侍元

營業中

休息中

抵食話說尋日放假就同咗Sikky 去荃灣西食飯 ，荃灣西有好多個商場好多地方都已經行過，最後我哋去咗海之戀商場入邊一間叫做侍元嘅餐廳。裏面有飯同埋有麵，我就叫咗個飯，佢就叫咗個面。我哋另外有加$22多一杯嘢飲同埋炸雞。平均每個人$70左右。先講我個飯先，我叫咗個黑豚肉海軍咖喱飯，$48，另外因為加多咗$22所以有一杯檸檬茶，同埋炸雞。炸雞嘅size都幾大件，而且表皮炸到好香脆，咬落去仲有啲雞汁同埋雞油，而且雞肉嘅肉質都幾嫩，係好食嘅，仲要係熱辣辣咁食，食完第一件好快又食埋第二件啦。至於個黑豚肉海軍咖喱飯，咖喱係辣嗰一隻，所以平時唔食得辣嘅朋友仔應該都食到嘅，黑豚肉就切成一粒粒咁樣，再加埋有啲紅蘿蔔粒，同埋薯仔粒，同埋好多嘅咖喱汁，碗飯好快就食晒啦，哈哈。至於佢呢就叫咗個烏冬，係$52嘅糖心蛋墨魚餅手打烏冬，同我一樣加咗$22有一杯檸檬茶同埋炸雞，小補充炸雞係兩件嘅每個人。同埋另外因為我哋買夠$100送多兩隻餃子，係炸餃子嚟㗎，食落去好香口。糖心蛋好味道，入邊流心嘅蛋黃，配咩都好食。墨魚餅就有兩塊左右，都幾厚㗎 ，咬落去幾彈牙。烏冬都有口感，湯底唔會話好鹹，食完成個烏冬仲飲咗一半湯添。

平時都見到有人來食，今日放假就去試下。買了個赤武士（辣）拉麵+炸雞+可樂。個拉麵還可以，我覺似日本出嘅即食拉麵，叉燒有兩片，地獄辣唔多覺辣，無咩特別。炸雞有兩舊，第一舊食落去都覺得幾好嘅，第二舊一咬落去睇到唔多熟喎，仲生生地，見到粉紅肉色。我食完份拉麵，走的時候諗住同個店員講聲，提醒佢哋唔好咁厚攞去炸啦，點知個職員堅持已經熟了，又話如果唔熟係應該有血絲而唔係粉紅色透明嘅肉色喎。我都費事同佢繼續講落去，心諗我屋企D冰鮮雞肉都係無血絲㗎，唔同攞出來就食得㗎？ 勸喻大家有得揀未必一定試呢間嘅。

與同事二人放午飯由荃灣廣埸通過天橋到海之戀地下層覓食，同事想食飯而我就想食拉麵，"侍元拉麵"正好 符合我們需要。 先點餐付款等片刻就可吃到熱呼呼的套餐了簡單快捷，很受我們衹有一小時用餐時間的歡迎！ 這有多款特色風味的湯底選擇今天選了九州風，白武士櫻花蝦豚骨湯拉麵 $ 62 跟餐飲+ $ 22 可配一小食特色是濃濁白湯，口味清甜配上櫻花蝦添上了一重鮮味。還有爽口木耳，粟米粒，半邊流心蛋和兩片叉燒十分豐富，拉麵也柔韌。小食~炸雞面層酥脆，夠熱！雞肉嫩滑味道好！鰻魚飯 $ 56飯配小食~餃子套餐+檸檬茶鰻魚與飯的份量適中鰻魚綿滑肥美味濃濃的！\餃子香脆餡汁豐富，好味！快㨗簡單的套餐吃得輕鬆！充滿能量繼續工作去也！

當日傍晚和太太來到海之戀商場，不算肚餓下想找簡單一點的晚餐，便想起這間之前也光顧過、經濟又好味的日式拉麵店✏️位置: 9/10✏️環境: 7/10✏️衛生: 8/10✏️服務: 7/10✏️食物: 8/10餐廳位於港鐵荃灣西接連商場樓層的前段店舖，非常方便易找。店內面積不大，座位不多但算整齊，像快餐店的形式先買單，再按電子通知器通知去自行取餐🌟札幌風濃厚味噌豚骨湯拉麵 - $62這款豚骨湯拉麵湯底香濃，拉麵較為爽口，配上三片有肉香的日式叉燒、半隻流心蛋、木耳絲及香蔥，份量足夠，味道亦不錯🌟餃子套餐 - +$22拉麵加點了套餐，包括5隻煎得香脆及有肉香的餃子，以及一杯凍檸茶，是每次我也會加點的選項🌟元祖鳥元炸雞3件 - $33鳥元及侍元的主打非炸雞莫屬，雞腿肉本身鮮嫩多汁，加上餐廳炸後非常香脆，外脆內嫩，美味極了，真心必試🌟龍田揚炸雞定食 - $48疫情期間新增了定食選擇，其中這款炸雞定食CP值最高，有三件沾上美乃滋(沙律醬)香脆的炸雞，更為惹味，同時配上一些沙律菜、白飯及凍檸茶，真的抵食🍽侍元(荃灣) 📬地址：荃灣大河道100號海之戀商場地下G32號舖

