佳記甜品

營業中

休息中

今日約左朋友去探朋友既bb, 其實朋友家住天水圍,不過難得黎開附近,就特登係元朗落一落車買雞翼尖再搭去天水圍一個二個聽到我買雞翼尖就即刻搭單,最後我買左5份...人地可能以為我需要大量膽固醇XD早一日上openrice望過開12:30, 大概一點去到,已經坐滿左8成@@ 好誇張,間鋪本身都唔算細,不過見好多人係叫小食,唔係食甜品外賣雞翼尖可以直接排隊買,唔洗落單,見到一大煲雞翼尖 伙記筆得好隨意,所以有d多有d少

呢晚喺附近買意粉做晚餐, 就忍唔住行左去b仔(佳記甜品)買野食。而對我來講, b仔最吸引嘅, 從來都唔係甜品, 而係-----雞尖今次我就買左一份雞尖,  一份魚蛋, 拎返屋企食蒜茸香辣雞翼尖($17)呢個真係我最愛, 周不時就口痕想食, 然後就會行去買雖然好似肥左d同唔健康, 但真係忍唔到口, 蒜茸好香, 加埋有辣椒辣辣地, 真係好好食!加上佢嘅軟林度岩岩好! 夠林, 但又唔會太林!真係一食就停唔到口, 欲罷不能呀!美味魚蛋 ($10/8粒)呢度D魚蛋係豉油皇魚蛋來~ 魚蛋來講, 豉油皇魚蛋算係好食嫁喇~中規中矩啦~ 冇乜特別~總括而言, 呢度D雞尖真係冇得輸~雖然我試過係屋企試整, 但本尊嘅味道真係好食D!令我得閒就會去買佢來食

中學個陣，成日都同中學同學黎食宵夜，有時想食糖水，通常都會黎b仔～但我覺得而家越黎越唔好食了，不過，雞翼尖同腸粉個d無變，都好食既。只係糖水個d麻麻姐。但係，有時都係會一班人去食野既 哈哈

黎開元朗, 就一定會黎呢度食下野~!2點幾既時間, 唔想食太飽, O係度食少少就最岩!去到已經滿座, 咁岩有人走, 我地先有位坐~果然好受歡迎~野食好多選擇..直頭選擇困難行到一身汗, 食返D凍野就至爽喇!!我地叫左2個糖水同1款小食~西瓜涼粉呢度既B仔涼粉咁出名, 當然要食下涼粉啦~!一啖西瓜一啖涼粉, 又消暑又清熱~而且份量都算大碗, 亦有花奶另上, 落定唔落, 由你話事~雪糕黑珍珠雪糕只有一款, 係曲奇味, 但岩哂我~甜度亦好適中~蒜茸香辣雞翼尖雞翼尖好淋, 而且好香.辣辣地, 好惹味! 食唔停口~

好耐冇食過《B仔涼粉》禽晚路過突然想食翻碗，幾條友仔唔使諗，叫個「B仔涼粉」大盆盛裝多樣繽紛水果佐上仙草涼粉，堆疊成一座小山呈現華麗豐盛，視覺與味覺都被滿足了！另外千萬一定要將胃空間保留一部份給店家的鹹食或滷水，獨特風味的「蒜茸香辣雞翼尖」吃過教人難忘，香辣夠勁的Q感雞翼尖，欲罷不能地一隻接一隻，實在好味。俾之前越嚟越辣🔥🔥🔥加埋啲好滑嘅腸粉，好滿足🤤🤤🤤仲要打包榴槤帶回🏡俾老婆做宵夜……~榴槤班戟😖😖😖

元朗次次食完飯必去b仔 不過夜晚時段真係多人到嘔 唯有買個外賣返去食 唔洗同人逼推介芒果糯米卷 皮薄 但係我鐘意食厚番d 因爲冇咩口感 舊芒果就好大舊 已經唔係咁簡單 其實有d似直頭食緊舊芒果 芒果好新鮮好甜

