佳記甜品

營業中

休息中

食左B仔涼粉食左好幾年啦!次次來到,都會用一個好興奮既心情去食,哈哈,有好多次都系特登搭車來到元朗食加!哈哈我既最愛永遠系........雞翼尖同芒河呢個芒河好大份份加!!哈哈,好多芒果汁啦,D芒果又大粒,最正系D河粉系用椰汁去整,,,,,太幸福啦!!超好味仲有邊少得$14既雞翼尖加!次次叫一碟系吾夠加! 一定要叫2碟!!!不過記得要分開叫喔,,,,因為1次叫2碟,D份量好少 但系,,,,$14真系好好好好鬼正!!!超好味!爆分加陣林起都留口水TIM,哈哈

又去屯門搵朋友了，食完晚餐黎，朋友話揸車帶我地去食元朗好出名既b仔涼粉，嘩，去到好多人排隊，我地3個人，等左20分鐘啦，我地點左最出名雞翼尖同大大兜雜果涼粉，仲有芒果糯米磁同榴蓮班戟。先講個雞翼尖，食落去好軟，唔會好似其他鋪咁硬，而且個汁都幾特別，好想要黎撈飯食，亦都好好咬，真係夠哂辣，對於好鐘意食辣既我黎講非常正。而個芒果糯米磁好甜，但好香，食落口好冰凍，雜果涼粉夠哂大，好足料三個人食岩岩好，生果都好新鮮，但我唔食榴蓮所以唔個個班戟好唔好味，但見朋友都食得幾開心，山長水遠入黎食都值得！

超級喜歡的這間店，最愛吃他們的腸粉，好食又唔貴，有甜醬辣醬和芝麻醬,還有芝麻在上面，口感香滑又很爽口，其他店真的做不出這樣的味道，蒜蓉辣雞翼尖也很好吃，很入味又不會太辣，招牌的B仔涼粉也很好吃，上面的水果很新鮮，下面的涼粉也很爽滑，沒有去過的朋友一定要去試試！

今日難得入元朗觀mall ，所以就決定食盡商場附近啲好野! 第一站，我同男友就嚟左B仔涼粉勒，上次嚟食嗰時真係認認真真咁食涼粉，雖然好食，但係勁大碗實在唔啱陣間仲有大把野食嘅我地，所以我就想試下呢度嘅雞翼尖。原因係最近有位model朋友係度食左4客，仲要打包2客走，我真係好想知道係咪真係咁好味。本來諗住堂食，點知條隊真係超長，所以我一時睇唔開，就吃外賣，因為唔使等就有得食，不過我又真係無諗過係邊度可以食....因為我又無理由企係街食雞翼尖奇怪，最後就借左我第二站嘅「農場鮮奶」的地方食 ~ (在此要鳴謝士多婆婆嘅隻眼開隻眼閉~) 老實講，我又真係無諗過一包$14竟然有成30隻雞翼尖，抵到喊~ 我衷心覺得元朗嘅居民相當幸福，係b仔買客返去加餸都夠全家食 (如果唔大食~) ~ 但我屋企距離呢度嘅車程成半個鐘，拎到返去乜都凍啦~ anyway, 講返個味道，我無諗過賣相咁差嘅雞翼尖真係咁好食! 首先，好淋，佢地應該搵汁煮左好耐，須知道雞翼尖真係要煮得耐啲骨先化先軟~ 其次個汁真係無得頂，唔係一味死咸，而係甜得嚟辣，辣得嚟又有蒜香味道，真係令人回味無窮。由於我男朋友唔食雞翼尖，所以我自己一個食哂

應女友要求專凳揸車入元朗，一開始唔識路，兜左幾個圈，KAKA，我地想試正統D所以選擇老店，話晒係比較出名的糖水舖，水準應該有返甘上下，我叫左女友最中意食的芒果 － 芒果西米露，呢個正，甜而不漏，芒果腸粉，仲有雞翼尖，勁辣，好過癮，推介

