亞參雞飯 (德福廣場1期)

營業中

休息中

經朋友介紹這間海南雞飯很好吃🐔，我今晚嘗試一下。✨亞參去骨海南雞飯（$88）配上獨家制的三種醬料，雞肉很滑，配上雞香飯，呢個油飯會有一點雞油既香味。配上冬瓜清雞湯，無添加，因此飲落去好清甜。朋友真係冇介紹錯，呢個海南雞飯食得過👍🏻。

🍚亞參海南雞飯「尋覓99分海南雞飯」究竟是否真是如店鋪所形容的接近滿分💯呢？一上菜我第一反應是份量看起來很少，雞肉非常新鮮，去骨這點非常貼心，雖然咬下去不算特別嫩滑，但是絕對有雞味。淡黃色的油飯配清雞湯不太油膩，飲下去更帶有淡淡的鮮甜味，頓時將整道菜提升一個層次。不過說實話，味道未免與期望有太大落差，標榜99分實在太誇張了😂-🍜雞絲扎肉湯河清雞湯湯底清甜，河粉爽口，但掛湯一般；扎肉不是市面上常見的原塊上碟，而是選擇切絲，更容易入口，配上新鮮無骨少脂肪的雞肉🐔，口感非常嫩滑，反而這個有驚喜。-🥪班蘭咖央多士咖央多一定要趁熱吃，一大片冰凍的牛油配上熱騰騰的多士，多士面層烘成焦黃色，一咬下去外脆內軟，冰火交融，味道還帶有淡淡咖央醬的椰香，十分好味，邪惡指數Max🤤-☕️馬來拉茶剛送上桌的時候，茶的表面還佈滿著泡沫，泡沫多而綿密，入口口感細滑，正常發輝，但味道比一般市面上的拉茶還要偏甜。

今日想食海南雞飯，所以黎到呢間試下，都未試過。我地叫左1️⃣亞參去骨海南雞飯💰91海南雞份量足夠，雞肉滑嫩，唔會柴，雞味濃。油飯粒粒分明，唔會太濕，套餐包括清雞湯，其實都好夠飽🌞2️⃣巴東牛肉飯💰78牛肉好濃味，又甜又辣。食到小辣就可以叫，份量都多，送飯一流🥰消費價錢：2人💰169，人均💰84.5結論：（10分為滿分）味道：8/10性價比：7/10回頭指數：8/10餐廳名稱：亞參雞飯餐廳地址：九龍灣偉業街33號德福廣場1期地下G102號舖

今日叫咗－個肉骨茶，冇當歸味，肉骨差，加咗兩個小食，雞亦尖就超差，擺明係海南雞上面啲頭頭尾尾，冇味都冇醬汁點杯咖啡都係粉衝咖啡超甜，吾會有下次，海南雞飯只雞都超肥

本來一心諗住點tea set但係見到其他人客嘅海南雞實在太吸引9秒9轉態食完覺得呢個決定100分🥳***🥢亞參去骨海南雞飯 $91食左幾件雞先醒起影相😂雞件好滑好有雞味🤤點薑蓉醬食覺得有少少藥材香好好味🤤雞香飯一啲都唔油係暫時食過最唔膩最好味嘅油飯👍🏻跟飯配冬瓜雞湯食到冬瓜味 好清甜可惜我最尾先飲 所以碗湯已經涼左了如果熱辣辣飲一定更好味🤤***🥢斑蘭咖央多士🥢香烤豬肉串跟主菜有優惠加配價唔記得exactly幾錢😂依稀記得係兩款共大概$40多士夾住小牛油磚好邪惡🤤配甜甜斑蘭醬加上烘脆嘅麵包超有驚喜又味道一流😍豬肉串係肉腸口感😗味道按朋友講法似蜜汁豬肉乾最surprise係啲辣醬!!唔識形容但係真係好好食🥹食到冇嘢點都一小啖接一小啖咁清哂😂***🥢馬來咖哩豬扒撈麵 $46呢款係tea set咖哩唔辣有奶香撈蛋麵食唔錯薯仔好淋好入味👍🏻不過豬扒有啲乾同硬呢款就麻麻地唔推薦😗

