倚窗閣

營業中

休息中

話說一行三人晏就去左九龍酒店倚窗閣到食lunch buffet 唔去由自可 一去簡直刷新三觀真係冇諗過一間buffet 可以差到咁-首先成間餐廳 好似人地嗰啲飯堂咁好似好霉好污糟咁啲侍應好似茶餐廳伙記咁大大聲講野執碟執得超慢 啲碟係會堆哂係枱面度😅-海鮮就得四種 蟹腳，生蠔，青口同藍青口真係想搵隻蝦食下都無🥲蟹腳對半切開 老實咁講 都算好食但青口 完全冇味印象中藍青口還算合格但啲生蠔 又瘦又無味都算3隻隨時得一隻可以食得下人Btw啲生蠔一早開定 好唔新鮮 同埋成日拎哂要等十幾廿分鐘先有得再拎-刺身 切好哂成盤擺哂係到 講真 賣相真係好差三文魚 食落正正常常 其他刺身都冇再食-食左塊牛 算係全場最正常既一樣🥲叫做有返啲牛味羊我就冇食 但我朋友就話好難食-到甜品 佢有個疏乎厘即整 拎咗兩個 都唔錯仲有個木糠布甸？都好食既有任食既Haagen Dazs我諗係最好既安慰成餐最食得下人既就係啲甜品🥲-第一次打食評 平時好食難食都算但今次簡直印象深刻🥲深刻到隔咗差唔多成個月都要打返個評語😂真係請都唔會再食 不了不了

人生第一次寫食評，原因係因為真係無辦法唔表達心中說話。今日媽媽生日，去咗倚窗閣食午餐自助餐同媽媽慶祝，點知去到先發現食物無論買相及味道同之前相差好遠……(1) 生蠔：不是即開即食，一盤一盤由廚房攞出嚟，味道非常不新鮮。(2) 牛扒：超級“韌”，非常“鞋烚烚”。(3) 刺身：呢樣真係最差最差，唔係有專人切俾你都唔緊要，最差係最廚房攞出嚟嘅時候已經係一“pat pat”, 仲要永遠一出嚟三文魚就會俾人夾晒，其他剩低嘅就俾人摷到垃圾堆咁。(4) 飲品：而家無咗每人一杯餐飲係無問題嘅，咁都要勤啲做補給架，果汁得橙汁一款，但係出咗兩次就收起，無再出過喇。在場見到有個別客人有特飲，就八卦問下侍應哥哥，跟住就知道咗凡係kkday訂嘅都有，呢一刻就即刻知道，原來做特價😒😒咁都唔係俾啲咁差嘅食物俾人食架下嘛。所以最後總結，大家唔好浪費金錢去食一個咁差嘅自助餐。

因為係跟左kkday 買，所以會再附送多一杯飲品，飲品只有一款，冇得refill，個人覺得味道都唔錯👍🏻👌🏻入坐都好快，去到Reception只需要比QR code佢睇就OK。覺得可以推介嘅食物係：長腳蟹同埋招牌拿破崙。招牌拿破崙個人覺得幾好味，相比起其他甜品呢個係最好嘅選擇！好值得欣賞！另外廚房方面，食物refill得好快，職員亦會提醒客人大概幾分鐘後就會有新嘅一輪，對客人既感官非常之好😘😘

服務員有禮貌，換碟清潔， 出面換食物都好快。食物種類選擇少， 唯一回本之作生蠔，但只不過不失， 沙律幾乎係冇得選擇， 刺身壽司好似去超級市場買咁， 甜品選擇少芒果拿破崙較好， Haagen dazs有多款味選擇， 飲品亦都有較多選擇， 汽水咖啡果汁都有。 可以講緊呢兩年最差一次午餐自助餐。

今次食lunch buffet其實真係有驚喜，估不到會full house!生蠔不是即開唔錯三文魚刺都唔錯蟹腳一般熟食蟹肉時疏、豉汁龍利、豬頸肉、點心、燒味等也很好味燒肉有西冷同豬腩，吃了豬腩要encore!中湯有點稀，但清清地不錯。蝦仁肉碎粥推介，最正係花生同脆片。到甜品，我平時只吃雪糕。成三個雪櫃也是滿滿h & m, 推介pancakes and 梳乎里。全部即整，就算排隊也值得檸檬茶、cappuccino 、檸樂任飲我一直會再嚟吃，同推介比朋友

同拔兄預早慶生，見呢度做優惠，又N年冇嚟過，所以想重温、試一下……準時到達入座，一開始，又係生蠔凍排長龍，我就去拎熱嘢食先，飲個中湯、攞咗餃子、叉燒、油鷄、炒麵、魚柳等，味道一般，之後先排生蠔、蟹腳、刺身，刺身同蠔都新鮮，吾錯……之後攞咗少少甜品，人哋話呢度最出名係芒果拿破崙，話好正，咁我當然要試下啦，食咗兩件，係ok嘅，不過又冇人哋講到咁誇……見心太軟出爐就拎嚟試吓，香又軟吾太甜，幾好……呢度居然有包裝鮮奶飲，真係第一次見吾知係咪有優惠，又因為係星期六關係，整個場都好嘈，好似街市咁，侍應可能做到麻木，冇乜表情、冇乜笑容，收嘢速度稍慢……因為做優惠，而且lunch都有蠔，都算係性價比高了……

