傷心酸辣粉 (越秀廣場)

營業中

休息中

傷心酸辣粉嘅米線薯粉就食得多 冇諗過依家連雞煲 烤魚 肉骨茶煲 胡椒豬肚雞煲都出埋😍而且仲要係火鍋放題 兩小時任食火鍋配料同任飲汽水飲品 超抵😆👍🏻新嘢當然要約埋朋友仔一齊去食啦 今次去到新蒲崗越秀廣場 未入到鋪頭已經見到好光猛寛落 黃色椅配白色枱 對比強烈 畀人又精神又乾淨嘅感覺🤣好耐冇食過烤魚 所以今次揀咗烤魚 辣度揀咗小辣🌶好大條魚 底面應該略煎炸過 好香口 冇骨又肉厚方便大大啖食😚湯底辣中帶少少酸 除咗辣椒 仲有大豆芽 洋蔥 蒜頭 花椒之類 味道豐富 又唔會真係好辣☺️食完主菜烤魚 仲未完嫁 可以加水加料打邊爐😎出面嘅自助火鍋配料區都有好多唔同種類食物 雞牛豬肉 丸類腸仔蟹柳豆腐豆卜 蔬菜芋頭南瓜 連燒賣年糕都有 最特別既係魷魚 佢一條條串起咗 方便放落鍋煮完都唔會唔見咗🤣🤣而且出面嘅食物都keep住會refill👍🏻食到最後當然要加個薯粉吸下個湯嘅精華 超好味🤤🤤飲品種類同樣好多 除咗一般汽水 仲有維他新出嘅有汽檸檬茶🍋仲有其他維他同道地嘅紙包茶飲 有汽冇汽 甜嘅唔甜嘅 總有一款岩大家😏最後最後 仲有一人一個豆腐花做甜品結尾 滿足😚

這間連鎖食肆係出名食又酸又辣又麻的酸辣粉，我呢啲唔食得辣嘅人真係不敢食。不過我見佢哋最近新出咗個2小時任飲任食放題 (HK$108/位，2位起)，包括：．4款煲之中選1款 — 雞煲、烤魚、肉骨茶煲或胡椒豬肚雞煲。雞煲和烤魚是辣的，肉骨茶煲和胡椒豬肚雞煲係唔辣的，後面嗰2款就啱我食呀❤️ ．30+款火鍋配料任食．10+款飲品任飲，連最新嘅無糖可樂都有喎！．自助服務，自己調配醬料、自己加湯胡椒豬肚雞煲．打開煲蓋已經聞到陣陣胡椒香．第一時間飲一啖湯，湯底清甜，雞味香濃．煲內湯料十足，好多件雞件，豬肚，仲有好多胡椒，每一鶴湯都有胡椒粒㗎👍🏻．雞件剛好熟，多肉，口感幾嫩滑．豬肚大片，好爽口食材配料．我特別推介百頁豆腐和年糕 (白色好似香腸條)，百頁豆腐吸晒啲湯嘅精華，年糕口感煙煙韌韌㗎😋．另外我也會揀蝦、芝士腸、鮑魚菇、生菜、豬肉片、芋頭、蒟蒻麵、等等飲品．我鍾情無糖烏龍茶，飲咗好多包𠻹🤭😁係咁多間分店之中，我就去咗新蒲崗嗰間度食因為是今年新開的分店，場地大，燈光光猛，多座位，坐得幾舒適，可以慢慢同朋友一齊烚下聊天，不錯㗎～

