倚窗閣

營業中

休息中

覺得這家的動線與風景真的是最喜歡的，食材也讓人著迷⋯夜景真的很推薦。（但不懂的是既然是吃到飽，也懂不讓人浪費食物的道理，但為何生蠔部分需每次限制取餐量，那幹嘛還搞吃到飽）

聖誕節想同男友食自助餐, 喺網上見到倚窗閣開賣緊, 有中午自助餐, 即刻訂咗位先. 節日既自助餐好快full, 而且呢間之前食過覺得幾好. 我地早少少去到登記, 準時11點就安排入座, 等咗5分鐘左右就入到去坐, 算快.食物方面, 有生蠔, 螺, 長腳蟹, 青口, 刺身, 壽司, 沙律, 熱葷, 湯麵, 火雞, 羊扒...等等, 選擇算多, 而且味道亦唔錯. 我鐘佢個咖哩, 3款咖哩都唔會太辣, 對我嚟講剛剛好. 仲有羊扒, 顏色好鮮嫩, 最重要係唔會有勁大陣既羶味. 我男友就鐘意飲椰子雞湯, 個湯好受歡迎架, 次次行過都有幾個人圍住煲湯. 而甜品方面, 除咗基本Haagen-Dazs雪糕杯, 蛋糕, 布甸, 窩夫...等等, 仲有我最欣賞既豆腐花, 勁滑, 有豆味, 雖然我已經好飽, 但都食咗2碗, 真係好好味, 真心推介. Haagen-Dazs焦糖脆餅雪糕味好少見, 男友食咗2杯.  朱古力蛋糕味道夠濃, 唔太甜, 正, 但熱情果蛋糕同埋布甸就甜咗少少啦.  24號聖誕節既中午 + 酒店環境 + 食物質素 = $475 一位包加一服務費, 算合理啦! 

今晚嚟到位於九龍酒店嘅倚窗閣食自助晚餐，佢嘅位置位於酒店嘅2樓呀，今次我就喺Kkday度訂嘅，價錢係$2138蚊3送一，除返大約每位$535蚊 。佢今晚嘅主題係蠔呀。今次派到個窗口位 ，倚窗食飯，風景一流 ，個場都有幾多位。佢攞嘢食嘅地方一條長巷睇到晒，首先嚟睇睇熟食。呢個蟹皇燕窩生滾粥即叫即整，顏色已經顯現出蟹皇色 。個粥都綿嘅，燕窩可能融咗入去。個粥係幾好食，食咗幾碗。 再嚟睇睇海鮮，蠔佢有三款：美國，法國Fine de Claire同紐西蘭。最期待就係生蠔嚟啦，每次佢只會俾三隻你。右邊係美國蠔 ，Size一般，淡口之中帶點金屬味，我個人就麻麻地佢 。中間係法國嘅Fine de Claire，好多餐廳都有佢架啦。今晚嘅貨係細size，味道就屬於淡口。最後試埋左手邊嘅紐西蘭蠔 ，三款之中佢係最大最肥美架，淡口之中帶點海水味，個人最喜歡係佢，食完要再encore。睇埋其他海鮮，今晚嘅蟹腳真係抵讚，新鮮多汁，蟹腳要夠鮮先會骨殼分離，一搣就成條蟹肉出咗嚟，Size當然可以再大，但肉質相當鮮甜多汁，真係相當抵讚。 青口，麻麻 。 螺，爽口。另一款青口就可以接受 。芝士冷盤正常 ，有個帶辣味嘅

疫情期間其實很少選自助餐，因為每次去取食物都要帶好口罩，回座位又再做一輪消毒，十分繁複，所以留意到其他食客會一次多取份量，避免進出。因朋友在年前已購自助餐卷，但因酒店檢疫原因未能享用，當轉0+3後，酒店重申開放，但並沒有通知已購自助餐卷食客最後使用期，朋友致電才獲告知要10月底前用。雖然今期以蠔做主題，但不要期望太高，因為即開生蠔連基本的鮮味都沒有，完全令人失望；刺身是平常急凍店包裝，解凍即食，味道應該不用多說了；熱食款式不多，比較好食的是烤羊架，燒豬頸肉；至於甜品梳乎厘和豆腐花比較好食，還有多款Haagen Dazs雪糕和脆皮雪條。因為好奇所以上網搜索一下現時Dinner Buffet 價格，週末晚餐$780，官網預購有75折，以這個價錢來說，可以有更好的選擇。

