俺流塩らーめん (東薈城名店倉)

營業中

休息中

好耐無去東薈城行，見到有間”涉谷No.1 人氣拉麵”，梗係入去試下！星期日既晏晝都唔係好多人餐牌仲有介紹最適合既調味搭配～我地分別叫左兩碗麵：▪️鮮味蛤蜊濃湯拉麵 ($89)都有唔少蛤蜊，應該都要10隻，而且唔腥，都幾有鮮味，起碼無沙😂湯底都算濃郁，普通麵質就正常。▪️俺流芝士辛辣濃湯拉麵 ($89)揀左硬麵質地，比起普通麵質都唔覺得有特別硬🤔而且辛辣濃湯都唔係太辛辣，即使唔食得辣既都會食到，反而係偏咸。由於唔夠辣，自己加啲辣油味道就好啲。入面仲有菠菜，叉燒同溏心蛋。碗麵充滿芝士，幾香，仲有拉絲添！整體又唔算勁好食，未必會再食😂

位於東涌東薈城既日式拉麵店，位置方便～俺流男盛拉麵$89招牌俺流男盛拉麵，果然不失望～湯十分濃郁，拉麵都好彈牙👍🏻冇得彈！重點係十分足料！內有日式叉燒、炸雞和流心蛋食完都十分滿足～保證一定夠飽😆俺流特製撈麵$75推薦👍🏻食拉麵食到悶悶到可以試下呢個～撈麵係用佢特製醬汁和黑蒜油～十分野味可口～ 配料方面有：生蛋黃和叉燒配合一齊，絕不單調～俺流叉燒飯$45貌似細細碗，但其實分量十足👍🏻叉燒而然係冇得彈👍🏻大阪燒餃子（6件）$39餃子上佈滿著木魚片再加上大阪燒醬汁意想不到，醬汁與餃子咁夾👍🏻柚子椰菜$28比較清淡的菜式想健康d, 又想有小小特色，非他莫屬柚子醬汁，令到簡簡單單既椰菜都變得不一樣，有機會一定要再試👍🏻日式胡麻雞肉沙律$49雞肉係炸雞肉，味道充足👍🏻沙律分量不少無論係生菜或是胡麻醬都好充足👍🏻

每次放lunch諗食咩都諗到人頭痛，但好多人都work from home既關係，成個東薈城lunchtime好多餐廳基本上都唔洗等位，所以同同事兩個人就決定去平時勁多人排隊既「俺流塩拉麵」食返碗拉麵😋一如既往，今次我都係叫左「辛辣熟成濃湯拉麵」，自己勁中意依個湯係因為佢本身辣得黎又唔會搶左個湯本身果陣味，但如果本身中意食淡味少少既朋友仔，依個拉麵就可能會濃左少少。配料方面，叉燒自己就覺得一般，每次都覺得比較肥，食左一兩啖會覺得有啲膩。另外，每次黎食都一定會加$10要埋紫菜，$10有大大兜紫菜，紫菜吸埋啲湯超好食😚

入東涌都食開附近餐廳，好多都好有禮貌而且食物都好食，去完IT肚餓，見到有間日式拉麵感覺好似都吾會太差所以就行入去試下啦，點知。。。。估吾到咁Q難食我地兩個人，叫左一碗9號芝士辛辣濃湯拉麵同大阪燒餃子，大阪燒餃子味道還可以，但碗拉麵就勁勁勁勁咸！ 咸到飲好多水😓而且芝士同辛辣味完全非常唔夾，味道好奇怪真係好難食，從來未試過食一碗拉麵係咁難食我地臨走換口罩，舊口罩已經用包裝袋包好而且並沒有外露，但服務員勁無禮貌大大聲叫人拎走返，真心吾會再有下次。

