傷心酸辣粉 (越秀廣場)

營業中

休息中

呢間舖頭我已經嚟咗第二次，2位客人已經可以揀一個主菜，我就揀咗麻辣魚煲，除了主菜之外，出面仲有好多任攞食物，包括蝦丶牛肉、豬肉、魚片、龍蝦丸、牛丸、芝士腸、芝士年糕⋯⋯⋯多到不能盡錄。我自己就最鍾意食鮮牛肉和魚皮餃。第二次再約埋朋友嚟食，我自己都係點麻辣魚煲，佢哋就點選左酸辣魚煲丶麻辣雞煲丶胡椒豬肚煲。我逐個煲試吓，味道真係唔錯😋，出面嘅飲品仲有好多款仼攞，食完每人更送上一盒豆腐花。價錢每人都係$108 ，仲要免+1 ，朋友食完都話要再嚟過。唯一美中不足就係我哋坐嗰個位冷氣不夠，食到出晒汗。遲啲天氣凍啲再過嚟食過。

🐔胡椒豬肚雞煲放題 ($108/一位)🐔🏫傷心酸辣粉有唔少分店, 而新蒲崗呢間咁特別有放題食, 既刻走黎試試先. 🍲佢有4款鍋比你任揀1款, 平時雞煲就食得多, 🤔見胡椒豬肚雞煲個配搭幾新穎, 就叫佢啦! 🤙🏻雞肉同豬肚份量好多, 咬落去濃香既黑白胡椒味出曬黎, 十分惹味! 🥣湯底仲會越煲越入味, 食物吸曬D胡椒味, 🥬尤其係娃娃菜, 食落夠香口又帶有少少胡椒辣味, 正!👅🧘🏻‍♀️放題係全自助型式, 食到咁上下可以出去攞其他配料加入個煲, 🥩凍櫃有雞牛豬, 蝦, 丸類, 蔬菜等打邊爐食材任君選擇. 🥟出面亦有兩款小食, 比大家可以食住等個煲滾. 🥄另外仲有自助醬料區比你調教醬汁, 而想加湯底都係自己出去拎一壺湯底返位加. 🍻總括黎講, 汽水啤酒任飲, 🕰仲有2個鐘可以慢慢食, $108免加一呢個價錢真係無得輸啦!🤩😋總體 (味道, 性價比, 環境, 服務態度) : 8/10——————————————————————————————🐔Pork Tripe Soup with Chicken and Pepper ($108/person)🐔🏫Sour and Spicy Noodle

想當年成日同班friend約食通宵雞煲(青春🥲) 但近年因怕肥已經好耐冇食… 今次傷心酸辣粉呢個$108雞煲+配料飲品放題 (2位起) 可以2個鐘任飲任食‼️ 仲要係全日供應！除咗雞煲，仲有烤魚/ 肉骨茶煲/ 胡椒豬肚雞煲可以選擇。2-3人細份、4人以上大份、6-10人更可揀2款。雞煲揀咗小辣🔥 幾濃味又辣辣地，好惹味。雞件數量不少，啖啖雞肉，幾入味同嫩滑。食到咁上下可以加湯打邊爐！火鍋配料就係出面雪櫃自助，眼見都refill得幾快。而且肉類丸類都幾乾淨，仲有不少蔬菜選擇，還有我最愛的蜂巢豆腐！吸滿汁真是不得了！飲品都係自助，汽水啤酒紙包飲品等當然唔少得。此外還有少量熟食供應：三角春卷同烤蕃薯仔。但食得太飽所以冇食到。環境幾企理，適合一班朋友聚會打下邊爐～食完仲有豆腐花甜品送，好完滿！

