保頓冰室

營業中

休息中

尖沙咀亞士厘道，終於有新開茶餐廳 ，為這條街帶來多些人氣。保頓冰室開業初期門外還有很多助慶花牌、一對超吸睛扭波波醒獅，加上麵包櫃就成為吸引我們入去的原因。店內裝潢以70 年代冰室為主題，看似是年輕人經營；食物都以簡單為主，沒有小炒之類。但感覺店員們有點生手，可能未習慣運作，禮貌是有的，但落單有點甩漏。熱奶茶$19飲品價錢比同區茶餐廳平$1 左右，熱奶茶有茶味，花奶足，味道平衡，都夠熱，收貨。紅豆冰紅色都吾小，而且夠稔；花奶底甜左少少。凍奶茶 $20正常發揮，不過小啲冰更好。每次去茶記一定會食最基本三冶，試吓最基本野蔥花雞蛋、芝士三文治 $29麪包鬆軟，炒蛋加埋葱花是無敵配搭，半溶芝士的咸香正是我想要的味道。公司撈丁$58朋友喜歡大雜薈，有隻靚靚荷包蛋、漢堡扒、火腿、香腸，煙肉，芝士底配丁麪，很豐富，啱曬乜嘢都想試吓嘅人。

在尖沙咀突然下起大雨來，於是走入對面的保頓冰室吃個晚飯及避雨。門面好有懷舊風味，應該是新開張。冰室一般的常餐、鐵板餐會有，連豬油撈飯也有。雪糕菠蘿包也有，除了傳統菜式，還有創新的。餐廳內播著80-90年代的時代曲，裝潢也充滿懷舊風。套餐加$8轉可口可樂，有冰底正。6時後才有的豬油撈飯，難得冰室有要試一試。叉燒煎旦豬油撈飯 $88，賣相吸引，另有豬油及豉油按自己口味加。蛋汁加豉油、豬肉，配叉燒一流，就如黯然銷魂飯，再有豬油渣更為香口。生炸雞髀煎雙蛋飯 $63這個是保頓冰室必食推介，有咖哩汁、番茄汁、黑椒汁等選擇。賣相十分吸引，選了惹味的黑椒汁，雞髀即炸外皮香脆，肉嫩多汁，再有煎雙蛋配飯簡直一流。

尖沙咀新開了一家懷舊冰室，由門面到內部裝修都充滿60年代情懷，格仔地磚、牆上掛着懷舊廣告海報，更播放出多首經典國粤語金曲，令人彷彿置身四大探長的時代。餐牌上都是懷舊港式美食，更有多款實惠午市套餐可供選擇。"雞髀雙蛋飯”，一大隻炸雞髀，皮脆肉嫩，非常香口。兩隻珍寶太陽蛋，配上蒜蓉汁，伴飯十分滋味。“炒雞扒意粉”，即炒意粉，爽口彈牙，夠鑊氣，熱焫焫，雞扒煎得香噴噴，配上黑椒汁，微辣惹味。醬汁可選：黑椒汁/咖喱汁/蕃茄汁/蒜蓉汁“豬扒包”，珍寶巨型，外皮烤香，除了大大塊豬扒外，還有芝士、生菜、青瓜、番茄等配料，非常豐富。“雪糕菠蘿包”，特色創意甜品，新鮮脆皮菠蘿包夾住兩球雪糕，雙重口感，十分特別。“紅豆冰”，粒粒紅豆，腍軟可口，加上香濃椰奶，份外香甜。“西冷紅茶”，經典港式奶茶，茶葉有獨特的香味，茶香、奶香互相輝映，是必叫的飲品。這裏無論環境或是食物，都盛載著滿滿的回憶。

一出咗糧就勁大使 唔shopping ，係時候慳返啲，挑選性價比高的美食。喺尖沙咀好難想像可以有咁平靚正的冰室。保頓冰室裝修好似入咗時光機，時光倒流到80年代，香港最輝煌的日子，懷舊電話火柴盒電視機。升級特飲雜果冰、凍檸茶見佢哋d特飲係有特色，仲要大大杯有質素，適合不同年齡層的口味，雜果冰充滿兒時回憶，配搭炸雞髀一流。仲有成四片檸檬的檸檬茶，去油膩最好。炸雞髀雙蛋飯店長推介！必叫 炸雞髀雙蛋飯，考試100分！炸雞髀好似手掌咁大隻，皮脆肉嫩又多汁，食到滿嘴油香都仲想食。配搭經典黑椒汁，鹹香味濃郁。銀牌豬扒燴意粉 全日供應的燴意粉，清爽彈牙，食到中學時候的味道。豬扒熱辣辣新鮮炸起，肉厚香甜，醬汁配料新鮮，選擇多味道好，調味不錯。常餐沙嗲牛肉麵一場嚟到又點忍得住唔食沙嗲牛肉公仔麵呢！濃郁惹味的沙嗲醬汁，牛肉嫩滑，份量好多，色香味俱全，公仔麵彈牙。配餐肉煎蛋、牛油餐包，簡單美味的享受。保頓豬扒包保頓豬扒包直程有澳門的味道，濃郁香氣，令人再次回味呀！炸豬扒濕潤軟滑，質感好，味道值得捧場。生炸雞髀配薯條生炸雞髀特別酥脆可口，肉質彈滑，油脂肉味突出，味濃肥美，粗身炸薯條，夠晒經典。甜品雪糕菠蘿包好有