在元朗食完頭盤同正餐，當然要食埋個甜品，而且剛剛好在大坑渠附近，就去遠近持名的B仔涼粉食由於時間尚早，無乜人食甜品，但一入店內（地下），每枱也有人，我只是一個人，搭枱也沒問題，其實坐得叫幾舒服，見到枱枱除了叫甜品外也有叫小食由於食左正餐，只叫了個西瓜涼粉，一個人無得食成個B仔涼粉，只好當是迷你版佢d西瓜大大粒，涼粉又夠爽，最值得讚係佢有半碗算幾大碗嘅淡奶俾你自己加，一d都唔孤寒雖然我只係落左少少，但鍾意大量淡奶既人就應該勁開心

同朋友經過元朗 成日聽人講B仔涼粉 於是決定入嚟試一試 點知係試伏涼粉我哋嚟到呢間好似係主店 一開始冇咩人 但後來越來越多都坐滿 仲見到有啲大陸人專登嚟食招牌B仔涼粉 我哋兩個人叫左個招牌B仔涼粉試吓 好大碗兩個人係絕對食唔晒 最後當然都食唔晒啦！其實水果份量好多而且有好多唔同種類 有芒果哈密瓜西瓜大樹菠蘿奇異果蜜瓜 菠蘿等等 但感覺生果都唔夠新鮮而且唔夠甜菠蘿仲係罐頭嘅 所以食到最後都唔想食 可能都係太多嘅緣故 食水果食到好生無可戀而下面嘅涼粉都算結實厚身 冇咩味要加花奶先好食B仔雞翼尖 最滿意最好食都係B仔雞翼尖 辣辣地 個汁好惹味 食到我地兩個食唔停！

沿路走去搵餐前小食，因為要d時間消化之前個雪糕雞蛋仔，所以放棄就近嘅又新街分店，走去比較遠嘅大坑渠老舖，加上呢度就近第三個搵食點，所以都無乜所謂！蒜茸香辣雞亦尖眾所周知，雞翼尖係邪惡之物，骨多皮多肉少，脂肪同卡路里仲多，而且坊間一直流傳肉類含激素，唔少人都相信雞翼係「打針」部位，雞翼尖更係激素累積嘅位置所在。但為食嘅我總係會忍唔住邪惡之物向佢揮手，同埋我其實都幾鍾意吮骨，除咗雞亦尖，我都好愛雞爪！B仔呢個雞翼尖睇落真係無乜特別，但就係佢果種秘制蒜茸辣汁，煮到成隻雞亦尖入晒味，而且又控制到骨淋肉唔爛，呢個真係最高境界。初初食第一、二隻都無乜嘢，但之後越食越辣，果種辣到流晒汗都食嘅感覺，真係好過引。加上d阿姐唔孤寒，每碟都比好多辣汁，我就用盡成隻雞亦尖去沾最多嘅辣汁先食，食完之後個咀爆紅！(好變態！)所以呢個B仔嘅名物，喺2017年榮登某雜誌最好味雞亦尖排行第6位，都當之無愧！老實講，我自己都跟過坊間嘅食譜去整，但都係整唔到果種好味！緊係啦！如果我整到，我就唔洗老遠都走入元朗食佢啦！馬荳糕正常水準，不過不失。我主力嚟食雞亦尖，呢個係bf 叫嘅，我食咗少少。

元朗B仔涼粉，相信已經出晒名好耐，每次晚上經過都是大排長龍。同朋友必點的是B仔雞翼尖，然後各一個甜品，我喜歡楊枝甘露，朋友喜歡黑芝麻加湯圓。B仔雞翼尖的蒜味同辣味令人停不了手，楊枝甘露份量十足，是我個人最愛的甜品。

