倚窗閣

營業中

休息中

我已經很久沒有食自助餐，朋友建議去倚窗閣。我search 在E shop 買有7折約$500一位!朋友先到話餐廳會安排一份海鮮拼盤，但第一輪等侯時間要成15分鐘以上😅終於有得食以下為二人份，海鮮好新鮮，尤其長腳蟹，好大隻，又鮮甜，值得推介到我最喜愛的生蠔左面係紐西蘭較淡味，右面係美國較濃海水味及creamy ，我喜愛後者到上一人一份和牛加鵝肝，份量很少，味道不過不失另外，燕窩芒果龍蝦沙律好值得推介，我成半隻龍蝦，沙律入面啖啖龍蝦肉，清新可口整體而言，食物很高質，但食物款式太少，建議可多D熱食

大家小心泊車問題：今午和同事共17人上網訂了中午自助餐共四千多元,book 位時說明滿$400可泊一輛車,所以我們共泊了四部。自助餐過程中,部長說酒店定立的規矩是一張單只可泊一部車,而泊車費是1小時100元,所以只有一部車可以免費!之後部長說己經盡力幫我們,他們員工們夾錢幫我們交費2部車,即係我們4部車有3部免費,餘下1部是需要自費。我雖然說了一千個對我們不公平的理由,不過部長也回應一萬果理由每個都係公司規矩,不能不可沒有....酒店老細,這個部長非常值得升職加薪,用盡方法保護公司。反轉說又對我們17人又公平嗎,我們又不是你們一分子,冇人會知酒店的規矩。我book 位時問左你哋17人可否泊四車,你哋答可以,並提醒只有16個車位先到先得。如果你們神早說需要分單我哋咪分開訂。在這事情下,非常嚴重影響我們17人心情,己經冇心機再吃下去。我們再check 下張泊車飛,見到印上細字仔泊車1個鐘$180 (如果沒有消費),我們2個鐘咪$360！於是我再問清楚部長 1個鐘係100 or 180。部長細心的回答我事情己經解決了,最後一部車由他們同事們再夾錢比,並且希望不再影響我們17人吃飯的心情。總結

食評呢家嘢真係見仁見智。我唔介意你睇返我之前嘅食評 再睇下我哋嘅口味一唔一樣 我按住自己嘅味蕾去寫食評，不喜勿插。睇完上面幾個食評 好似比其他幾間做緊特價既酒店自助餐好，就決定上eshop買coupon黎食。埋單唔哂$500@ 包啤酒汽水。聽上去真係好抵呢？ 黎到先見真章。。。環境。。。嘩！ 大陸酒店咁 又暗又old school, d waiter 傾計多過做野。問佢有咩飲，佢反問我想飲咩... 之後我話，我就係唔知先問你麻... 佢話我都唔知你包唔包。。。 大佬 包唔包你咪去check lor... 唔包時, 你咪話我知加幾$咪得~  唔係咁講野既，同埋 餐廳sell drink package都有數丫.... 佢地可能要明白，香港服務業水平同佢地家鄉offer既差太遠。幾個後生d既就比較responsive同有禮貌，特別係個帶眼鏡既肥哥哥。食物 揀呢度嘅目的係因為佢每晚都有唔同地方嘅生蠔。 平心而論呢個選擇好比其他酒店多，有紐西蘭，太平洋同法國生蠔。 重點黎啦 好可惜冇一隻生蠔仲喺郁嘅。唔係即時開， 一盤盤開哂係到，每款都食過2隻，冇一隻識郁....即係唔新鮮。 如果你ok唔郁既

一家人去食dinner buffet, 唔貴, 選擇唔算少, 味道都ok. 好多冷盤生蠔, 肉食同甜品唔錯, highlighted個和牛都好好食, 不過只係出幾轉, 排到就淨係一人派一塊咁大把, 遲咗出去都無你份. 但overall都幾好！只係出面serve客人個啲staff就ok, 食物counter個啲員工就好晦氣,你好聲好氣問野, 佢啲答覆態度好似想同你嗌交咁. for example, 拎魚生, 企係佢面前話我要邊啲, 個呀姐自己發緊夢, 呆兩秒, 仲要好大聲咁喝我問我「要乜丫你」. 另一個屋企人望唔到擺咗另一邊嘅雪糕牌, 問一問個個係咩味, 又有個員工勁晦氣個頭fing一fing話「你自己睇啦」......