成日都去海之戀商場經過呢間拉麵😗次次都會話下一次去食下先🤣但成日都唔記得咗😹今次終於去食咗🙌🏻🔺一丁目拉麵(濃厚味噌豚骨拉麵)$48呢個係下午茶set仲包埋飲品真係超抵😆雖然係下午茶但份量好多💓拉麵有大量木耳,兩塊叉燒🐽原隻雞蛋🥚但叉燒就有d柴但都可以接受嘅😉湯底唔會過咸🙌🏻🔺東京黑蒜油醬油湯拉麵(黑武士) $62呢個相對比較重口味😬黑蒜味偏重🧄所以嘅配料都係一樣但就多d粟米🌽拉麵軟硬度適中😙但叉燒都係柴😕炸雞套餐🐣+$22炸雞係兩塊雞扒仲要比想像中大塊好多🤩炸雞肉質唔會老而且好脆🥰推介大家叫✨

今次喺荃灣西嘗試平價拉麵，叫咗赤武士地獄拉麵，值$62，$20有小食，我就叫了炸雞同凍飲。食過好多地方拉麵，當然價錢方面比好多間平，但性價比如何呢？賣相方面有板有眼，配料跟一般一樣，半隻溫泉蛋、叉燒、木苔絲、蔥花，但冇紫菜。基本上每樣配料都算可口，不過不失，叉燒雖然冇燒過，但唔算好韌。當然加小食先等於一般出面嘅價錢，所以好似要求冇咁高。炸雞剛出爐算多汁、脆身，整法比較港式。最大分別喺湯底，湯底的確如其他食評一樣，有種偏鹹感覺，鹹味蓋過其他味，飲落去冇特別，甚至鍾意飲拉麵湯嘅人不討好，如果想試平價拉麵嘅人要考量吓依點。幸好拉麵麵質有一般水準，麵量適中，所以整體感覺冇咁大落差。有則改之，無則加勉。希望貴店謙遜地聆聽意見。

【荃灣• 侍元】————————————————————————又要講 荃灣真係好多野行😍荃灣西一出就海之戀夠哂方便 食有平有貴今次講嘅係海之戀食過最平的餐廳🌟白武士櫻花拉麵 HKD62喜歡白湯拉麵 相對口感冇咁濃麵條正正常常 不過不失配料方面有木耳絲 糖心蛋 蔥 呢個價錢我冇咩要求 起碼好過味X拉麵🤣🌟糖心蛋鰻魚飯 HKD62 有成隻糖心蛋😍鰻魚就中規中矩啦 其實呢個價就唔好同平時拉麵比較叫做好過嗰間味x拉麵🤭。餐廳環境：📸📸📸📸服務質素：😊😊😊😊😊食物味道：👅👅👅性價比：💰💰💰💰人均消費 HKD62✨✨✨✨✨✨✨✨✨✨✨✨✨#nkiki荃灣 #nkiki日本菜 #nkiki拉麵🏠 侍元📮 荃灣大河道100號海之戀商場地下G32號舖

今日嚟咗海之戀附近行donki，順便係附近食野😜周圍都好多人等位😢咁啱見到有間平平地嘅拉麵店，又唔算好多人，一於入去試下啦~環境都幾寬躺，日式裝修佈置。呢度叫野食要出去門面叫咗先，之後再等佢送過黎。叫咗個黑蒜油醬油拉麵😁價錢方面:對比其他拉麵店定價相宜,$58就有一碗拉麵，而且配料種類都幾多，有溏心蛋、黑木耳、粟米等😍😍湯底方面：黑蒜油的味道雖然濃郁,但略嫌過鹹,鹹到要不停飲水⋯價錢和食物質素相輔相成，如果可以改善湯底的咸度會更加好😣

我睇完食評d人話鰻魚飯好食又係珍珠米，叫左。但大家係咪呃人😭😭喂丫，d野好難食，d鰻魚勁臭。食評啲人話係珍珠米，大佬我叫佢好似係泰國米嚟㗎喎。我100%肯定唔係珍珠米，定係佢哋突然轉左。啲汁勁鹹一啲都唔甜，完全唔係正常嘅鰻魚汁。呢個就係我食完嘅狀況，好耐都未喺餐廳食過啲咁難食嘅嘢。難怪入去冇咩人叫咗炸雞係可以，餃子都可以。不過可惜冇沙律醬，咁樣有啲dry。如果未食過嘅，真心唔建議大家入嚟食。但佢真係好平嘅

