保頓冰室

營業中

休息中

雖然呢間冰室係新開，但佢個懷舊主題做得好成功！不論裝修、容器、背景音樂都令你彷佛走進6、70年代，幾有氣氛~ 食物方面，有好經典嘅豬油撈飯、香蕉船、紅豆冰、杏霜等，仲有熱辣辣嘅鐵板餐，見到有其他人食，然後好大陣香味傳入我的鼻😂✨xo醬牛柳粒豬油撈飯 - 八款豬油撈飯之中我揀咗呢款，豬油同豉油可以按自己喜好加落飯撈均食😋牛柳粒好入味又幾有鍋氣😻白飯底較濕，如果乾身少少仲正~✨沙爹牛肉西多士 - 第一次食呢個配搭，感覺好新鮮，賣相又好吸引！呢個沙嗲牛肉含有鮮蝦成份，食落好香口惹味，牛肉軟淋冇筋，西多入面有粒粒花生粒，花生香味同沙嗲味融合一齊好夾🤤✨炸雞髀薯條 - 一切就聽到脆卜卜嘅聲音，炸比較大隻，肉質都算嫩，就算之後凍左食都仲係脆👍✨紅豆冰 - 回憶之選，椰奶味香滑但比例有點蓋過紅豆🫘如果多d紅豆就perfect🧡✨熱杏霜 - 勁耐冇飲過，我超鍾意杏霜，佢沖得幾濃滑而且冇kick粉💯

1. 沙嗲牛肉西多士 $38西多士既上面有好多大大塊既沙嗲牛肉，而西多士入面亦都有加到花生醬，可以因個人喜好決定加唔加糖漿，個人覺得加糖漿會好食啲，因為可以中和道沙嗲嘅濃郁，同埋味道亦都有層次，沙嗲味好濃郁，牛肉唔多筋好腍。🌟 評分: 7/102. 炸雞髀雙蛋 $68炸雞髀係即叫即炸，仲要係生炸，炸雞髀既皮脆到好似食緊薯片咁，非常之香脆，雞髀肉有肉汁而且鮮嫩，同埋都好大隻；蒜蓉汁好香好惹味，同埋真係有蒜蓉粒；有三隻蛋都係太陽蛋，煎到個邊同埋個底都係金黃色，非常之邪惡。🌟 評分: 8/103. 椒鹽豬扒煎蛋豬油撈飯 $88椒鹽豬扒好惹味，鹹鹹辣辣，豬扒炸到好香，而且厚肉彈牙，完全唔韌，完全唔乾，同埋份量都好多；豬油同豉油可以因口味自己加，豬油豉油再加埋蛋汁一齊撈飯，非常之香口惹味，非常好食。🌟 評分: 8/104. 熱茶走 (跟餐+$3)茶味香濃，有少少回甘，而且都算幾滑，不過有少少唔夠煉奶。🌟 評分: 7.5/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8.5/10📍保頓冰室 (尖沙咀)尖沙咀亞士厘道20A號地舖

最近係尖沙咀見到呢間新開行懷舊風嘅冰室🥸, 個vibe真係好正🌟, 餐廳仲好細心咁播返啲00-10時機嘅歌🥲, 真係首首都識唱haha😭😭! 裝修風格同埋poster 都好靚呢✨! 嘢食都有勁多款, 燴意粉, 常餐, 焗飯, 三文治, 撈丁 傳統茶記有嘅, 呢度都有🫣!.椒鹽豬扒豬油撈飯🍚 $88除咗椒鹽豬扒, 仲有好多款餸可以配搭, 麻辣雞/ 蝦乾/ 叉燒 etc, 款款都好似好吸引😛 個飯嚟咗之後, 仲有豉油同豬油比你落, 真係任落唔嬲haha 好好嘅係真係等你差唔多食晒先拎走~ 雖然呢個配搭好邪惡, 但真係好好食! 撈飯一流😭😭!!!.生炸雞髀煎雙蛋飯🍗 $63個雞髀size 真係好誇張!! 就算擺咗一陣先食, 都係一樣咁脆, 同埋切開仲係出緊煙😱haha 炸粉唔會太厚, 啲肉好嫩🍗~ 可以揀唔同嘅汁配, 有蒜茸汁/ 黑椒汁/ 咖哩汁etc .蛋撻 $8以為係曲奇皮, 但原來係酥皮, 又幾好食喎!!.📍保頓冰室尖沙咀亞士厘道20A號地舖