入嚟元朗當然要去呢度食嘢啦，點了魚旦，湯圓芝麻糊，黑糯米同什果涼粉。 魚旦與街外的形狀不同有魚味道，芝麻湯圓加芝麻糊，芝麻糊味濃香滑，湯圓大實而且芝麻醬香濃，椰汁黑糯米充滿椰香黑糯米夠腍，唯什果涼粉的生果不太多但涼粉量超多。整體表現不錯。

一講到元朗有咩飯後甜品，一定係佳記甜品。B仔涼粉係店中之寶，但今次我試另一樣野叫做水果盆。份量完全足夠三至四個女仔食，同b仔涼粉的分別就係無左涼粉。佢有好多種唔同的水果舖滿係面頭，望落極之豐富，水果都幾新鮮，食完真係十分滿足。另外當然要食埋雞翼尖，唔算太辣，但個汁令人好開胃，叫兩碟都唔夠食，勝在夠便宜。不過愈夜就愈多人，等位就比較麻煩啦。

黎到元朗， 無理由唔試下b仔涼粉加嘛。 所以我地一食完晚飯行左陣就去果度，聽講會等位等到2046。好好彩我地去到就已經有位，原來佢果度都幾大嘅，但都已經9成full左。一坐低個職員就放低餐牌問我地食咩，但係我連睇都未睇過所以話等陣先。因為我地人好少，所以冇叫到最出名嘅B仔涼粉。咁就叫左個雜果蘆薈撈，呢碗已經好大碗喇。D生果好新鮮好多，我諗淨係食呢碗已經可以當晚飯。我地仲叫左呢個雞翼尖，係好好食嘅，好入味，不過真係好辣。但係鍾意食辣嘅就岩晒喇。總結就係值得黎試下嘅，下次要搵多d fd一齊黎挑戰B仔涼粉。

見今日得閒, 就同左2個朋友切元朗食好耐都無食過既B仔啦!雖然我係屯門人, 但其實好少好少去B仔。去到時環境係麻麻地,餐牌痴粒粒,而且枱枱登登都好多核突野痴住 。咁當然黎到呢到緊係嗌番個B仔涼粉先啦。好大份, 都算足料,好多唔同既生果同涼粉。之後見覺得太甜嗌左個辣既雞翼尖。佢好辣，而我地就不斷食住涼粉解辣。但如果鐘意食辣既人，一定要試下佢幾正！

b仔涼粉係好出名同有好耐歷史嫁啦係元朗必食既係b仔雞尖 每次食親到'lamlam'脷啊！！！！！！因為家姐在YL工作 每逢收夜都會問食唔食宵夜！！！ 所以每次收夜我都有好嘢食 佢會買b仔涼粉既雞尖同榴槤班戟 雜果涼粉同埋芋頭西米露跟住去b仔隔離個間泰國野到買串燒＞＜榴槤班戟其實我就好喜歡食榴槤 好多人都會怕左佢震味因為離遠都覺得似屎屎味 不過好好彩我全家人都好喜歡榴槤 所以我係由細食到大 雖然我喜歡食但係震味都有少少抗拒既 而b仔哩個榴槤班戟真係幾重榴槤味 平時食班戟當然食芒果班戟 個家姐聽同事介紹所以就買左榴槤班戟返黎試下 介紹又唔錯 班戟入面好多忌廉 仲有佔左一半既榴槤絲 個皮薄內涵多 抵食啊 雜果涼粉冇咩特別都係啲水果加涼粉 佢既作用係解辣(因為b仔雞翼尖真係好辣)芋頭西米露媽媽既最愛 次次糖水都有芋頭西米露份 因為芋頭好食喎媽媽話 芋頭西米露佢既奶味夠 芋頭唔係硬到咬唔開個啲 又唔係散開一舊舊 佢煮到岩岩好 B仔雞翼尖哩個雞翼尖三兩下手就比我食曬 因為實在太好食 每次都要食佢 但係食完就係個咀唇紅到'孖潤腸'咁 佢同其他既雞尖好唔同 食過其他甜品舖既都整