好食指數:🌕🌕🌕🌑🌑Cp值:🌕🌕🌗🌑🌑•新加坡喇沙米線• $83 (Lunch)呢間出名食海南雞 但我偏偏食喇沙😂😂😂呢碗野唔食得辣真係唔好叫(或者可以叫佢少辣~)米線其實都幾好食！湯底其實ok嘅 辣辣酸酸咁 幾開胃!D料同圖係符合的！有蝦、魚片、雞蛋、豆卜、芽菜、通菜料好足 只係我廢廢食唔到咁辣😂😂😂不過lunch嚟講 貴咗少少！Ps 😆😆😆海南雞同咖央多士真係可以叫！ok的！只係我無影到hehehe…

喺德福兜左一輪諗唔到食咩，最後揀左亞參。門口等幾分鐘就可以入座。⭐️馬來咖喱牛腩撈麵 Malaysian Style Curry Beef Brisket $ 81 咖哩唔辣，少少甜甜地，伴有花生粒同辣醬，撈埋一齊食都幾惹味，牛腩可以再林啲！⭐️新加坡肉骨茶（配白飯）White Pepper Bak Kut Teh $86肉既份量有啲少，唔係好夠食，湯偏向重胡椒味，無嘜藥膳味。⭐️馬來拉茶(凍) 跟餐加$10有飲品，唔會太甜。

九龍灣出色班蘭咖央多士亞參雞飯📍九龍灣偉業街33號德福廣場一期G102號舖 「你叫我最渴望，卻也叫我猜不中，誰可以這樣折衷」難得今日同媽咪都放假，行開德福廣場，就見到依間亞參雞飯，主打星馬食物，難得天氣開始轉凍，一心諗住試一試佢嘅肉骨茶暖一暖個身。入座果陣啱啱係下午茶時間，餐廳都接近8成滿座。-雞絲湯河 $48 3.9/5⭐️下午茶優惠依款雞絲湯河，湯粉份量多配料雞絲都多，雞湯濃郁，仲跟餐送一杯飲品，性價比幾高。-肉骨茶 $92 3.6/5⭐️依份肉骨茶比較令人失望，偏新加坡肉骨茶做法，湯色較淺而且帶有淡淡胡椒味，肉骨茶雖然夠熱可以暖身，配料只有兩條豬骨同幾舊豆卜，味道不過不失，性價比非常低。-馬拉盞炒通菜 $33 4.1/5⭐️媽咪鐘意食菜，所以都叫多一份馬拉盞炒通菜，份量有驚喜，通菜配埋馬拉盞都幾惹味，性價比推薦。 -跟餐追加優惠小食3款 $55班蘭咖央多士 4.1/5⭐️咖央多士有烘脆，每件都有一份牛油同滿哂咖央醬，好邪惡，食落都有斑蘭味，小食嚟講依個推薦。鳳尾蝦春卷(4件) 3.9/5⭐️4件蝦春卷份量都多，炸到金黃香脆，食落不俗，正常發揮。香烤豬肉串(3串) 3.7/5⭐️豬肉串係以豬肉

經過幾次德福亞參，今日去試一試。作為一間以海南雞作招牌的食店，呢個價錢定位，真心不合格。店員服務幾好，反應快，有禮。廚房出餐迅速。1.海南雞飯油飯好食，夠熱夠軟，唔會一舊舊。主角海南雞，肉質差，軟爛，無口感。 好似雪藏雞咁，無乜肉味。 另外雞偏肥，平時應該好薄的某部分雞皮位，都好厚脂肪。2. 肉骨茶味道還好，接近90蚊的定價，得兩條手指長的排骨。 一碗白飯。3.咖央多士見出餐好快，但成份都喺室溫，烘底唔見有上到色，好似風乾一樣。 不推薦4. 香茅薄荷冰篤好耐支香茅，都無乜味，薄荷葉好多已經變爛。不新鮮，可以參考圖片。5.馬拉盞通菜雖然菜式無寫 炒 呢個字。 但上到來，通菜係無味，應該用水油燙/撈熟，一勺馬拉盞擺側邊。 通菜幾新鮮。6. 豬肉腸 ，椰青，唯一滿意