入到黎東涌！諗唔到食咩情況下！經過有間拉麵！又肚餓之下，咁就唔理叁柒貳拾壹咁就去咗排隊啦！好快就入咗坐啦！坐得都算舒服嘅！服務態度都良好，店員一早會俾定餐牌你喺外邊睇！然後可以揀定食乜嘢！非常之簡單！叫咗個拉麵大約$58到啦！個湯底就比較淡左少少，但係加咗枱上面嘅芝麻醬就會好d啦！面嘅質地就比較普通，不過都算好食嘅！分量尚算OK啦！唔會話太過分少！得一塊肉就真係少咗啲嘢！仲有送咗少少菠菜俾我！可以話不過不失！

入去之前都expect係普普通通嘅拉麵，點知比我想像中好，特別行完一日山好肚餓，而佢份量亦非常大碗湯頭都好夠味，唯一缺點就係麵底比較普通。朋友仲想試吓嗰明太子餃子，點知佢竟然係mvp!!可能我對明太子味有bias，不過佢餃子size一啖一個，非常滿足，而且仲好juicy所以明太子真係世一！

當我下了單後，我詢問店員需要一碗大熱水，因為我要浸熱一包BB食物給我的BB吃。但店員指出本店沒有熱水可提供，因為全部水喉都接駁去煮拉麵的湯煲。我在詢問有沒有其他方法可以幫我，例如用一個煲煲一些熱水或飲水機有沒有熱水或有沒有微波爐可以叮熱？但店員通通答我沒有。我覺得他們可以根據日本傳統不提供熱水給客人，但我絕對不相信一間餐廳沒有熱水。請問你們拖地不用熱水嗎？員工也不需要飲熱水？我知道小朋友去餐廳，可能對餐廳加添麻煩，但希望餐廳不應該這樣對待客人。一間餐廳沒有熱水，相信是一件很離譜的事。

點佐黑蒜同男盛拉麵，認真一般，唔會難食，但唔好食囉😅 自己係屋企煮，分分鐘好食過呢度。拉麵賣相冇(擺盤唔掂)，味道一般，似係快餐店食個拉麵咁(但價錢又唔係特別實惠)，葱加$5，完全唔覺自己食緊日本拉麵店，所以都係試咗一次就算。

平日lunch time, 唔使等位，我同媽咪都揀左黑蒜拉麵🍜🍜🍜🍜🍜d 肉都幾淋，蒜片好香，面可以自己揀硬度，可以揀有無葱同旬，岩哂鐘意食硬面既我😋😋😋😋

去東涌東薈城行Outlet，行咗成日順便食埋嗰晚飯先走，經過呢間日式拉麵店，見到門外排長龍，睇見人多就想試下，心諗，食好嘢就預咗排隊。等咗半個鐘就入到餐廳就座，枱上面有三種醬料畀客人調味，分別係梅子醬、柚子胡麻、黑蒜油，客人可以按喜好加入到自己嘅拉麵去提升每個麵嘅味道。 今次叫咗人氣之選！黑蒜油熟成濃湯拉麵同日本拉麵店一樣，麵係可以揀軟硬程度，同埋加減某啲配料嘅份量。碗麵一上枱賣相唔錯，先試一啖湯，黑蒜味嘅湯底，味道唔算凸出，略嫌偏鹹！麵條揀咗普通軟硬度，但麵質一般，叉燒偏瘦，味道麻麻，玉子算得上較為好味。拉麵整體嘛嘛哋，冇吔特別，呢嗰價錢可以有更好嘅選擇。

