倚窗閣

營業中

休息中

這間酒店的食物種類都很多。有中式菜、西式菜、泰國菜及日本菜等。菜式真是多元化。不過我最愛吃的還是生蠔及長腳蟹。生蠔有三款可選，我最喜歡❤️💓的還是美國生蠔。有些生蠔好肥厚，但有些卻好細隻。服務員見我們經常去取生蠔，就常常把最細隻的拿給我們。當我開口跟他說，那服務員竟然不以為然，說再給你一隻吧。但那一隻生蠔又是十分細小的。我真是欲哭無淚。

每年天后誕除咗係睇巡遊的日子外，也剛好是我的農曆生日，今年我的農曆生日就去咗兩年前去過的九龍酒店倚窗閣食自助晚餐，以下係兩年前的分享~~~ Tea Buffet @ 九龍酒店倚窗閣 呢度的自助餐食物款式很多，而且味道不錯，每次都令我好飽足咁離開~~~食物之多未能全部介紹，以下係當晚的菜式~~~串標香草煙肉雞柳卷、芝士菠菜焗扇貝（另外每人會有一個大隻D，感覺幾好食）、炸三文魚頭腩和米蘭式煎魚柳~~~ 生炒牛肉飯、紅燒伊麵（不錯，唔會太油）、鮑魚菇扒時蔬（夠軟熟又好食）和芝士焗雪花蟹腳~~~ 原來呢度的生蠔每次限拎兩件，令我想起之前陪我食自助餐的好友，如果佢到呢度食，可能冇咁暢快~~~而昕昕爸爸一開始就喪食長腳蟹，佢仲順便剪咗條俾我食，我就覺得咸咗D~~~ 我個人就冇咁熱衷食凍盤，因為我最愛的始終係熱的食物~~~ 我仍然唔明白點解橙在自助餐係原隻拎@.@ 除咗壽司、魚生外，還有印度食品，不過我怕辣，所以冇食~~~我個人都喜歡食肉串和羊架，羊架有大肥膏，飛走後先食，感到肉夠軟熟唔會"SO"~~~ 當晚中湯係蜜瓜雪耳煲老雞，昕昕和爸爸就飲晒，而我就更瘋狂，前後共飲了三、四碗川貝海底椰燉鱷魚肉

長腳蟹無汁，完全唔新鮮，d肉鞋既。要較剪無較剪，仲要比把甜品刀我切牛扒，再問佢拎刀話公司得一款刀。叫野飲，蘋果汁無味，又話得唔凍既，橙汁苦既。煙三文魚又無，叫佢比，比d梅左既我，暗橙色既。我以後都唔會再幫襯！

重要嘅事情講在最前面，打電話訂位嘅時候，接電話嘅小姐話星期一同二都冇做宵夜自助餐嘞（星期日仲有冇做我就唔記得嘞）。埋位先嚟刺身，點解唔係先拎生蠔？因為呢度啲刺身唔知點解係比生蠔搶手得多。呢度嘅三文魚向來品質有保證，好彩嘅話仲會搵到魚腩位，個人就最鍾意食三文魚嘅呢個部位，可惜今次影相時係冇魚腩。不過唔緊要，普通魚肉依然係有三文魚味，唔腥冇臭。雖然唔係即開嘅生蠔，但係勝過唔少肥仔奇食過嘅即開生蠔，蠔味極濃，唔需要任何調味就咁食已經食到兩打。不一定撞啱有提供嘅紅酒燴牛尾，撞啱有嘅話你一定要試，牛味正得很，肉質鬆軟冇渣。豉椒炒花蛤嘅豉椒味始終及不上大排檔，花蛤嘅貝殼類海產鮮味亦淡，好在佢冇沙。嗱嚟多張生蠔畀大家比對吓外觀質素。呢度嘅熱葷係會有轉換嘅，視乎去貨速度有幾快啦，此所以呢，千祈唔好諗住嗰晚人少就發達喇冇人爭嘢食，錯哂！要有返起碼坐滿一半人先多機會試多啲口味㗎！呢度嘅甜品係出哂名品質好水準高，個人至愛芒果拿破倫同半熟朱古力蛋糕。特別係芒果拿破倫，夾間鬆化，餡料奶香唔太甜。雲呢嗱＋咖啡＋朱古力雪糕係肥仔奇每次食自助餐寫上完美句號嘅習慣。

