亞玉豆腐花

營業中

休息中

今時今日$雞可以買到啲咩呢，都要花一段時間諗下先可能數得出寥寥幾樣可以買到嘅嘢。但係住喺荃灣嘅街坊一定會諗到$3原來可以食一碗豆腐花仲要好味既，喺路德圍有兩間豆腐花競爭都好激烈，兩間都買$3一碗，我比較鍾意食阿玉豆腐花因為佢有涼粉，隔離嗰間冇，咁我就整碗涼粉豆腐花兩拼。好滑有豆味加啲涼粉可以係雙重享受。通常喺附近食飯或者食碗米線之後就嚟呢度嘆一碗豆腐花，九成嘅時間都要排隊㗎啦但係都唔會排好耐因為有兩間你選擇兩間都要排。支持佢哋希望兩間都一直競爭落去唔好是但有一間執笠。