亞玉豆腐花

營業中

休息中

亞玉同贊和的3蚊豆腐花戰爭⚔️真係惠及左好多鐘意食豆腐花的人😋每次去到都見到大排長龍，不過好彩都唔洗排好耐隊😂亞玉豆腐花雖然無贊和咁重豆味，但紅豆味較香，唔洗落黃糖都夠曬甜😋，而且紅豆份量好足夠，3蚊呢個價錢真係超值👍🏻

相信住荃灣既都會知道路德圍有兩間豆腐花店，價錢平到你唔信令人驚嘆今時今日既香港，竟然有食品既價格彷如回到過去豆腐花$3一碗，仲要配埋配料都一樣價錢$3!!!!!!(可以配綠豆沙、紅豆沙、芝麻糊和涼粉等)，就算唔食豆腐花，呢度既甜品都只係$9...叫左一碗豆腐溝芝麻糊，雖然賣$3一碗，但豆腐花依然有豆味，芝麻糊都好滑，完全唔係hea的，黎到真係可以一試。 雖然條龍好長，但其實姐姐好快手，所以唔洗排好耐就買到，唯一係街舖，所以要企係街食。

（影佢個豆花都嫌曬手機位）本身覺得兩間都一樣價就是但去一間買，因為價錢上平所以排長龍都冇所謂，而且加兩蚊就送砵仔糕，我本身都覺得唔錯，雖然價錢上係吸引，但服務態度真係連俾3蚊都嫌多，只係嗌野食講錯少少就「嘴淼淼」，已經好聲好氣同佢講曬唔好意思，個態度仲係好差好似睇唔起人咁，雖然我知道就算冇我依個客仲有大把人幫襯，但我都係要坦白講，間舖頭D野食幾平，D店員態度差成咁都好影響個食物質素啦！以後都唔會再幫襯荃灣亞玉豆腐花！ 我寧願食間乾淨D、豆腐滑D、服務態度好D的豆腐花，就算比俾貴少少都冇所謂。

臨近中秋都仲熱，食返個涼粉降溫。平時見嘅涼粉深色到黑，但依間係藥材啡，囗感亦都較好，八蚊雞雖然係場內叫貴，但可以加花奶，紅豆沙，依個配搭糖水舖都唔一定有！不過紅豆沙太足料味道有點搶，今日清清地只加花奶同糖水。

之前聽朋友講，在荃灣有一間以“抵食價$3”作招徠的豆腐花店。本身唔係特登過嚟，但路過時見到好多人排隊同企係度食豆腐花，即時醒起呢間應該就係朋友跟我說的豆花店了。這裡有很多不同款式的豆腐花可以選擇，可以配渣咋、綠豆、紅豆、涼粉、芝麻糊等。而我點了最傳統的款式，就即是豆腐花跟黃糖。豆腐花夠滑，食得出濃郁豆腐味，而且站食只需$3！外帶亦只是加$1外賣盒。今時今日，呢個價錢仲係邊度搵到啊？😆The soy bean custard with velvety texture and carrying a rich tofu flavour, and it was only HK$3!!!👀

呢間亞玉豆腐花係荃灣、紅磡、元朗、屯門都有分店但講到最抵一定係去佢荃灣分店度食🤩喳咋豆花、花奶豆花、紅豆豆花、綠豆豆花、芝麻糊豆花、涼粉豆腐花，全部唔洗等特價，$3就有得食😳‼️‼️（外賣加$1）之前食過紅豆、綠豆同芝麻糊豆花，最鐘意係溝芝麻糊😚老實講豆花就唔算太滑，不過$3就有，係香港呢個百物騰貴既地方仲想點🤭

荃灣美食攻略 $3一碗豆腐花大戰 仲未鬥完！亞玉豆腐花VS 贊和豆品 可配紅豆 綠豆 花奶 紅糖 涼粉 每次去荃灣,經過荃灣荃興徑呢度係小吃街,有好多餐廳,外賣小吃店仲有6-7間茶飲店不過最搶眼都係阿玉豆腐花!每日都有無數咁多人排隊吃豆腐花!除了好吃,價錢仲超值！一碗$3 冷熱同價!還可以選配料呢! 全店豆腐花一碗$3惡鬥已經有一年多了!可配黃糖,綠豆沙,紅豆沙花奶,芝麻糊,涼粉全部都是$3!豆腐花夠嫩,紅豆粒粒香甜店家還有其他東西吃!但沒人關心的啦~XD 另一間惡鬥既贊和曾經賣過$2一碗而家改回$3了~同樣可選配料~ 各有支持者,但亞玉最多人買!荃灣荃興徑6號昌泰大廈地下5B舖

黎到荃灣路得圍果頭，大家一定都會諗起超平豆腐花，$3一碗真係抵到爛🤣🤣🤣每次經過都總有人係度排隊幫襯😚不過呢度不設坐位，無論天氣好壞，大家如果選撰堂食就只可以係鋪頭前面企係度食！不過大家都可以選擇外賣，加$1外賣膠盒叫咗一碗凍既喳咋豆腐花，都只係$3👍喳咋腰豆，扁豆同綠豆，各種豆都煲得好淋，甜度適中，豆腐花唔算好滑，但可以食到豆味！如果以價錢$3黎講，坦白講可以接受，值得一試😚😚😚另外佢地仲有砵仔糕，客家糍粑，不過今次我就無試到，因為太飽🙈🙈🙈