今天我姐姐慶祝我生日約左7:00pm係倚窗閣吃自助晚餐！雖然遲左十五分鐘先到！但服務員態度很好！臉上仍充滿笑容！一入門口見到甜品款式多樣化！已經十分吸引！ 再行到最尾見到長腳蟹、生蠔、青口、蝦、沙律、壽司、魚生、龍蝦伊面等等！形形色色款式各適其適，比預期中有驚喜多款式！

以呢個平均每人$200左右既價錢食宵夜buffet本人推介大家閒日去食，因為原因如下……haha1. 價錢大眾化 （酒店wo，差唔多la）2.食物選擇多 ~多種熱食，沙律吧，飲品吧 “橙汁，凍檸茶，咖啡，牛奶”，刺身壽司，生蠔，湯麪，moven pick雪糕，中西湯，中西式甜品 “豆腐花，中式糖水，奶，窩夫，布甸，蛋糕，班戟，朱古力噴泉”等……3. 味道的確有一定水準4. 座位及環境舒適，唔會太嘈，唔會太窄5. 服務員態度良好6. 地點交通方便前後食左2次，水準冇退步，不錯不錯極力推介： 熱食~1.乳豬糯米飯 呢款冇refill架 ，記得早d食左先2. 中湯必試甜品~1.豆腐花2.ice cream其他~生蠔……回本之作P.S. 但唔好食太多La，畢竟係“生”

2017-2-22倚窗閣 (宵夜自助餐)******************如果講宵夜自助餐, 倚窗閣既食物款式唔算少, 有生蠔有三文魚刺身, 熱食都唔少選擇, 會轉一兩次款, 所以大胃聯盟都唔能夠精確話大家知有熱盤咩食。由於熱盤冇蓋, 所以保溫做得麻麻, 拎到既食物有機會已經凍曬。生蠔係紐西蘭蠔, 肥, 但帶有絲絲苦味; 三文魚刺身應該係一早切好放左好耐, 望落唔多新鮮。沙律要行道最入面, 可惜大胃首領去到沙律吧時, 羅馬生菜得番兩塊, 紫椰菜又係得幾塊, 明顯好耐冇refill... (To conclude, 主食麻麻地)******************最後講一講甜品, 款式雖多, 但最多人搶既依然係芒果拿破崙 (點解大胃首領用到「搶」呢個動詞? 因為見到有一檯(2人)拎左十幾件, 有人就話「嗯...冇晒嘞...」,拎咁多, 食唔晒就真不該), 但搶得有道理, 因為唔會太甜, 而且係脆, 雖然都帶點硬。窩夫有原味同班蘭味, 唔係空氣窩夫, 雖然班蘭味唔係好出, 但窩夫食得過, 加上雪糕係Moevenpick, 入黎淨係食甜品都OK。******************消費:

