但馬屋 (新都會廣場)

營業中

休息中

好耐無同朋友食過日式火鍋朋友話好想食 所以今晚行開葵廣就去咗一間新開嘅日式火鍋店食入到去個裝修好靚 而且有啲位係會比塊板隔住好有私人空間咁我就叫咗一個辣湯底另一個就係美人鍋我再落勁多辣椒落去個辣湯底 夠晒辣我哋係叫咗＄198個套餐但係都估唔到牛同豬嘅質素都十分唔錯見到啲顏色同紋理都好新鮮而佢配料都有幾多選擇 唔會只係得啲丸有雞件同埋魚柳都好新鮮好吸引而且菜嗰邊 估唔到羽衣甘藍好健康啊！而且呢度仲有Haagen-Dazs任不唔嬲呢度即刻回晒本

今個happy friday 同男友去咗葵芳行街，因為新都會裝修後都未曾去打卡😂而家裝修左又真係幾好行，又有個花園可以影下相。行到咁上下，開始肚餓喇，因為我地岩岩去完日本番黎，仲係好掛住日本既美食，所以見到一間叫但馬屋既日式火鍋就衝左入去喇😂門面幾吸引有日式裝潢，餐廳環境舒適，整潔。入口附近有一個自助吧，有丸類，雞肉，蔬菜等等，仲有汽水任飲，Haggendaz任食❤ 餐廳採用一人一鍋既方式，自己就唔怕食唔到想食既湯底啦😄我哋就揀咗蕃茄芝士湯同埋千夜鍋！牛就揀左$199澳洲產長期穀飼牛！牛同豬都係任食，要幾多就落幾多order🤤。落完柯打就出去揀野食喇，夾啲丸夾啲蔬菜，好新鮮，店員不停會refill唔怕無👍🏻而佢地既容器多數係木做，和式環境食得寧舍舒服！店員亦都好好服務，有別於其他火鍋放題！好滿意，真係Happy Friday🤗食到同男友捧住個肚走！

任飲任食90分鐘 Shabu Shabu7點去到已有好多人在門外等位等到8:30入座，選了甘露鍋，如果喜歡食甜既朋友可以選擇。同行友人分別選了千夜和美肌，千夜鍋係清淡之選。菜類特別有羽衣甘藍，皇帝菜肉類亦好食唔肥最後當然要食埋Häagen-Dazs雪糕啦，大滿足

最近天氣轉涼， 我哋就趁呢個時機就去打邊爐。 我哋留意到葵芳最近開咗間新嘅打邊爐店舖叫但馬屋。 我哋選擇咗289setting( 日本產黑毛和牛)。 湯底可以選擇藥膳麻辣火鍋，美肌鍋，千夜鍋。大家一定最想知道食物方面嘅質素。 呢間餐廳提供嘅和牛可以稱得上有入口即溶嘅感覺， 肥美多汁絕對唔係急凍嘅和牛係直送嘅和牛。 除此之外我哋當日都食咗豚肉。 豚肉切得非常之薄，所以呢食落去唔會有韌嘅感覺。政府方面呢餐廳嚟設Haagen-Dazs雪糕仲可以任食。環境方面， 俾你嘅感覺好舒服唔會有擠迫感覺，光線非常之充足唔會有陰陰濕濕嘅感覺。餐廳嘅服務呢? 員工嘅服務態度呢可以稱得上好， 盡心盡力服務每一個顧客唔會有怠慢嘅感覺。過大家經過附近嘅話，試一試呢間新開嘅但馬屋啦!!!

