亞金南洋茶室 (置富都會)

營業中

休息中

為咗farewell同事, 佢揀咗嚟置富都會呢間阿金食晏。我叫咗碗扎肉雞絲撈檬, 賣相都OK, 不過奈何雞肉有點梅, 口感唔好。而且檬粉煮得太冧, 太易斷開, 所以一路夾檬粉一路散開, 食得有D辛苦。撈檬味道係可以嘅, 不過下次唔會再嚟貼錢買難受囉。

今日同老公一齊放假，一齊到紅磡搵食，這間亞金南洋冰室曾經吃過，菜式有新鮮感，今天一於再來試試其他新菜式。肉鬆煉奶油酥餅一見到圖片已經被深深吸引，這種鹹甜組合的配搭，口感新鮮，加上酥皮脆卜卜，吃起來雙重刺激🥳炸蝦餅撈檬蝦餅$38 ，$58就有蝦餅撈檬😋，小師奶一定揀後者🙈上枱擺盤非常精美，用小茶壺來裝酸醋汁，有心思，撈檬的份量剛剛好，有甘筍絲、青瓜絲等等，味道清新，蝦餅炸得脆卜卜，配上甜酸醬，絕配。手撕雞蝦湯麵一放枱，已經聞到濃濃的香蝦味😋湯底好足料！主角手撕雞的肉質嫩滑，還有我最喜歡的配角們，有芽菜、豆卜等等，豆卜吸滿了湯底的精華，脹卜卜，吃起來很滋味。🥳上次吃過摩摩渣渣,今次再吃黑白配！黑白配（涼粉、豆腐花）涼粉滑嘟嘟，豆腐花都很嫩滑，配上大大粒、又軟綿綿的紅豆再加上花奶，好吃。只是$30 ，性價比極高！

附近探完朋友，見到商場有南洋嘢食，就黎試下。睇下有咩食先晚餐六，七十蚊就有，有飲品，加少少錢仲有小食。抵食！招牌叻沙滲滲湯微辣， 很香。 蝦鮮甜大隻，魚蛋彈牙，豆卜吸收咗湯汁精華，夠曬惹味。油麵加米線肉骨茶細滲白飯湯底偏藥材味，沒胡椒的辣味，味道不算太濃。材料十足，有豬手，雞腳，五花腩等。 一字骨肉嫩入味 。五花腩半肥瘦，配上醬油白飯，好補。南洋醬炒牛柳粒椰漿飯牛柳粒嫩滑，香噴噴的椰漿飯及脆口魚仔 ， 辣辣地，好開胃。玻璃魷魚通菜魷魚爽，通菜新鮮。炸蝦餅好食，外脆蝦肉甜，好juicy。最後飲番杯椰汁涼粉冰。happy ending

諗住食清d就叫咗個怡保芽菜扎肉雞絲湯河，來到先發現中伏，得2條瘦削嘅雞絲，扎肉就正常份量，都費事問個侍應得2條雞絲係咪正常喇，下次唔食呢個就算。我一路繼續食，成碗麵原來最多嘅係。。。雞皮，係一絲絲嘅雞皮不帶肉啊！真興奮！由於本人係唔食雞皮，所以就擺晒上張紙巾度，無謂要清潔工o係枱上逐絲逐絲執啦，我都幾有良心。今個午餐食得好唔愉快，令我諗番之前食佢個早餐都中過伏，一次過順便寫埋喇！個火腿米線一來到，係俾個賣相嚇親，一片正方形火腿cut成兩片三角形嘅火腿，湯底白色，一食。。。個湯底似係清水咁清，完全冇味。

今早黑雨,行去置富商場亚金叫個A餐,先來咖啡,之後來了個咖央多士.我舉手同個侍應講搞錯了,Ａ餐應該係火腿太陽蛋及牛油餐飽.她收起了個咖央多士跟着俾張單我.我一睇是A餐+Ｅ餐,縂共$71.我舉手同佢諨我只是叫A餐.她拿走了,換回一張正確的單俾我.跟着我飲着咖啡,一路看着其他遲来的食客品嘗飲品,火腿/煎蛋/牛油餐飽/通粉/多士,过了20多分鐘, 我舉手同另一位侍應講,我個餐重未到.他不久送来一份腸仔煎蛋方飽.我又舉手,同個侍應講火腿及牛油餐飽變了腸仔方飽.佢話冇火腿及牛油餐飽,(因为我冇指定要太陽蛋, 變了熟蛋我沒有出聲)幫我換了。無奈,唯有接受。之后, 打開塊方包, 是冇牛油的。我沒有再舉手了。