傷心酸辣粉竟然撈過界 烤魚/雞煲+ 任食打邊爐🍲‼️ 只係$108一位（冇+1）係咪想做爛市😱▪️8.5/10▫️<< 重慶麻辣烤魚 >> 湯底麻香味重 加上大量泡椒、洋蔥、大蒜 惹味得來唔算好油膩🔥 一讚原條鯰魚超厚肉 嫩滑少骨‼️ 魚皮浸湯都卜卜脆🤩 兩個人就咁食烤魚都飽左7成🤣▪️8/10▫️<< 自助區 >> 有16款配料+11款冷熱盤‼️ 配料方面 肥牛肥瘦比例剛好 重牛脂味 有驚喜🤤 懶人蝦淥完之後連殻食好鮮甜🦐 時菜、丸類、薯粉等質素都唔錯 加咗湯都仲好濃味 連調味都唔使👍🏻 基本飲品汽水齊全 仲有豆腐花送😁▪️8/10▫️<< 辣子肥腸 >> $36 冷盤肥腸伴口水雞汁 好入味😆 口感煙韌Q彈 有成十幾粒 抵🐷🌿舖頭光猛新淨 座位闊落 放題自助區位置較窄 一讚食物fill得快🥳 晚市幾滿 最好提早訂位🤔🐽總括嚟講 XXG食過最平嘅放題🤣🙌🏻 價錢來講 超越晒我哋嘅期望🤓 尤其係烤魚厚肉少骨 湯底夠濃 其他配料質素唔錯‼️ 美中不足係xxg去到時熱盤同炸物已經俾人夾晒 到最後都冇fill🥲 ⚠️只有

去朋友屋企前食個烤魚，午餐來說極邪惡，還要任食，無辦法真的好抵食！$108一位！無加一！人均：$118.任食兩位叫了烤巴沙魚小辣，這間小辣不可以看輕，食到對面流汗，無辦法要買紙巾😂另加了杯凍檸茶，再飲多罐可樂解一解辣！食完烤魚可以繼續火鍋，外面有醬料選擇，超過二十多種火鍋配料，飲品啤酒任飲！啤酒還要有兩款，午餐一罐作罷～烤魚一慣性先炸後上鍋，保持到魚肉鮮味，然後推介半肥瘦豚肉加芫荽（圖五），好好食！另外雞件和菜蔬都不錯，雞肉嫩滑新鮮，菜蔬吸味，食得辣不可以錯過！.

▫️任飲任食放題2小時🥘 每位$108雞煲/烤魚/肉骨茶煲/胡椒豬肚雞煲 (4選1)今日天氣開始凍了❄️已經想食啲暖肚嘅嘢 所以就嗌咗胡椒豬肚雞煲🐣估唔到咁有驚喜🥰一上枱打開個蓋 超級香胡椒味☺️I love it❣️豬肚同雞都好入味 夠辣🌶😋另外 餐廳仲有自助區 可以自己揀配料「丸類、菜類等等」$108黎講 種類都ok 性價比都高〰️😛▫️酸辣粉 $30因為我真係好鍾意食酸辣粉 所以我就單點左個酸辣粉🥰夠酸夠辣〰️👍🏻無加餸 但本身酸辣粉入面都有肉碎 花生 芫荽配料🍲

「性價比超高嘅烤魚放題？」💋💋💋💋Address: 傷心酸辣粉 - 越秀廣場💋💋💋💋今日嚟到新蒲崗呢一邊微服私訪，比本宮搵到超抵烤魚放題！@傷心酸辣粉 就係香港人都聽過，但係原來佢出咗任食放題呀！任食套餐可以選擇肉骨茶，烤巴沙魚，雞煲，或者胡椒豬肚！108$/ 人，兩位起！任食任飲！仲有啤酒！唔洗加一！洗唔洗咁抵玩呀？火辣如我是日選擇：麻辣烤沙巴魚💋性感指數💋💋💋💋💋/5正正一正

📍傷心酸辣粉 中學時代成日食傷心酸辣粉，真係回憶返晒嚟，時光流逝10幾年😂 但今時今日佢哋除咗招牌嘅酸辣粉之外，仲有雞煲/烤魚/肉骨茶，而且價錢仲好抵食！傷心酸辣粉最出咗108蚊一位3選1 雞煲/烤魚/肉骨茶加火鍋料飲料任飲任食2小時, 真係抵到爛！平時酸菜魚食得多今次我叫咗個重慶麻辣烤巴沙魚，108蚊賣相同一啲都唔Hea好足料！巴沙魚大大條仲幫你開埋邊，不過我叫小辣都好辣下，絛魚厚肉兩個人食都夠，唔夠飽仲有火鍋料，有”豬牛雞餃菜麵” 比你任食！108蚊簡直超值，唯一唔好嘅地方就係條魚初頭唔夠入味！同埋啲肉比較”鞋” 但108蚊超水準！

