佳記甜品

營業中

休息中

閒日去食，朋友坐緊車來，我見無人排隊又得幾個人就入去坐住先，同個阿姐講左三個，等左10分鐘都無，跟住有人入距就係甘叫人坐我隔離，我就話有人，距串我話，都未到，唔通為等你朋友唔洗做生意，明明兩張空台係度，仲要大大聲話無得留台，真係激氣，我都知無得留台但明明有空台我又唔係擺住好耐，點解要甘，食過幾次食物質素無改善態度反而越來越差

вluє mσndαч mσσd ಥ_ಥ 雖然今日只是星期一而已，但心情已經好down，被工作疲勞轟炸後，已經累到傻左！好掛住尋日去元朗搵食！🤤🤤1️⃣雞翼尖辣辣地ᴴᴷ$18，好惹味。雖然好邪惡，但真係好正，每次去b仔都忍唔住要食！2️⃣🍉西瓜涼粉ᴴᴷ$28，份量好多，同埋雞翼尖一齊食，可以立刻降低👅溫度又得，得左，食完仲透心涼添！3️⃣蜜瓜西米露ᴴᴷ$28，蜜瓜真係好甜，不過得幾粒！可能唔係西米露fans，覺得普通。4️⃣滷水蛋好入味ᴴᴷ$6，連蛋黃部分都好香濃🉐️！結果，encore多一隻先夠喉（超標啦🤦🏻‍♀️）！

親愛的b仔我一直係元朗b記既雞翼尖粉絲4年前第一次食 已經深深愛上你的雞翼尖你啲雞翼尖又𣺉又大隻又入味 每一隻都好易啜 我同男朋友每次都叫一人一份但係近呢2年 雞翼尖質素每況愈下唔知係咪關多左人買事又唔𣺉 又唔入味 最近食個皮都勁痴骨我地都好失望 幸好係你個汁依舊保持水準 係唔夠味嚕。。。。。。另外想介紹你既蜜瓜汁好好飲！入面仲有原粒蜜瓜球 好解渴又好喝我每次都係叫雞翼尖配蜜瓜汁 perfect match! 希望你既雞翼尖可以進步翻啦最後。。提醒大家 b仔涼粉唔係挑戰食量就唔好叫 又貴又太大。。仲普通(難食)

態度好差 同佢講可唔可以俾多小小甜醬 （因為我覺得真係冇乜） 佢一句噠埋黎 就話 唔洗啦 係個底到 但係一拎開啲腸粉 全部水黎 點食啊？ 係出面入去個陣 一個餐單都冇 咁我叫乜？ 都算 問佢一次兩次 完完全全聽唔到 （聲音唔算細 仲有舉手） 人地都未講完野就行開 b仔真係越黎越差

呢日同屋企人行完山，近近地就去咗元朗，Daddy好耐冇食過B仔涼粉，一去到元朗就即刻嚟咗!我哋嗌咗一碟豬皮($17),鮮榴槤布甸($28),同埋紅豆黑糯米($28)。豬皮嘅咖喱汁完全入晒豬皮入邊,好惹味,又唔會太辣!鮮榴槤布甸本身一啖都以為無咩嘢,布甸本身都有榴槤味,食到第二啖嘅時候,已經見到榴槤肉,原來布甸底下全部都係榴槤!榴槤控黎食就一流!紅豆黑糯米嘅紅豆鋪滿哂成個碗,食個間都有少少難度,紅豆都好大粒,而且都好甜,黑糯米亦都唔會過硬,又大碗，比較細食既女仔淨食甜品都應該夠哂飽,正呀!