今日同朋友團年，一心想食生蠔，所以選了倚窗閣，生蠔有3個品種，愛爾蘭，法國，紐西蘭，估不到3款水準不太好，蠔開好了才放出來，還限每次取2隻，每款取2隻排3次，食落無海水味，落檸檬汁蠔邊無反應，証明無生命迹象，而且不肥美，又細隻，真的失望。不過凍蝦，長腳蟹，青口，水準唔錯，爽口大隻，長腳蟹有蟹味，另外我比較欣賞刺身有鮮帶子，好大隻好厚，白吞拿都係貴價食物。 酒店現時推出時令菜式，有米乳豬好多人排，呢款好適合長輩食，師傅會幫你分件俾你，鵝肝多士的鵝肝煎得甘香，雪梨鱷魚肉燉湯都值得排隊，係冬天潤一潤，燒牛筋骨，牛約5成熟好濃牛味，令人滿意！仲有一款燕窩燒雞卷覺得幾有心思，見到一條條燕窩上面，食落矝貴。今次發現熟食比較高水準，甜品有梳乎厘，燉蛋白，很多小件cake, 小杯的甜品，班cake, 貴價D字和M字雪糕都有，仲有個蜂巢係到，吸晴指數極高，由蜂巢流出來蜜糖，淋在蛋糕上品嘗，蛋糕有原味和朱古力味2款選擇。食物大眾化，一家大細都啱食，用左openrice coupon 有8折

星期六尖沙咀區的下午茶自助餐，只得半塲滿，也有點意外。但選擇也很多，中式有燒味兩種，油雞和叉燒。即滾粥可選，蝦粒，豬肉碎，龍脷柳做料。也有即煮油麵，米粉。再有中式炒飯，伊麵，雞翼，金菇煮娃娃菜等。亦有幾款印度咖喱配飯和薄餅。日本區有小型壽司和刺生…劍魚，三文魚，玉子，蟹子等。當然小不了沙津區，飲品區，麵飽區。而甜品區很多款小型糕點，味道不錯，dryers雪糕，格仔薄餅，和專人即整的生果，香蕉忌廉pancake,可以淋上朱古力醬，煉奶，花生醬，還有朱古力碎，花生碎，果仁碎……應有盡有。整體也不錯，食材中等級數，配合很地道的煮法，連沙律區和甜品區也很香港口味。侍應服務也很好。

距離上次寫呢度嘅食評已經一段時間。重要嘅事情寫在最前。以前呢度係星期日至六，一連七日都有宵夜自助餐食，我早幾日打電話去訂位嘅時候，職員同我講星期日同星期一都冇再做宵夜自助餐喇，為免大家唔知道呢個消息又冇電話訂位去到撲空，所以提一提大家。一如既往地，坐低先拎生蠔。縱然呢度宵夜嘅生蠔，用叉篤佢裙邊，裙邊係唔識縮嘅，之但係半夜三更，兩百零蚊有生蠔食，夫復何求呢？食落蠔味係夠嘅，但係就冇咗勁新鮮嗰啲蠔嘅爽脆口感。Movenpick 同 Dreyers 雪糕就梗係唔可以錯過啦。個人至愛 Movenpick 嘅雲呢嗱味同埋朱古力味。朱古力雪糕入面朱古力碎嘅脆，搭咪雲呢嗱雪糕入面雲呢嗱籽嘅香，溝埋嚟食真係一絕。燒豬仔骨唔一定次次去都有，但係就燒得外香内嫩，好多人都會一次食幾件㗎。

突然被友人相約去食宵夜自助餐，尖沙咀的宵夜自助餐基本上都試過，九龍酒店的倚窗閣是其中一間擁有較高的性價比。先講價錢，用信用卡簽賬，折實為22x元。就環境來說，倚窗閣跟其他酒店一樣坐得舒服，亦有一個能望到半島酒店的夜景。服務亦都幾周到，擺食物的地方十分長，宵夜的食物已經如此多款式，可以想像得到，晚餐的種類一定會更多更豐富。食物質素方面，就冷盤以言，生蠔雖然不是即開，但都幾鮮味，刺生種類都有幾款，但感覺質素一般。其他沙律等前菜，同其他酒店相差不遠。熟食方面，都有10款左右，有白汁芝士焗生蠔，點心等等。甜品，相對其他有做宵夜自助餐的酒店相比，這裡甜品款式相對較多。推介的有，即製格餅夠脆，還有即製班㦸，配上movepack雪糕絶對美味非凡。抵玩指數:⭐️⭐️⭐️生蠔，甜品做得幾好，值得再食多一次。