最近傷心酸辣粉係新蒲崗嘅越秀廣場開左分店去完呢間仲可以去埋我愛店窩子添👻留意返 唔係間間分店都有呢個放題㗎～得新蒲崗、旺角、天水圍、元朗、深水埗、粉嶺有㗎咋 ⚠️.🐖🐖《胡椒豬肚雞煲放題》 $108/1位 免加一 2位起 🐖🐖 📌除左胡椒豬肚雞之外 另外可以揀麻辣烤魚、酸菜魚、肉骨茶、麻辣雞煲.➡️ 湯底 🛑 8.5/10 🛑呢個湯底胡椒味極濃 勁啱我口味 🤤因為老豬唔食得麻辣 但好鍾意胡椒果種喉嚨辣（？）😂嗌呢個湯底基本上唔洗點醬汁都好夠味 食到老豬流曬鼻水👃🏻.➡️ 湯料 🛑 8.3/10 🛑豬肚脆得來幾彈牙 唔會淋batbatd雞係神來之筆 超嫩滑 有幾舊由頭滾到最尾都完全唔會鞋口 🐤🐤如果可以切返大舊少少就更好 - 可以啖啖肉 🤪.➡️ 火鍋配料 🛑 7.9/10 🛑有兩個大櫃嘅配料自己任夾🌟木薯粉：超推❣️ 超煙韌 索曬d胡椒湯底 好正！🌟寬粉：口感似煙韌版腸粉/粉皮 不過都係木薯粉正d🌟魚片：懶人之選 啖啖肉 口感軟稔🌟竹籤蝦： 雖然無咩蝦味 但肉質都👌p其他配料例如肥牛、芝士年糕、雞脾菇、蟹柳、芝士丸、豬皮、菜就正常.➡️ 熱食、甜品本身好似仲有熟食嘅但可能當日見到個櫃係吉嘅😅唔知係

秋風起，早2日去新蒲崗嗰邊搵朋友，諗緊食啲咩嗰時，朋友話不如試吓傷心酸辣粉放題，真係冇諗過傷心酸辣粉都有放題😂😂原來佢而家做緊新張優惠，依家全日做緊$108一位，仲要唔使加一🤗，就可以享受到兩小時任飲任食🥳，講真真係CP值超高👍🏻佢有四個煲（雞煲/ 烤魚/肉骨茶煲/胡椒豬肚雞煲）可以選擇，我哋選擇咗胡椒豬肚雞煲，等個煲都要一段時間，所以我哋就叫咗個雞軟骨小食過吓口忍😝個煲終於嚟到喇，我哋首先試吓個湯，個湯胡椒味都好重，啲雞都好滑，豬肚都好入味同好爽口食咗啲雞件同豬肚之後，就可以繼續打邊爐啦，我哋出去揀咗啲配料，肥牛，牛丸，墨魚丸，雞肉腸，芝士腸，生菜，仲有薯粉添🤭重點介紹係，佢嘅牛丸，唔講唔知原來佢嘅牛丸係自家製”傷心牛肉丸”，食落去都好爽口同多汁😜最後，仲有個豆腐花作為甜品，其實小編已經好飽啦🤣整體來講其實CP值都好高，價錢都係優惠，雖然配料選擇唔係話太多，但係其實都足夠嘅👍🏻P.S: 天文台話今日開始會凍，真係好適合打個邊爐🫕暖暖身😉

傷心酸辣粉平時食一碗碗的酸辣粉食得多，原來傷心酸辣粉都有雞煲烤魚放題今個星期天氣開始轉涼，食返個麻辣雞煲暖下身非常滋味新蒲崗店只要$108就可以兩個鐘放題任飲任食，性價比高，大家又點可以錯過升級放題可以在重慶麻辣雞煲/烤魚/胡椒豬肚雞煲/肉骨茶煲之中四選一，食完個雞煲就可以加湯即刻打邊爐，大家可以無限追加各款精選配料、飲品、汽水、啤酒食品方面 : 今次選擇了小辣的重慶麻辣雞煲，辣度微辣適中，不會太鹹，雞煲份量十足，香辣入味自助區精選配料充足，有美國肥牛、豚肉片、魚柳、各式類丸、豬皮、豬紅、豆腐、新鮮菜類、薯粉、寬粉、幼麵、米線等等美國肥牛肥瘦均勻，放題中非常出色，真係可以任飲任食吃到飽最後仲有山水豆腐花做甜品，完美的一餐雞煲放題Ours Tips : 升級放題係每位$108(2位起)，記住約埋朋友一齊去食啦