-{紅磡馬來西亞菜式🥘}最近紅磡置富開咗間馬來西亞嘢😌去咗食三次都覺得質素幾好 就開個post😗🤤招牌喇沙摻摻🤤 ($55)個湯好重椰奶味 小辣真係唔辣 我都接受倒🤓另外其他料都多🥳有魚蛋片 蝦 蟹柳 魷魚 豆卜所有料都幾新鮮😙👖褲評: 7.6/10🤤炸蝦餅🤤($38)份量唔多 勝在夠脆又唔太油😙同埋蝦滑份量都幾多😍👖褲評: 7.8/10質素幾好 下午茶特別平可以嚟😙😙不過係自助落單係咪啲阿姐成日都唔記得拎野嗰啲😂😂性價比: 8.3/10服務: 7/10環境: 8/10🚩亞金南洋茶室🚩地址: 觀塘偉業街180號Two Harbour Square地下F&B1號舖黃大仙正德街103號黃大仙中心南館1樓132號舖紅磡都會道6-10號置富都會7樓749號舖

今晚與同事放工後一齊到附近的商場置富都會的亞金南洋茶室晚餐。餐廳裝修整潔，卡位舒適。Menu款式也很多。肉骨茶細心配白飯及油條$78 肉骨茶裏面有豬手、雞腳、豆卜、排骨、豬肚……等。肉骨茶我都是第一次飲 湯底很濃，顏色呈茶褐色，入口已飲到是老火湯的味道，非常足料，味道非常濃郁，滿滿的老火湯味道。豬手夠腍滑，食落啖啖肉，還有雞腳、豆卜、排骨……，$78元可以食到這個有湯又有肉的套餐，感覺都抵食。咖哩牛腩飯$64咖哩牛腩，帶香濃椰奶的咖哩，少少辣度，味道香香辣辣的，伴飯食真的一流，如果多少少飯就更好，因為咖哩太美味了，所以飯多一些會更好。牛腩軟腍，沾著滿滿的椰奶咖哩，真的愈食愈愛！！加配小食炸蝦餅$38炸蝦餅外脆內彈牙，又香又有鮮味。南洋炒雜菜$50南洋炒雜菜裏面有蕃茄、西蘭花、金針菇、秀珍菇、茄子及芥蘭……這個炒雜菜炒得非常惹味，又爽口， 有大排檔炒菜的風味，夠香、夠火候！再加上冰冰涼涼的飲品~可樂，今晚食得夠滿足！

無骨海南雞飯的那個雞油飯真的非常恐怖，食不停口， 配以他們的甜豉油及薑蓉等等， 冇骨海南雞，皮脆肉嫩，就算是雞胸也十分嫩滑。肉骨茶是馬來西亞版本， 帶深色的， 沒有過多的藥材味，相信適合大眾口味，配菜豬骨、豬手、雞腳等等都是十分軟淋，配飯一流。我最期望的咖央多士沒有提供，於是挑了炸蝦餅安慰自己。 炸蝦餅比我想像中肉厚，而且炸完之後爽脆彈牙。要推介他們的甜品，那個摩摩喳喳是南洋比較受歡迎的甜品，有紅豆、涼粉、芋圓等等加上椰奶撈在一起吃，香滑而且不黏口，夏天吃我覺得非常好。榴槤波波裏面是像流沙奶皇一樣金黃色，而且榴槤味挺濃烈。整體餐廳十分乾淨，而且員工都十分好，會介紹好吃的食物，他們的食品都是十分大盤， 好飽！

行街行到攰攰地，突然之間好想食喇沙，經過呢一間亞金南洋餐室，見到晚餐非常之抵食😍於是就入去試試，環境非常之乾淨，相信都係新裝修冇耐，餐牌菜式亦都好多選擇☺️整體來講都唔錯㗎！..▫️ 【 招牌喇沙滲滲】$66⭐️強烈推薦⭐️招牌喇沙，我揀咗滲滲！即係油麵加米粉兩溝，識落非常之有層次，而且值得一讚嘅係佢個湯底真係好濃郁，聞落好大浸蝦香味，飲落湯底亦都好重椰香味道，好滑漏！配料方面有蝦、魷魚、蟹柳棒、豆卜等🥰性價比高～..▫️ 【 招牌無骨海南雞油飯】$ 66呢一款無骨海南雞飯，最欣賞嘅係佢油飯，非常之香噴噴，而且食落去一啲都唔感覺肥膩，而佢驚無骨海南雞，雞肉質都都好滑嫩，有驚喜！..▫️ 【玻璃魷魚】加配價$32⭐️強烈推薦⭐️雖然份量就唔多，不過個醬汁非常之好食，再配落爽口嘅通菜，仲有玻璃魷魚，真係好想再encore啊☺️..▫️ 【馬來炸春卷】加配價$18呢一款炸春卷係素春卷嚟嘅，入邊有椰菜絲、蘿蔔絲，食落都幾爽口！味道唔錯，呢個價錢真係無可挑剔啦～..▫️ 【星加坡摩摩渣渣、黑白配】$35及$30⭐️強烈推薦⭐️比較推介嘅係星加坡嘅摩摩渣渣，材料都好豐富，有芋圓、紅豆、涼粉，都只係$35咋！味道都唔錯，非常

