亞泰

營業中

休息中

住康城選擇唔多 所以都食過呢間幾次 前幾日去食dinner既時候 叫左個麵 係出餐口個白頭髮呀伯(好似佢自己就係個老闆？)係度咳 無洗手就攞左碗麵過黎俾我 個時肚餓 同埋唔好意思就咁話唔要碗麵 再加上可能佢唔係流感只係氣管唔舒服個種咳 就照食第二日開始已經喉嚨痛同病！燒左兩三日！病左一個星期。仲要我個日wfh, 除左呢間餐廳無去過第二度，出門口除左食嘢都係帶口罩。唔明白點解個呀伯病但係照番工 唔戴口罩 仲要毫無衛生意識總之永遠都唔會再幫襯！建議大家都唔好去 唔知d食物點黎

今日難得早起，決定同屋企人去食下早餐，之後再出街。見亞泰排隊人不多，就選擇呢一間。冬陰香茅雞扒拼扎肉湯檬粉配凍檸茶 $44 （凍飲加$3）對於重口味的自己，早上食冬陰也覺得不錯，湯底不會太淡，味道也太會太重鹹，才可以令檬更掛湯。豬肉不錯，有香茅香氣，不會鞋口，啖啖肉，加上札肉，是一個豐富又醒神的泰式早餐。加上檸檬茶，味道變得不會負擔。香葉沙嗲牛肉媽媽麵配餐肉煎蛋、牛油麵包及熱奶茶 $41沙嗲牛肉雖然沒有太大的香葉味，同茶記沙嗲牛肉差不多，加上餐肉煎蛋同牛油麵包，是茶餐廳早餐常見的組合，亦是屋企人最喜歡叫的組合，份量十足又抵食。同一般茶餐廳不一樣的是，這裡是用泰國媽媽麵，麵質？掛湯，是不錯的組合。前者比較有泰式風味，後者雖然普通但是常見又令人滿足的選擇，兩者味道不錯，價錢又親民，是早餐的不錯選擇。

不知所謂的餐廳，除非你時間好充裕到可慢慢等，否則不要去。今天星期六，到康城睇戲。見這餐廳開6pm，在openrice排第1，所以試下。晚上6:05左右入座，店內只有4、5檯客，立即落單了3樣食物： 火車頭雜錦湯河、海南雞飯、椰子雞湯。等了10分鐘，火車頭雜錦湯河送上，外觀味道正常。再等了15分鐘，先生已食完湯河，但海南雞飯同椰子雞湯都未有。問*女店員*，說會跟進， 但是沒有見過她入過廚房。過程中已心感不妙，海南雞飯應該好易整 + 預先做了準備功夫，都等咁耐。但仍等多了10數分鐘，問了*穿便服疑似經理中老年男人*，他又說會跟進。數分鐘後，這位*疑似經理*淡然說了一句：廚房話準備煮。《😑😑😑😑😑準備煮？等了40分鐘先開始準備煮？唔係啩？》他 又再次淡淡然完全沒有歉意，說： 因為我哋只有一個爐 💩💩💩💩💩？？？？一個爐開餐廳？又不預先講會遲？問的時候又唔講？？再追問時先是旦up一句打發客人？？佢再加一句：你地等唔切可唔食。完全冇試過這樣差的餐廳體驗，沒有服務，又收加一，最最最重要是非繁忙時間（晚市剛開始5分鐘，全場得幾檯客），等40分鐘先話“準備煮”！到最尾我們無福消受，立即埋單都唔想受氣！

今日去咗將軍澳日出康城去商場入面一間泰國餐廳食嘢早幾年喺將軍澳一想食泰國野🇹🇭就一定會去海邊嘅”泰cool “ 因為嗰度個老闆娘同啲侍應超級好食物又有質素但自從疫情之後就冇咗好彩俾我搵到呢間亞泰員工服務態度很好我每次去到都熱情款待食物方面，我今次極力推介大家食呢個(香葉肉碎炒水晶粉🌶️)超級超級好食👍👍👍👍午餐供應時間星期一至五11:00am - 2:00pm星期六、日及公眾假期11:00am - 2:30pm都幾抵食最重要係食份人情味而家香港好少餐廳有🥹