夜晚10點行去路德圍搭車，路德圍係荃灣美食不夜天，行過都會忍唔住買d飲品，食d小食。見阿玉同隔離贊和又係排晒長龍。但老公鍾意食阿玉多d。買左豆腐花，涼粉紅豆。佢嘅豆腐花一向都係好滑，又唔太甜。紅豆夠淋，只係個涼粉，口感怪怪地咁，唔夠爽。平時食開涼粉係亮晶晶嘅顏色，但阿玉嘅涼粉係啞色嘅。

$3食一碗豆腐花真係好平， 仲可以雙拼即係豆腐花再加例如芝麻糊，呢個價錢真係好誇張，真係好平，佢嘅食物質素其實都唔錯，人龍可能有啲長但係去得好快，員工嘅效率好高，不過就冇咩服務態度可言，我要左凍嘅芝麻糊豆腐花，豆腐花既豆味係有嘅，芝麻糊可以入口，不過就有少少凝固咗，而且食到底嘅時候好似有啲過甜，但係都接受到，始終$3唔可以要求太多，食到一碗豆腐花已經好好，真係好滿足，平時$3根本都撘唔到車，食魚蛋都食唔到，但係竟然有咁平嘅豆腐花真係OK 㗎！

如果$3俾你諗一樣嘢食大家會諗到啲咩其實喺香港要食到一樣係$3嘅嘢幾乎係冇咩可能而偏偏荃灣呢一度長期都舉行$3食豆腐花活動仲要唔止係豆腐花而係有好多配料俾你揀有芝麻糊，有花奶，有紅豆沙，有冰糖，有咋喳等等俾你揀即係話雙拼嘅嘢食都只係修理$3咁真係全香港啲妝好難再搵到一間咁平而且又好味嘅嘢食仲要係主打健康嘅嘢食自己覺得豆腐花配芝麻糊算係最夾嘅選擇一例芝麻糊又係香濃同時豆腐花又係香滑兩樣嘢溝埋一齊又香又聾又話再加上芝麻糊都有一定程度嘅添可以帶領豆腐花嘅味道更加突出如果再落少少豆腐花用嘅黃糖就令到成碗豆腐花都非常之甜食完可以當一個甜品亦都可以當一個開胃嘅前菜，味道真係唔錯而亞玉呢一間豆腐花對比隔離嗰間最大特色就係佢有新嘅口味而我今日都試埋就係豆腐花配咋喳咋，喳就故之然有好多嘅豆類配合豆腐花同樣都係豆類食落去完全冇違和感。而且有啲豆咬下咬下都覺得幾特別擺脫左傳統食豆腐花只係好滑咬幾啖就可以吞配合喳咋豆未發揮到極致真係的確好深刻好難忘

$3今時今日真係可以做到咩!車都坐唔到啦!今日行過荃灣,經過亞玉豆腐花,見到排長龍。原來d人係度排隊買豆花,我以為睇錯,真係$3碗除左一段正常既豆花外仲係有得兩溝,紅豆沙,芝麻糊,綠豆,原味,白果意米等都係$3一碗有凍又有熱外賣加左一蚊都係$4買左四碗都係收我$16d呀姐收錢畢豆花速度好快,排隊前後排左3分鐘就到啦$3等下都抵啦味道好正常呀,豆味都幾濃又實味道唔太甜,食多碗都唔膩呢個糕都係$3,細細個又多豆買左比仔聽朝早餐食

今時今日$雞可以買到啲咩呢，都要花一段時間諗下先可能數得出寥寥幾樣可以買到嘅嘢。但係住喺荃灣嘅街坊一定會諗到$3原來可以食一碗豆腐花仲要好味既，喺路德圍有兩間豆腐花競爭都好激烈，兩間都買$3一碗，我比較鍾意食阿玉豆腐花因為佢有涼粉，隔離嗰間冇，咁我就整碗涼粉豆腐花兩拼。好滑有豆味加啲涼粉可以係雙重享受。通常喺附近食飯或者食碗米線之後就嚟呢度嘆一碗豆腐花，九成嘅時間都要排隊㗎啦但係都唔會排好耐因為有兩間你選擇兩間都要排。支持佢哋希望兩間都一直競爭落去唔好是但有一間執笠。

📍亞玉豆腐花 紅豆豆腐花@ $3-小妹之前住過荃灣一段時間，咁啱係附近出job，約返中同食飯，順便掃街，尋找童年回憶。去左路德圍，記得細細個好鍾意食豆腐花，難得佢而家做緊$3一碗，完全係頂爛市，拿拿淋食返一碗先。-亞玉豆腐花既水準仲保持到，好滑，好重豆味。紅豆煮得好綿，有少少起沙既感覺，唔會太甜，配埋豆腐花食真係一流。唯一係紅豆味有啲太出，有啲蓋過左豆腐花既味。不過$3咋嘛，性價比已經係非常之高。-地址：荃灣荃興徑昌泰大廈地下5b鋪-推介指數👍🏻👍🏻👍🏻👍🏻👍🏻抵食指數👍🏻👍🏻👍🏻👍🏻👍🏻（5個👍🏻為滿分）

$3 真係好抵食！街邊小食要搵到$3真係好難仲要係豆腐花，仲要可以俾你扣溝埋糖水都係一樣價錢！咁寧願食豆腐花啦健康啲不過就唔會專登過嚟呢度食佢附近好多餐廳食完晚飯過嚟食返碗豆腐花一流我都係一樣食完小菜，整返碗豆腐花先～不過豆腐花嘅質素就OK啦....唔係好香甜嘅個種豆腐花豆腐花豆味味道麻麻綠豆沙嘅味道都一般食得出唔係靚嘅綠豆而且叫凍豆花，唔夠冰凍咁就爭小小......不過$3，仲想點喎😆交足功課既～～⭕️鋪頭都keep住排長龍㗎