沒有吃中午飯，大概下午四點有點餓，天時暑熱，想吃點清爽食物，遂想起B 仔涼粉，B 仔涼其實並非該甜品店的正名，正名實為佳記甜品，之所以大部份人稱該店為B 仔涼粉，因為佳記的成名甜品，是那碗混入罐頭及時令水果，少說也有八九款水果的 - B仔涼粉。B 仔涼粉賣HK$81/碗，一碗絶非一人份量，起碼可供三至四人享用，龜龜本想點它，卻不想把吃剩的打包回家，左挑右選下，點了一碗有着B仔影子的鮮雜果涼粉。鮮什果涼粉 HK$38有着西瓜、芒果、紅肉火龍果及哈蜜瓜。由於今年的水果，全世界都豐收，街市果欄水果價格都甚相宜，導至佳記的出手都闊綽了，份量多之外，亦用上了一向市場售價偏高的紅肉火龍果。今天吃到水果份量多，而且成熟、新鮮兼糖粉高，集靚水果優點於一身。吃過佳記的涼粉不知多少趟，我對它的欣賞遠較其他甜品為甚，雖然不是自家製作，但涼粉爽脆兼梘水味輕，味道可口之極。

今天喺元朗佳記大坑渠嗰間B仔買咗一包豬腸粉和魚蛋，我食豬腸粉一定要多豉油，多豉油是重點加上他的油會令腸粉十分滑，不用咬就可以吞倒落口，甜醬，芝麻，和辣魚蛋直頭是最佳配合，而他用的魚蛋是豉油王魚蛋比較有咬口，我十分喜歡

今日突然間好想食B仔涼粉，就山長水遠咁轉左好多次車去咗元朗。點解可以每次都咁好食，我真係好想我係住喺元朗。講到我最愛，又點可以唔數雞翼尖呢。其實每一次去食B仔涼粉，都一定會外買啲雞翼尖返屋企宵夜再吃，哈哈哈。真係成日都好好奇，究竟佢係用咩比例用咗啲咩材料先至可以整到個醬汁咁鬼好味，最重要系啲味道完全入晒去啲雞翼尖度。味道好正已經夠過分啦，仲要好有份量。所以每次都真係食到舔舔脷，差d連d骨都想食埋🤣🤣

馳名中外（港九新界）嘅元朗B仔涼粉相信應該無人不曉，自從一試佢嘅招牌雞翼尖之後就番唔到轉頭。就咁聽個舖頭名係咪以為佢食涼粉嘅呢，其實唔係，佢嘅熟食好味之餘仲有各式各樣嘅糖水甜品，係正宗港式甜品舖始祖。話明雞翼尖係鎮店之寶，當然唔少得叫番碟黎睇睇龍與鳳。一上枱就傳黎陣陣辣香，呢隻秘製辣汁真係一聞難忘，入口有足夠嘅油分俾你慢慢係口腔入面"lun"，索盡辣汁同雞翼尖嘅精華。以前覺得雞翼尖難損又唔入味，B仔令我對雞翼尖徹底改觀！

老友來元朗，點名要吃B仔雞翼尖。足見它到底有多紅，紅到市區人也無人不曉。我這個偽新界人自然要帶路，可惜作為路痴裝不到帥，要用google map才走得到B仔涼粉。本來想去比較大的又新街店，也順路之後吃其他小食，結果跟地圖來到是較小的店。下午較少人，也許為了容易管理，有半間店封了，以致我們要搭枱聽著別人的是非進食。也是可以理解的。名氣這麼大，來的人都不是為了舒適/環境/氣氛，為了吃，其他都可以屈就。因為還有下場（其他小食店），兼貪心地仲想食晚餐。所以只order了雞翼尖，腸粉魚蛋雞翼尖還是一樣，軟糯入味，蒜辣香氣十足，每次都食到停不下來。朋友覺得比她以前來辣味變溫和了，未知是否為大眾口味有調節過，還是剛好辣椒比較不辣。我個人是覺得這樣的辣度算舒服。魚蛋同腸粉調味料撈埋一碟，變成芝麻甜醬魚蛋有點古怪，於是一直挑走芝麻。腸粉好瘦削，比一般腸粉店少了一圈，兼且香滑惹味都欠奉。還是覺得你－雞翼尖－最好。