佳記甜品

營業中

休息中

假日同女女去元朗走走，路經佳記甜品，見佢話想食糖水，就入咗去坐低。叫咗招牌B仔涼粉，啲涼粉滑溜唔黐牙，上面加咗好多唔同水果，有香蕉、西瓜、蜜瓜同啲啫喱，色彩繽紛，小朋友見到已經開心晒。涼粉唔太甜，夏天食特別舒服，啱晒怕熱氣嘅我哋。佢哋仲有兒童椅，方便女女坐得穩陣，唔使我一路食一路扶。環境方面，舖頭雖然唔大，但乾淨整齊，地面冇黐立立，枱櫈都抺得幾乾淨，對我呢啲帶住小朋友出街食飯嘅媽媽嚟講，好重要👍。最開心係，職員都幾有禮貌，冇催單冇催人走，可以慢慢坐低食完先走，唔會趕頭趕命。成體驗好舒服，價錢亦算合理，真係幾適合放學後輕鬆食個小甜品，滿足一下小朋友之餘，自己都可以歎番吓🍧👩‍👧。

雞翼尖 水準keep 住 勁好食腸粉勁滑 正但芒果酸ge....最慘係酸都俾客。。。我唔信我係第一個講同以前甜勁好食經開都買，搬左小食，但而家差好多，同朋友傾開先知，轉左用另一款芒果另一款芒果沙冰ge 芒果都係酸ge...真心嬲左

去佳記甜品並唔一定要食甜品既，佳記甜品除左全港首創既B仔涼粉為人所熟悉之外，其實佳記甜品既小食都唔錯，蒜茸香辣雞翼尖一樣好出名！不過想講既唔係蒜茸香辣雞翼尖......而係其他被不少人忽略左既小食，爽滑腸粉$10有4條；陳皮魚蛋$10有8粒，有辣有唔辣，任君選擇；燒賣分左魚肉同牛肉兩款，魚肉燒賣$10有6粒，牛肉燒賣就$10得5粒；腸仔、脆皮芝士腸、豬皮同蘿蔔、仲有鹵水既雞蛋、雞中翼同鳳爪，唔認真睇真係一直都無留意原來佳記甜品有咁多款小食。用$30買左4條爽滑腸粉、8粒陳皮魚蛋同6粒魚肉燒賣，醬汁方面只係唔要辣醬，呢一碟有好多花生醬同豉油既腸粉魚蛋燒賣係非常之惹味，絕對唔需要擔心會有腸粉無醬淡而無味既情況出現！

小編今日來到元朗一間甜品店「佳記甜品」，開業於1985年，門口是鮮明的橙色招牌🧡甜品店又叫元朗B仔涼粉，以巨型的B仔涼粉馳名，主打一系列涼粉、西米露、河粉撈、芒果西米露、芒果及榴槤班戟、芒果河粉等鮮果甜品🍨🥭 亦提供滋味小食包括馳名B仔雞翼尖，元朗必食的人龍甜品店🙌🏻「芒果河粉」🥭 以鮮嫩大塊芒果作底，加上冰涼爽彈的河粉、白色河粉滑溜香口，以蒟蒻粉和椰漿做成，外貌和口感像河粉，味道則帶陣陣椰香🥥 配上鮮芒果製成的芒果漿🧡 冰涼又清新的甜品，必食推介🙌🏻「蒜茸香辣雞翼尖」在花雕和蒜蓉醬汁與透明膠質中，做到「骨腍入味肉唔爛」，每隻雞翼尖都煮至十分入味🧡 蒜蓉香氣和辣椒混合一起🧄🌶️ 吃得夠過癮，必食推介的小食🙌🏻🍽 ：芒果河粉；蒜茸香辣雞翼尖👅好味指數：8.25/10；8.5/10💰消費：HK$46；HK$24📍 地址：佳記甜品 (元朗) 元朗教育路大坑渠側

嚟到元朗唔係唔食B仔涼粉呀😝B仔涼粉係香港元朗的知名小店，以獨特的口感和豐富的配料深受人喜愛。腸粉燒賣熱辣辣，粉皮夠薄又嫩滑，口感勢利，燒賣外皮彈牙可口，配上美味嘅醬料，味道層次豐富立即提升😋。B仔涼粉不僅份量十足，取材亦夠新鮮，用上多種水果配搭而成，外觀精美，睇得出一定係用心經營炮製。價格相當親民，唔怪之得是當地人和遊客必試的美食之一👍。無論是炎炎夏日還是寒冷冬天，一碗B仔涼粉都能帶來滿足感，絕對值得一試！

晚上10點，門口仍然大排長龍。平時都鍾意同朋友來這裏宵夜，開到凌晨時段。這裏的小食水準依然保持得好好。我仍然是招牌美食- B仔雞翼尖忠心粉絲。今日路過快閃外賣一包B仔雞翼尖返屋企慢慢嘆。味道依舊- 有辣有正又惹味。🤤🤤🤤

因為之前家人推薦，所以經過元朗嘅時候同親戚試下呢一間非常出名嘅甜品。環境比較似舊式大排檔，分為上下層，上層係大鋪位，下層喺幾個細鋪位連接住，人流非常多。當時我同我嫲直接叫左招牌菜，b仔杏仁豆腐，價格98，但份量係2-3人都綽綽有餘。非常大份。上層鋪左唔同既水果，包括西瓜，哈密瓜，椰果，蜜瓜，蘆薈，紅毛丹，龍眼，奇異果，波蘿，大樹波蘿等。下層就係杏仁豆腐。杏仁豆腐奶香味十足，杏仁味比較天然，唔會有杏仁藥水味嘅感覺。其他水果非常新鮮，酸酸甜甜。認真唔錯。總體而言不愧為老字號甜品屋，不過如果食招牌b仔甜品，建議預2至3人分食，如果唔係，可能會浪費。