約咗朋友去尖沙咀食lunch,經過亞士厘道，見到有間新開嘅冰室，於是乎我哋就入去試吓。保頓冰室裝璜充滿懷舊風格，牆上掛滿懷舊廣告，環境光猛整潔。咖喱雞髀煎蛋飯：雞脾好大隻，係即叫即生炸，皮脆肉嫩，配兩個隻流心煎蛋，加埋特製咖喱汁，非常惹味！銀牌公司燴意粉：配料有煎蛋、餐肉、火腿、廚師腸、漢堡扒，十分豐富，用辣辣哋嘅黑椒汁燴，美味可口！紅豆冰：紅豆的香甜，加上順滑濃郁的淡奶香，永遠是不敗的配搭！雪糕菠蘿包：菠蘿包夾著兩個雪糕球，真係未試過，通常都係夾牛油，菠蘿包好香甜，雪糕甜美滑溜，雙重口感，又是另一種風味。

週未放假，約了朋友出去，有精品給我，今天行下尖沙咀，出到去已下午，我們找間餐廳吃野食，行下附近街道，見這間新開餐廳，少見這懷舊感，衝徑入了去，選了車卡坐，座位寬倘，看了一會餐牌叫了午餐-銀牌公司燴意粉  黑椒汁/咖哩汁/蕃茄汁跟煎蛋，餐肉，火腿，廚師腸，漢堡扒少有，5種配料的意粉，今次我們選了咖哩汁底，咖哩汁輕辣，好香咖哩味，意粉幼滑爽口，餐肉，火腿，㕑師腸同漢堡扒好軟霖滑身，每款各自有濃鮮香肉味，蛋身煎得脆滑，好流心蛋黄，濃鮮蛋香味午餐-咖哩雞脾煎雙蛋飯  輕微辣咖哩，雞脾大隻，炸得特別脆皮身，入口脆卜卜，肉質爽霖嫩滑，好鮮香雞味，雙蛋身，每邊煎得好脆滑，一起入口流心雙蛋黃，蛋鮮香味更濃，飯身添加了蛋，更嫩滑身，另一種味道感餐飲-熱檸水  好鮮檸檬香味華田脆脆西多士  有特色，多士上面舖滿滿朱古力脆粒，粒粒爽脆香朱古力味，多士身烘得好脆滑滑，配了一樽糖醬，可自加在多士上面，就添加了糖醬，一吃有清甜糖香味連脆粒一起入口，豐富了口感冰凍甜點-雪糕菠蘿包  少見，將菠蘿切開一半，中間夾住厚厚雪糕，脆皮菠蘿身，雪糕奶滑身，好香菠蘿味同雪糕奶味，層次味道感，甜度適中

尖沙咀開咗間新嘅復古懷舊嘅冰室！ 還原冰室特色，有懷舊牆磚地磚、紙月歷、高背卡位等，仲有店前的懷舊窗框及麵包櫃，上面仲寫住「冷熱飲品，新鮮餅食」， 成功喚起了大家對昔日冰室的美好回憶。來到這間冰室,不僅可以品嚐到美味的本地美食和飲品,更能感受到濃濃的懷舊氛圍。先來一隻手掌咁大嘅生炸雞髀配薯條 $42， 熱騰騰🔥，脆皮唔太厚而且勁脆卜卜，雞肉嫩滑juicy，加上係我最like 嘅波浪薯條！ 店員推介兩款即叫即做保頓豬扒包 $35，及脆炸魚柳包 $35。 用左豬仔包，烤過後香脆鬆化！ 豬扒有兩件咁多，軟嫩唔會太乾，加上其他配料，口感更豐富！ 而炸魚柳就比較厚身，食落好脆，魚肉鮮味嫩滑！ 仲有冰室必點法蘭西多士 $38！ 牛油味香噴噴，外層口感酥脆，裡面有香滑花生醬，再加上糖漿，每一啖都咁滋味！ 懷舊也要記得飲埋紅豆冰 +$8 及 什果賓治 +$8 先好離開😂

今晚到尖沙咀逛街，在亞士厘道有很多食肆，今晚就在新店鋪「保頓冰室」用餐，冰室裝璜滿滿的懷舊風格，環境光亮又潔淨。兩款開胃甜蜜蜜小食： 華田脆脆西多士~脆脆西多士先舖了練奶，再舖阿華田粉和穀物脆片，口感已經很不錯，還有整瓶糖漿提供自行添加。雪糕菠蘿包~微暧的菠蘿包夾著兩個雪糕球，造型有趣，像寶盒藏著一雙夜明珠，霎眼間又像加菲貓那張可愛的臉！Xo醬牛柳粒豬油撈飯~豬油撈飯加荷包蛋，在小時候吃不少，今次的豬油撈飯是超級版，香脆的豬油渣、軟嫩又略帶焦香的牛柳粒與Xo醬，我添加豬油和自家醬油，味道一流！生炸雞髀雙蛋飯黑椒汁~生炸雞髀皮脆肉滑冇得輸，白飯與黑椒汁份量頗多！ 豬扒炒意粉~很有鑊氣的炒意粉，添加辣椒碎粒和黑胡椒，多一份美味及香辣。

這間位於尖沙咀的【保頓冰室】，裝修走甸懷舊路線，有香港人至愛的沙爹牛肉麵，特色焗飯及燴意粉等等，另外還有多款的小食及港式懷舊甜品，充滿童年的回憶。下午茶時間有多款小食及包等，都是四十蚊起。脆炸魚柳包烘至香脆的法包，超大塊的炸魚柳，加上青瓜及番茄等。保頓豬扒包豬扒肉質嫩腍，有芝士、生菜等配料，又香又脆。生炸雞髀配薯條雞髀即叫即炸，皮脆肉嫩，醃得入味，而且多汁，加上香脆炸粗薯，必點小食。雞扒芝士撈丁芝士汁濃郁，加上爽口的出前一丁，雞扒皮煎至香脆。法蘭西多士西多中間搽滿我至愛的花生醬，牛油香加上糖漿甜的，必食之一。