倚窗閣

開學前約左同學仔食九龍酒店buffet。這間未試過見網上有優惠around 5百幾去試試⋯⋯有D失落感，熱盤食物普通。片皮鴨皮乾肉厚，燒牛扒有D𡁻口，較為驚喜係澳洲和牛海鮮🦞湯邊爐。牛肉薄身有牛味湯底鮮味冷盤都多選擇有長蟹腳，螺，麵包蟹，磯煮鮑魚不過我自覺甜味鲍魚不啱我⋯⋯魚生新鮮但D魚類太厚切食時比較漏最開心有赤貝帶子刺身😅飲品有罐裝飲品或果汁檸茶咖啡等甜品類不是太精緻，最好味有薄朱movenpick 雪糕特別每晚都有即製火焰雪山，梳乎厘　製作完成即響鈴叫你哋出去取。 最後可能近中秋佳節，所以每二人附送一個九龍迷你月餅🥮我地夠八人仲有一支紅酒倚窗閣 (尖沙咀)尖沙咀彌敦道19-21號九龍酒店2樓…查看更多

終於“登陸”了，正日當然想對自己好一點，太太特意請假陪我，囝囝又放暑假，最好就由起身一直食同玩足一日。 午間係另一間酒店品嚐了下午茶，晚飯就選擇了九龍酒店的倚窗閣，今次的主題是‘’夏日美食狂想曲‘’（地中海香草美饌配搭特色滋味火鍋）。 可能網上平台有折扣，就算是平日，居然有8，9成客，是少見的熱鬧。 磯煮鮑魚以前會有兩至三款生蠔供應，但可能之前太多餐廳出事，倒不如轉做熟食仲好。 磯煮鮑魚真係好正，肉質軟熟入味，食幾多都有。 海鮮有俄羅斯雪花蟹腳、藍貝、青口、咖啡蟹、海蝦及翡翠螺。 解凍處理得不錯，質素有保證，點都要食返一round。 刺身係香港酒店自助餐中，倚窗閣的種類及質素都好好，有劍魚腩、三文魚、油甘魚、八爪魚、紅蝦、赤貝、帶子及北寄貝。 火鍋近年酒店自助餐都多了點新意，火鍋是其中一樣，而且食落又幾豐富喎！ 主打有美國牛肉片、伊比利亞豬肉片、海螺、蠔肉、沙白、鮮蝦、魷魚、鮮花甲及龍躉片， 其他配料蔬菜類有高麗菜、唐生菜、金針菇、冬菇、白蘿蔔片、皇帝菜、冬瓜片、芫茜及腐竹。 而湯底有椰子雞、法式海龍王以及四川麻辣湯，講真，海龍王湯硬係覺得怪怪的，還是傳統椰子雞啱我。 越式牛肉湯麵有豬骨及牛肉兩款湯底，另外配料有牛丸、炸魚片、扎肉、豆卜、肥牛肉、芽菜同西生菜。 作為澱粉質怪，當然要食返碗，老實講，湯底又真係幾好，湯色清而味濃，我鍾意。 Carving Station香草海鹽慢烤有骨肉眼扒一如以往，都係等到中間較生的位置先出手。 