旺區中新開的懷舊冰室💁🏻‍♀️《保頓冰室》由門面至室內裝修都充滿風格，就連音樂都不段播放住八、九十年代嘅歌曲，特別有情懷😅！食物方面：早餐、午餐、常餐、下午茶和鐵板扒餐都有．．．晚上6時後仲有招牌豬油撈飯餐😋😋！鐵板扒餐 $168招牌牛柳大蝦，選擇咗五成熟，經過鐵板熱燒，剛好我想要的八成😊牛柳肉質應該經過輕微拍打，所以肉質特別軟腍，而大蝦亦已開邊，進食十分方便👍🏻再沾上自選的黑椒汁😋特別惹味！跟餐包埋，餐湯、牛油餐包、薯菜和飲品，食完超飽肚！叉燒煎旦豬油撈飯 $88賣點在於加上豬油和甜豉油的白飯，重有熟蒜粒和蔥粒，每一啖無論在口感或味道都絕配，當然唔好唔記得呢隻流心蛋，撈埋啲蛋汁，全碗食哂😅！

港式懷舊風味嘅食店最吸引我，呢間位於尖沙咀亞士厘道嘅"保頓冰室"，無論門口嘅設計，到室內嘅座位同裝飾擺設，都有住舊港式冰室風味。我今日嚟食午餐，首先叫左必食嘅⭐炸雞雙蛋飯- 超級大隻炸雞髀，雞比皮脆肉嫩，雞髀肉仲keep到肉汁，夠Juicy!⭐招牌黑椒汁雞扒炒意粉- 黑椒汁有啲辣，成個意粉炒得入味,而且雞扒份量都好足，平靚正🍨雪糕菠蘿包- 哩個都係其中一個必食推介，兩個雲呢拿雪糕球放係菠蘿包入面，西式嘅雪糕去中式包點，好有火花!

今日就同朋友去咗保頓冰室食飯餐廳裝修好懷舊, 牆上掛咗好多懷舊嘅物品同播住懷舊金曲,幾有特色, 冰室都有唔少特色嘅小食, 例如雪糕菠蘿包, 阿華田脆脆西多士剛好有新鮮出爐嘅酥皮蛋撻, 酥皮鬆脆, 蛋味濃郁XO醬揚州炒飯炒飯炒得乾身, 粒粒分明, XO醬剛好提鮮, 食落好香口常餐- 沙嗲牛肉麵沙嗲牛肉醬汁惹味, 牛肉嫩滑, 份量唔少配撘炒蛋紅腸, 牛油餐包好滿足保頓豬扒包包身有先烘過, 包身鬆軟, 夾住新鮮嘅生菜, 蕃茄同超大塊豬扒, 肉質鮮嫩

前2天剛剛看到網上有人分享呢間懷舊茶餐廳，今日就有同事話去試下我哋好彩12:20到，啱啱有個卡位，遲小小已經滿座午餐選擇比其他茶餐廳的有小小不同，特別是那個「豬油渣餐肉菜甫炒飯」 真的在其他地方未見過（不過我哋都冇叫）乾炒公司意粉：炒得不錯，那個煎蛋好正蔥油肉餅煎蛋飯：那個煎蛋好正，脆邊，加上豉油和蔥油，正，但係個個肉餅冇乜特別，純肉，口感和味道一般，與其他肉餅加冬菇粒或馬蹄的不同，差左少少焗葡國雞飯：咖喱味香，近似日本咖喱，唔辣，下面是炒飯底，正呀另外，凍飲加上$3 ，紅豆冰加$8，但紅豆好小店內裝修懷舊味一般