今日約左朋友係新蒲崗食lunch, 諗住係越秀廣場睇下有咩食，一入商場就見到傷心酸辣粉，即時辣癮起！本來同朋友真係打算每人一碗酸辣粉，再加少涼拌菜就算。係門口等位時，見門面好大個廣告牌「火鍋放題」，仲要係$108位，有雞煲，烤全魚，胡椒豬雞雞煲同肉骨茶。入座後，我地研究左menu一陣，因為睇唔明何謂「放題」？因為寫住飲品，火鍋料任食…就請教店員。店員手指一指住門口左邊位置個雪櫃。大大個雪櫃。放左好多配料，另一個就放有汽水，包裝飲品等。即刻覺得超抵！即刻點左個胡椒豬肚肚煲～另外再加兩份小食～～胡椒豬肚雞煲湯滾後，第一時間飲碗湯先，胡椒湯辣咪直穿喉嚨，正呀！好夠味～豬肚亦唔需要特登點豉油食～雞件亦很多～地獄雞翼果然係地獄級！好辣，但好惹味，朋友食到差啲個嘴變左孖潤腸😂 一份雞翼得4隻，我地覺得唔夠食🙃涼拌茄子雖然係涼拌菜，但出來是還是暖暖的～酸辣度剛好，蒜蓉又夠多😋 唯一唔好係茄子皮有啲「鞋」。不過有碗白飯應該一流。涼拌牛柏葉呢個比我之前食開既差左啲，撈得唔夠味…希望係一時失手啦…我每次都會點的涼拌菜～因為個煲份量都大，所以配料方面。我同朋友都係係自助區拎左好少野食，唔想浪費。

傷心酸辣粉 (新蒲崗)❤️❤️❤️新蒲崗開左傷心酸辣粉新店，仲有我最愛的烤魚任食打邊爐❤️❤️真係要去試下👍👍烤魚放題（2位起）$108/位 ❤️嘩😋😋條烤魚大大條，我們叫左酸菜魚😋好惹味，入面好多配料，$108一位真係抵食🥰🥰烤魚鮮味十足，好好食❤️❤️放題自助吧（好多野食😍😍）肉類🍗🥩🍖有肥牛、豬腩片、滑雞等等😚😚丸類🍥🍥🍥有蟹柳、醬爆丸、牛丸、龍蝦丸、腸仔、仲有燒賣添🥰🥰，仲有好多丸類真係數都數唔晒菜類🥦🥬🥒有芋頭、蛙蛙菜、生菜、油麥菜、冬瓜等等，清熱蔬菜❤️❤️❤️粉麵類🍜🍜寬粉，好夾烤魚煲💕💕飲品🧃🧃🧃有多款飲品選擇，道地烏龍茶柑桔、仲有清心棧清熱飲品，汽水啤酒都可以揀，紙包裝有維他蜜桃茶等等，好多選擇😆😆😆熱食😋😋仲有春卷同咖喱角可以俾你任食🥰🥰好香脆👍晚市放題限時120分鐘，我們食左好多野😍😍好滿足🥰🥰夏日打邊爐正❤️地址：新蒲崗寧遠街3-23號越秀廣場地下G10-G11號舖整體評分：5/5味道：4/5環境：4/5抵食：5/5

見到好多網友推介新蒲崗傷心酸辣粉做緊$108兩小時任飲任食放題，超級抵食😃我真係好鍾意食麻辣烤魚，所以即刻要去試試😆🌟麻辣烤魚 （中辣）可以四揀一：雞煲、肉骨茶、胡椒豬肚雞煲、烤魚（酸辣/麻辣）👏👏 我咁愛辣野，梗係要麻辣烤魚啦😆魚係原條巴沙魚，估唔到咁大條，真係好抵食😆烤魚本身煎過，所以好香，再配埋個麻辣汁，裡面有洋蔥、大蔥，愈煮愈入味，條魚啖啖肉好正😋中辣都唔會太辣，下次我會揀大辣😆 （利申：本身食得幾辣🌶）🌟火鍋配料區食完個烤魚，可以去火鍋配料區選擇自己鍾意嘅配料，可能呢度新開，全部都好乾淨企理👍 選擇亦都非常多，特別一提佢嘅牛肉幾高質👏 仲有圓身嘅薯粉都推介👍另外，我最鍾意佢嘅芋頭，好粉好香👏 🌟放題飲品區飲品區超多選擇，汽水、茶、果汁、連啤酒都有👍以呢個價錢嚟講，真係冇得輸😆👍🌟辣子粟米 $28呢個係放題唔包嘅，見到幾吸引所以叫嚟試吓😋 如果中意食香辣嘢，呢個真係超推薦👍 好辣，好香，正👍🌟涼拌茄子 $25呢個都係放題唔包㗎😋 我本身好鍾意食涼拌茄子🍆 呢度嘅茄子應該有先走過油，再淋上醬汁，酸酸甜甜，少少辣味，味道唔錯👍最後仲買埋兜麻辣花生返屋企🤣 送啤酒應該幾正👏😆🍻