成日要四圍走嘅我梗係去到邊食到邊，去到新都會就揀間餐廳食lunch,順便free埋個car park由於撞正 lunch time間間都好多人，依間但馬屋等位嘅唔多就行入去啦，點解會無咁多人因為間鋪係食日式火鍋，去到我揀咗個牛肉放題餐配美肌鍋。落完order後就好快有鍋到，其他食材就自助式，麵都有2至3款，獅子狗，脆皮腸，丸類，仲有筍， 細栗米 ， mini 豆腐卜 等等，飲品除 罐裝飲品仲有果汁同凍茶揀，仲俾我見到有 Hargandize雪糕食，唯一美中不足係得一個鐘食

中午時段，約左好朋友到葵芳行街。知道葵芳新都會廣場開左一間新既日式火鍋，便決定到此一試。哈哈～太肚餓，忘記影正門的相片🙈店內環境，清新乾淨。我們點了$248 ，90分鐘放題既餐。我跟朋友也是點了甜醬油湯底，湯底清甜，點呢個湯底特別容易食到食材是否新鮮美味👍🏻我打邊爐前有個習慣，會先食菜，比較健康。但馬屋竟然有提供羽衣甘藍呢種菜😆好開心啊。羽衣甘藍有豐富的抗氧化營養素，包括維他命A、C、鈣質、纖維，其中每100克羽衣甘藍含一天建議攝取量多達10倍的維他命K牛肉有鮮味，切得透薄，口感十分好。跟餐也有豚肉，味道正常，不夠牛肉吸引😂開始戰鬥啦💪🏻💪🏻除左主要食牛肉外，外面也有自助bar拎下其他既野食，例如烏冬，龍蝦丸，芝士腸，等等......最正係，佢地有雪糕Bar,雪糕牌子係選用Haagen Dazs. 食多2杯即回本😂😂

之前去過APM店食就愛上但馬屋，不過個邊長期都好多人，次次去都有排等，係facebook見到但馬屋係新都會開咗分店，更加就腳，今日係葵廣行完街就過咗黎新分店食環境&舒適度都比APM好，座位更加闊落我叫咗美肌鍋，骨膠原濃郁，對皮膚非常好朋友叫咗藥膳麻辣鍋，上枱既時候有小小刺鼻，以為會超級辣，但又唔係太辣，加上有小小藥材，可以帶走寒氣，促進新陳代謝我地揀咗個最貴既日本產特選黑毛和牛放題果然係一分錢一分貨，賣相色澤脂肪分佈都好靚，入口好嫩滑，又唔會太肥，食牛都已經食到好飽，回曬本外面仲有好多自助配料，飲品，仲有H牌雪糕丸類唔算太多，不過每款質素都唔差，夠彈牙所有食料、配料都好新鮮最緊要係乾淨衛生

屋企附近開左但馬屋， 爸爸嚷著要來一試，所以今日一出糧帶埋全家人黎試下一人一鍋既滋味😛。但馬屋係食90分鐘既放題。至於套餐價錢＄199至$329不等，豐儉由人。個人比較貪靚靚，所以連打邊爐都點左美肌鍋😝美肌鍋含很重骨膠原，有滋補美容之功效，吃了令皮膚好😍😍而爸爸就選了藥僐麻辣，愛辣人士可以點，因為真係越食越麻辣，都幾過癮。走出放題區，驟眼睇都有好多火鍋配料任揀，包括有丸類、芝士腸、菇類、豆腐、木耳、烏冬等等配料，連我最愛既響鈴都有👍🏻配料都幾多選擇。眾多蔬菜中，最特別竟然有羽衣甘藍。羽衣甘藍被譽為超級食物，營養價值豐富。羽衣甘藍超新鮮，菜味濃郁，十分爽口。自助飲品吧有果汁同罐裝飲品任飲。光是果汁都已經有多款選擇。套餐方面我地食$289 ，日本產黑毛和牛，色澤一睇就知道靚野😝很新鮮既顏色，和牛油脂分布均勻，放落鍋中碌一碌，食落口真係特別滑，牛味濃郁。第二round既牛質素都無下降👍🏻👍🏻豚肉肉質紅潤， 切得非常薄，入口香滑，有豬肉味之餘，彈口好食。最後，當然不可錯過Haagen-Dazs雪糕任食。當晚有四款口味任揀，正呀。