2022第一次酒店Buffet😋.屋企人想食Buffet好耐唸唔到食邊間？.唯有去返九龍酒店倚窗閣啦🏨.今次Buffet經網上預訂只需要$358，呢個價錢真係唔錯😎.身為Foodie的小弟，當然一定要精明消費啦識得用梗係要用埋atome俾錢啦限定優惠，首3個月免息分期，仲有$100折扣優惠-

因為預訂的時間很接近聖誕假期，所以比平常貴一點，但是有很多應節的聖誕美食，如火雞、聖誕栗子、聖誕榕樹頭蛋糕等等，餐廳也充滿了聖誕的裝飾，很有節日氣氛。甜品很美味，有新出的Häagen-Dazs雪糕杯。汽水任飲，地方寬敞，安排了靠窗的位置，光線充足，亦很多不同種類的食物選擇，還有小籠包，而且刺身非常新鮮，蟹腳也飽滿，質素很不錯，侍應態度親切有禮，清潔物品如消毒濕紙巾等也能隨時提供，不同位置也有消毒洗手液，衛生環境破戒，體驗很好，會再幫襯。

九龍酒店倚窗閣推出「情迷龍蝦和牛饗宴 」主題自助晚餐，老公被龍蝦與和牛所吸引，就悄悄地預訂了座位，帶我來試試。適逢翌日是Halloween萬聖節，餐廳也有相關的裝飾佈置。海鮮冷盤方面，有即開生蠔，生蠔有三款來源地，分別是法國﹑美國及紐西蘭。得法國那款可接受，美國尚可，完全不喜歡紐西蘭那款，幾款生蠔都帶金屬味，可再吃多一兩隻的，就只有法國那款較易入口！其他海鮮有長腳蟹﹑凍蝦﹑龍蝦鉗及藍青口，長腳蟹質素尚可，肉質不會霉，帶點鹹香，但不夠鮮甜。凍蝦﹑龍蝦鉗及藍青口就不過不失。刺身款式不多，三文魚和甜蝦都是普普通通。聽到搖鈴聲，就有限定食品出爐，例如鐵板燒和牛粒。和牛粒略帶牛味，質感嫩得來又帶點嚼勁，算是比較好吃的食物。燒和牛都粉粉嫩嫩的，肉質不會粗糙，但牛香味不及鐵板燒和牛粒。蒸龍蝦和龍蝦沙律也是限定出爐，兩款龍蝦同樣瘦小，沒有啖啖肉的那種滋味，幸肉質都叫爽口。燒牛扒，肉質有點粗糙，也沒什麼牛香。蜜汁叉燒帶焦香蜜味，質感不至於太乾硬。片皮鴨有點點驚喜，皮脆又有帶點點鴨肉羶香，不錯！有些熟食小碟也不錯，蟹黃鮮蝦蒸蛋白，味道幾香，調味恰好～～香草牛油龍蝦伴蟹黃意大利飯，味道好食，只是意大利飯太濕

去到這間酒店的入口，才發覺這間亦都是門高狗大，相當舊式那種酒店， 一看登記處旁邊有個小路可以進入去升降機位置，相當舊式還以為有可能坐近窗邊位置，不過窗邊的位置是四人座位，我們超過四人，就要坐中間了，不能對着街道或是半島酒店這邊看風景，雖然也沒有什麼風景可言🤷🏾因為原本訂了坐的另一間自助餐有些食品未能供應，於是臨時臨急都找到九龍酒店這間自助餐，就改到這裏。雖然這間九龍酒店自助餐的確很容易book到位，不過好像食品種類真的不太多，例如海鮮，只見到有青口兩種、生蠔、以及蟹腳，但係佢哋都不是厚實多肉那種。生蠔沒有標明是那個國家的，有些肉很大，但有些卻只有細細，肉，不算太鹹海水味，但也算輕微creamy，吃了會有少許膩的感覺 刺身沒有帆立貝，不過三文魚、鯛魚的質素也不錯，不過兩名女士刺身師傅切來，有時就切得呈方形，有另一位師傅就切得像片狀，不太一致，有時闊有時薄切，質感完全不同，雖然味道都算新鮮，可口，不過差太遠，感覺還不是太好。蟹子好像非常普通都好顏色都不太一致的。旁邊就再放了其他生菜、粟米粒、以及粟米粒等等其他冷凍的沙律菜食在最後才放有一部咖啡機、鮮榨橙汁、以及雪櫃裏邊放有可樂、忌廉、傢俬、