想食烤魚想咗好耐都未食~呢日趁住假期同男朋友去新蒲崗玩，見到間「傷心酸辣粉」有烤魚火鍋放題食，所以就趁機試下！ 「傷心酸辣粉」係好多地方都有分店，新蒲崗呢間分店店面新淨寬闊，光線充足，坐得舒服！ $108火鍋放題可以揀雞煲/烤魚/肉骨茶/胡椒豬肚雞，汽水同配料免費追加！汽水有成十幾款任君挑選！火鍋配料無論係丸類、肉類、蔬菜類、麵食類都應有盡有！肉類質素都唔錯，尤其個牛肉，食落好有牛味，好過啲平價放題好多！$108齋食個烤魚都好抵，何況仲有埋火鍋放題，真係CP值極高！ 🧡酸菜烤魚火鍋放題（$108/位）條魚超大條，唔會好多骨，啖啖魚肉好滋味，酸菜都勁足料，湯底好夠味，放紅薯粉落個湯度煮超好食，掛湯得嚟又好煙韌有口感，超正！ 🧡紅油蒜泥青瓜（$21）青瓜好爽口，好重麻香，令人忍唔住食完一舊又一舊，真係辣得好過癮！

傷心酸辣粉🌶🍜📌傷心酸辣粉🥘(💰30)薯粉好彈牙唔會太硬🤤超多配料 有花生 肉碎 芫茜 菜脯👍🏻就算唔叫餸都唔會好單調😍經過好多次都未試過佢嘅酸辣粉🤣加咗菜脯真係幾好食❗️📌地獄雞翼🍗(💰32)雞翼好脆好嫩滑🍴滿滿辣椒粉同孜然粉撒在表面🧂攤凍咗嚟食個皮都仲係好脆🔥但都真係幾辣幾地獄ಥ_ಥ📌辣子粟米🌽(💰28)切開哂一條條食落好方便🤣有好多辣椒粉係面食落口感好特别好似椒鹽味嘅燒粟米咁😍但就唔係好多水份，食落偏乾身🍂超辣‼️食得辣嘅可以去挑戰下😂📌重塵麻辣雞煲🌶(💰139)半隻麻辣雞煲🐓份量都幾多✨雞煲醬唔係好辣但幾惹味好過癮🤣雞唔會好柴好嫩勁入味❣️📌冬甘話梅雪碧🍹(💰10)酸酸甜甜👅會幫你整爛晒啲話梅🤤解辣一流!帶個頭盔評高低🎈🐾🐾🐾 🐾~5🐾為滿

今日同朋友仔去街，中午大家都肚餓，搵野食的時間朋友去食雞煲，我心諗痴線！中午食咩雞煲。不過算啦，因為我都諗唔到有咩食。 更意想唔到嘅係，朋友竟然帶左我黎呢度食雞煲😂 第一次黎呢度竟然唔係食酸辣粉，而係食雞煲，唔緊要啦，都黎左。即管睇下咩料。雞的份量因為我地兩個人，所以只叫左半隻，而個形式係雞煲完可以當打邊爐，任食兩粒鐘。 開餐前睇下有咩飲啦！都係大路的汽水、楊x成系列、清x 棧系列同「地道」茶系列啦。咁我就是但拎左包烏龍茶。 本身都冇咩期望的我，個雞煲一上，又意想唔到咁靚仔喎！等滾起左後，試一試啲雞。老實講，一定冇坊間雞煲專門店咁好食惹味。但呢度勝在方便同隨時都可以食得到。個汁的味道係可以的，但如果再濃郁多少少就更好啦，我覺得佢地香料唔夠多。而我地叫左小辣，符合到少辣的口味，唔錯。 呢個價錢，除左抵食我都唔知有咩講。