北京片皮鴨即包即食，可以自行加配醬料，鴨皮有油香，不錯。 另外有香煎rosemary羊扒、鹽燒牛舌、免治雞肉棒、意大利莎樂美場薄餅、日式天婦羅及鷹嘴豆配中東包。 真心推薦鹽燒牛舌，厚切下啖啖肉，好食。 熱葷酒店本身有中菜廳，中菜出品穩定，所以都好受食客歡迎。 養生系列野生姬松茸炆雞炒得幾乾身，雞肉亦嫩。 紅棗欖角蒸排骨甜甜地又醃得好入味，尤其是個汁，用來拌白飯一流。 蔥油頭抽蒸比目魚勁厚肉又無碎骨，蔥油好香，有提味的作用。 西式熱葷仲有美式燒排骨、摩洛哥紅酒牛肉、鹽燒三文魚鰭、黑松露卡邦尼意大利粉、三文魚炒飯、忌廉薯片及西班牙海鮮炒飯 再來一碗街頭小食碗仔翅及咖哩三寶。 湯倚窗閣既湯品一向都好夠火喉，尤其是係中湯。霸王花粟米甘筍煲唐排一揭開蓋，已經瀰漫香氣，忍不住飲了兩三碗。 西湯是南瓜甘筍湯，質感滑溜，甜度來自南瓜及甘筍。 沙律有八爪魚蘑菇沙律、素菜藜麥沙律、煙火腿菠蘿沙律以及吞拿魚沙律。 芝士有橙車打芝士、蒜蓉芝士以及大孔芝士。 Cold Cut有紅椒凍肉腸、意大利前菜、煙三文魚、精選意大利凍肉雜錦、芝麻吞拿香芒莎莎及西班牙凍湯配鮮蝦。 甜品Movenpick雪糕有雲呢拿夢幻、瑞士朱古力、士多啤梨、 薄荷朱古力、特濃咖啡、熱情果芒果雪葩、法式焦糖燉蛋、Rum酒提子及香蕉味，可以杯上，又可以配甜筒，所以好受歡迎。 每晚都會有即製火焰雪山，當年同太太拍拖時的回憶一下重現。 當然要食即焗梳乎厘，輕盈鬆軟的質感，好對板。 太太比較鍾情中式糖水，這個紅棗雪耳燉桃膠就最啱佢。 加埋即制窩夫、DIY豆腐花及涼粉，種類可算多。 Whole Cake有芒果熱情果慕絲蛋糕、十勝紅豆宇治綠茶蛋糕及72%黑朱古力慕絲蛋糕。 為免比人拆散，最佳方法係盡早食，對嗎？比較迷你的有西班牙果酒凍、木糠布甸 、芒果布甸、藍莓芝士餅、北海道3.6牛乳芝士蛋糕、開心果葡撻、葡撻、加泰隆尼亞焦糖奶凍、什莓特飲、紅桑子檸檬忌廉、黑芝麻布丁配雲呢拿汁、Cupcake、啫喱糖（青檸、黑加侖子、士多啤梨及芒果）、杞子桂花糕 及洛神花椰汁糕。 整個甜品區超過20款甜品，好啱心多的朋友。 水果有蜜瓜、哈密瓜、士多啤梨、西瓜及菠蘿。 飲品凍櫃有汽水，另外有橙汁、蘋果汁、薄荷香橙水以及冰凍紅茶，仲要係free flow。…查看更多