因為男主朋友鍾意食生蠔所以book左九龍酒店嘅自助餐🥂因為預約嘅時候講咗要窗邊位坐起上嚟就舒服啲同埋有feel啲我哋一嚟就食咗海鮮先🍽開頭主攻生蠔同埋小龍蝦生蠔有三款每次只可以拎兩隻食落都好新鮮唔會好腥size都唔會好細👍🏻小龍蝦就冇乜肉 撈左好多沙律另外都有啲青口 蝦 長腳蟹等等魚生就有四至五款即場有人煎鵝肝 但係就比較焦餐廳定時會有人fing噹噹 有特別嘅dish出嚟有咸有甜 要排隊拎🛎至於甜品種類唔算多🧁想食嗰個伯爵茶蛋糕一直都冇fill但係雪糕就有好多種有hagan-dazs雪糕杯movenpick雪糕球加cone🍦呢度服務唔錯 收碟又夠快👩🏻‍🍳我地換asia miles嚟食嘅 唔洗再比加一就可以離席總括食物不過不失 食海鮮同雪糕都值回票價環境適合一家大細嚟享用👨‍👩‍👧‍👦

每次去酒店食自助餐，都會睇吓有咩海鮮食估唔到今次二百幾蚊嘅自助午餐，竟然有任食生蠔生蠔的size幾大，食落鮮甜肥美，無咩腥味🤩除咗生蠔外，仲有兩款青口同埋蟹腳我就覺得蟹腳嘅蟹殼比較厚，而且肉質偏實如果蟹肉係軟熟啲，整體或會更好😋.今次嘅自助餐另外一個重頭戲就係即煮香草羊扒經過香煎嘅羊扒口感嫩滑香口，而且無咩羶味，值得一試除咗羊扒外，仲有無限量供應嘅即切烤雞和肉眼牛扒👍烤雞塊嘅肉質比較厚實，味道表現正常而肉眼扒嘅肉質比較軟腍，而且夠曬香，係唔錯嘅選擇😚.刺生嘅款式有玉子、甜蝦、三文魚等🍣但三文魚同埋甜蝦比起生蠔嘅鮮甜，就相對顯得有點遜色而刺身旁邊就有各式加州卷和沙律壽司等，味道表現正常.前菜嘅選擇有火腿、芝士、沙律和煙三文魚等，款式幾多而餐廳亦設有自助烘包機，方便烘到D面包脆一脆🍞前菜嘅旁邊亦放滿了各式切粒水果，有西瓜、菠蘿同蜜瓜等，款款都味道清新🌿.熟食嘅選擇都好豐富，有煙燻鴨肝、栗子燴火雞、燕窩粥同埋脆炸三文魚頭等我最欣賞個鴨肝，因為食落個肝味濃郁，而且口感十足🥰而栗子燴火雞的栗子味都好出眾，配埋啖啖肉嘅火雞真係幾搭配，好味🤪燕窩粥煮到幾綿，但燕窩嘅味道比想像中淡，重手一點就正啦🙈.

九龍酒店的消夜自助餐，生蠔比較薄身但都沒有太腥的味道都可以，所以最後都食了半打。刺 身有三款加蟹籽，刺身味道都不錯有驚喜，仲可以自取，所以都拿了不少三文魚腩。沙律都有 幾款要了粟米火腿沙律，中湯海底椰湯味都幾濃，燒味有雞有點凍仲有义燒選擇，白汁青口海 鮮的味不太濃同杰都可以，海鮮新鮮程度可以，瑞士雞翼不太好味，菜款式不多，最後再叫了 豆卜和生菜。薄餅有點濕，材料都幾好味，甜品不是太多但味道每款都不錯，拿破崙比較淋了 點，芝士蛋糕好味夠濃，甜品選擇都夠食，而且仲有即整的芒果薄餅，入面仲有忌簾都味道可 以如少點更好。燉奶，咸的類似白汁撻味道一般，最後再食雪糕，折了再加優惠每人二百七十 都可接受。