傷心酸辣粉 (越秀廣場) (新蒲崗).話説男朋友話好耐無食過，今日假期lunch食翻個先，好耐無食過嘅我發現佢多左好多小食！而且環境呢間分店乾淨企理左.▪️BB辣口水雞配酸辣粉▪️.好耐無食覺得酸辣粉好好食，酸辣度剛好，粉條滑嘟嘟，口水雞雞件又滑，估唔到無食咁多覺得進步左好多！.▪️辣子粟米🌽▪️.食得辣嘅朋友必叫呢個，你睇相都知道佢幾吸引！完全唔明點樣可以將個粟米炸得咁，金黃色再加上七味粉，賣相吸睛。不過對我倆而言真係太辣🤣.▪️一口紫薯▪️.我無諗過呢到有得食紫薯仔，係日本啲小紫薯，串燒店成日都有得食(⁎⁍̴̛ᴗ⁍̴̛⁎) 呢到小食價有好多粒，正！.▪️炸花枝丸/紅油海蜇▪️.邪惡到爆炸得金黃，外脆內彈牙，又有粒粒好有咬口!!!海蜇就夠爽口，但美中不足係我覺得不夠凍.📌 傷心酸辣粉 (越秀廣場) (新蒲崗)新蒲崗寧遠街3-23號越秀廣場地下G10-G11號舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.

傷心酸辣粉除左食酸辣粉之外，原來仲有雞煲放題，而且仲好抵食，每位108就可以食任食啦！我地揀咗麻辣雞煲，調味料有好多種，包括洋蔥，芫荽，辣椒等等，雞肉好新鮮，啲肉好嫩滑，洋蔥索晒啲汁。麻麻辣辣食到好過癮。食完雞煲之後加少少火鍋湯底，就可以繼續打邊爐！邊爐食材嘅選擇都好豐富，除咗不同嘅丸類之外，仲有各種雞肉豬肉同蝦，最緊要係有打邊爐必備嘅芋頭同豆腐，我同朋友仔兩個人都食到津津有味！另外就係仲有免費任飲嘅各種飲品，可樂檸檬茶竹蔗茅根等等都有，就連啤酒都有得任飲！總括而言，呢度啲嘢食整體不錯，地方闊落環境又舒適，而且都真係幾抵食！推薦大家去試吓！PS除咗雞煲之外，仲有其他選擇㗎 ！例如係水煮魚，肉骨茶煲等等，下次再去試吓其他先！

傷心酸辣粉都有任食🤣傷心酸辣粉平時就食得多，任食烤魚就真係第一次試。見佢咁平，108一位任飲任食2個鐘，又唔係間間有，遇到就梗係要試吓😊麻辣烤魚，小辣2個人份量嘅烤魚估唔到咁大條，湯底好夠味，啲魚都好入味，越煮越好味，等啲洋蔥、大蔥、蒜煮爛咗，就可以食啦，香氣十足，正。大大啖魚肉，好滿足☺️任食區食完烤魚梗係要繼續用咁正嘅煲底打邊爐啦。雖然平，但係都好多選擇，肉類眼見有滑牛肉、肥牛、豬肉、雞、魚片、魷魚都有。我覺得最好味係肥牛，唔會太肥，又有牛味，咁嘅價錢有咁嘅質素真係好難得。丸都有好多選擇，牛丸幾好味，食咗2粒，其他丸已經食唔落所以冇試，芝士年糕好味，一定要試😊菜類選擇都唔少，最好味一定係芋頭，菜我就鍾意食娃娃菜，適合重口味嘅湯底，菇都好味。仲有最後記得試吓個寬粉呀，煮到煙煙韌韌嘅時候，真係好好味呀😋嘢飲選擇都唔少，打邊爐梗係要一罐可樂，之後再飲多盒竹遮茅根水降火😊最後仲有個吸嘅豆腐花甜品，非常好。真係抵到爛火鍋任食，下次會試吓雞煲或者豬肚雞😊