行完葵芳商場行過黎見到咁多人排緊隊 於是又試下睇到門口個大Menu原來係一人一鍋火鍋放題仲有唔同既牛同豚肉揀 唔同價錢等左大半個鐘終於有位 一入到去就見到好多火鍋料 仲有飲品同埋HaagenDaz雪糕 任 拎正呀同朋友都決定揀食日本產黑毛和牛放題套餐289一位湯底就揀左藥膳麻辣鍋 同埋 千夜鍋初時以為麻辣鍋都唔會太辣 但原來係愈食愈辣至於千夜鍋就係清魚湯底 甜甜地 岩哂朋友唔食辣Menu都有教埋咩野火鍋料配咩野湯底係最好食既一落完湯底就好快上鍋 同埋 黑毛和牛 豚肉第一round先食肉類 啲和牛係好靚咖 食落去都覺得靚料 入口即溶咁 又唔會好un 薄薄地 滾一滾就食得而豚肉都好好味 厚厚既一塊 滾一陣 食落口唔會好鞋 好好咬 唔太肥 重豬味 所以豚肉同和牛都encore左當然都食左好多其他火鍋料 特別係菜類 兩個湯底食菜類都好正又甜又辣 足足食左個幾鐘火鍋最後緊係唔小得甜品 Haagen Dazs 雪糕有四款口味揀 咁岩四款我都中意食既食足兩round 感覺成餐放題都好抵 最後埋單630左右 都唔錯呀 最緊要和牛真係好食

葵芳新開但馬屋，每次經過都想試吓。今日星期日超多人等位（本早上打電話📲去book位，話full咗。要walkin等位）因一心想試等就等吓，要一老一嫩一等就等咗112分鐘。本身滿懷希望去試新嘢，咁多人等位一定有返少少水準。一坐低急不及待嗌咗3款湯底（因在門口等112分鐘時已睇定）。等到上主角「黑毛和牛」時滿懷希望即變滿懷失望，超薄加上濕透（放耐解凍雪水）似濕水紙巾，一夾起以蓉蓉爛爛不成一片。滾3～5秒可食，但薄到冇口感及有少少‘鞋’。完全食唔到所謂黑毛和牛價值所在及配菜款式勁少。唯一滿意就是haagen-dazs 雪糕🍦，有4個味俾人揀。店員服務很好見到鍋少水，就主動加湯。及Order黑毛和牛上得快。環境舒適乾淨座位夠寬敞。食品上超今人失望，不建議去試。如果是牛魔王者就試吓囉！以上純屬個人意見，如有意者不合者敬請原諒。

荃灣返工嘅我都鐘意同老公到葵芳搵食。裝修過後嘅新都會廣場多左好多不同的餐廳今日同老公黎到但馬屋。店外也人山人海，十分受歡迎！但馬屋採用一人一鍋制，每人可選用自己喜愛的湯底，十分方便！是次同老公揀選了$199的套餐我就挑選了甘露鍋，即是甜醬油湯底。喜愛麻辣的老公則點選了藥膳麻辣鍋。但馬屋的肉類和菜十分新鮮，肉類肉質鮮美店內師父也是即場切肉配菜和醬料種類繁多，任均選擇！而且有蘋果汁，橙汁等，加分不少！是日晚餐十分抵食，價錢合理而食物質素高！

昨晚与朋友约吃飯，見新店便试這间店。7:20取票，因不是太餓，与朋友談天也就等下去。等到9:10才有位，這不是問题。开始也不錯吃，到最後10:15便要我們找數，因是90分鈡放提，都可接受，亦开始停爐。於是我们过去取雪糕，雪糕很凍，很硬，很難取。跟着我朋友取，……那時10:50，有一工作人员來告訴我要交枱啦！已过時。我说等朋友中，她仍说要還枱。朋友回坐後，10:55又另一人來说還枱。其实枱面已沒什麼，爐也取走了。我們只是吃緊10:45前取的雪糕。也沒有新客等入。不明為何要“吹”得這么急。等放工也有很多枱未走，也不見短時間走。等入2小時，吃不到90分鐘。還要被人趕，也真是一絕。現在香港，這樣的服務真的少見