椰香咖央南洋包值得一試👍 馬來拉茶完全唔得，飲起身好似加左好多糖嘅港式奶茶🙅 肉骨茶藥膳味唔重，但係都ok🙆 下午茶時段去加餐，冇諗到都係要排隊 冇乜服務，但係都冇+1

食左咖喱牛腩撈面，豬手飯同加兩個小食食物黎講係好高質，我覺得暫時係香港食過既星馬菜最好食最岩我胃口牛腩多 面掛汁 味口亦好對我口味價錢稍貴但亦可以接受豬手食得出花招八角醃過 好入味但啲服務有啲趕客 問都唔問就收你啲野人地都未食飽 好似趕客走咁希望唔好為左做多枱客搞到咁囉

頭先去買外賣，買咗兩個海南雞飯，買完之後個收銀完全冇指示我去另外一邊攞，因為我係第一次喺呢間分店買，所以我完全唔知唔係喺度攞，因為通常都係喺返呢度等，於是我就一直企喺落單嗰個位出面等，等咗10分鐘左右個收銀先同我講原來要去另一邊攞嘅，不過佢都算好人㗎喇起碼會提一提我。之後我去到拎外賣嗰個位，有一個短頭髮冇戴眼鏡少少肥嘅中年女店員一直喺度掛住執餐具同埋送堂食嘅餐，扮見我唔到！我肯定佢見到我+見到我拎住張收據，但佢都完全冇理過我，直至到有另一個店員出現過黎問我幾多號飛，我先至有機會拎到個外賣個飯仲要原來一早整好咗因為之前喺其他分店食過覺得幾好食，所以先會特登過嚟買，不過幾好食都冇用啦！啲服務咁差個飯仲要唔係平

德福全部連鎖店中比較平民的一間，但也只是下午茶平民而已，單點仍是中上價位，這就是開在去大商場需要承受的。叫了一個：馬來咖喱牛腩撈麵：$81麵底是油麵，咖喱偏甜，牛腩炆得非常腍，薯仔有烤過，配有參巴醬。雞絲湯河（下午茶）: $48湯底雖有味但味道較淡，有雞絲，通菜，乾蒜。椰香咖央南洋包: 加了牛油加央，椰絲，麵包第時黑糖麵包，增加甜度。鳳尾蝦春卷: 內裏是非常幼小的甜蝦，炸得香脆配以泰式辣醬。香烤豬肉串: 豬肉串肥肉較多，沒什麼香料味，不配參巴醬基本沒什麼味道。三款小食$57南洋拉茶: 下午茶包的，不用加錢，普通的凍奶茶。香茅薄荷特飲: +$10，有原支香茅，及薄荷葉，味道清甜。

排得好快就入到去, 因為D 侍應都好勤力收野其實佢MENU 都唔少野食, 但我一心想食海南雞, 都唔洗點諗落完單, 好似唔洗一兩分鐘就有盤SET 放左落黎, 極有效率, 哈哈!擺盤都幾整體, 而且色彩繽紛, 都算開胃****一黎要讚下個湯先, 好香個湯超熱, 呢樣好重要, 熱湯係基本而且重要的個湯有好淡淡既胡椒香味, 個湯好清甜亦都有少少既冬瓜粒加小菇粒呢個湯得呀重點海南雞以量黎講, 對得起個價錢, 佢都有兩行肉, 都有10舊8舊個飯食到尾都仲有雞配飯味道呢我覺得OK 吧佢唔鞋, 但又唔算滑我覺得D 肉有D 「實」但其實味道還不錯的而且3個汁都得加$10 叫左杯冬檸茶, 好大杯****呢碟雞$90, 飲品加$10, total $100 UM, 味道算OK, 量是不少的, 個湯好飲而且係商場坐位其實都算迫, 不過有樣好就係我一個人, 對面唔洗搭位整體黎講, 呢個價錢覺得還可以接受

豬手太淋，冇口感，似食肥肉，仲差深水埗某大排檔，侍應在食客身旁傳菜，容易淋在食客身上，若食客是小朋友的話，易生危險，連這些基本服務態度都沒有，難怪別的食店門庭若市，而它則門堪羅雀。