疫情前都經常去食午餐和晚餐，現在晚餐食鹵水雞翼炸雞翼，之前都有個印度叔叔做下咖哩，現在得返1盤，之前中午和tea才食粥，晚餐都有即制粉麵，好似中午貨品當晚餐食，生蠔有等於冇，好細隻，其實如果成本問題，可以cut了生蠔，其食品做好些，海鮮只有長腳介，連基本的虾都冇隻，甜品直情少了一半選擇，只有杯子甜品，甜品亞姐說同她的拍檔說“點解個個都要問些 梳乎厘幾時有”，亞姐如果你們酒店選擇多，些客根本不會等你囉…，燒烤姐姐燒緊羊架，已經同些客說，有排等呀，不要排啦，聽到這種說話老實說，真的不會再幫襯，你當我們些客真是冇選擇嗎？服務真是超差。

可能就快父親節既關係，搵咗好多間Buffet 都無位，點知打去呢間問竟然有位！😱職員仲話上官網預早2日前買有65折！梗係立即上官網買啦！😲今日去到見真章.....雖然本身都無期望過折咗2百幾蚊會有驚喜，但果然價錢反映一切🤦🏻‍♂️........一入門口第一眼就係甜品區，味道唔錯同埋一啖一件跟住就係長長既熟食枱，燒牛肉、燒豬腩值得試，夠腍身唔會鞋口幾好食！👍🏻過咗熟食區先至到刺身、壽司🍣、冷盤同生蠔區。同出面既刺身、冷盤區好大落差！刺身唔係擺係凍櫃有師傅即切，而係廚房切好攞出嚟用碟擺喺冰上面任人夾......生蠔係一早開定，並非即開......食落係新鮮嘅...但係如果係即開既更好！(食咗4隻即刻停手🤦🏻‍♂️)總結：鍾意食熟食又想平平哋食一餐既都👌🏻凍熱飲品、茶啡任飲*除咗酒*(飲品喺餐廳最尾段位置)

倚窗閣lunch buffet 65折 連加一261/1 假如對食物非常有要求就唔太推介啦因為啲嘢未去到好難食 但係一般你都唔會再想食多轉 服務好 拎嘢食同收碟嘅服務員都有禮貌同有笑容 笑喎 個人覺得好加分環境唔算好好 但尚算寬躺冷盤 - 唔算好 不過呢個價錢我接受生蠔 2/5 瘦，唔算鮮甜，溫度控制唔好（唔夠凍）不過又未去到食唔落肚長腳蟹 3.5/5 開頭食覺得鮮甜又唔會太鹹 但係第二轉再食嘅時候唔知係咪浸得耐鹹咗好多刺身 3.5/5 希靈魚好食 三文魚算肥 不過因為唔係即切同冇冰鎮感覺爭少少沙律菜 1/5 苦澀忌廉湯 2/5 普通快餐貨色熱盤 - 比一般嘅茶仔仲要差少少即切西冷 2.5/5 淋 但肉味不足烤火腿 1.5/5 諗唔到有咩形容 甜甜地嘅肉囉蒸龍利柳 1.5/5 預咗冇魚味 調味一般燒味 2/5 廿零蚊燒味飯水準甜品 - 鍾意食雪糕嘅影響唔到你招牌芒果拿破崙 2.5/5 唔係難食 但如果係招牌我會無話可說朱古力Pancake 3/5 冇加額外調味 但係都算鬆化心太軟 2/5 外硬內唔算軟焦糖牛奶朱古力蛋糕 1.5/5 焦糖味蓋過一切冇牛奶冇朱古力味桂花糕 1.5/5

傳統老牌九龍酒店，午市自助餐值得一食👍人均唔使300蚊就有蠔任食既自助餐非常低食。回本美食包括有生蠔，加拿大雪花蟹腳，智利藍青口，燒牛肉🥩……生蠔唔算肥美，但勝在新鮮，蟹腳肥美鮮甜，有驚喜👍😋😋 牛肉就燒得過火咗少少👎好乾身，無乜肉汁，可惜可惜😂刺身屬於一般日式放題貨色，可接受。甜品方面非常吸引😍種類又多👍最吸引莫過於係其他自助餐少有提供既3.6北海道牛乳燉蛋白😋全程存放係保溫櫃內，加分不少👍牛奶又香又濃又滑，唔太甜，細細碗可以食多2碗😋原桶豆腐花，豆味香濃，又滑。仲有即焗雲呢拿梳乎厘，又係必食之選👍雪糕🍦🍧係Movenpick，有5款口味可以選擇👍😋食物種類太多，唔逐一講，總抱來講，性價比高，可以值得一試 。

