亞泰

今日喺康城商場行街，發現咗「亞泰」呢間泰式小店，試咗佢哋嘅香葉肉碎煎蛋飯，真係要同大家極力推薦！呢個飯絕對係平凡中見不平凡，每個細節都做到恰到好處～招牌香葉肉碎炒得夠晒鑊氣！肉碎選用半肥瘦豬肉，炒到乾身香口，但一啲都唔韌。最正係佢哋落足香茅、金不換同檸檬葉，香氣層次豐富到不得了！辣度調校得啱啱好，微微嘅辣勁刺激住味蕾，令人愈食愈開胃～流心煎蛋絕對係神來之筆！蛋邊煎到脆卜卜，蛋黃卻保持流心狀態，一拮開蛋汁即刻湧出，同肉碎飯撈勻一齊食，個種濃滑口感真係無得頂！泰式香米亦都功不可沒，飯粒乾身分明，索盡肉碎嘅醬汁同蛋黃嘅香滑，每啖都係滋味嘅融合。最欣賞係佢哋仲跟配幾條灼菜心，平衡返個油膩感～價錢方面真係抵到爛！七十蚊有找，仲要份量十足，男仔都一定夠飽。環境雖然係food court格局，但冷氣夠涼，座位都算舒適。…查看更多

📍康城・亞泰 | 泰式風暴橫掃味蕾！豬頸肉脆爆＋冬陰功船河酸辣上頭🔥康城呢個地方愈嚟愈多好嘢食～今日專登試咗商場裡頭嘅「亞泰」，一間主打泰式fusion嘅小店！門口已經聞到香茅同椰香，忍唔住衝入去開餐😋 今次試咗幾款招牌，即刻同大家分享～🐷 炭燒豬頸肉配薑飯 | 邪惡嘅脆口魅力！一上枱就俾佢嘅炭燒香擊中！豬頸肉燒到邊緣微焦，咬落「咔嗞」聲超治癒～外皮脆口，內裡肉汁鎖得好好，蘸埋泰式辣醬更惹味✨ 重點係個薑飯！米粒乾身唔油，薑香淡淡哋滲出，唔會搶戲，反而同豬頸肉嘅濃味完美平衡。呢個組合～我俾9/10！🍜 冬陰功船河 | 湯底酸辣暴風級！湯頭一飲就知足料！香茅、南薑、檸檬葉嘅香氣層層爆開，酸度明亮唔刺喉，辣度溫和但後勁慢慢湧上～河粉索盡湯汁，掛湯力MAX！配料有蝦、菇、魚片，蝦肉爽彈，可惜得兩隻唔夠喉啊～如果多啲豆卜吸湯就完美啦！☕ 熱奶茶 | 茶膽厚滑唔苦澀！泰奶通常甜到漏，呢杯熱奶茶反而偏向港式風格～茶味醇厚帶微微回甘，奶比例剛好，順滑唔膩。飲完冬陰功再呷一啖，瞬間解辣又Refresh～推薦俾怕甜嘅朋友！🌟整體評價：環境乾淨光猛，上菜速度OK～人均$70左右，喺康城算係高性價比泰菜選擇！豬頸肉必點，冬陰功湯底值得為佢encore，下次想試埋芒果糯米飯同青咖喱～Foodie小貼士： 午市套餐更抵食，仲跟飲品～記得趁熱食個薑飯，凍咗會硬身啊！唔信？自己去挑戰吓個酸辣湯底先講啦～👇#康城美食 #亞泰 #泰式船河 #豬頸肉 #薑飯 #冬陰功 #香港美食 #foodiehk #泰國菜…查看更多

今晚陪同服務使用者去食泰國菜，大家叫咗一個 兩人套餐，再加一份 金邊粉，三個人一齊分食。套餐包括招牌菜 火山骨（豬肋骨）、椰子雞湯 同 小食拼盤。火山骨上枱時相當吸睛，賣相似一座「山」，豬肋骨炆得軟腍入味，酸辣汁帶微甜，配飯或金邊粉都非常夾。椰子雞湯味道溫潤，椰香濃郁，雞肉滑嫩，飲落舒服又開胃。小食拼盤有春卷、炸蝦餅等，炸物香脆不油膩，每樣都做得有水準。整體味道偏向大眾口味，辣度適中，即使唔太能食辣都可以輕鬆接受。環境方面，餐廳氣氛輕鬆，裝潢有泰式風情，燈光柔和，坐得幾舒服。員工態度有禮，出餐速度合理，服務過程亦有主動幫忙加湯添水。總括而言，呢間泰國菜餐廳菜式豐富、味道正宗，價錢以三人分攤都算抵食。無論朋友聚餐或家庭用膳都啱食，特別推介佢哋嘅火山骨同椰子雞湯，令人回味。…查看更多

