侍元

營業中

休息中

今次喺荃灣西嘗試平價拉麵，叫咗赤武士地獄拉麵，值$62，$20有小食，我就叫了炸雞同凍飲。食過好多地方拉麵，當然價錢方面比好多間平，但性價比如何呢？賣相方面有板有眼，配料跟一般一樣，半隻溫泉蛋、叉燒、木苔絲、蔥花，但冇紫菜。基本上每樣配料都算可口，不過不失，叉燒雖然冇燒過，但唔算好韌。當然加小食先等於一般出面嘅價錢，所以好似要求冇咁高。炸雞剛出爐算多汁、脆身，整法比較港式。最大分別喺湯底，湯底的確如其他食評一樣，有種偏鹹感覺，鹹味蓋過其他味，飲落去冇特別，甚至鍾意飲拉麵湯嘅人不討好，如果想試平價拉麵嘅人要考量吓依點。幸好拉麵麵質有一般水準，麵量適中，所以整體感覺冇咁大落差。有則改之，無則加勉。希望貴店謙遜地聆聽意見。