某星期日係元朗食完飯決定去拜會下。元朗B仔涼粉，聽就聽得多，親身去食真係第一次。同行共4人，叫左個$78既招牌B仔涼粉Share，另外再嗌左2個基本中式糖水。主角一上枱嗰下，我係驚訝既，真係好大碗建議冇3-4個人都唔好叫，以免食唔曬浪費。望落係好開心既，好似有個生果山咁，好足料，我地都逼不及待即刻開餐，食左幾啖恍然大悟，其實真係冇乜特別，佢8成既水果都係來自罐頭。各位可以唔洗專登入元朗試，只要先去街市買5蚊涼粉，然後去超市買堆罐頭，倒曬落個大碗到，一碗聞名中外既B仔涼粉就誕生喇坐低放眼望曬成個場，基本上枱面都冇人食緊招牌B仔涼粉，叫得既都應該係我地呢種大鄉里未試過。總結，想食佢個B仔無需特地去，撞岩經過又口痕就去啦，包冇驚喜

當我每一次說起元朗，週遭的人都一定會跟着說“B仔涼粉” 彷彿這是一個專有名詞，到了現在寫食評才知道原來B仔涼粉的正確店名是“佳記甜品”。那天剛好駕車到元朗走走，便吃一下馳名的雞翼尖吧。對！你沒聽錯，是雞翼尖！一間甜品店有名的並不是甜品，而是辣椒蒜蓉雞翼尖。這是我第二次光顧，但之前沒有做記錄，所以跟這次一起評分吧。兩次都點了相同的食物，一份雞翼尖跟芋頭西米露，外賣回到車上吃(怕抄牌(ಥ_ಥ))店員姐姐很快便把食物包好，但說不上親切，所以不要抱着任何期待在服務上，不過我只是買外賣，實在不能妄下判斷。首先先吃咸點－辣椒蒜蓉雞翼尖(HKD 17)，一包大約三十多隻，用膠袋隔油紙包裹着，配牙籤數支。由於是第二次吃的關係，沒有第一次的驚喜，但味道依然好吃，雞翼尖非常入味，肉質腍身，幾乎不經要甚麼技巧，肉跟皮都能輕易脫離，看得出已經烹調了一段時間。(不知道這是正常與否，因為第一次吃的時間是比較紮實，需要慢慢“lun”才吃得乾淨)而這次的辣比第一次輕，雖然我跟男朋友都是無辣不歡，但前一次的辣會吃得比較辛苦和容易嗆喉。比較兩次的話，我比較喜歡這次的質感跟辣度。吃完雞翼亦後，終於到甜品時間！第一次買的時候

本人知道這是元朗普通甜品店，日子久了，多人認識後，這裡的員工不知所谓，非常冇禮貌，好像不可一世以的，而且價錢十分贵，其實現在元朗有很多其他的選擇，所以唔需要再去。

Day trip to Yuen Long and so must need to go to have a try this dessert store ! This dessert is well famous of mixed fruit grass jelly!!! There are big/small size to choose! The big one can served for like 5-6 persons, as we only got 2 persons. I just picked the small on this time wow they are all fresh food ! Can add the milk inside which is sweeter! there are many different kinds of dessert to choose too and even hot dishes like chicken wing, curry fish balls. Good for group gathering

幾位親友不約而同地來探望嫲嫲，他們探望完嫲嫲後又不約而同地說要到「佳記甜品」吃點東西，所以我亦跟他們一同前住「佳記甜品」。到步後，我們便很快點了一些食物。點的大多數都是小食和一款甜品。雖然我們點的只是簡簡單單的咖喱豬皮、咖喱魚蛋和白蘿蔔，但味道比我想像中的好。咖喱豬皮爽口之餘又夠入味，而咖喱魚蛋亦同樣夠入味，至於白蘿蔔則非常清甜!鹵水雞中翼鹵水雞中翼看上去像是很入味，但其實一點也不入味，我們都感到相當失望!蒜蓉香辣雞翼尖蒜蓉香辣雞翼尖跟鹵水雞中翼有同樣的問題就是不夠入味，這更令我們大為失望! 以前他們的蒜蓉香辣雞翼尖是非常濃郁和惹味而令人吃過不停，跟現在的完全不一樣。B仔涼粉其實我對於B仔涼粉一向都沒有什麼好感，但是他們卻對B仔涼粉相當有興趣，所以最終我們也把它點下來。B仔涼粉的賣相色彩繽紛而且非常豐富，涼粉裏有不同的水果如西瓜、大樹菠蘿、奇異果、哈密瓜、香蕉和木瓜等。不得不說它的賣相非常漂亮，但味道卻令人非常失望! 香蕉香甜而討好，罐頭大樹菠蘿則正正常常，其他的生果都不夠甜，而且木瓜和哈密瓜還沒有完全熟透。很久沒有到「B仔涼粉」的我們沒想到他們的食物退步了那麼多，真係希望能正視問題，