之前已經試過下午茶、晚餐同宵夜buffet，今次襯著聖誕假期一家大小就試一試 lunch buffet，價錢仲要係 cafe 假期 price list 中最平嘅其中一日，加埋另外優惠，埋單一個大人連加一都唔駛$250，真係超抵！紐西蘭生蠔雖然 size 唔係太大，不過都重海水味，還可以。青口有兩款，個人比較喜歡藍青口，口感爽脆啲。仲有長腳蟹，刺身就有5款。熟食個人就比較少食，無乜特別可以推介。甜品方面，除咗有 Movenpick 5款口味之外，梳乎厘真係要試，燉奶同豆腐花亦夠滑。保持水準。

香港人好累，容許我去咗平行時空3個鐘，食過buffet幸福一下❤️早排揀咗尖沙咀 The Kowloon Hotel九龍酒店「鮑魚 · 龍蝦海鮮盛宴」自助晚餐 #性價比高，因為好想瘋狂食海鮮。好佩服大廚嘅心思，一口氣設計到全場多款用鮑魚同龍蝦製作嘅菜式。仲有多款各國海鮮(即開生蠔都有3款！仲有加拿大雪花蟹腳， 智利藍青口baaaaaa)同自助餐必備的食物，有驚喜嘅！👄 想話「櫻花蝦蟹籽龍蝦沙律」好夾，櫻花蝦+蟹籽+柚子感覺好fresh。👄 「籠仔紅咖哩蒸鮑魚伴椰菜苗」好爽口，原來鮑魚 ·龍蝦可以有咁多玩法。Encore左好多次 櫻花蝦蟹籽龍蝦沙律 • 避風塘炒龍蝦鉗 • 醉滷鮑魚伴杞子 • 蒸鮮鮑魚伴鮮菇魚肚👧🏻溫馨提示：可能擔心大家miss咗美食出爐嘅最佳品嚐時間，當有精選美食出場時，會有同事環繞全場敲鐘聲🔔「乳豬燴飯」同「火焰雪糕蛋糕」出場都有提示，放入口嘅乳豬皮仲係最香脆！仲可以幫火焰雪糕點火moment打個卡。作為甜品粉絲食buffet係行咗甜品zone先🤤今次個芒果系列太震撼，好盡力品嚐最多款，最鐘意「芒果栗子蛋糕」同「芒果椰汁糯米飯」🎈仲有招牌「雲呢嗱梳乎厘」，Haagen-

Lunch buffet 有75折，以為吸引！但竟然加價+$100，簡直取巧！很久沒嚟九龍酒店食自助餐。現在食品選擇少，味道差，職員招待麻麻！如無意外，唔會再幫襯🙄🙄

上網看到這裡打正𣄃號任食鹿兒島和牛，哈哈原來全晚出兩次，每人限取一片，結果我全餐吃到了兩片，其中一片入口更是鞋的。生蠔我覺得不錯，細細隻夠鮮甜，有美國、法國、紐西蘭三款，多吃幾隻也不太膩。中式燉湯及老火湯也好味。印度咖哩牛：不夠香不夠辣汁水太薄像湯一樣，差。刺身只有四五款，質素一般，不吃也不是損失。埋單人均＄493，一分錢 一分貨，世界是公平的

知道屋企人鐘意食buffet，之前食開尖沙咀另外一間好幾次，今次想俾屋企人試下其他。係OpenRice 睇咗幾間既comment同比較價錢，最後揀咗呢間。今次主題話係和牛，但現場所見唔算話好多和牛款，不過其他款式搭夠。我地一黎先飲個頭啖湯，有熱野落肚先，個湯係海底椰燉竹絲雞，非常清甜生蠔有3款，美國、紐西蘭，法國，法國好鮮甜再黎就有鴨肝，煎得好脆口，唔錯，我地都食咗好幾舊另外亦都有片皮鴨、牛柳之類等肉食，都好正常刺身就不過不失，屋企人話魚質咬落硬咗D，唔係入口即溶，都係新鮮的，加拿大長腳蟹都好鮮甜，我都食咗兩、三轉其他基本菜式就唔多講，反而介紹番餐廳每晚既限定美食，聽到玲聲，店員大叫，就要識得排定隊，而今晚就係火焰和牛、脆皮乳豬糯米飯、火焰雪糕屋企人話和牛內口即溶，夠油脂，同個醬汁好夾，好得呢個乳豬糯米飯，好好食，皮夠脆，又香口甜品，雪糕款式都唔少，但唔記得影相，同埋要讚下佢地既pancake，估唔到佢地個pancake皮咁好食，唔硬，好軟熟，我揀咗榴槤蓉，簡直係perfect match，哈哈整體黎講係唔錯，仲要飲品任酙任飲，另OpenRice 有75折優惠，再計埋加一，每人都係50