為左吃B仔涼粉，真是耐唔耐都要特登入來解口痕，雖然是遠左點，但口痕都無計，，而且出面既糖水鋪暫時都唔可以頂替到它。。因為勁中意它既大大兜生果涼粉。。無可取代。。哈哈哈哈，如果可以是九龍區再開分店，真是可能每星期都去潮拜，變大肥婆啦～～kakakaka每次來都必叫招牌B仔涼粉同小食。。真是勁中意上面鋪滿曬唔同既生果，可以一次過吃甘多款，真是so happppy.....而雞翼尖都好愛，夠辣又有咬口，好味!!!!!今日同個朋友兩個人又是例牌叫里點，真是好誇張，2個人吃到甘多，而且仲要無吃剩＼(^o^)／。。飽到好爽，滿足曬。。其實每次來都好想試下其他既甜品，但又唔可以放棄大大兜b仔涼粉，，哈哈哈哈，下次真是要約一大班人，，甘就可以叫多幾款啦。。ps:環境有點逼，，而且它太出名啦，，所以次次都要搭台，坐得唔是太舒服。不過為左美食無得計＾＾

今次都係第一次黎依到食野,雖然好出名呀,不過真係太遠,今次咁岩係附近當然要黎食下首先朋友話一定要叫幾份雞翼尖食下,不過我地得三個人,真係食得哂咩,不過價錢絕對唔係貴,朋友保證食得哂,咁咪照叫喇,一黎到雞翼尖幾份既份量真係嚇死我,心信一定食唔哂,個雞翼尖真係做得幾好,炆得好好夠哂味,雖然賣相唔算話太靚,不過食落督覺得無所謂,因為真係好好食,加埋好腍,一食落去D骨就走哂出黎,加埋D辣味, 一定會追住黎食,結果一陣間就食哂之後就叫依個B仔涼粉,朋友話唔叫依個不如唔好黎食,第一次食, 真係會嚇親,當然味道都唔錯,一大堆水果山,咩都有咁,最特別就係依個紅毛丹,蒟蒻加椰果好好既配合，加埋底涼粉,一啖水果,一啖涼粉真係少有享受。 

搵位完全冇人理, 自生自滅, 阿姐個個都似乎聽覺不好, 幾大聲都聽唔到, 寫野收野都好慢, 連遞俾佢都唔想收.鮮雜果涼粉, 非常難食, 而且差不多一舊水, 不值得. 要吃掉大部份罐頭味的水果先至食到招牌涼粉, 不值得.木瓜雪耳, 不新鮮所以不好食. 蜜瓜涼粉撈, 有點苦澀味, 整碗甜品不夠凍, 蜜瓜咬感極度硬身, 不值得.楊支甘露, 芒果不甜, 加上椰汁太多, 似喝椰子水一般. 冰糖川貝燉原隻雪梨, 糖水清而不甜不夠熱, 雪梨肉一般.

上一次來的時候在已經係n年前，今次特登響市區入去元朗食番上次沒食個概b仔啫喱，就試下睇下食唔食得曬 嘩！好貴都要70大元哇！b仔啫喱呀！不過得D罐頭生果有味， 果D哈密瓜，密瓜好硬 D腸粉，猪皮都好正，意想不到西瓜冰裏面有西瓜最後都食唔曬但係我地見到鄰桌2個女仔食一個b仔涼粉，勁！個收銀講野好好笑，店員服務態度都ok

平時好少走入新界區，嗰日放工後男友突然話想帶我去元朗重拾佢嘅童年回憶 - 蒜辣雞翼尖，好辣不過好好味！我又試咗個 "冰丸紫米露"，冰丸 = 雪米糍… 阿姐話係雲呢拿味，食落竟然有啲我最怕嘅榴蓮味😨😨😨😨😢咯 最後不得不提係職員態度真係麻麻到劣，好地地問一句兼有thank you佢，得嚟嘅反應竟然係敷衍兼冇禮貌，真係要改善一下喇！