今日71假期,人山人海要搭枱食飯,海南雞飯有點失準,可能主廚唔係度,經理收到意見,立即換豬手俾我地,好窩心好好服務,有時候食嘢未必只求好食,服務都好重要,這間餐廳做到,讚👍🏻👍🏻…查看更多

康城商場 The LOHAS的餐廳大多都是連鎖式店鋪，早已食到有點悶，難得見到這間店名比較生面口的泰國菜，門面四四正正，內部也燈光通明、乾淨企理，就入去試試。午市套餐有二十款選擇，連飲品只是六七十元，以商場內的店鋪來説價錢也算吸引。我叫了一道特別的「醉貓炒河」，英文是Phat Thai Goong-Classic Thai Noodle with Massaman Curry Chicken。 醉貓炒河 ($72) ★★✰✰✰雖然餐牌都有表明是辣，但結果是異常的辣，毫無濃烈的泰式咖喱而只有辣味。而且河粉非常有韌度，比較類似台灣粿仔湯。而且整碟河粉非常油膩，最後我也未能完成。整體而言，這碟炒河不僅沒有咖喱/一般泰菜的香料味吸引味蕾，而且更是辣得令我難以下嚥，實在有點失望。…查看更多

亞泰經濟實惠的午餐選擇而聞名，今日午餐試左泰式豬頸肉飯。豬頸肉經過精心醃製後，烤至外焦內嫩，香氣四溢。餐廳的泰式醬料增添了獨特的風味，微辣中帶有香草的清香，讓整體味道層次分明。整體而言，亞泰的泰式豬頸肉飯不僅味道美味，而且價格親民，非常適合忙碌的上班族或學生，讓人每次用餐都感受到物超所值的滿足感。…查看更多

今天情人節，睡到自然醒就在附近吃午餐，選了此餐廳。點了兩個午餐，分別是海南雞飯和海南雞無骨豬手雙拼午餐。員工服務態度和環境都不錯，但食物出品有待改善。海南雞的肉質不夠鮮嫩，豬手肉腍味濃，但偏鹹，食完後經常感覺口乾😂。 黃薑飯的色澤好黃，帶點油，沒什味道。也在此餐廳吃過晚餐多次，晚上食物出品和賣相相比午餐都好很多😊#情人節 #foodies #hkfoodies #康城 #今天吃什么 #海南雞飯 #亞泰 #泰國菜 #豬手飯 #我的美食日記…查看更多

前日（28-12-2024 Sat）同老公去女友人WK嘅亞哥屋企坐，到夜晚一齊食個飯，食咩呢？望吓呢喥嘅水牌，有呢間泰國嘢，大家都覺得可以就入嚟食。我哋嚟嘅時間尚早，好彩都重有卡位，坐低後睇完menu，我哋就要$398.00嘅二人套餐同其他：7. 泰式奶茶一般泰式奶茶嘅甜味道，唔啱我口味。3分8. $29.00嘅椰汁珍多冰唔大杯，味道清清哋唔太甜，係幾好味。5分2. 套餐中嘅椰汁雞湯（細）椰汁味夠，材料都幾豐富。5分6. $78.00嘅炭燒泰式豬頸肉唔香亦唔脆，只係正常嘅爽口，蘸啲醬食就ok。1.5分4. 套餐中馬拉盞通菜雖然明知係辣，但總不能完全就我唔食辣，所以揀呢個，呢個係辣，但我都接受到，亦炒得啱啱好，口感正常。5分3. 套餐中招牌蛋咖哩海蝦枕頭包大大個，有5隻海蝦，咖哩唔太辣但算幾膩，海蝦整成玻璃蝦咁爽口。3分1. 套餐中泰式小食拚盤（細）小食有炸蝦餅，脆香素春卷同鳳凰丸各兩件。鳳凰丸即係雞肉丸，口感正常，味道亦唔錯。4分脆香素春卷都係正常冇問題。3分炸蝦餅算彈牙，OK嘅。4分5. 套餐中泰式甜品拼盤4件睇見有椰汁西米糕同椰汁千層糕，兩個都唔太甜，口感亦正常。4分服務：唔老實迴避問題，我哋落單要二人餐，個老嘅男店員問我哋飲唔飲嘢？我問係咪包兩杯嘢飲？佢答買一送一，除咗椰青。於是我哋硬叫兩杯嘢飲，佢哋放低張單我就拎嚟睇，因為想湊夠$500.00數買將軍澳區嘅openrice劵，一睇，點解夠$500.00？細看之下，原來杯椰汁珍多冰要收錢，我哋就問店員，個女店員好似咩嘢都唔知咁，咁另一個男店員就話已經係買一送一。我哋問二人套餐唔包嘢飲？佢答係。會自動斟水，上菜超快，但俾咗個湯都唔醒目俾碗，要開口叫。上面食物次序係依佢哋上枱次序，睇到出餐次序有問題，泰式小拼盤可以喺主食出晒至到，令我以為冇呢個，好彩落單時，個店員問甜品係咪後上？否則可能會係嘢飲後就上。衛生：兩個嘢飲俾兩支紙飲管，OK，其中一支幼嘅冇包裝，老嘅男店員醒目地將佢擺喺我個杯上。環境：坐卡位係舒適啲，但冷氣開得幾大吓，都幾凍，凍到我要披住件羽絨，啲餸都好快凍晒。價錢：連加一係$556.00，但我用$88.00買$100.00嘅電子劵，共5張，加上我用2 openrice dollar，即係呢餐我哋實際出咗$494.00。2.5分…查看更多

