影片
開飯介紹
餐廳環境乾淨，位置不多。提供2個小時任食任飲雞煲及鴨煲，而火鍋則提供8款湯底，如沙嗲鍋、川椒麻辣鍋、藥膳鍋。特別推介冬蔭功鍋。而配料亦十分豐富，有美國肥牛、鮮鵝腸、海蝦等。
繼續閱讀
附加資料
任食火鍋
營業時間
今日營業
17:00 - 23:45
星期一至日
17:00 - 23:45
公眾假期
17:00 - 23:45
公眾假期前夕
17:00 - 23:45
以上資料只供參考, 請與餐廳確認詳情
有關獎賞計劃
呢間火鍋放題又有新搞作，除咗黑椒豬手煲同火焰牛尾煲外，雞煲新增重慶麻辣、辣酒東風螺、泰式冬陰功、雙乳（咸牛乳+腐乳）、連醬香惹味雞煲一共六款口味。烤魚亦有六種口味另有酸菜魚，同我地今餐主要目標秘製牛雜煲無限時無限量任飲飲食。秘製牛雜煲有牛毛肚、金錢肚、牛蒡、牛腸、牛肺、牛腩都好入味，醬汁微辣香濃，加入大蔥、洋蔥等相當香，連蘿蔔都好清甜。火焰牛尾煲，店員會即炒加入玫瑰露點火，酒香即時散發，牛尾肉質軟硬適中帶點彈性，同樣係香口煲仔菜。醬香惹味雞煲，的確好惹味，味道相當好雞肉保持嫩滑，啱晒唔食辣嘅朋友。免費鴛鴦湯底揀蕃茄薯仔濃湯及胡椒豬肚雞鍋，除咗煲仔菜好食，湯底都好出色好濃郁，重點係唔會咸，打邊爐最怕越食越咸，呢到嘅湯底恰到好處。火鍋配料亦好豐富，除牛板腱，本地鮮滑牛，仲有海蝦、帆立貝、吊桶仔、墨魚仔、蜆、水土魷、墨魚滑、牛栢葉、豬頸肉、豬大腸等等等等，多到數唔晒，火鍋料質素都係唔錯，仲有自助區多款火鍋配料可供選擇。飲品有汽水、罐裝茶、樽裝涼茶，仲有雪糕雪條都係任食，重點係無限時，可以一邊食一邊慢慢傾談都無問題。
繼續閱讀
呢間舖頭最特色嘅唔係一般打邊爐，而係有無限特色嘅煲類任食。煲仔有二鍋頭惹味雞煲、香濃黑椒豬手煲、秘製火焰牛尾煲，呢三款就係最受歡迎嘅。另外就有重慶麻辣雞煲、泰式冬陰功雞煲、秘製牛雜煲等。烤魚同埋酸菜魚就有清冮魚同埋海鱸魚兩款選擇。總之淨係食特色煲都值回票價😋✨ 滋味無限套餐 $318 👍🏻👍🏻👍🏻👍🏻我哋試咗泰式冬陰功雞煲，同平時食開嗰啲雞煲相比超級有特色！我哋仲嗌咗酸菜清冮魚，魚質肉厚嫩滑，唔多骨，抵讚👍🏻仲有好多火鍋配料可以無限追加，我哋點咗海蝦、脆鯇魚腩、牛板腱等，味道正常。自助區有多款蔬菜同火鍋配料。仲有啤酒汽水果汁任飲。基本上食幾個煲已經可以輕易回本☺️👍🏻👍🏻👍🏻👍🏻👍🏻（最推薦）- 👎🏻（可以唔使試）
繼續閱讀
一個價錢就可以最多任食7小時無限量任飲任食五款煲😱包括港人至愛雞煲、牛雜煲、牛尾煲同埋豬手煲！4款口味烤魚，最尾仲可以打埋邊爐，真係勁癲呀！雞煲係好特別嘅雙乳味，兩種腐乳香味唔講得少，食落個雞煲醬非常香口，而且完全唔辣，啱晒一家大細食！然後雞肉煮得啱啱好，個皮索晒啲汁，然後雞肉仲係keep到滑滑嘅。最特別呢度個雞腳係鳳爪，炸過之後更加入味，仲好食過酒樓點心嗰隻多多聲。牛雜煲真係一定要試，家陣食牛雜啲都唔平，$20一串仲得嗰兩舊仔，呢度係任你食，牛蒡、牛肚、牛腸同埋醃到入味嘅蘿蔔，掃街嘅溫馨回憶返晒嚟！我哋鍾意食烤魚，老闆推薦呢度嘅清江魚，骨特別少，果然吃起來啖啖肉口感，加上肉質10分嫩滑，湯底係新嘅冬陰功味，非常泰式風情，味道辣辣地之餘，仲可以突顯魚肉鮮甜。最尾仲可以整個靚邊爐，呢款台式藥燉排骨鍋味道非常香濃，有陣陣當歸味，用嚟配搭牛肉，感覺好滋補！免費任點的牛板腱質素也10分好，自助區仲有好多各款蔬菜、丸類任君選擇，花枝丸、墨魚花枝丸、八爪魚丸、牛筋丸這些高質量的丸類也是無限任食！飲品方面見到有幾款啤酒都是任飲類，真的好適合良朋歡聚呢！坐足七個鐘自然啱晒慢慢食慢慢傾啦！
繼續閱讀
任食雞煲加打邊爐都常見，但又有魚煲、牛雜、牛尾、豬手二鍋頭可以滿足你咁多個願望!!😍淨係講煲真係10隻手指都數唔晒~🤯一入座首先叫個新款 秘制牛雜煲 試試佢😎秘制牛雜煲小辣都已經夠惹味! 乜款都有仲有份量算多無臭內臟味，個汁又夠惹味鍾意食牛雜必叫啦🤟🏻🤟🏻之後再試個 辣酒東風螺雞煲啲東風螺好大粒，同埋都乾淨無沙👍🏻雞就煮得少少老但勝在個汁好味一樣清晒煲~~🫢之後要轉陣打邊爐，免費升級鴛鴦湯底分別叫左沙嗲同冬蔭功，2個湯底都一樣好香~😝另外邊爐配料都唔差，雖然唔係非常多，但大路野都有飲品方面，正常汽水/果汁，仲有啤酒任飲~🤫🤫總括而言係抵食加超滿足!🫶🏻🫶🏻
繼續閱讀
裝修簡約乾淨，主打無限時任食9款煲～雞煲+烤魚+火鍋全部都任袋，CP值爆燈!! 一班朋友聚餐，慢慢食慢慢傾，又可以試多幾款就岩晒～♥️惹味雞煲 雞件炒到香噴噴～肉質嫩滑，醬汁濃郁惹味，辣度自己揀，好似我咁怕辣，揀唔辣都一樣好夠味!!🧡番茄烤海爐魚 烤魚可以揀海爐魚或者清江魚，而且超大條!! 海爐魚魚肉結實又唔多骨，配上香濃番茄湯底，酸酸甜甜～ 底層豆卜+豆皮吸滿晒湯汁，味道好唔錯，下次要試下其他湯底配搭先💛火鍋 可以揀鴛鴦湯底，沙爹湯底超香濃，加埋靚仔牛板腱等等超多配料，蔬菜+丸類+炸物全部都係任飲任食，真係好抵食～
繼續閱讀