我覺得日式牛肉火鍋非常滿足我，一來我係牛肉控兩來正價比高，任飲任食，牛肉亦可按價錢選擇，之前係觀塘APM食過呢間火鍋店，食物服務都好，係坐得較迫。最近同老公行街時，竟然發現新都會開左新分店，地方都大。終於今晚可以去食，還可經App預早囉位添！出車前囉定位去到就可以快點入坐。最鐘意佢地係一人一鍋，啱晒各有喜愛！ 藥膳麻辣鍋麻辣香攻鼻但食落唔算辣，老公話可以再辣些。介紹話加上6種藥材，有助帶走身上寒氣，促進身陳代謝！美肌鍋奶白色湯底，膠質重，有鮮雞件同杞子，而且含豐富骨膠原， 有滋補美顏功效，女士必選。日本產特選黑毛和牛放題套餐 $329對老公同自己好些，選擇左呢款黑毛和牛，無論色澤，雲石紋油脂分布無得輸，只需要落湯幾秒即可食，超軟滑帶點牛香入口即溶，無得輸一分錢一分貨，可口美味！ 除牛同豬肉片外，還有多款火鍋食材供客，講真丸類一般算種類多。雞肉同魚柳都覺得新鮮嫩滑飲品罐裝同自家製作飲料也是無限任飲 蔬菜同菇類亦多，推介羽衣甘藍同皇帝菜非一般火鍋店會提供，一般洋蔥金菇鮮冬菇應有盡有，火鍋配料亦自己調配。最後當然食埋Haagen Dazs雪糕，4種口味選擇。咖啡同朱古力都係香濃系列，大滿足的

上星期天氣凍凍地，打邊爐就啱曬，同咗細妹試咗新都會新開嘅但馬屋日式火鍋。放題套餐有四款，我地點咗北海道夢之大地豚放題套餐，呢個套餐可以任食豚肉同嚴選牛肉。一人一鍋好處，就係自己想食咩就食咩，你想要咩湯底就咩湯底。細妹揀咗千夜鍋湯底，我點了美肌鍋豚肉切得非常薄，一啲都吾勒，好味道嚴選牛肉很有牛味，非常幼嫩我地食咗好幾round, 回曬本其他任食火鍋配料很多選擇，而且非常新鮮。蔬菜配料非常多，樣樣都很鮮第一次打邊爐食苦瓜，原來都幾特別，一d都吾苦。另外，雲耳很爽口，芋頭很粉，好好食。仲有我至愛粟米，非常鮮甜。任食配料有響鈴卷，真係要俾個like 佢，好好食，食咗好多round 除了罐裝飲品任飲，還有其他飲料如蔗汁、蘋果汁、橙汁都係任飮。 除此之外，還有四款Haagen Dazs雪糕任食，非常吸引。雖然食到好飽，都忍吾住食返幾球雪糕，太滋味大滿足。

和老婆去葵芳購物，在無印血併完後，經過但馬屋，晚市任飲任食很吸引，於是決定盡情大吃大喝。點了美肌鍋，含骨膠原成份，有助美肌，老婆至愛。而放題選了日本產和牛及黑豚放題，90分鐘內和牛及黑豚任飲任食。淺嘗了一口湯，有濃濃的雞香味。日本產和牛，色澤鮮艷，入口即溶。黑豚肉肉味香濃，非常鬆化。醬汁是自助式，有多款醬料配搭。餐廳更供應多款蔬菜及丸類，每一款都很美味。甜品是haagen daz 雪糕，吃多幾球必定能回本。