佐禾町居食屋

營業中

休息中

同事介紹左我食呢間日本料理，因為好近我返學既地方、所以食飯時間約埋同學仔一齊去試下，高質素既日本料理，價錢亦都好高，但呢間質素好但價錢親民。我覺得日本料理要試好唔好食，最好就係試下魚生飯，叫左一個三文魚腩碎同刺身飯，我覺得佢既魚生好新鮮，而且份量亦夠大份，就算男士食都夠飽，而且刺身種類亦好多款。

今日嚟開附近，聽朋友講最近呢度開咗間新嘅日式料理就嚟試一試。店舖外裝修走日式原木風格，連門口都跟足日本餐廳，少少透咁好似日本大廳啲屏風，即使就咁係條街行過都會俾佢吸引到望一望👀門口已經擺放少量餐牌，唔駛$50就有野飲同野食，而款式選擇亦唔少，雞牛豬魚都齊，十分吸引😍入到餐廳見到牆上掛滿類似日式浮世繪壁畫，同時店內裝修風格貫徹始終，採用大量木質材料，透露出傳統日式氣息，使用黃燈感覺更溫暖。💛🥢帶子$28兩件 油甘魚$28兩件 三文魚$22兩件 蟹肉蟹膏$24兩件 先叫個壽司開始呢一餐，帶子夠鮮甜，油甘魚同三文魚都切得夠肥厚，蟹膏亦夠甜唔腥，值得一讚係軍艦壽司嘅紫菜唔淋夠脆，呢個價錢絕對抵食😋🥢火灸三文魚腩$30兩件 火灸左口魚邊$32兩件 推介🔥火灸後迫出三文魚同左口魚嘅魚油，令口腔充滿魚油嘅甘香，火灸左口魚特別好食，夠肥美爽口🤓壽司質素頗高，食得出材料新鮮😋🥢軟殻蟹反卷$48四件軟殻蟹炸得香脆，亦都食到蟹肉，唔係一層好厚炸粉，再配上青瓜同蟹籽，饀料十足，大大件好滿足。計返一件只係要$12咋🤩🥢日式牛肉鍋 $62除咗壽司當然要試埋熟食😌牛肉份量十足，食極都仲有，但略嫌牛肉唔夠嫩滑。勝在湯

佐禾町居食屋 (太子)-原來呢度新開左一間居酒屋！仲要見到Lunch set超抵！所以要去試吓先得🤪 入到去環境唔錯，裝飾好靚，除咗大大隻嘅裝飾仲有連儂牆💛 食物正常發揮，薑汁雞肉飯食落有啲甜味🤣-Lunch Set🔍 燒汁牛肉飯 $44（連麵豉湯）🔍 薑汁雞肉飯 $44 （連麵豉湯）-📍佐禾町居食屋 (太子)太子荔枝角道104號地舖

閒日1pm左右經過，見唔駛等位，午餐價錢又相宜，於是就初次幫襯。原本想叫嘅三文魚腩飯已經賣哂，於是改叫雜錦魚生飯（已經係最後一客）。午餐跟一碗麵豉湯，湯入面有幾隻蜆肉，相當有誠意。魚生飯上桌，比預計的豐盛，有牡丹蝦、三文魚、北寄貝、吞拿魚蓉、雞蛋燒、芥末八爪魚、魷魚、蟹柳。牡丹蝦夠大隻夠甜美，三文魚又肥又厚，芥末八爪魚雖然唔係咩貴價嘢，但係我不嬲都鍾意食，雞蛋燒頗有驚喜，有一種微焦嘅味道。若要吹毛求疵，就係我個人向來唔鍾意食假蟹柳，唔知下次可唔可以走蟹柳換多片蛋呢？整體分量幾夠，男士應該都夠飽。環境係街坊小店，算乾淨企理，服務唔錯。埋單$70唔駛加一，性價比高。