垃圾，食物質素好普通，生蠔未到臭或壞，但好瘦兼完全沒味，唔係講笑全場人都係食一次就唔會再食。一般熱盤冷盤都有2星至3星，算正常。燒牛肉第一輪個件係好野，之後夜的既第二輪再燒可能諗住會沒咩人食，搵件平野燒都合理明白，3星。雪糕甜品呢個價好合理，3至4星。點解我最後比2星？仆佢過街，宣傳話有和牛同鴨肝，和牛應該每30至40分鐘燒得一件仔，每人限拎兩片好似紙咁薄嘅牛肉，我排左3次都食唔到，全晚未食過。鴨肝我好好彩拎過一碟有2件仔，之後冇再食過，我又係拎唔到黎食。總結比2星而唔係1星係因為我平日夜晚去加埋一都係5百幾算平，話哂都酒店，加上仲有汽水咖啡任飲又可以坐返2，3個鐘，但你問我會唔會推薦你來食，咁你都係加多3百搵間再好的既食啦，唔好sin左呢5百蚊啦

環境可以，人唔多。但食物勁迷你，海鮮用小童size，鵝肝過火，焗龍蝦細出得遲，所謂和牛又要排又凍。連甜品還講照牌芒果拿破崙...OMG總括中伏😓😓😓價錢不合理

超級失望，選擇太少太普通，絶無下次！話自助晚餐有和牛但未見到，生蠔營養不良兼有蠔殼碎，魚生唔新鮮，鮑魚完全冇味道，燒鴨肝味道好蘇，其他種類太少，食物太普通，可選擇食用的食物種類少得可憐，食物補充速度太慢，餐廳環境太陳舊，8點過後已見食客開始離場，我們在沒什麼可選擇的情況下，唯有吃兩個雪糕填飽個肚，食完我同我老婆真係一肚都係火！之前睇網評有咁多讚美的食評，現在想來估計都係“做妹”！食過咁多間自助餐嚟講，呢間真係超級搵笨，絶無下次！

五個人塊和牛size 大約8cmx 3cmx3mm，只取到4塊波龍只能取得半隻，拉長只得20cm懷疑是否有足夠份量給客人取用，及質量也太差了。如要限量的，不如每個客人都分一份，不用排隊去輪，輪到又沒有。最討厭就是這類型的自助餐。如果早知道，多平宜也不會去！

星期六一行五人，有老人家一起去食和牛，海鮮自助餐。每位大約$590不知是我期望太高還是590元的自助餐不應期望過高！和牛，龍蝦都要要搖鈴時才有供應，還要限量。一次過多人排長龍去取好似取救濟品一樣，量又不足：和牛，每人每次只能取一小片大；約40×15×3mm.我們5個人只取得4片以沒供應了。龍蝦：波龍的size比在國內吃的小龍蝦大不了多少，還只是急凍貨，在上面塗了一面沙拉醬便算(凍食)，我們5個人只一個能取到。其它食物只一般不值這個價錢。唯一ok的是，生蠔是無限供應，質量也ok.老人家那有能耐跟人去排長龍去取限量食物！

為免更多人中伏，決定出呢個食評，自問如果你對食仲係有僅餘些少嘅要求，呢度唔啱你㗎，回頭是岸呀施主！但如果你求食飽，咁都係個選擇，畢竟又蟹腳又有生蠔又有牛有熟食咁…親友食到冇停口冇停手，我就冇咁嘅能耐…老老豆豆，未食過咁難食嘅生蠔，未食過咁難食嘅壽司、刺身，好似爭鮮都仲好佢少少…所以連蟹腳都冇拎…甜品有個自家制疏乎厘，可能我仲整得好味過佢，輪全場至好食，一定係哈根大師…環境方面，似街市…咁嘅回憶我都唔想再記住…如果你咁都仲想終個頭埋去，good luck!

我寫呢篇野就壞咗叫大家唔好白白浪費幾百蚊，啲幾百蚊我寧願去食金拱門全餐，食物質素衰過茶餐廳，刺身仲比百佳嗰啲更加要來得差，未見咁恐怖嘅刺身，好似爛肉咁樣，全部撈埋晒一齊啲壽司全部打晒風，鴨胸壽司，中華沙律壽司，罐頭吞拿魚壽司，名將咩熟食少得可憐，全部都唔好食，淨粟米沙律，紅咖喱蒸鮑魚，要幾咁不知所謂先諗到呢啲嘢食出嚟，啲甜品仲衰過日式放題，全部都批發貨款，作為一間酒店嘅自助餐揀咗離晒譜成餐飯最正常竟然係可樂糖其實早幾年我成日嚟呢度食自助餐，仲會介紹俾其他朋友，因為我覺得性價比高，唔知點解今日墮落到呢個地步，我係有啲痛心，價錢仲要貴咗，奉勸大家一句千其唔好掉幾舊水落海！！！