呢一日去咗康城，見到間泰國餐廳就即刻走入去試下。⭐️ 海南雞配黃薑飯 $69南雞份量大概有一個拳頭咁大。海南雞啲皮同肉分佈好均勻，咬落去好嫩滑🤤🤤，同埋佢嘅海南雞汁同黃薑飯一齊食🤩，味道好搭配。⭐️ 泰人青咖哩配香米飯 魚柳 $64佢嘅青咖喱有啲微辣，不過又唔係真係好辣，辣到食唔到嘴。佢嘅炸魚柳份量好多，大約有四至五塊😆😆。而青咖喱會配埋茄子，茄子同青咖喱汁一齊食，再加上香米，味道好開胃👍🏻👍🏻。⭐️ 泰式車仔凍檬 $63個天咁熱，最好食返凍嘢解解熱😎😎。佢嘅凍檬粉配料好豐富，好大一部分都係蔬菜，仲有青瓜絲、蘿蔔絲同埋生菜，個口感好清爽😋😋。檬粉本身都好爽口，厚度啱啱好🤪🤪，再加上魚露甜酸汁，感覺好清新同開胃😚。📍 亞泰 A HAYA將軍澳康城路1號The LOHAS康城3樓344號舖Shop 344, 3/F, The LOHAS, 1 Lohas Park Road, Tseung Kwan O

燒雞比海南雞 yumyum!Lunch time後既時間黎亞泰，都有唔少人！座位都算寬鬆，餐具就普通港式茶餐廳既質素;3海南雞配黃薑飯💛💛海南雞嘅份量適中，肉質普通，唔鞋唔滑^. .^ 而黃薑飯又幾好食喎！本身雞冇乜味，醬料都普通，係黃薑飯俾返少少味佢哋;3青咖喱配雞肉飯 🥘叫完先發覺兩個餸都係雞lol 青咖喱係比較稀既質地，都適合撈飯🍛 唔辣的，入面仲有2舊中式矮瓜🍆 味道都係正正常常咁啦>_< 而雞肉又估佢唔到係燒雞，仲要個皮又幾正！又夠味！ 整體嚟講，都對得住個價錢ദി ᷇ᵕ ᷆ ) 但又唔可以話超級好食咁回頭指數🦖: 還好啦3/5 ~👌🏻

佢算係呢度區來比較好，未計選擇而且下午茶餐價錢唔係好貴六十幾$70左右，下午茶買過佢嘅返嚟食都幾好食又包埋嘢飲，呢個商場都冇乜特別咩地方有下午茶食，如果食晚餐嘅話呢間都幾多人

好耐無咁早外出食早餐，因為阿仔呢日一早要上適應班，阿爸同佢適應下。要食個好早餐，先有力量，就去亞泰。佢門口湖水綠色設計好sharp神，裏面淺木桌椅配淡土黃卡位梳化椅，比人感覺好warm同舒服。香葉沙嗲牛肉媽媽麵配煎雙蛋、牛油麵包同飲品個麵麵質好爽同彈牙，呢個好緊要，我好怕淋麵，漿住個口嘅感覺。配上沙嗲牛仔，沙嗲香濃唔辣，牛仔唔韌夠淋。加埋個邊邊煎得微焦既煎雙蛋同鬆軟既牛油麵包。吃完個早餐，令人好滿足，好精神。

下午茶算係成個商場嚟講算平 就試試佢入到去冇人理你嘅 自己主動入坐蝦頭油炒飯拼兩串豬串燒 熱飲 $50 另加一侍應攞杯熱奶茶埋嚟 睇到個拓盤好污糟，又倒瀉咗啲喺個盤個杯放到上嚟 係有啲奶茶綑住個杯底邊勁核突杯嘢係唔熱嘅嚟到個飯又係唔熱嘅 唔似係即炒唔即炒都整熱啲啦跟住啲飯係硬嘅乾嘅蝦油味係完全冇嘅 串燒還可以 不過亦都係唔熱嘅泰國嘢嘅熱即係暖？全程食嘢啲侍應不停喺我檯面攞嘢去fill攞完鹽 胡椒就攞糖再嚟就攞餐具兜其實可以一次過攞走哂唔洗逐樣嚟攞咁騷擾總結係唔會再嚟 除咗平 冇優點