今晚嗌咗個二人餐2人套餐$398🐑泰式小食拼盤炸得好好食,連埋佢個甜酸醬食, 幾夾🐑椰汁雞湯帶有酸味嘅椰汁雞湯🐑蛋咖喱海蝦枕頭包呢個造型都幾特別, 佢嗰種咖哩係唔辣嗰種, 連埋個包食可以取代到飯🐑蒜茸炒通菜落咗好多蒜蓉炒,所以好好味🐑泰式甜品拼盆(4件)係綠色多層椰汁糕, 都幾好味…查看更多

今日放工去咗亞泰食下午茶,估唔到平日下午茶時段都咁多人去食,我入去坐低都係滿座㗎.嗌咗個馬沙文咖喱(牛腩), 覺得幾抵, 包埋個嘢飲再加一, 只係$53.佢有兩款咖哩, 呢一款就唔辣嘅, 本身怕辣嘅食呢個都冇問題. 不過你睇幅相就見到佢啲咖哩好似有啲紅色點點, 令你以為佢都係辣, 其實唔係.嗰兜咖哩裏面都收埋唔少牛腩,仲有薯仔. 啲咖哩撈飯就可以好送飯食到好多.…查看更多

呢間餐廳嘅雪菜肉絲雞翼豬扒公仔麵用嘅係船河湯底，真係好味！湯底清淡又鮮甜，特別適合配搭啲肉類同麵條。雪菜酸酸的，令味道更加開胃，肉絲嫩滑，如果你係康城諗唔到食咩早餐，下次可以考慮下…查看更多

呢間亞泰既金不換雪菜肉絲公仔麵真係唔錯。佢嘅雪菜酸酸地，非常開胃，配上嫩滑的肉絲，味道好搭。湯底清爽，唔會太膩，適合鍾意清淡口味的人。麵條煮得啱啱好，食落去口感唔錯。每一口都有雪菜和肉絲的味道，份量方面都幾足，能夠撐得飽。另外，佢哋的服務都幾好，環境輕鬆，坐落得舒服。如果你想試下有點泰式風味的公仔麵，呢碗絕對值得一試。簡單好食，隨便一餐都啱，非常適合想食快餐但又想有點特色的人。…查看更多

之前成日黎食，有幾個待應都特別有人情味，對人好鬼死Nice！今次黎食晚餐，成間舖頭嘅班底好似轉晒咁……服務👎🏼👎🏼食物水準都keep到唔錯嘅係衰咗喺服務態度行為上面希望店舖可以改善吓員工嘅服務態度食物推介:火山骨，豬頸肉水晶粉，泰式奶茶…查看更多

門口個哥仔態度好差，只是叫了一碗粉，等了45分鐘。問了2次都話未有，再等5分鐘，其實食物早已預備好，一直放在旁。他又唔check，一直白等，仲要語氣極差，食物送上時已經涷了。…查看更多

以前下面嗰啲冇禮貌，依家上面嗰啲冇禮貌， 燒牛肉沙律 ，明明餐牌有燒汁， 上枱或外賣 ，冇燒汁供應。 鱸魚堂食唔熱， 蠟燭很快就熄滅， 叫人換， 食完都未到， 早餐 雞翼 梅的， 質素很差勁。 改善下啦，唔好逼我討厭你。…查看更多