好彩早3日都仲book到衣間九龍酒店既自助晚餐食，book左7:30,但揸車關係，7:10已到尖沙咀，但因為太多車太塞車關係遲晒到，記得酒店提醒只留15分鐘枱，於是打去酒店延遲，佢預我8點到，結果要塞到7:50先響酒店下停車，較早前已問過職員凡消費滿$600就有免費代客泊車唔記得2個鐘定3個鐘，不過係先到先有，如停車場full晒就冇了，就再自行搵位吧！當然好彩我係有位的，放低車就趕上2樓的倚窗閣。由於晚餐時段6-9:30，每枱已入座，爆滿了(此圖係臨尾時的)開始搵食時間先搵凍食海鮮...長腳蟹...蝦...螺...生蠔，不過喜愛食長腳蟹的我～個人覺得不是很鮮甜，生蠔係完全唔需要排隊，唔似其他餐廳排咁長龍，但唔知係咪因為咁先代表質素呢？我食落都覺得麻麻，比較creamy,冇乜海水味反而蝦同螺就幾好自助餐一般有的主食佢都有既，粥、麵食、刺身、鵝肝多士(賣相不太吸引，唔係大量放出黎，久唔久先有一兩碟，所以唔會好覺眼)、水果、各款cheese同餅、亦有ham同蜜瓜。曾經我以前黎過一次，記得飲品係外面冇，只係每人order一杯定兩杯，衣家外面有飲品bar,檸茶...奶茶...咖啡乜都有衣度既甜品

同事之前話呢到D宵夜buffet好多野食,今日就特登預先book位, 同佢黎食午餐buffet.九龍酒店地鐵站一出就係, 好方便。食自助餐既地方很大, 由於早左10分鐘黎, 未夠12點, 比我地先入場, 但12點至開始。我就先蹺場一周, 睇下食物擺放位置同有咩食先, , 甜品位置巳佈置聖誕氣氛, 聖誕屋好靚, 一座座好吸引, 甜品唔特別多, 但都Ok! 雪糕就有Dreyer’s 雪糕, 有窩夫同班cake.海鮮有生蠔, 長腳蟹, 青口。雖然無凍蝦, 但有椒鹽瀨尿蝦, 都係我既至愛。有燒味, 日文刺身, 同沙律吧, 滾粥, 一應俱全!好靚既聖誕餅乾屋。長腳蟹好鮮甜。有兩款青口, 一款係藍青口較大隻, 帶點海水味, 肥美。而紐西蘭青口就比較細隻, 無咩嚼勁。甜品種類就不算多。海鮮, 熟食及燒味區。瀨尿蝦雖然唔係大隻, 但椒鹽味道做得不錯, 好味道, 唔係咁多自助餐有得食。蟹粉蒸蛋好好味 叉燒同雞翼充滿蜜味, 甜甜地。生蠔夠鮮甜, 供應量足, 唔洗排隊。

去食lunch buffet 價錢算一般，唔貴。啲嘢食都算多款，最緊要係甜品有我最鐘意嘅opera cake仲有芒果拿破輪蛋糕，不過可惜雪糕類別少得dreyer's 提供。

一路聽朋友講話九龍酒店自助餐好正，終於同妹妹第一次嘗試，真係令我們極度失望😒唔會再有下次！開始頭盆沙律菜已經知道中伏，二百幾元午餐都唔算係平價午餐，竟然係冇羅馬生菜，只係西生菜和一些豆芽菜。生蠔每次只取兩隻都冇問題，問題係不是即塲開，係開定一盆但又唔俾人自己夾，一個服務生走幾檔，每次取都等人來，等了良久才取了兩隻還是臭了一半，取了4次已經沒有興趣再取😠海鮮冷盆仲離譜只有長腳蟹、青口和藍青口，長腳蟹仲幼過筷子，連蝦都冇😡甜品食得落口只有豆腐花，梳夫厘難食，拿破倫疏氣，完全唔掂😤