倚窗閣自助午餐，我食過好多次。一直覺得性價比都唔錯。今次慶祝生日即興諗住食自助餐。上網係eshop 用每位399價錢買左三個人。因為生日想坐得比較靜少少就request咗窗邊好好彩都有安排到。但係就醒唔起問佢生日可唔可以寫字生日快樂嗰啲。即場問返職員好彩都可以幫我哋mark番到時做返俾我哋。夜晚自助餐比中午更豐富，但其實價錢又唔係真係貴好多。有鮑魚有蟹腳有三文魚籽基本刺身一應俱全。其實同平時中午食嘅差唔多，有多咗鵝肝，仲有個火焰雪山。質素一如既往都唔錯。但係今次估唔到嘅，平時好少食自助餐飲湯嘅我，竟然飲咗佢兩碗是日燉湯。煲得好入味。芒果拿破崙永遠係佢最出色嘅甜品，仲有佢個Move pick雪糕都令人回味無窮。我哋一家三口喺呢間自助餐渡過咗愉快嘅一晚…查看更多

## 食評：九龍酒店母親節自助餐呢個月內，我已經第二次嚟到九龍酒店享用自助餐。今次因為係母親節，所以人非常之多，排隊情況較為嚴重。雖然食物補充得算快，但因為人流太多，某些基本食材，例如意粉同無糖可樂，都要等一段時間先有得補充。特別提一提，今次有母親節特別食物——燕窩燉奶，但可惜非常快就被搶空，未能品嚐到。我見到有位客人用匙羹拿生蠔燉蛋時，無意中弄斷了匙羹，殘骸直接留喺食物盤上，呢一幕有點令人側目。魚生刺身的質素跟上次一樣，仍然顯得不錯，而急凍鮮蝦也是我父母的最愛，佢哋一盤接一盤地連續食蝦，真係開心。其他食物整體不過不失，同上次差不多。今次有三至四輪敲鐘，第一輪係蒸海鮮，第二輪係甜品疏乎厘，第三輪係火焰雪山。今次的火焰雪山用咗士多啤梨雪糕，而上次係巧克力雪糕，味道上有點不同。雖然整體食物質素中等，有點欠缺新意，令我這次冇上次食得咁多，但其中一大亮點係今次有芝麻糊湯圓，呢個甜品真係非常香滑好食，芝麻糊搭配豆腐花更係一絕。整體而言，今次的用餐體驗尚算不錯，只係人流太多，令到某些服務未能做到盡善盡美。希望下次再嚟的時候可以有更好嘅體驗！…查看更多

九龍酒店晚市自助餐 $870/2位 空間寬敞舒適，近窗2人位開揚，唔逼✨重點推薦刺身：8款新鮮選擇，三文魚肥美，紅蝦同帶子鮮甜到要encore！ 凍海鮮：長腳蟹鮮甜、龍蝦拑肉厚，雪花蟹腳同麵包蟹亦唔錯，青口有智利同紐西蘭兩款。 - 熱盤： - 煎鵝肝軟滑入口即化 - 羊架嫩香、北京填鴨片皮脆 - 蒸比目魚超滑，和牛粒juicy -甜品：木糠布甸必食！小泡芙蛋香濃，朱古力蛋糕有脆脆層次感。 🍽️其他亮點- 每人送1隻8頭鮑魚，誠意十足。 限定出品，會响鐘：火焰雪山、原味梳乎厘（出一次），蒸海鮮檔有蠔仔、蝦、蜆。 - 湯品選擇多，燉湯「五指毛桃燉赤肉」夠哂養生。 - 飲品任飲，連罐裝啤酒汽水都有。 總結：性價比高，款式多且質素穩，尤其海鮮同甜品出色，環境舒服，適合慶祝或慢慢食！…查看更多

講真，今次女友生日，一家大細去咗間大約四百幾蚊一位嘅自助餐，話明要開心慶祝，梗係要食得開心啲啦！魚生海鮮新鮮靚料首先，成個自助餐最抵讚就係魚生同海鮮！你睇相就知，三文魚、吞拿魚、帆立貝、北寄貝、八爪魚、甜蝦全部新鮮得嚟又厚切，入口即溶，完全唔腥。海鮮區有凍蝦、蟹腳、青口、螺，啲螺啖啖肉無沙，蟹腳啖啖鮮味，平時出面食一份都唔平啦。熱葷ok，鮑魚一人一份熱葷方面，有得食鴨卷、鮑魚炆冬菇、蒸魚，質素都唔錯。鮑魚雖然每人只得一份，但味道夠入味，唔會淋晒。其他熟食選擇都算多，但主角都係海鮮同魚生。甜品太甜，雪糕任食但未夠驚喜甜品枱好吸睛，有各式蛋糕、啫喱、Tiramisu咁多款，但食落普遍偏甜，唔太啱我口味。雪糕方面係Mövenpick任食，選擇多但都係偏甜，如果可以換做Haagen Dazs黑朱古力就更好啦。特別環節氣氛足另一個驚喜就係每隔一段時間會敲鐘，會有特別菜式登場，好似蒸海鮮、火焰雪山、疏乎厘等。疏乎厘新鮮出爐，熱辣辣又香滑，呢啲小驚喜加分，唔會悶場。沙律新鮮，款式正常沙律吧都幾新鮮，有冷麵、南瓜、蕃茄等，配色好睇，解膩一流。不過款式就正常發揮，唔算有特別驚喜。總結以四百幾蚊一位嚟講，呢間自助餐主打魚生同海鮮，質素高，啲熟食、甜品、雪糕就正常發揮。每隔一陣有特別菜式出場又有氣氛，適合慶祝同一家大細聚會。如果你係魚生海鮮控，呢度真係抵食推介，性價比唔錯！**評分：7.5/10** （魚生海鮮有驚喜，甜品可以再改善，整體開心滿足！）有冇興趣試下？下次生日都可以考慮！…查看更多

