亞金南洋茶室 (置富都會)

營業中

休息中

在紅磡放工後，和同事一行三人到了位於置富都會的亞金南洋茶室吃晚飯。雖然用餐當晚是週一，但仍然全場滿座，等了大約五分鐘就可以入座。無骨海南雞配叻沙滲滲，海南雞皮爽滑，肉質鮮嫩，而且沒有骨啖啖肉，十分滋味。最值得一讚的是叻沙湯底，非常鮮甜，微辣而帶有濃郁的椰汁香味，絕對推薦。滲滲是指米粉、油麵各半組合而成，兩種麵的質地各有不同，口感格外豐富。馬來咖哩牛腩配油酥餅，牛腩選用牛坑腩，口感軟淋，不會黐牙，份量不少，而且非常入味。濃厚咖哩汁配上香脆的酥油餅，份外惹味。肉骨茶(細滲)用上多種食材，有一字骨、豬肚、雞腳、豬手、腩肉等，用料豐富，湯底濃郁，有微微的藥材味，卻又不會蓋過食材鮮味，作為湯水飲用，又或搭配白飯食用均十分合適。另外，套餐也附有油炸鬼，炸得香脆，用以放進湯內吸附湯汁，食法非常地道。跟餐加點了$15元的碌林香茅豬扒，雖然價錢便宜，但質素絕不馬虎，豬扒肉質鬆軟，醃得頗為入味，值得一試。另外我們也點了一份咖央多士，多士烤至金黃香脆，內𥚃塗滿了咖央醬，帶有椰香的甜味，再加上一片厚厚的牛油，非常滿足。朋友也點了椰汁紅豆冰，可選少冰、少糖。紅豆質地綿密起沙，椰汁香滑，正好解暑。

一向都好鍾意食星馬菜，最近越來越多呢類型嘅餐館，阿金南洋茶室，主打星馬菜，以後食飯又多個好地方！呢度有齊肉骨茶，喇沙，胡椒等等嘅星加坡馳名菜式可以揀，一次過滿足晒我三個願望。晚餐選擇有A-K 10幾款選擇，價錢幾十蚊有交易，包熱飲，晚餐仲可以半價跟特飲。肉骨茶（細滲）$78肉骨茶用砂鍋上，呢個真係必飲，上枱嘅時候已經聞到陣陣嘅藥材香味，深啡色嘅湯底，熱辣辣而且非常濃郁，入口味道甘香，有滿滿嘅藥材味，及肉嘅鮮甜味，但卻沒有苦澀味。湯內仲要有好豐富嘅材料，坊間上多數只有一字骨，這裏的肉骨茶包括了一字骨，腩肉，豬肚，豬手，同埋兩隻雞腳，所有嘅肉都煲得好軟腍，而且非常入味，雞腳不會軟爛又不過硬，放入口吮一 吮，骨肉已經分離。另外值得一讚嘅，仲要包脆卜卜嘅油炸鬼，醬油，辣椒，同蒜蓉做調味，非常正宗。我哋跟套餐加咗個炸蝦餅$38，金黃色嘅蝦餅，炸得非常脆口，蝦肉鮮甜，蝦餅打得夠彈牙煙韌，而且夠厚身。晚餐半價可以點特飲，當日見都好多人飲芒果冰沙都好似唔錯，不過小妹比較情繫椰汁^^椰香冰沙，加$16，呢個有驚喜，味道非常濃郁，有滿滿嘅椰汁香味，再加奶香，好好味，似泰國飲到嘅水準！呀參喇沙米線$63呢度

這間馬來西亞菜館位置方便，鄰近鐵路站，餐廳燈火光猛，牆上更有一幅美麗的彩畫，靚！食物很有水準很地道，但格價卻很大眾化。肉骨茶(細滲)配白飯及油條，湯底有著濃濃的藥材味，湯渣有豬骨豬肚、腩肉、豬手、豆卜及雞腳，真的用料十足非常入味，而油條也是脆身的。香茅雞翼馬來椰漿飯，米飯看似普通但入口是甜甜的啖啖椰奶味，雞翼炸得剛剛好且留有肉汁，配料還有鹹魚仔雞蛋及特色醬汁。炸蝦餅金黃香脆，蝦肉大件彈牙有肉。玻璃魷魚通菜好有大排檔感覺，魷魚爽口美味，通菜份量也很多。青瓜手撕雞是消暑涼菜，麻醬不多而雞絲有少許調味。咖央多士賣相靚，牛油厚身配甜甜的咖央醬，完美變了是晚甜點。椰汁涼粉冰可自選少甜少冰等組合，可滿足不同客人喜好。凍南洋奶茶是煉奶底，茶味香滑濃郁。服務員親切友善，餐廳乾淨可再光顧。

基本上返工既話朝早都會經紅磡再轉shuttle，有時早左就會係火車站附近食埋早餐～但呢頭早餐選擇唔多，前排見置富都會裡面新開左間亞金，今日就去左試下～早餐款式選擇都ＯＫ，有粥有麵，麵有好幾款湯底（雖然比起其他分店既早餐呢度無比較有南洋特色既斑蘭餐包同香茅雞扒揀😅）今次就叫左個蕃茄湯通粉配鮮油咖央多士，熱齋啡～（自助落單後店員同我講今日無通粉，叫我轉其他。。。一間茶餐廳神早流流８點鐘都無通粉呢樣咁基本既野，我真係O咀。。。🤦‍♀️）上菜速度都幾快👍蕃茄湯底好濃郁，有好多蕃茄粒，真材實料👍 不過味道略嫌酸左D米粉爽口～鮮油咖央多士即叫即整，黎到果陣幾脆，咖央搽得幾平均，牛油有一定厚度，唔錯👍因為唔飲得奶所以叫齋啡，唔會太酸亦唔會太澀，正常茶記水準～呢度早餐既份量幾足，一定夠飽～唔知係咪新開張，店員服務都幾好同好好禮貌👍👍對比起同一商場連鎖茶記敏X同火車站間美X，個人認為呢間性價比相對高少少，可以一試～

早餐選擇多，裝修企理，配合電子點餐，所以服務只是一搬，不過，出餐時間合理，加上食物算新鮮，沙爹牛肉麵也很好味，咖啡味道也不錯。地方新淨清潔，整體來說相當好。缺點是因為中央冷氣關係，早上十時前沒有冷氣，都幾焗

環境光猛清潔衛生、座位舒適，食具乾淨企理，食物和飲品款式多樣，有馬拉款式和港式茶餐廳食品，食物品質和味道都很好，咖央好味😋，奶茶香濃幼滑，蕃茄湯米線的材料新鮮味道清新，整體食品的份量足夠，而且價格合理，侍應招呼有禮。 值得改進是點餐用的app有少少使用上的問題，個app有改進空間，牆身自助開水系統概念不錯，可惜出水量太猛，容易濺到。 結賬有多種支付方式，方便兼減少接觸（尤其是疫情時刻)，覺得比較衛生值得推廣，

成個商場得果幾間有早餐食，新開店就嚟試一試！！！叫咗個A餐沙嗲牛肉即食麵跟凍檸茶，個麵唔駛2分鐘上到枱，夠曬快。第一口食落去，牛肉、沙嗲汁、即食麵，完全係分開處理！即食麵保持形態（一餅），清澈湯低，白灼牛肉，兩羹沙嗲汁。同隔離湯加一樣咁難食。完平分需要有200字，咁嘅味道點寫200字！下面可以不看！！為咗平分需要200字，寫埋跟早餐嘅煎蛋火腿同麵包就係正常嘅味道，煎蛋有蛋味，火腿有火腿味，凍檸茶都係正常。