲品＂話梅柑桔雪碧"，每杯入面有一粒話梅，甜甜酸酸，用罐裝汽水，好夠氣。食飽飽再，飲埋嘢，好滿足！臨走前，有位鬍鬚哥哥走過來（相信係老闆），佢問我地意見，佢對食物有要求，對顧客來說係一件好事！相信下次再去都可以保持水準！總結：座位寬敞，舒服地方乾淨，企理服務友善，親切食物好味，有水準

本身唔食酸辣野but女朋友食都要食, 所以唯有陪食二人點了二人餐加皮蛋及青瓜青瓜唔錯~ 幾青甜皮蛋好得意, 透明, 真心唔知點整, 唔食都可叫個來好奇欣賞~兩碗面都算有水準, 對一個唔喜歡食酸野gar人來講的確唔錯~雞我食到雞脾位都幾滑~可以返"卓"最重要係一舊多d 走得香港平靚正食市真係買少見少~

今次係小弟第二次食呢間野喇!!仲要帶埋肥妹仔一齊去添!!其實我地兩口子都好食得辣!!所以黎到呢度簡直好似去左天堂一樣!!我地叫左一個二人套餐呢!!入面有兩碗酸辣薯粉!!口水雞, 麻辣青瓜, 同肚絲!!口水雞...可能佢切個部位唔多好...基本上得舊骨, 無乜肉食...如果有返多D肉會更好,唔會好似齋"算"骨咁!!但味道都OK既!!至於個青瓜好辣好爽!!其實有陣時食拍青瓜!!最怕係唔爽同出水出得勁!!不過呢個拍青瓜絕對無呢個問題!!值得一讚!!呢D真係考功夫!!麻辣肚絲又係好掂,辣得來唔會食到條脷麻晒咁!!而且好爽, 又無內臟味!!最後個酸辣粉簡直精粹所在!!湯底惹味之餘, +埋D配菜花生, 炸菜!!配合得一絕, 薯粉爽口彈牙QQ咁!!愈食愈開胃, 食多幾碗都仲得呢!!以呢個$$$有呢個質素, 抵讚!!

很多朋友經常向我推介此店，說這裡的酸辣粉令人一試難忘。誰知，這裡的食品並不如朋友所說的美味。先上桌的是蒜泥白肉，只是一道蒜頭、辣椒油加豬肉的普通菜式，吃盡口，滿是肥油，蒜頭切粒，粒粒分明 ，和綿綿的蒜泥根本扯不上關係。酸辣粉酸辣度適中，惟紅薯粉太韌，咬不斷，剪不斷，咀嚼得牙齒發軟。令人滿意的是口水雞和雞絲掠拌麵，前者香辣爽軟，可惜骨比肉多，幸辣味在口腔內縈繞不絕。後者麻香味重，但雞絲太乾，猶如樹皮般。

嘢食一般，但次次都逼你望住勁多空枱黎搭枱口水鷄分量少咗一半到仲由26加到39蚊，一加加50%會唔會多咗d！？ 酸辣粉話係麻辣但完全冇麻味，遠不及葵芳重慶酸辣粉好食。檸水很苦澀