8月21日 星期六，碰巧農曆七月十四 孟蘭節，百無禁忌，生日快樂😀我 炎熱炎熱天氣，去商場避吓😀舒服😌涼冷氣okay , 非常方便，🏠下面坐巴士到東涌東薈城不知不覺，晚餐🥣了見到有間拉麵店Oreryushio，即管試試，小店舖，環境尚算舒適睇吓餐牌，除了人氣拉麵，仲有名物、丼物、小食、追加…… 等等黑蒜油熟成濃湯拉麵（$78）濃湯、淡淡黑蒜味，麵質一般啦！原來只有一大塊叉燒，感覺是厚切，麻麻哋，不夠嫩，少量荀絲 一條條、爽脆，似鹵水蛋一隻，嘩！糖心，滑滑蛋汁流出來，不錯😋俺流男盛拉麵(熟成）$89先品嚐湯，清甜可口，兩塊厚叉燒，有d 嚡熠熠😀三件炸雞，大大塊，浸係上面，皮唔多脆加個小食 A 墨魚波波 (期間限定) $58細細粒🤗竟然唔韌 ，淋嘅！可以點墨魚汁或沙律醬，增添好味架食得好飽，回家啦

平日星期三無咩人，唔使等位就有得入，環境靜，可能因為無人食，上菜速度快，叫左鰻魚飯，濃湯拉麵，大阪餃子首先，個拉麵不過不失，大阪餃子一定無其他店好食，個鰻魚飯多汁到，根本食唔到！完。

🔸️ 東涌東薈城一向多餐廳選擇🔸️ 眼花繚亂👀🔸️ 最後我哋揀咗有7－8人排隊既日式拉麵 🍜⭐ 墨汁魷魚豚角拉麵 ＄89🔸️ 呢款係期間限定 ✌湯底濃郁 有小小魷魚味 不過略咸飲咗幾啖湯就要立即飲水🙈麵質自訂 有粗／普通／軟👍今次揀咗軟身 但係掛湯能力都高魷魚大約6片 爽口彈牙 但有少許雪藏味豬肉有少許肥膏 油脂幾香🤗性價比中等🧸推薦指數：⭐⭐⭐⭐ 黑蒜熟成濃湯拉麵 ＄78湯底濃郁 黑蒜味夠香🥰👫朋友話係日本旅行嘅感覺🏔叉燒味道尚可但係得一片 略嫌有啲唔夠🙈呢個拉麵仲有隻糖心蛋 好味道 😋🧸推薦指數：⭐⭐⭐⭐㊙️總括而言，拉麵湯底濃郁，食得出唔係味精味，麵質可以自行選配，合乎唔同人嘅口味，性價比中等❗俺流塩らーめん (東薈城)東涌達東路20號東薈城3樓306號舖

紮根於涉谷的人氣拉麵 - 俺流塩らーめん衝出日本，進軍香港，一直是我的comfort food不過東薈城呢間，水準有時參差，但整體都👍🏻📍俺流豚肉盛盒拉麵 $98有叉燒、豚肉粒、豚肉片，流心蛋是整隻上真係一分錢一分貨，係人氣之選！叉燒厚切，脂肪和豚肉一層一層分開，食起來層次分明！ 高質！！豚肉片略肥，但煮的時間剛好，剛剛熟！至於豚肉粒，最令我驚喜！本身不太喜歡食一嚿嚿的肉，覺得太大嚿太難咬～但呢一嚿，非常入味，又好淋，入口係有神奇嘅感覺！📍俺流芝士濃湯拉麵 湯底真係如其名，非常濃郁！ 雖然只係芝士碎，但竟然好香好香芝士味，好似有成片芝士咁！配上辣味，好夾！拉麵硬度有得揀，硬/普通/軟今次水準高！之前試過比較平價嘅拉麵款，就冇咁好質素喇！結論係要食人氣之選！

間中想食吓拉麵又唔想去銅鑼灣拉麵街，就會去近近地嘅呢間食。今日叫咗黑蒜油拉麵同埋撈麵，再叫個沙律🥗黑蒜油拉麵不過不失，黑蒜油味不算突出，我會加上柚子醬一齊食，味道會好好多😌撈麵反而有啲驚喜，份量亦好足😆比起拉麵，我反而更喜歡個日式雞肉沙律，一嚟個份量真係幾大，性價比好高，二嚟佢味道不俗😋😋冇得去日本，佢都叫過到少少隱嘅方便之選嘅😆