荔枝角道開咗間新嘅日本嘢，原本諗住去食金鳳嘅，排長龍😳😳😳見隔離舖頭開咗新嘅日本🇯🇵食店，唔使排隊就幫襯下啦😍😍入到去其實都爆曬場，坐低咗見隔離枱嗌咗個壽司拼盤，好吸睛❤️特長三文魚壽司，帶子壽司都好新鮮🤩🤩燒油金魚鮫好高質🤪🤪超級厚肉，燒到好脆身，性價比真係好高☺️☺️燒三文魚頭都好高質，新鮮熱騰騰😄😄好骨膠原💕💕再嗌左豆腐蔬菜🥬鍋，係甜甜的壽喜燒湯底🥰🥰佐禾町居食太子荔枝角道104號地舖

住附近嘅關係，見到佢嘅飯餐都幾平，而且又係黃店，所以去幫襯下幫襯左幾次，試左4款唔同嘅飯餐火灸三文魚丼都幾大塊，厚薄適中，不過唔係腩位加上價錢比市面低，唔好期望有肥美鮮甜感，但食落口都算新鮮不賴，而且有好多塊完全夠餸飯吉列豬滑蛋丼（唔知有冇叫錯名🙈）因為外賣關係，俾蒸氣焗到唔太脆口，味道不過不失鰻魚丼（強烈推薦）熟食飯餐，佢應該係性價比最高，鰻魚份量都幾多下，切得好大塊，而且味道可以拍得住有啲賣緊九十幾蚊既鰻魚飯，唔食魚生嘅又想幫襯可以試吓薑汁雞肉飯可能唔係間店嘅專長，味道同賣相方面都比較差，雖然食到薑味同埋見到薑絲，但啲雞粒好淡味，食左幾啖已經食唔落去，不過可能唔嘴刁嘅男士會覺得還可以（事關我另一半食話都唔係太差）最後補充：間店俾嘅飯量係超多，女仔可能未必食得曬😆啲飯係珍珠米，感覺高質好多

Hidden gem in Prince Edward!!平到不能相信，咁有良心真係驚老細做唔耐喎...最緊要仲要啲野好食，staff又nice🥺🥰好有心嘅小店好值得瘋狂幫襯！❤️一口牛真係好好味...牛舌都唔錯！仲要大大份💕仲同我講可以下次自己帶酒黎飲添呀！ 🍻 咁好嘅店邊到搵先！！服務都Perfect池！個個同事都好親切又真心唔hard sell❤️有啲覺得太熱情添呀！仲會一路食一路好主動又遞碗又遞紙巾等等💪🏻

早兩日我朋友生日約食飯佢話想食日本野 我就醒起有同路人share過哩間新開冇耐既食店諗住去支持小店地理位置幾好 一出太子站再直行幾分鐘就到鋪面唔算細 坐落都幾舒服一睇個menu嚇親40蚊一個飯 真係有d擔心小店咁平頂唔頂得住租我同朋友一行三人 叫左一份蟹籽沙律 一份玉子燒一碟中吞一份細既雜錦刺身兩碗刺身丼同一碗雞肉飯雞肉飯同刺身丼份量非常多！絕對飽肚又好食！最想讚既係雜錦刺身（有海膽 三文魚 甜蝦 帶子等）三文魚厚切 海膽我平時都好怕食到有腥味哩間既海膽唔腥仲要係鮮甜好食個種中吞鮮味 不過可惜佢冇大吞可以俾我食但係$28兩件 真心抵服務態度非常好 個日鋪頭收十點 我地坐到九點半 其他客人都走曬 服務員仲好好態度幫我地斟茶全單盛惠$488 （每人消費大概$162左右）咁既服務 食物 同價錢！值得一去再去！P.S. 個日有幸見到老闆 係個好nice 好有熱誠既靚仔

平時好中意食日本野既我，行開金魚街見到有間新開既日本野，位置又幾就腳，出地鐵站行5分鐘就到，就走左去試下。咁去到就已經見到有迷你連儂牆，我同朋友都寫左張😋咁我就試左個雜錦魚生飯，啲魚生好厚好好味，絕對對得住呢個價錢！牛粒串又好彈牙有口感唔韌，面豉湯味道岩岩好，唔會太咸，又有幾粒蜆肉咬下，幾有誠意，又好飲過吉xx既湯！我覺得太子黃店唔多，呢間新開啲野食算唔錯，至少唔洗食黎食去都係茶餐廳先啦😂😂😂中意食日本野既朋友可以試下呢間。而且又夠薑喺疫情下開張，希望愈做愈好💪🏻💪🏻💪🏻

Great Japanese food, very decent pricing. All sushi and sashimi was fresh, service was great, restaurant is casual style no frills. Food came out so fast but was such a high quality. Pleasantly surprised! They had some specially priced meals for dine in and take out too. The only thing was the restaurant being a little cold if you sit near the air con vents.