早喺kkxxx買左自助午餐coupon,只需＄30X, 去到酒店餐廳幾乎全場爆滿餐廳環境比較傳統古典，地方尚算整齊食物如下：冷盤：多款蔬菜沙律，凍肉盤如莎樂美腸，燒牛肉，煙火腿，正正常常凍海鮮: 磯煮鮑魚幾鮮，長腳蟹夠鹹香，凍蝦同青口冇乜味道烤肉：燒牛肉夠粉嫰，牛肉味幾濃，食左好幾塊，烤火腿夠鹹香又有蜜糖味，係稍乾身左少少熱食：整體冇乜驚喜，有港式碗仔翅，咖哩魚蛋，點心如潮州粉果，燒賣，即碌越式粉麵，生滾粥，日式炸天婦羅，較為失望係冇牛面頰肉甜品：有吼鐘即焗梳乎里，拿破崙芒果，芝士蛋糕，多款口味雪糕任食整體食物質素冇乜驚喜，但職員服務態度好，價錢唔貴食到自助午餐冇嘢投訴啦！…查看更多

之前見係xxday 做緊優惠，見唔係好貴甘就幫趁下。晚餐4xx既價錢黎講都算係正常價。先講地理位置，尖沙咀地鐵站唔洗出直接可以上到去，超方便。估唔到夜晚人流甘甘多，幾乎住滿曬人。食物方面，熱食選揀都多，單係中菜都有成10款揀，個人覺得比目魚蒸得唔錯，幾滑，其他就都還好。海鮮區都好多選揀，師傅完全唔手緊，拿左一份刺身，大大件爽爆。當然仲有長腳蟹蟹腳，龍蝦任拿。仲有每人送一隻8頭飽魚甜品區都幾好，有好多既蛋糕選揀，雪糕係movenpick, 但有啲可惜既係佢唔係獨立包裝。個人最中意佢既熱香餅，新鮮即整仲可以DIY 加唔同既toping，真係又玩又食整體表現中上，食物質素幾好，環境地點都方便，就係唔太中意唔係獨立包裝既雪糕，其他都還好。…查看更多

K字頭平台做緊人均HKD 431 ，見幾抵就去試下，可以從尖沙咀站E出口出，步行一分鐘到半島酒店後面的九龍酒店🏨，餐廳位於二樓，用上實木顏色，整體環境昏暗，比較舊式，樓底高，枱與枱之間比較闊落 坐得舒服。食物區都好大同好長，海鮮回本區有麵包蟹、長腳蟹、大蝦、螺、青口等，整體算新鮮，但無咩味。刺身方面多達八款，誠意十足，有帶子、紅蝦、赤貝、北寄貝、八爪魚🐙、三文魚🍣、等，質素正正常常，蝦好軟糯但帶點腥味。仲有多款精緻壽司🍣同任食蟹籽和三文魚籽。熟食方面更有好多意想不到的，有碗仔翅，咖哩魚蛋、章魚小丸子、蝦，牛扒🥩、牛雜，雞煲，諗到諗吾到都有！但每樣都試左無話特別驚艷！全晚有時會響鈴🔔，原來會有啲限量的食品，如火焰雪山蛋糕、芒果拿破崙，疏乎厘等，但老實說質素都係一般貨色、幾本上無咩需要咁有儀式感，吾係話咩好特別既野。甜品方面好有誠意有楊枝甘露，芝麻糊豆腐花，各式各樣精緻甜品蛋糕，但係一係就太甜，一係直頭難食，最後都係食回本嘅Movepick雪糕算，起碼有五至六款口味，最好味係特濃咖啡。飲品方面提供咖啡汽水啤酒可樂咩都可任飲，吾錯，都算幾大方。總結：整體食物款式眾多 奈何沒有一款特別驚艷做特價嘅時候可以試吓 …查看更多

