佳記甜品

營業中

休息中

黎到元朗， 無理由唔試下b仔涼粉加嘛。 所以我地一食完晚飯行左陣就去果度，聽講會等位等到2046。好好彩我地去到就已經有位，原來佢果度都幾大嘅，但都已經9成full左。一坐低個職員就放低餐牌問我地食咩，但係我連睇都未睇過所以話等陣先。因為我地人好少，所以冇叫到最出名嘅B仔涼粉。咁就叫左個雜果蘆薈撈，呢碗已經好大碗喇。D生果好新鮮好多，我諗淨係食呢碗已經可以當晚飯。我地仲叫左呢個雞翼尖，係好好食嘅，好入味，不過真係好辣。但係鍾意食辣嘅就岩晒喇。總結就係值得黎試下嘅，下次要搵多d fd一齊黎挑戰B仔涼粉。