亞泰位於將軍澳康城路1號The LOHAS康城3樓344號舖，是一家專門供應泰國菜的餐廳。這家餐廳以泰國菜為主打，提供了各種正宗的泰式料理。菜單上的菜餚種類繁多，從經典的泰式綠咖哩到香辣的冬蔭功湯，都能品味到地道的泰國風味。菜品的味道鮮美，使用的香料和調味料恰到好處，讓人彷彿置身於泰國的美食天堂。餐廳的招牌菜是他們的泰式綠咖哩。這道咖哩濃郁香辣，配上新鮮的蔬菜和嫩滑的椰漿，每一口都充滿了風味。他們的炒河粉和炸春卷也非常受歡迎，口感鮮嫩，香氣四溢。無論是單點還是套餐，餐廳的菜品量足夠滿足飢餓的胃口。

係康城商場想食下午茶食碗粉麵既選擇都真係唔係好多, 今次就去左亞泰餐廳💖 位於商場2樓，平時都唔少人係門口排隊架。 適逢今日平日，人唔算好多，基本上一去到就已經有位，我哋就叫左一碗雙餸河-豬頸肉配肥牛，同海南雞配豬手飯☺️ 味道都唔錯，特別讚讚過豬頸肉，非常可口❣️ 海南雞都唔錯，值得一試再試。而且餐廳環境都好舒適，2個人都安排到有卡位坐😍 加埋杯凍奶茶，真係可以算係休休閒閒咁食個tea😍而價錢都好中規中矩，唔錯唔錯

我哋即刻揀咗三樣招牌菜式，分別係「火車頭雜錦船河」、「冬蔭海南雞湯河」同「招牌蛋咖喱蟹肉」。頭先上枱嘅係「火車頭雜錦船河」，一碗湯底香濃，上面滿滿嘅米線，有新鮮嘅海鮮同埋各款肉類，就好似一條色彩繽紛嘅美食大道。湯匙一插入去，湯汁嘅香味即刻傳出，令我哋唔覺得炎炎夏日嘅燥熱，心情慢慢放鬆。然後，「冬蔭海南雞湯河」端上枱，一陣濃郁嘅雞湯香氣即刻佔據咗整個桌面。食河粉嘅時候，佢滑溜溜，再加上嫩滑多汁嘅海南雞，湯汁嘅滋味令人回味無窮。身邊啲人都不停讚賞呢個湯河有幾好味。最後，令人最期待嘅「招牌蛋咖喱蟹肉」終於出場。一個金黃嘅蛋咖喱燉蟹肉，香氣四溢，實在太誘人。去咗外殼，一大塊蟹肉浸泡喺香辣嘅咖喱汁入面，真係令人垂涎欲滴。一咬之下，鮮甜嘅蟹肉同香辣嘅咖喱交織出嘅滋味，真係令人讚不絕口。好似廚師嘅手藝真係不得了。

今日去康城睇戲，就揀咗亞泰，我order鹵水無骨豬手船河麵，湯底濃郁，豬手炆得好淋同入味，而價錢$ 68嚟講在康城算抵食。講到服務，真係冇服務可言，員工態度晦氣，對答敷衍。但又要收加一。可能哩個係公司策略，態度差，你咪快啲起身囉。

Tea set 都幾多野揀第一次來，叫個下午茶餐豬頸肉雞扒撈凍檬粉！煎得好香！色水靚仔！未食都流晒口水！再可以按自己需要加魚露調味食落好味，完全無失望，勁開胃！會再來食下午茶！

服務奇差嘅泰國餐廳，尤其是個中年肥佬。一開始落單派個單都唔太識落嘅後生仔已經心知不妙，到最後真係落錯單。原本好簡單三餸麵加錢轉個冬陰公湯底，到最後比咗碗原湯底第一次個後生仔肯換，其實無乜問題再換出嚟做咁加甜酸醬就算。作為街坊，食慣食熟又點會唔知平時冬陰公湯底咩味。跟住叫個阿叔嚟換，原來一山還有一山高，個阿叔先係極品。個阿叔係到質疑係咪你叫錯?你要換咪換比你囉!其實做錯野要換天經地義，仲要態度差同呃人。真係唔好指意有下次!我去遠啲食都唔會再幫襯!