昨晚去食。。。。真的有驚喜。因為從未食過咁難食自助餐。凍盆。。龍蝦無人食。長腳蟹（食坊蟹柳好食啲）、還有垃圾小龍蝦。甜品。。無乜必要都係放棄吧。記住唔好食楊枝甘露（酸能到無朋友）。雪糕也一樣。熱盆。。都係嗰句（食飽肚就算啦）生果。。提子比較好啲燉湯。。。。湯就唔好飲，街邊鋪例湯仲好飲過佢6:00開始食七點可以走人溫馨提示。。。食平價嘢有驚人（會好味啲啲）好食啲。。炸蝦片、咖哩魚蛋、熟蝦、麥包仔、瑤柱冬菇白菜仔、碗仔翅、豆腐花。…查看更多

九龍酒店的自助餐，是童年回憶中其中一間好完美的餐廳。想當年，能夠去酒店食一頓自助餐，是何等的大件事，而且價值不菲，更加是大開眼界的機會，亦是父母教導table manner的其中一個場景。三十年後，我以成人的身份（和自助餐的價錢）帶著父母（長者價）重臨舊地，發覺九龍酒店一格格的窗口位仍然不變，餐廳沿著長廊伸延，無論是小時候的我，還是現時的我，都覺得這個格調與別不同。餐廳仍沿用著保暖的餐碟，現時的餐廳已很少見這座機器了。午市自助餐來說，很實在，不花巧，凍海鮮有蟹腳、青口、蝦、翡翠螺等海鮮之中，以磯煮鮑魚最好味刺身選擇亦有不少，而且新鮮，師傅提供的份量亦很合理熱盤有西冷牛排、豬仔骨、泰式豬頸肉、日式天婦羅、中式餸菜、點心等還有即場燙的湯粉面中式甜品最好的地方是不太甜，可自行配搭，例如：豆腐花、涼粉、楊枝甘露、芝麻糊、及各款配料西式甜品的選擇亦有不少，例如：特濃朱古力布朗、藍莓芝士餅、芒果布甸、紅豆抹茶布丁、芒果拿破侖等，另外，亦有限量的梳乎厘，可於出爐時排隊領取。餐廳採用Movenpick雪糕，有很多味道可供選擇整體來說，雖然沒有什麼貴價食物，但在尖沙咀區，可以坐兩個半小時，連飲連食，收碟速度不俗，就算沒有童年回憶加持，也是一個蠻好的選擇。有下次…查看更多

都有幾年冇到倚窗閣食自助餐，同家人慶祝生日，冇想到啲食品差咗好多，海鮮其實唔係好難整嘅，但係唔明白龍蝦可以淡茂茂冇厘味道仲係好硬，啲蟹同青口都服咗佢可以淡茂茂冇厘味道，唯一冇變就係好腥，一啲海水味都冇，只有長腳蟹有返啲海水味，個蝦都正常，整體嚟講我都係最欣賞佢嘅燉湯，我都有飲咗兩碗，啲蜆食到成口沙，吐都吐唔切，啲鮑魚又細隻到無倫，至於其他嘅食品一般冇驚喜嘅感覺，但係都好識搞氣氛嘅，推出火焰蛋糕就要響鐘叫啲食客出來欣賞火焰蛋糕情景，個火焰蛋糕係雪糕蛋糕嚟嘅。…查看更多