尖沙咀新開冰室，裝修好懷舊😍有招牌豬油撈飯系列、例牌常餐、銀牌燴意粉、芝士撈丁、多款焗飯、湯麵等瑞士汁雞髀、炸薯條、西多士、各式三文治、西餅麵包、港式飲品應有盡有可以食盡所有香港美食🇭🇰甜品仲有雪糕菠蘿包、刨冰、懷舊香蕉船！▶️ 常餐-B餐 ($55)「香煎雞扒通粉 配火腿奄列 跟牛油餐包」通粉湯底係典型茶記雞湯底，味道適中煎雞扒好香，肉質滑嫩帶油脂🐔通粉為快熟通粉，質感差咗啲😶冇乜咬口，勝在唔會好快「發脹」火腿奄列夠濕潤🍳中間部份先有火腿絲蛋顏色偏黃，唔會太重牛油味牛油餐包失色少少😅用嘉頓一包四件嘅甜餐包，中間搽上溶咗嘅牛油質感唔夠軟熟，作為麵包控覺得唔好食不過大家係可以揀選菠蘿包㗎！▶️ XO醬牛柳粒豬油撈飯 ($98)只有晚市18:00後先供應真係一支煲仔飯豉油、一支豬油咁俾你自己落聽說佢哋嘅豬油渣係用豬背脂肪自家慢火提煉而成牛柳粒份量多🐂肉質尚算軟腍易咬XO醬味道好濃，加埋豉油同豬油，超級惹味成個配搭好夾順帶一提，用呢啲傳統碗裝住打卡靚啲▶️ 凍西洋菜蜜 (+$8)貪得意試吓，平時好少見🙈味道少少似薏米水，可能因為蜂蜜微微都飲到西洋菜味嘅，唔會好奇怪個人覺得幾好飲，唔驚太甜想特別啲飲

“椒鹽豬扒煎蛋豬油撈飯”($88)“美式雜扒餐”($118)尖沙咀最近新開咗間冰室裏裏外外都用上港式懷舊風好多人經過都會忍唔住望多2眼😆入座後用qrcode落單首先點咗個椒鹽豬扒煎蛋豬油撈飯🐷碗飯份量算大,椒鹽豬扒都超級多😍加上豬油個飯變得好甘香😚另一份就點咗美式雜扒餐入面有雞扒,豬扒,煙肉,雞翼,司華力腸餐會包埋牛油餐包,餐湯,白飯/意粉/薯菜真係夠哂豐富😙當中大推個羅宋湯😂平時喺其他茶餐廳/冰室飲到嘅都偏水但呢道個湯係杰身架🤤仲好濃味🤤入面仲有唔少牛肉粒😚連杯檸茶都係誠意之作見佢落咁多片檸檬就知啦🍋😍下次一定要再嚟試其他餐先😛

今日食既呢間餐廳係位於尖沙咀既一家行懷舊風既餐廳, 外表完美還原舊式冰室既食物同環境, 非常特別夜晚黎得就更係要食出名既西冷牛扒, 我地選左配白飯, 首先黎既係羅宋湯同餐包, 仲可以揀餐包係烘底, 好味左好多!! 羅宋湯好濃郁, 不錯不錯係港式既牛扒, 有唔同既汁揀, 我揀既係黑椒汁, 極力推薦!! 係好少可咁香口既黑椒汁, 唔淨係得辣味5成熟既牛扒好彈Q同嫩滑, 非常好味!!必食埋呢個雪糕菠蘿包, 冰冰的雪糕加上新鮮出爐熱辣辣既菠蘿包, 超好味!!

食lunch路過見到有間新開嘅懷舊餐廳， 外貌唔錯，幾有特色， 裝修都係好有懷舊嘅風味。好友八九十年代feel。都幾多人入去試。店員都有禮貌的，暫時食物種類選擇不多。叫咗個午餐：蔥油豬扒蛋飯味道OK，蔥油唔係好多，不過佢個蔥油已經好濃味好夠鹹，所以佢冇比到太多。 但係個豬扒炸得太乾同埋比較薄，所以食起嚟比較硬。奶茶算唔錯，但係個蛋撻一般般。同埋係凍嘅。仲試咗個咖喱雞扒焗飯，好有日式咖喱feel。新餐廳試吓無妨。感受一下懷舊氣氛。

行開油尖旺，見到一間有懐舊情素的新開茶記，不其然想入去對老香港作出一番惦記。我地叫左豬扒燴意粉，茶記果然鑊氣十足，豬扒香酥，燴意粉火候恰到好處，茄汁掛在每條意粉上，好味道，加埋隻煎蛋簡直perfect池!另外，我地點左生炸鷄脾煎雙蛋飯，誠如兩隻蛋構成完美一百分，生炸雞髀做到外層脆卜卜丶內裏嫩滑多汁，非常Juicy，雞皮炸得香脆，雞肉嫩滑又鮮嫩多汁，最重要的是大大隻，相當抵食！淋上金牌咖哩汁居中铜和，ichiban!甜品雪糕菠蘿包賣相亦極吸引，入口後冷熱交融，口感非常有趣！