多年無黎，襯而家無乜內地遊人，支持香港消費，食得自助又自然，唔洗爭，唔洗嘈。從eshop購票，4人平日比較抵，連加10%都係每人$210。雖然我唔食生蠔，但lunch有生蠔及長腳蟹，而又咁既價錢，咁既質素，實在超值。食物款式多到無可能試晒。梳乎厘即焗即食，正。芒果拿破侖夠脆。魚生都算多款。椰子湯好甜。粥檔ee好有禮貌，煲得好棉。突然鐘聲響起，原來通知大家，乳豬飯出爐，襯新鮮取，好香好脆。蟹腳好甜，夠海水味。牛扒唔奀，西冷算係咁。總括會再encore。

兩個月前來到倚窗閣吃過一頓不錯的自助餐，本來都沒有想這麼快就會再訪，在FB的群組剛剛看到轉了主題，非常吸引，餐廳今次選的主角不是平時回本首選的海鮮，反而是鹿兒島的和牛。日本鹿兒島的和牛當然都非常聞名，肉味豐腴較有肉香，油花分佈平均，每一口都是滿滿濃郁的牛香，如果你在香港要吃鹿兒島的和牛，動輒都是五六百蚊一位，仲要分分鐘唔飽。這個主題其實已經做了個多月，直至到11月，不過如果你喜歡鹿兒島和牛，就一定要先過嚟朝聖一下。喺呢度食鹿兒島和牛有個好處，除咗靚和牛之外，基本上乜嘢你都可以任食，絕對唔會食唔飽。而且其他食物嘅選擇絕不失禮。今次就用同大家講下有啲乜嘢係必食。火焰鹿兒島和牛絕對係最搶手之作品，基本上每次出籠必定排隊，大大塊嘅和牛師傅灑上酒後用上熊熊烈火燒後，火花不等人，吃下去已經知道正，和牛的肉香和油分完全激發出來，基本上食幾塊都已經夠回本。黑魚子蟹肉沙律伴薄脆多士樣子雖然不夠精美，但吃下去絕對是最好味的前菜。黑松露生和牛薄片伴青瓜卷，用上黑松露配和牛，點會唔好，黑松露同和牛鬥搶味，誰勝誰負，最後都不知道。三款火焰和牛壽司各有可愛之處，和牛蓉味道集中，加點芝麻口感不同，我自己就喜歡醬油版

倚窗閣各時段的自助餐我都食過，但最近竟然發覺我從未寫過它的食評，就將最近一次自助午餐的體驗與大家分享吧。它的位置實屬相當方便，可從尖沙咀地鐵站內的商場入口直達，無需走出地面，真個落雨都唔駛擔遮餐廳很多兩座位至四座位的枱都是靠窗而放，舒適而能保持私隱。該餐廳是以左右一字長蛇陣擺放食物，集中而歸一。今次光顧發覺竟然多了素食專區，對素食人士或注重健康及均匀食材人士是一個好選擇。中午自助餐能提供生的酒店數量不多，該餐廳是其中之一。是日提供的生多於一種，雖然若有人排隊則每次祇可取兩隻，但是源源供應，不愁遲來冇得食。味頗鮮美，愛者不會失望。是日品嘗的長腳蟹比以往為佳，大隻且多肉又畧帶咸味，我like椰子鷄湯非常入味，屬老火靚湯，我這個湯王足足飲了三四碗。燕窩粥可配其他食材，可惜落order後拿牌仔回去攞粥，一吃竟然發覺不是自己原本要的食材，足見安排是有點混亂。提供M字牌多款雪糕，配雪糕的材料亦多，雪糕迷不會失望。甜品種類亦足，且質量頗佳，好甜者很多選擇。最令我喜歡的甜品則非北海道牛奶燉蛋白莫屬，食落相當嫰滑可口，甜度調較亦得宜。亦有即場製作可選擇。 越南牛肉河粉達合格水平。該酒店自制的水果