以前來食過幾次都覺得唔差，但今次再來覺得都頗為失望。晚餐做了七折都要差不多500蚊一位。海鮮凍盤都係普通野，有長腳蟹，麵包蟹，翡翠螺，小龍蝦。沒有生蠔供應! 龍蝦要叫職員夾俾你的，慌死人拎得多龍蝦咁，好小家。重點喺，啲龍蝦只係得雪藏味，完全無鮮味，基本上亦無任何味道，我唔知自己食緊乜。沙律方面諗住整個凱撒沙律自己食下，點知佢竟然無提供最基本的生菜，很荒謬。熱盆嘅野都係普普通通，竟然有一款叫部隊鍋，入面係廚師腸同午餐肉，冇野下話！？cheap成甘間中會搖鈴叫人出去拎食物，拎左份火焰雪山，食得出係好cheap好鞋既蛋糕底同cream。唯一可取係有movenpick冧酒提子味雪櫃。還有，整間餐廳(酒店)的裝潢仍然停留在90年代，深色的舊木枱木椅，披哂口的假天花和天花燈裝修，令人感覺仿如隔世。其實對誠哥旗下的酒店，真的不需有乜期望，每間長實酒店都係停留在8，90年代的裝潢，殘殘舊舊，身為首富旗下，從來不肯花錢翻新下，淨係一味cut cost, 十分諷刺。難怪weekend嘅dinner buffet全場三分一都坐唔滿。總結，半價都未必會再來。…查看更多

團購買了聖誕晚餐， 諗住食餐好，點知去到先話無生蠔提供只係以龍蝦仔代替。 之前網頁或其他平台都沒有講過，好令人失望。但龍蝦仔完全沒有味，的肉有點軟，唔新鮮。 長腳 蟹沒有味道， 總體海鮮令人大失望。 熱盤方面 還是可以。 唔知 鵝肝定鴨肝，處理失色。 攞左4塊，有2塊煎唔熟，其余2塊 唔知落左的乜粉去煎，勁難食。 好彩甜品攞返的好分數，估唔到會有梳乎厘提供， 選擇叫多，但糕點類就唔算好多，但雪糕口味都幾多， 員工服務都唔錯。但好難會再去…查看更多