係太子新開了一間黃店，急不及待過來光顧。這間店的裝修主要由木製家具組成，很有日式的味道。而且擺滿藝術裝飾，有高級感。雖然環境非常高級，但是價錢卻是平民實惠的。而且還有提供特價餐，能用$60便買到雜錦魚生飯，三文魚碎飯及鰻魚飯。而普通的日式料理更平至$40 ，不過本人比較喜歡吃魚生所以便點了雜錦魚生飯。雜錦魚生飯有三文魚刺身兩塊，蟹柳兩條，牡丹蝦兩隻，帶子兩塊，芥末八爪魚，吞拿魚碎，玉子兩塊及油甘魚兩塊。一共有八盤魚生，非常抵食！第一次吃紫海膽，味道像馬糞海膽但是比馬糞海膽更大更鮮甜。鰻魚飯的性價比相對低，但是鰻魚笑得很香，執很多，還有芝麻點綴，也是好吃的推介。

食過幾次呢度嘅外賣晚餐，$40-$60/份，以晚餐嚟講算幾抵，但食物質素同份量無將貨就價，用料新鮮而且唔孤寒。限聚令完左之後第二晚（尋晚）梗係要嚟支持下黃店💛。第一次試堂食，環境都企理唔錯。食咗燒牛舌飯同雜錦魚生飯。牛舌又軟又入味，厚薄適中，有6塊，好好味。雜錦魚生飯好新鮮！因為住附近，今晚又去食！一陣睇吓試咩新嘢先！希望新店可以一直保持水準啦！開張大吉！（利申：我唔識佢哋架！唔識老闆又唔識員工。純粹覺得好食想支持下！）

鰻魚飯不妨一試，飯都算有咬口，鰻魚入口是熱的，6件鰻魚塊很合理，醬汁夠味。麵鼓湯中不是隨隨便便有海帶就敷衍交貨，湯中有少少海蛤肉。60hkd的便當質素已算不錯，希望疫市中這間餐廳能支撐下去。

行到太子坐巴士見到有間新開日式料理店逆境開店咁夠膽 一定要試下先見到餐牌都有好多野食 丼飯選擇尤其多今次買個特價餐回家試試先吉列豬排丼 附送麵豉湯不得不讚 麵豉湯是帶有蜆蚧都幾足料又唔會太咸太淡 剛剛好再打開見到熱熱的吉豬以前被飯盒焗到淋左 點知入口仲係脆的炸皮唔厚粉 食落帶有少少胡椒香味 真心不錯👍🏻再來是火炙魚生飯 喔！魚生都幾厚下 同時貼心給我一小碟魚生豉油 非包裝豉油我中意加幾多就幾多～魚生燒得好好 外邊來燒到香香的同時食到唔係用雜頭雜尾的魚生貨燒而係真正的魚生位 入口有油脂的成餐外賣一點都唔貴 又高質飯夠多不過我同朋友都覺得飯太多女士又唔大食 記住要叫少飯喔

行街搵嘢食，見到一間新開張嘅居酒屋（金鳳餐廳隔離），見到餐牌價錢合理便膽粗粗入去試吓有乜野食。餐牌食物種類大致上同其他居酒屋差唔多。點知食物一上枱發覺刺身同魚生size 比較其他居酒屋大件好多（眼都突埋⋯尤其三文魚）。CP 值相當高！小弟試完後特別推介三文魚刺身、牛肉粒串超彈牙、牛舌唔韌、活赤背連殼上、海膽一版（韓國馬糞）價錢實惠👍🏼!最後還外賣幾客大大件（特長）三文魚壽司加刺身俾屋企人食。店員還送給我們兩支波子汽水