收工與同事經過紅磡，知道有間亞金南洋餐室嘅分店係附近，便立刻向一向鍾意食東南亞菜嘅同事推介，最後同事當然抵擋唔住引誘，一齊入去試下。坐低唔洗講野，即刻order 左招牌叻沙滲滲，呢到嘅叻沙湯底非常大眾化，岩晒香港人口味，唔會辣之餘椰汁嘅香充斥整個湯底，加上豐富嘅餸， 有鮮蝦、魚片、蟹柳、蛋、豆卜、等等，菜名上面嘅滲滲其實係粗面和幼身嘅米線嘅混合體，雙重口感雙重享受。另外無骨海南雞飯都非常推介大家去試，雞皮爽雞肉嫩，配上經典嘅醬油、酸辣汁、薑蓉，每一淡都有碼同嘅風面，講起海南雞又點少得油飯，咸香嘅油飯一口接一口，果真是絕配。仲有不能不提嘅有咖央多士，極脆口嘅烘底多士，塗上馬拉嘅特色咖央醬，重中之中仲有厚切嘅冰凍牛油，罪惡感十足，只要你食左一啖，就會自自然然接住食落去，絕對無誇大，唔信嘅食果就知。

同朋友行街嘅時候經過亞金南洋茶室，個下午茶餐牌好多款式好吸引，所以就決定喺度傾計食嘢！ 下午茶餐都包一杯嘢飲， 凍飲加三蚊 輕怡一字骨肉骨茶配白飯及油條$48分量比想像中大！ 有大概四條一字骨，肉骨茶非常濃郁不會太鹹！油條香脆可口， 浸落肉骨茶食一流😍😍😍 招牌阿金無骨海南雞配油飯（可轉做白飯）$48 （阿金精選）無骨海南雞非常吸引😍，因為想食得較健康所以轉咗做白飯！ 海南雞非常嫩滑，啖啖肉，還配有三種醬料，不會太過油膩同濃味！ 😋😋😋鮮牛油咖央多士配迷你南洋番茄米線 $34雖然都是細細份，咖央甜甜地多士做得不錯！ 米線不會過淋，有點煙煙靭靭，番茄味剛剛好，這個價錢很抵食！！！ 肉鬆煉奶油酥餅$28呢個酥皮餅非常特別，皮薄香脆，夾住大量嘅豬肉絲😍 再配埋甜甜嘅煉奶，係非常好食嘅小食👍🏻 新加坡摩摩喳喳$38有好多涼粉同紅豆，不會太甜嘅喳咋，好適合作飯後甜品👍🏻👍🏻👍🏻芋圓同蕃薯完都煙煙靭靭， 價錢適中,值得再食！ 餐飲選擇了凍檸茶走甜都幾大杯而且真係冇落糖可以飲得健康啲😊

第一次幫襯亞金南洋茶室，之前都有經過其他分店，見幾四正，而且主打東南亞餐點，啱晒香港人胃口。六點就嚟到，所以唔使排隊，大約七點左右就已經座無虛席😁😁餐廳環境幾舒適，枱同枱之間同埋走廊都好寬闊，空間幾大。除咗主餐牌之外，仲有晚市套餐，一個價錢，包埋嘢飲。餐牌選擇都幾多，比較多人叫嘅係海南雞飯同埋喇沙。 而我就一心想食肉骨茶😛😛晚餐都有肉骨茶可以揀，一人份量，配一碗白飯，同埋半條油炸鬼。 肉骨茶嘅湯幾好飲，唔算好濃藥材味，甜甜地。另外配料都幾多，除咗一字排骨（好入味👍🏼）之外，仲有雞腳、豬手、豬腩肉片、豬肚同埋豆卜。有豐富蛋白質，仲可以補充骨膠原添。條油炸鬼都幾香脆，我會點湯食，又脆又軟林林，吸咗少少湯👍🏼👍🏼好食呀😆😆而朋友叫既海南雞套餐，賣相都非常吸引。我見隔離枱三人行，個個都叫海南雞套餐😁😁我食咗一舊雞，雞肉幾嫩滑，雞皮薄薄地，可以食埋😁😁點套餐，可以加配炸蝦餅，值得推薦👍🏼👍🏼咬落非常香脆，而且都幾大件，share夠晒開心。仲叫咗個馬拉盞炒通菜，都吵得幾夠火喉。 飲埋跟餐嘅奶茶，係煉奶奶茶，甜甜地，當埋甜品都仲得😆😆成餐飯超級滿足，而且食嘅嘢全部都係熟悉嘅東南亞美食😌😌唔～ 唔錯～