雖然今年大閘蟹來得較遲，但總算遲到好過無到，對嗎？其實想食大閘蟹，除了可以在酒家或家中享用外，自助餐都係一個不錯的選擇。早前就同朋友去了尖沙咀九龍酒店倚窗閣，一試其‘’蟹之饗宴‘’Buffet。尤其是家陣係eshop訂位，4人同行有高達6折，計落最平可以去到$300左右。大家都講生意差，相信係一個不爭事實，但係市道越低迷下就越要加把勁，近日好多酒店都回歸自助餐市場，買一送一有，eshop早鳥又有，但回到初心，仍是以食物作出發點，就好似今次九龍酒店倚窗閣為例，個人覺得好多菜色都好啱自己。生蠔有帶海水味的法國 Fine De Claire 生蠔以及蠔味有改進的美國太平洋生蠔。海鮮有生蠔就多數無龍蝦，畢竟是成本問題，這是常識吧！海鮮類有主題之一的北海道栗蟹，如果沒有栗蟹就會換上英國蟹包蟹。小龍蝦仔、紐西蘭青口、智利藍青口、加拿大雪花蟹腳、凍海蝦及翡翠螺，好多都大大隻，肉質飽滿，個人就收貨。刺身倚窗閣的刺身，一向是我喜歡的，因為有少見的阿根廷紅蝦及帶子，肉質嫩滑又大隻。赤貝爽口彈牙，劍魚腩肉味濃。仲有常見的八爪魚、油甘魚及三文魚，單係食刺身已經幾成飽。什錦壽司種類不算多，但蟹籽及魚籽一整兜任食又好少見。野菜和牛配昆布茶湯即灼即食，沒有不好吃的道理，清清地，吃出牛肉的味道，不錯。蟹粉花膠撈麵將麵條沾上了豐腴口感的蟹粉，是何等美妙的事？更何況加上了花膠，就更加可口。湯品燉湯大家一定要飲，因為係海底椰花膠燉竹絲雞，湯清味醇，又夠滋潤，必飲。就算並非燉湯，西湯是意大利雜菜湯，而中湯是冬瓜清補涼煲雞，兩者都煲得好有家庭湯水feel。熱葷新加坡咖哩麵包蟹配炸饅頭對不起，用咖哩汁蘸點炸饅頭實在比食蟹更吸引。蟹粉酸辣素翅羹，又有蟹粉又有素翅，即係矜貴版酸辣羮。而汁燒煮和牛面頰，好軟稔入味，蘿蔔尤其是鮮甜。輕盈一點，來個日式蟹肉茶碗蒸蛋。蟹粉類仲有蟹肉扒時蔬以及蟹蠔花膠絲雞煲，都各有風味，尤其是蟹蠔花膠雞煲，完全揉合了不同元素，很有趣。海膽蟹肉帶子意大利麵好有驚喜，有嚼口之餘材料豐富。海鮮中，蔥油頭抽蒸比目魚可以啖啖肉不怕碎骨一流。港式小食有咖哩三寶，蘿蔔、魚蛋及豬皮是常識吧！其他熱葷有香草海鹽慢烤有骨肉眼扒、燒烤醬豬串骨及海鮮炒飯。喜歡的，可以來一件北京片皮鴨。而大堂一角，有自家出品的豬肉燒賣及潮州粉果。Carving Station雖然好邪惡，但都要來一件香煎鴨肝。日式照燒蒜香和牛粒即炒即食。亦有香煎露絲瑪利羊扒、香辣鐵板牛舌、免治雞肉棒串、辣肉腸薄餅、鹽酥軟殼蟹及日式天婦羅。燒味同行朋友大讚自家出品的玫瑰豉油雞，當然蜜汁黑毛豬叉燒亦是店方名物。涼菜、沙律及Cold Cut加埋足足有十幾款，由辣風的川式涼拌菜，到清新的吞拿魚沙律，口味眾多。喜歡的，大可試試木瓜芒果蝦沙律或日式炙烤牛肉沙律。仲有紅椒凍肉腸 、新鮮煙三文魚配水瓜柳及刁草、精選意大利凍肉雜錦、蘑菇肉腸、燒和牛片伴日式漬物沙律、蟹肉蕃茄凍湯和芒果蟹肉煙三文魚卷。甜品整個甜品區可說是倚窗閣的強項。先係每晚的不同時段，都會有火焰雪山及梳乎里推出，充滿了同同太太拍拖時的回憶。Movenpick雪糕總共有瑞士朱古力、士多啤梨、椰子、特濃咖啡、檸檬青檸、法式焦糖燉蛋及意大利芝士蛋糕等口味，既可以配甜筒，又可以加topping，食幾多都得。雖然榴槤種類不多，但D24榴槤忌廉泡芙及榴槤布甸，同樣有水準，榴槤味好突出，不錯。至於甜品有芒果特飲、紅桑子特飲、藍莓芝士蛋糕、杞子桂花糕、椰汁西米糕、芒果拿破崙、香芒布甸、72%朱古力慕絲蛋糕、 panna cotta 、tiramisu、迷你冬甩、 原味鬆餅及朱古同埋cupcake，當中好多都係迷你版，食多幾款都無問題。另一邊甜品區有朱古力噴泉。食了即制熱香餅，熱辣辣散發蛋香，味道果然不同。其他還有葡撻、豆腐花、芝麻糊、台式三色芋圓及涼粉。  …查看更多