好鍾意海之戀商場，鄰近地鐵站，而且在海邊黃昏時間仲可以見到日落。更重要是商場內的餐廳商鋪繁多，其中一間我常光顧的就是侍元。今日點了🐱白武士櫻花拉麵 $62九州風的白豚骨湯底味道濃郁但不會過鹹。兩大塊厚切叉燒鬆軟可口，邊邊入口即溶，豬味濃。大量櫻花蝦增加了麵的口感層次，亦為啖啖湯麵增添了海鮮鹹香。半熟蛋蛋味濃，蛋黃流心，蛋白滑嫩。仲有蔥、木耳絲和粟米粒作點綴。拉麵口感爽口彈牙。🐱鰻魚飯 $56大大條鰻魚性價比超高！蒲燒汁將鰻魚醃得相當入味，很好伴飯。雖然吃下去時感到骨刺，但整體而言口感算鬆軟。而且珍珠米粒粒飽滿，口感軟糯，味道香甜。🐱配雞翼+凍檸茶$22雞翼大大隻，炸得金黃鬆脆。凍檸茶大大杯，加$22簡直係超值！

放工時間最好搭鐵路回家，荃灣西站有好多餐廳，今日去咗間餐廳食拉麵！入到去係自助形式，揀好食物就出去買飛等食物機響再出去拎，好在係同老公嚟食，我手痛如果自己嚟可能會拎唔到嘢食返埋位！🥺🥺老公叫咗個糖心蛋照燒雞肉飯加餃子🥟，隻糖心蛋做得好好，😍😍糖心效果勁靚好好味！碗飯俾照燒雞肉蓋過哂，雞肉多到食唔到啲飯😜😜😎😎一口雞肉一口飯，啱哂喜歡食餸嘅我哋🥰🥰😌😌個雞肉做得好，嫩滑有肉汁，照燒汁不會過鹹👍🏾👍🏾我叫咗白武士係九洲風櫻花蝦豚骨湯拉麵，啲櫻花蝦好香😋😋隻糖心蛋真係好出色，好味🤩🤩湯底香濃唔會過鹹過「杰」，拉麵唔會太淋我鍾意😍😍！加咗炸雞翼套餐，飲凍檸茶，勁抵！😎😎哩餐好抵食，得閒可以坐屯馬嚟荃灣西食飯！😎😎

兩個字 好咸除咗咸唔知應該比咩評語唔會話難食 但同你屋企自己煮冇分別特別個炸雞皮好鬼咸拉麵嘅叉燒好厚好‘鞋’ 黑蒜油只食到醬油味 又係好咸 烏冬冇特別 但炸魚餅非常油咬落去成口油而且枱面有食物渣 完全冇抹乾淨同埋點餐個女收銀講嘢好細聲

收工行過見冇咩人排隊就入左去，其實對60幾蚊既拉麵都冇咩期望，所以嗌個親子丼，諗住冇死啦哇！第一次見倒親子丼d蛋係冚唔過面，得側邊一少舊，賣相已經極hea...ok, 唔計較賣相，飯既份量正常，足夠醫肚，d雞肉亦都係彈牙既，不過呢，係冇味既，個pat所謂既蛋感覺係炒到fail左但又唔想浪費就求其倒落去，冇蛋味，只有一種迷之酸味(!?)仲送多塊蛋殼撈係裏面既鴻喜菇亦都有陣唔討好既腥味成餐飯最正常就係個杯暖水，正野，同d雞一樣冇味既

侍元是常外賣的餐廳，今日一個人，試吓入去吃吃。要比錢買咗再入去食。义燒份量多，但义燒是凍的，拉麵份量足夠，彈牙，湯底濃度合理，蛋是流心的。炸雞是即炸，熱呼呼的，有味而不過鹹。價錢有點偏貴，服務一般。

海之戀商場食肆林立，經過見到有間日本拉麵店 ~ 侍元餐牌岩食加上平民價就決定入去食侍元拉麵 ～ 札幌風叉燒厚度適中，食落軟腍，木耳爽口，溏心蛋恰到好處，蛋味濃，湯底加左味噌夠濃厚，特別滋味。菊炸雞套餐 ～ 炸雞好熱，做到外脆內嫩，肉質細嫩，非常可口竹餃子套餐 ～ 炸餃脆卜卜蒲燒鰻魚飯 濃濃鰻魚香好吸引，蒲燒鰻魚汁甜甜蜜味香濃配鰻魚鮮甜軟腍。珍珠飯吸收鰻魚汁真係無得輸!竹餃子套餐 ～ 炸餃脆卜卜#荃灣 #荃灣揾食記 #揾食記 #海之戀 #FOODIEHK #覓食記 #覓食