幾滿足既一次雞煲體驗💕$108免加一就可以食到頗高水準既麻辣雞煲/烤魚/肉骨茶煲/胡椒豬肚雞(四選一)+任食配料+任飲汽水飲品😽抵食❣️而且環境幾乾淨 推薦大家試下💡

《那些年·酸辣粉😝》———————————————-#傷心酸辣粉 🌶-以前返學嗰陣時成日食傷心酸辣粉，抵食又大碗，可惜附近少咗好多間，早排經開新蒲崗，竟然係個小商場撞到😚就同屋企人一齊入去食下😙-🌶 口水雞傷心酸辣粉口水雞完全係我嘅最愛呀，雞髀位唔怕韌同鞋口，淋上辣油、芫荽同花生，夠哂惹味，而且佢啲雞皮都好嫩滑，引到我哋唔太肥咁全件食曬🤤 紅番薯粉依舊滑溜彈牙，水準依然～-見餐牌出咗好多款新嘅小食，我哋都忍唔住口叫咗幾份😙🔥 地獄雞翼上面超爆多辣粉，認真地獄🖤 雞翼外皮香脆可口，辣粉非常惹味，夠哂刺激～如果唔係好食辣嘅朋友，建議可以撥一撥開啲辣粉，如果唔係後果自負😆🐣 香酥軟骨份量十足，炸得好惹味香口🐣🌽 辣子粟米呢款小食都係第一次見，十分特別，粟米香甜，夾埋辣椒碎一齊食出奇地好食😆-食咗咁多辣野，又點可以飲返啲野中和下，都幾推薦海鹽柚子雪碧同椰汁涼粉冰🥥，解辣一流！-⭐ 參考價錢︰口水雞加大傷心酸辣粉：$75香酥軟骨：+$29地獄雞翼： $32辣子粟米：$28海鹽柚子雪碧：$12椰汁涼粉冰：$19🍌 抵deal 指數：8/10💰 人均消費：$100

我同啲friend夜晚8點半去到，佢有一個大area同細area,而大area因為幾乎坐爆哂人，而員工又冇指我哋去邊度坐，所以就去咗細area坐。點餐嗰陣有個好有禮貌嘅店員問我哋坐唔坐出去，但我同啲frd都廢時煩所以就答佢繼續坐喺度。點到一半嗰陣個經理勁冇禮貌咁趕我哋出翻去大area ，鬧我哋唔係嚟包場，趕我哋出翻去坐其實如果員工可以禮貌啲叫我哋出去坐我哋一定會調出去，但鬧客話包場係咩事？你嗰個位唔開放你就講先，或者帶位，再唔係可以用禮貌啲嘅語氣請我哋出去

呢間新蒲崗嘅傷心酸辣粉推出左$108 任食雞煲，見價錢咁抵，立即去試試～ 🍲$108 任食除左麻辣雞煲仲有肉骨茶煲/胡椒豬肚雞煲/烤魚四個選擇，我就揀左麻辣雞煲🍲雞煲既味道好濃郁，雞肉肉質係比較實的，有咬口，兩個人份量都足夠，唔夠的話仲可以係凍櫃拎雞～仲叫左兩個小食，地獄雞翼$32同涼拌茄子$25地獄雞翼非常辣🥵食到噴火，食得辣嘅朋友可以試試。涼拌茄子味道不過不失🍆飲品任飲，有各款紙包飲品。自助區凍櫃仲有其他肉類，例如牛肉，豬肉，魷魚，丸類，菜不同的食物，都係任拎的～$108嚟講，任食食到飽，食物都叫對得住呢個價錢，住附近嘅街坊不妨可以嚟試下～