//食物 🌕🌕🌕🌕🌑-今次去食我地係用佢嘅staycation package 嘅，$780 包雙人早餐、lunch buffet 同一晚住宿🙆🏻‍♀️-兩個人lunch buffet本身已經要$700，早餐就$88位，淨係計到呢到已經值咗，可以話係負房價優惠😂-Lunch Buffet 質素高，選擇多👍🏻除咗有生蠔蟹腳之類，佢啲魚生都唔錯，去拎三文魚刺身仲有腩位😍甜品都有大約十款，有即焗梳乎里，中式甜品都有😛不過個早餐就唔多掂😂可以揀要中式定西式，份量係好夠嘅，都好豐富，但真係唔好食😂😂😂//價錢 🌕🌕🌕🌕🌕三個字，抵到爛😂但如果只係嚟食早餐嘅話，就一啲都唔抵啦！-//位置 🌕🌕🌕🌕🌕尖沙咀站一出已經係，馬路都唔洗過，方便又易揾👍🏻-//環境 🌕🌕🌕🌕🌑佢衛生方面都做得幾好，除咗入去要量體溫，啲嘢食全部都有蓋，不過座位就密咗啲😂//總分 🌕🌕🌕🌕🌑

上網睇到做discount, 折左約338/個，而且lunch buffet 有兩種生蠔食，點知😰😰😰首先生蠔只得一款紐西蘭太平洋生蠔，而且唔係即開，出晒水既生蠔😫放刺身個櫃就不斷滴晒水落刺身上😬好喇，講下有咩食刺身有三文魚，希靈魚，青魚柳，蟹籽長腳蟹，小龍蝦。。。壽司啲色澤睇見都無性趣飲品只有檸茶，咖啡，奶茶熱葷食物，炒麵，炒飯，豉汁蒸龍利魚，蕃薯等。。。。第一次香港食lunch buffet有蕃薯😂，真驚喜，唉，真係一額汗燒西冷同蜜汁有骨火腿，西冷好柴😫冷盤算最ok, 多款煙雞肉，美樂腸等。。。。甜品一般😢，movenpick雪糕種類最齊全😂總結：從未試過食lunch buffet, 無野食到咁既地步，還有酒店防疫措施真麻麻，簡直一言難盡，唉😵不知是網上太誇大，還是酒店問題，不過什麼關係也沒有關係了，一次就終身blacklist因為肺事攞住張相片同酒店理論，好食咪再幫襯，唔好食咪88😂

放工放得夜，又想 坐得舒服啲食餐好， 最好不過嚟九龍酒店， 因為佢哋嘅宵夜係九點半開始， 適合曬我哋啲夜鬼食物種類唔算太多， 始終都係宵夜時段， 但總叫有生蠔刺身 算唔錯， 其實已經嚟過好多次， 但我覺得佢嘅水準冇以前咁好， 尤其喺食物 種類同質素方面， 希望可以改進環境 裝修唔算新淨， 但坐落去都係舒服， 重點係佢哋泊車非常方便， 唔使畀人泊， 自己直泊樓下入去就得。總結： 如果你係夜收工又想 坐得舒適輕鬆下， 佢係唔錯嘅選擇， 但就唔好期望嘢食會好好食， 不過總體都唔算太差

🇭🇰倚窗閣·我哋又買咗九龍酒店既staycation package啦 🥳今次我地其實主要係想試佢個自助餐 因為我哋睇Alfred同埋有啖好食都話佢個自助餐超級高質 講到勁好食咁 超吸引😈所以我哋就想趁而家有呢啲package去試 如果唔係平時正價我咁細食我真係覺得好唔抵🙊🙊😂·今次呢個佢係$1000房價 之後會送$1200嘅dining credits比你 補多$200就可以食埋佢地個自助晚餐姐 性價比我覺得ok啦 幾抵既 但係超級抵又未到😂因為佢間酒店房真係好普通 就算我哋嗰日勁好彩比佢upgrade咗上行政樓層 但係其實間房同張床都係比較細 而且係無咩設施可言🤭不過佢個自助餐真係幾唔錯既 尤其係啲中式野同肉類好高質 依家就咁食buffet都做緊75折 可以一戰既·「鮑魚 · 龍蝦海鮮盛宴」自助晚餐星期一至星期四 $588 (​​折後 $499.8)星期五至星期日 $638 (​​折後 $542.3)·是日燉湯-木瓜海底椰燉竹絲雞老黃瓜扁豆煲唐排因為佢間餐廳實在太凍 所以今次我地繞場一圈之後第一個攞既係佢既湯😂😂佢個燉湯真係做得超出色 超級真材實料 而且係勁有燉湯嗰種甜味 飲落好舒

早兩日透過九龍酒店eshop購買自助午餐券，今日到倚窗閣享用。七五折後成人每位$270.3，長者每位$244.8，價錢已包原價10%服務費。今次一行3人獲安排靠窗之4人枱，環境理應不錯，唯兩面玻璃之窗簾中間有虚位，其中一個座位被太陽曬住；另，餐枱離食物枱頗遠。熱葷不太吸引，選擇亦不太多，可能係唔太啱胃口吧！凍海鮮只有青口、蟹腳/鉗同生蠔(我唔太好青口)；刺生有幾款(我見三文魚唔太靚，無食到)。沙律都係啲正常嘢、生果只有3樣、甜品大概係10款左右。整體感覺不過不失，但我就未必會再有興趣食多轉。