佳記甜品

營業中

休息中

首先，講食物質素，除左雞翼尖以外，其他都完全唔配做元朗甜品小食一哥，什至連好食都稱唔上。再者，服務態度差到極點，用一副唔稀罕做你生意既態度去同你落單，啲店員掛住吹水都唔聽客人要啲咩，要個客人大聲叫佢地先至如夢初醒咁去落單，執啲野食出黎，不論係甜品部定係小食部果邊既侍應都係一樣掛住吹水。特別係企甜品果邊果兩個師奶侍應，吹水吹到同佢講要啲咩、再揮手講埋hello都冇回應。呢個b仔啲侍應完全連服務業應有既態度都冇，比錢買難受同埋食到成肚氣，奉勸各位慕名而來既朋友唔好食呢個所謂元朗必去既b仔涼粉！