早幾日路經此商場，反正有時間就食埋個早餐先，見呢間幾多選擇價錢合理就入去試下～今日想食得清淡啲，就揀左皮蛋瘦肉粥配南洋炒米粉套餐，飲熱齋啡 ($30)上菜速度都幾快，仲幾大份👍碗粥既配料份量合理，瘦肉帶啲鹹味，幾中意佢既粥底有米粒得黎又夠綿，唔會太稀食到一肚水，比較飽肚👍但見到個南洋炒米粉我就有啲無奈😅。。。原來即係腸仔炒米粉，食落係無味既，好彩佢有腸粉供應所以有甜醬，我就用左成碟甜醬去撈呢碟米粉先食得落😅齋啡唔會酸澀但同時都唔夠香，我諗呢類南洋餐廳既南洋咖啡奶茶會比較出色茶餐廳黎講呢度啲姐姐服務都幾好👍👍 價錢份量合理，可以一試～

我與朋友相約紅磡置富都會，在主打星馬菜的「亞金南洋茶室」下午茶，我們喜歡下午茶份量不太大，因此可以品嚐多幾款，兩個儍大姐嘆下午茶，卻扮吃自助餐，一於亞Q精神自娛，開開心心過日辰。肉鬆煉奶油酥餅~~油酥餅包裹味道鹹香的肉鬆，配合餅面香甜的煉奶，拼合一份可口小食。炸蝦餅~~香脆炸蝦餅夠鮮味配泰式甜酸醬吃，別具泰式風味。棒棒蝦~~熱騰騰脆香蝦棒，蝦肉爽滑。玻璃魷魚通菜~~我每次來用餐，都喜歡這款玻璃魷魚通菜，原因是好吃抵食。輕怡招牌喇沙~~原隻鮮蝦、蟹棒、魚片頭、豆腐卜、芽菜....用料豐富，鮮蝦、蟹棒、魚片頭夠鮮味，喇沙濃湯質感柔滑，椰香味道濃郁，有少許微辣，掛滿米線吃非常可口。海南雞飯~~嫩滑雞肉，有髀有翼感到很滿足。雞翼也是去骨。芒果沙冰&椰香沙冰 ，我的芒果沙冰，果香滿溢。我們忽略小餐牌原來也有特飲。

位於紅磡火車站旁的置富都會商場，近近地食個晚飯再搭車返屋企。環境衛生光潔雅淨，門口位靚女仲好好招呼添，上菜同交待食物名稱都快狠準。🤣這家阿金主打南洋菜式，海南雞、新加坡式牛腩同叻沙都是我至愛，今晚記叫齊兩款試試。🤤🥢海南雞叻沙滲滲 $72食叻沙我鍾意滲滲，有油麵同米粉一次過可以食到二種不同口感，先喝口湯底娘惹菜主要以香辣為主，花生醬同沙爹醬香味滲透整個湯底，讓滲滲盡吸湯汁好食，香辣惹味停不下來。海南雞是無骨的啖啖肉，鮮香嫩滑肉汁豐好吸引，朋友都贊不絕口。😋👍👍👍🥢咖哩牛腩飯 $64充滿椰香的咖哩牛腩分量十足，炆得入味軟腍，肉質滑溜不韌辛香惹味。🥢玻璃魷魚通菜 $32魷魚爽口彈牙，白灼通菜清爽健康。🥢脆皮豆腐 $30香脆可口外脆內嫩，外層灑上淮鹽五香粉，是熱辣辣即叫即炸的一碟抵食前菜。🥣摩摩喳喳 飯後當然要試試馬拉糖水，摩摩喳喳是馬拉最多人食地道甜品，用料有芋頭、芋圓、番薯、紅豆、燒仙草加入椰奶常溫食好豐富又滋味。全日免加一每位$123