太子呢間日式小店嘅定食真係愈食愈有驚喜！$138嘅套餐有齊 刺身、前菜、沙律、湯同主食，性價比高到街坊都係熟客仔～🦑 刺身六品盛合 今次有 黃金魷魚、赤背帶子、三文魚同赤蝦，擺碟靚仔！黃金魷魚爽口帶甜，赤背帶子鮮味濃郁，三文魚油潤肥美，赤蝦大大隻夠彈牙。雖然唔係頂級魚生，但新鮮度絕對收貨，午市解饞一流！🍲 前菜：日式蘿蔔牛腩 真心推薦！牛腩炆得軟腍入味，蘿蔔吸盡醬汁精華，清甜無渣。日式做法少咗中式嘅油膩感，作為前菜暖胃又飽足。🥗 芝麻醬冷豆腐沙律 豆腐冰涼滑溜，芝麻醬香濃唔膩，清爽平衡整體。🍚 日本珍珠白飯 飯粒煮得恰到好處，軟熟帶咬口，配濃味牛腩或者撈麵豉湯都咁夾！小店環境乾淨企理，雖然座位唔多但坐得舒服。$138喺太子區食到咁豐富嘅日式定食，仲有黃金魷魚同蘿蔔牛腩呢啲特色款式，絕對係打工仔午餐嘅隱藏好選擇！…查看更多
。由於星期日晚，仲要係收鋪前一個鐘左右，所以唔需要等位。點完餐大約10分鐘內就上菜，我當時一路好忙按下手機，但係就感受到塊豬扒即炸好同切開既香味同熱力，
之後我少有咁第一口係咬件豬扒試味，一咬落去，啲肉汁有鎖住，脆漿唔係好厚，但都黐住塊豬扒，肉味保持到，即刻就夾少少飯送口，混埋一齊好正
。之後就試餃子同麵豉湯，兩樣都正常發揮，之後就係我黎既重點，就係個凍豆腐
，食左熱野即刻食一啖木魚麻醬凍豆腐，即刻個人爽番晒，由熱變番冷
。結果成餐我少少嘆慢版，用左25分鐘先至食完清晒，冇骨既，我平時係會食得快啲，但今次件吉列豬扒同個凍豆腐令我想慢少少落黎。最後飲埋幾杯茶，篤下手機都去到9點45分先至叫埋單起身走人。
另外晚飯時間係有加一既，以平民化既小店黎講，真係可以值得一試再試。
