佳記甜品

營業中

休息中

又去屯門搵朋友了，食完晚餐黎，朋友話揸車帶我地去食元朗好出名既b仔涼粉，嘩，去到好多人排隊，我地3個人，等左20分鐘啦，我地點左最出名雞翼尖同大大兜雜果涼粉，仲有芒果糯米磁同榴蓮班戟。先講個雞翼尖，食落去好軟，唔會好似其他鋪咁硬，而且個汁都幾特別，好想要黎撈飯食，亦都好好咬，真係夠哂辣，對於好鐘意食辣既我黎講非常正。而個芒果糯米磁好甜，但好香，食落口好冰凍，雜果涼粉夠哂大，好足料三個人食岩岩好，生果都好新鮮，但我唔食榴蓮所以唔個個班戟好唔好味，但見朋友都食得幾開心，山長水遠入黎食都值得！