食雞煲??定烤魚好呢??兩樣我都好鐘意食呀!!!最後任性嘅我決定食曬兩樣，順便回報俾大家聽邊樣吸引啲~~重慶辣雞煲因為我唔太食得辣，所以叫咗小辣，感覺辣度適中，一打開個蓋，香辣味非常濃烈，雞件份量都算多，而且超級入味但真係要提醒大家，食之前要撈一撈啲雞件先，如果唔係食到底就會有小小咸同埋一定要趁熱食，因為咁樣啲雞肉先會嫩滑啲酸菜烤巴沙魚喺香港食烤魚，呢度就寅係抵到爆呀!!!我諗一條烤魚都夠2個人食，而且佢有好多酸菜配料就有蓮藕、芋絲、金菇、木耳、豆卜等我就鐘意一啖魚夾住小小酸菜咁食，魚肉索曬酸菜味，味道更開胃好啦，到咗大家最期待嘅比分時間啦!!overall嚟講我會覺得雞煲CP值係比較高，因為烤魚真係唔算非常入味，只係我一啖魚夾住小小酸菜咁食搭救返，同埋魚肉有小小鞋身，但呢個價錢嚟講我覺得都可以一試嘅

🌶地獄雞翼$32辣子粟米$28重慶麻辣烤魚$198雞翼炸得非常之香但好似唔夠辣多啲辣粉應該會惹味🔥粟米唔夠脆但係甜嘅夾埋辣椒碎非常之好味好少喺傷心酸辣粉食烤魚今次第一次食估唔到係有驚喜㗎喎🤩魚肉唔係好散亦都係食得出新鮮嘅 肉質細膩魚皮都有煎過食到最尾都食唔到一條骨 湯底好濃郁鹹辣香味適中❗️我留意到佢做緊一個非常之抵嘅放題優惠如果你哋行過新蒲崗又鍾意食辣野嘅就要去試一試啦🏠傷心酸辣粉 (越秀廣場) 新蒲崗寧遠街3-23號越秀廣場地下G10-G11號舖

最近天氣開始轉涼，即刻心郁郁去打邊爐。留意到新蒲崗竟然有間大排長龍嘅$108任飲任飲嘅烤魚雞煲，似乎係街坊熱門捧場之地！對於平時其實唔係特別好放題嘅我，可以話係有少少喜出望外。首要先講下呢個放題係點計法，$108（無加一）可以自選麻辣雞煲、烤魚（麻辣／酸菜）、胡椒豬肚雞煲或者肉骨茶煲，兩個鐘頭內自助區任食任飲。今次叫咗酸菜烤巴沙魚，估唔到兩個人份量嘅烤魚會有手臂咁長，酸菜咸酸度適中，烤魚肉質夠厚實，極少骨，係唔食開魚嘅朋友都絕對可以100%成功挑戰。另外好少可以一讚嘅係，湯底竟然完全無油， 直情可以當湯飲！！自助區種類有極多，肥牛、豚肉片、各類腸丸、豆腐、菜、薯粉寬粉等等。肥牛係喜出望外，除咗夠厚切之外，比坊間$100-200放題出色在肥瘦均勻，唔係果種死肥嘅肥牛，食兩塊都爆廠果啲。而且牛丸應該係佢地自家品牌出嘅，牛味超濃，入面仲少少爆漿咁，非常推介！講到打邊爐至愛點可以無啤酒，任飲區以呢個價錢嚟講可以話種類極多，見隔離檯4件麻甩佬一嚟隊咗半打啤酒，汽水紙包飲品亦都唔缺。順帶一提，佢哋食物refill速度好快，樓面侍應都好夠。應該係食過性價比最高嘅烤魚雞煲放題。平日要食可能要早少少到，

放題可以揀雞煲 胡椒豬肚雞煲 烤魚同肉骨茶煲❣️每位$108就可以食雞煲同打邊爐🥰飲品有好多選擇 除左各款汽水 啤酒 茶🫖仲有有汽檸檬茶🍋.🌟雞煲雞煲配料好多 有洋蔥🧅薑蒜 夠晒濃味揀左小辣 辣味夠突出🌶️🔥雞好嫩滑 好入味而且份量都好足❤️.🌟火鍋配料食完雞煲就可以加湯打邊爐🍲係外面嘅雪櫃冇標籤🏷️所以唔知係邊種肉肉類有雞牛豬同魚 又有唔同丸類🔥芝士年糕最吸引 煙韌又有芝士味🧀仲可以任食薯粉 紅薯寛粉🍝酸辣粉迷要試😍.🌟夫妻肺片 $42另外加錢叫左碟小食 麻辣汁好惹味🌶️牛展同牛肺都好入味🔥