好好地買個糖水 本身人龍已經夠長 諗住行返個圈先返嚟拎 結果俾人點來點去都算 去到嗰個位另一個店員又話係第二個地方咁樣 來來回回去咗三四個點最好笑係問個店員究竟個糖水而家得未 你哋啲店員點嚟點去都搵唔到我哋兜糖水 啲店員最好笑係話你喺邊度俾錢咪邊度拎囉😅😅即係其實都講咗好多次喺邊度俾錢 如果係咁 點解你哋一開始唔直接指我話俾你哋知俾錢嗰度呢要俾人點來點去當傻仔咁玩😅個。店員好笑到話我哋做乜咁惡 X返轉頭 話我哋態度有問題😅 唔怪得知啲人北上消費啦 真係因為有你呢班服務業😅之前仲見到喺地下雞翼尖 呢間嘢真係摺得😅😅😅😅

這家位於元朗的甜品店已經經營多年，是元朗的名物，經常吸引大量顧客排隊等候。雖然有許多招牌甜品，但最值得一提的卻是少有人提及的芒果糯米卷。這款甜品將香甜的芒果與柔軟的糯米皮完美結合，每一口都能感受到芒果的鮮甜和糯米的Q彈口感🥭😆

天氣太熱令人口渴又口淡🤣好似好耐無去佳記, 不如過來食一下, 餐牌二版好多款😆不過都係一行copy再改少少內容😅大致都係那些款式, 叫左個鮮雜果涼粉💕 等左一陣送到, 賣相好靚仔, 有西瓜🍉🍈哈蜜瓜蜜瓜同白色火龍果, 底部係一粒粒涼粉, 全部食到夠凍又新鮮, 食到生果的原味道, 唔會再浸糖水變得好假, 另外有少少花奶比你加落去, 涼粉粒粒爽, 唔會好實同好淋, 亦唔會碎濕濕🤭, 但個底應該加左糖水, 所以食到甜味, 我個人認為唔加會更加好, 又或者糖水另外比, 等客人自己加, 敢樣會更加貼心🫶👍我自己覺得甜左d😀但整體味道份量都唔差, 都係元朗食甜品的好地方😘😋

呢道三色醬腸粉色彩繽紛，醬汁香濃，腸粉滑順，口感非常好，令人一試成主顧。咖喱魚蛋則帶有濃郁香料味，魚蛋彈牙，配上咖喱汁，味道更添層次感，十分開胃。魚蓉燒賣餡料豐滿，鮮嫩可口，外皮薄而不膩，吃得人非常滿足。

入到元朗梗係要食雞翼尖 ！ 辣到超過癮！再加埋個滿瀉嘅芒果撈西中和番絕配嘅配搭 ！ 我覺得雞翼尖嘅辣到啱啱好，不過有人就食完要飲多一杯木瓜奶再中和下 🤣🤣 整體來說，很完美芒果撈西好大碗，可以兩個食 雞翼尖有一種令人上癮的魔力 🤣🤣 睇返相會突然想食 🫣🫣

📍佳記甜品元朗最出名既甜品一定係佳記甜品b仔涼粉‼️😋榴槤班戟 （$41）一到夏天☀️就係榴槤既季節‼️榴槤班戟真係一樣一定要食既甜品‼️‼️‼️榴槤肉超濃超軟熟入面仲有好多忌廉班戟皮厚度岩岩好真係勁好食🥹🥹🐥蒜茸香辣雞翼尖 （$24）記得想當年由$12食到宜家$24雞尖真係b仔既名物‼️呢個雞尖永遠都係大量蒜茸同辣椒煮成雞翼尖煮到好淋好入味每次食完都辣到噴火🔥但又想繼續食🤣🍠椰汁芋頭西米露 （$23）呢碗湯水真係好抵食‼️又大碗又足料真係大大舊芋頭比你仲要好香椰汁味👍🏻

晚飯後去散步經過見到好多人，癮唔住入去食個宵夜。蒜蓉雞翼尖真係好開胃！雞翼內嫩，啖啖肉汁。蒜蓉香氣四溢，味道濃郁香辣，入口即化。每一口都帶嚟滿滿嘅蒜味同雞肉嘅鮮嫩，味覺享受無窮。三色腸粉加魚蛋真係好正！腸粉白滑嫩，彈牙又好入口。混埋唔同嘅醬有獨特嘅口感同鮮味。加埋魚蛋，帶嚟一份豐富嘅咀嚼感同鮮美嘅海鮮風味。最後來碗糖水，蓮子百合紅豆沙。紅豆沙濃郁香甜，口感綿密滑順。加埋蓮子同百合，帶嚟一份清香同嚼勁。每一口都有紅豆嘅甜味同蓮子百合嘅獨特風味。

佳記甜品，位於元朗教育路大坑渠側。 好多年冇食b仔涼粉了， 難得入到元朗， 剛好食完晚飯就去佳記甜品。點了B仔雜果涼粉$46、哈密瓜西米露$32、蒜蓉香辣雞翼尖$24。 ▪️B仔雜果涼粉 ～ 份量多，涼粉爽口，每款生果都新鮮，最喜歡芒果，非常甜美。 ▪️哈密瓜西米露 ～ 甜到適中，清涼可口。 ▪️蒜蓉香辣雞翼尖 ～ 雞翼尖蒜蓉味唔算出，但係辣度好勁， 都幾惹味。 整體食物可以，但環境清潔度要改善，有蚊滋。🏷️溫馨提示～ 整個用餐體驗均屬個人分享意見， 只作參考😊。