從來食B仔涼粉唔係為左涼粉曳者糖水，只係為左食B仔雞翼尖。雖然聽過好多區內人都嫌棄，並表示唔會食，不過我個人就係對佢地嘅雞翼尖同腸粉特別有情義結，真係由細食到大。好多人都話女仔唔好食太多雞尖，有好多激素，我就橫死掂死，食左先講果種人，唔理得咁多，況且我都唔係成日食。週日下午茶時間黎到，都一樣咁多人。我就鐘意黎呢間分店多啲，一來位置多好多，二來呢間分店冇咁多遊客。雞翼尖由十幾蚊加逐少逐少加價，老實講以前係平；而家好多地方叫雞翼尖都超過廿蚊，好似我成日食果間手撕雞店，間中都有雞尖賣，都賣到廿幾蚊盒，份量同b仔差不多。雞翼尖夠香辣，蒜味重，愈食愈上癮，當然有一樣野就一定多：味精，唔係點逼使你點甜品或者飲品，哈哈。腸粉、魚蛋都一樣加左價，搭單食嘅啫，費事齋食雞尖咁寡。腸粉夠熱夠滑架。魚蛋一般般啦。

首先，講食物質素，除左雞翼尖以外，其他都完全唔配做元朗甜品小食一哥，什至連好食都稱唔上。再者，服務態度差到極點，用一副唔稀罕做你生意既態度去同你落單，啲店員掛住吹水都唔聽客人要啲咩，要個客人大聲叫佢地先至如夢初醒咁去落單，執啲野食出黎，不論係甜品部定係小食部果邊既侍應都係一樣掛住吹水。特別係企甜品果邊果兩個師奶侍應，吹水吹到同佢講要啲咩、再揮手講埋hello都冇回應。呢個b仔啲侍應完全連服務業應有既態度都冇，比錢買難受同埋食到成肚氣，奉勸各位慕名而來既朋友唔好食呢個所謂元朗必去既b仔涼粉！

今日同朋友入到黎元朗梗係要食B仔涼粉啦，我們同行有四個，一坐低就點左B仔涼粉先。涼粉好快已經黎左，好多唔同生果，岩哂我地幾個。我地仲點左呢個益力多蒟蒻芝士脆餅，益力多配芝士岩岩好，值得一讚。除左涼粉，第二最最最重要食既，一定係蒜蓉香辣雞翼尖，我一個人都可以食哂佢。。😆😆😆

食完晚餐，諗住食個甜品，便諗起呢度。諗住又要等位，點知好好彩，唔駛等，門口有一張。坐底左，冇人理，自己出去拎menu,點左個菠蘿杏仁豆腐，菠蘿係罐頭貨，杏仁豆腐硬過大菜糕雞翼尖必食，個汁好惹味，結果掃曬，一隻都冇淨腸粉魚蛋，魚蛋有果皮味，十分彈牙。腸粉好滑，加上豉油，芝麻和混醬，又係掃光。

去到元朗食b仔是常識吧！次次食都無失望🤤什果涼粉：三十零蚊就有鮮什果 大大碗 仲要有花奶任加（花奶先係主角）腸粉魚蛋：b仔腸粉真係特別好食 滑得黎軟身 正雞翼尖：唔使講都知係必食 真係每張枱都叫豐富的一餐 不過美中不足係有好多蒼蠅