我最鍾意食茶記系列，尖沙咀亞士厘道開咗一間新茶餐廳「保頓冰室」，外觀充滿80年代風味，招牌以白底紅字，甚有氣勢，入到冰室坐低咗，回憶返晒嚟，綠色格仔地磚、懷舊卡位設計、牆上貼滿七80年代的廣告海報，仲要播住哥哥嘅經典金曲，真係有feel👋🏻食物方便經典茶餐廳有嘅呢度都會有，例如傳統鐵板扒餐、炸雞髀、燴意粉、碟頭飯、常餐、菠蘿油、蛋撻、絲襪奶茶等等，但「保頓」甚有創意，推出一系列豬油炸豬油撈飯，真係必食推介▪️鐵板美式雜扒餐（黑椒汁）套餐包括配飯、餐湯、牛油餐包和飲品食傳統鐵板扒餐最緊要就係鐵板熱辣辣，醬汁淋上食物嘅時候聽到嘅咋咋聲同埋冒煙嗰種feel，最喜歡係食雜扒，材料超級豐富，有豬扒、雞扒、司華力腸、煙肉、一隻超級巨型炸大雞翼、西蘭花和粟米配上黑椒汁，超級正👍🏻餐湯係傳統嘅羅宋湯，非常足料，酸中帶甜牛油餐包亦甚有誠意，谷熱咗之後外脆內軟▪️瑞士汁雞脾今日唔想食炸嘢，又來一隻瑞士汁雞髀，雞髀大大隻，雞皮滷得深啡色，雞髀及雞皮賣相完整，雞皮仲泛起油光，未食先吸引，瑞士汁比較黏稠，味道濃郁而不苦澀，甜度適中，雞皮和雞肉都相當入味又Juicy ，味道濃到不得了▪️馳名菠蘿油菠蘿油是港人至愛，一個

見谷友介紹尖沙咀呢間新間的懷舊冰室，感覺唔錯便來試試。是日大約三點左右來到，雖未到排隊等位，但都近乎坐滿。揀了最旁的卡位坐，睇下餐牌食咩好先。⭐常餐A朋友點左A餐沙爹牛肉公仔麵配餐肉炒蛋牛油餐包，正常茶餐廳嘅配撘😆沙嗲牛有水準，牛肉嫩滑沙嗲汁香口，公仔麵有嚼勁，好食噃😆炒蛋很嫩，午餐肉幾厚切，仲有個塗左牛油嘅香軟餐包，正喎。⭐銀牌公司燴意粉自己就點左份午餐燴意粉，一次過有哂咁多款餸好似好抵咁😆醬汁揀左茄汁，果然係舊式茶仔嘅味道，酸酸甜甜啱口味，意粉有咬口，仲有隻半燶底太陽蛋，蛋汁正呀🤤⭐雪糕菠蘿包朋友話要試下雪糕菠蘿包，顧名思義係菠蘿包夾住雪糕啦，菠蘿包係烘熱過的，一冰一火香脆甜美，好好食🤤不過價錢少貴啊，一份常餐都係$48，但雪糕菠蘿包就要$38，甜品幾時都係侈奢品😆⭐奶醬多另外仲叫左奶醬多，塗左勁厚花生醬同多到漏嘅煉奶，超級好食，食奶醬多就係為食醬嘛🤤⭐雜果賓治 & 忌廉鮮奶最後就係冰室特式飲品，而家一般茶仔都無呢兩樣叫了🥲真忌廉溝鮮奶係好飲過罐裝好多㗎！仲有香甜有汽的雜果賓治，個粒帶有藥水味的車厘子真令人懷念😆食物味道確實係濃濃的港式口味，好食又有feel，除左個甜食，其他餐點價

見到新餐廳去試下，叫左兩個茶餐一個豬扒意改菠蘿油，一個鷄扒公仔麵改菠蘿油，雞扒公仔麵同豬扒意粉冇味，菠蘿包皮同包淋，環境可以，播懷舊金曲可以，係食品希望有改善空間，應該冇下次🤣