二鍋頭 (福苑)

營業中

休息中

早幾日去左二鍋頭食，真心覺得佢個任你魚肉烤魚套餐 (每位$298) 好抵😍 一個價錢已經可以食哂雞煲、豬手煲、牛尾煲、烤魚、打邊爐，仲有飲品任飲，好瘋狂啊😂首先食左雞煲先，可以揀吾同嘅辣度，絕對系啖啖肉，吾會好多骨位，之後就食套餐內包嘅無限量任食新推出4款口味烤魚，麻辣/香辣/酸辣/醬香，而魚質爽口彈牙！食吾夠仲可以不停refill 嫁，岩哂大胃王😂不過我地緊系留返個胃打邊爐啦，揀左麻辣鴨血x 胡椒豬肚雞湯底，湯底裡面已經有材料，牛板腱、鮮滑牛，蜆都可以掃QR code 自助落單，而蔬菜類，丸類就可以出去雪櫃度自己夾！成晚真系食到捧住個肚咁走😂👍🏻

旺角依間「二鍋頭」嘅新Plan放題真係抵到喊，「任你食肉3小時烤魚雞煲火鍋放題套餐」可以無限量任食新推出嘅4款口味烤魚、雞煲、牛尾煲、豬手煲，以及鴛鴦湯底火鍋放題，值得一提係客人如於逢星期日至星期四光顧尖沙咀分店嘅任你食肉3小時烤魚雞煲火鍋放題套餐，即可享免費升級至無限時，可以由17:00至24:00食足7個小時，真係超高CP值，今餐剩係食咗烤魚就直落打邊爐，因為食完烤魚都已經覺得好滿足。*此餐廳收取加一服務費。星期日至四任你食肉3小時烤魚雞煲火鍋放題套餐（兩位$596），酸辣口味海鱸魚烤魚，表面鋪滿芫荽、黃辣椒、指天椒、洋蔥，海鱸魚肉質嫩滑，味道鮮甜，魚皮部分口感香脆，湯底味道酸辣，配料包括有䈑筍、蓮藕、豆卜、乾豆腐皮麵。越式香濃牛肉鍋（跟餐$0），內有九層塔、洋蔥、指天椒、檸檬，牛骨高湯色澤清澈，但飲落牛味濃郁、帶有香料味道，牛肉肉質七成熟，口感軟腍，肉味濃香。番茄薯仔濃湯鍋（跟餐$0），內有番茄、馬鈴薯、西芹，湯底味道酸甜。活海蝦（跟餐$0），肉質彈牙，食落好新鮮。活海蜆（跟餐$0），略嫌肉質瘦削，不過食落有鮮味。安格斯牛板腱（跟餐$0），牛味濃厚。鮮蝦雲吞（跟餐$0），皮薄餡多

唔好食，點解有咁多好評⋯⋯總共有三個環節：雞煲、烤魚、打邊爐但只有雞煲叫幾好食到咗烤魚環節，條魚煎炸左，食落唔新鮮又唔滑，去到呢邊已經冇晒胃口，未食完已經轉落打邊爐打邊爐都冇咩款可以叫，叫咗個墨魚滑但係酸酸地，豬皮一啲都唔爽口，不過個豬骨湯同埋蕃茄湯都幾好食，但係除此之外冇咩特別好味嘅地方假日$348仲要+1 ，呢個價錢絕對唔抵食寧願去其他地方就咁食烤/雞煲，其他地方專整呢啲又好食啲又新鮮啲仲平啲唯一好處係服務幾好，同埋啲雪條好食而且店舖位置位於2樓，冇電梯搭帶住屋企老人家真係要考慮下

上次尖沙咀分店已經食過食，今次再約朋友去旺角分店，我哋選擇咗$298任食放題；包括雞煲、豬手煲、牛尾煲、烤魚煲、打邊爐全部都係任食，真係好誇張！大滿足！佢哋仲有半份選擇，例如；雞煲、豬手煲、牛尾煲，可以要半份，咁可以試晒唔同口味，非常窩心～咁我哋首先就揀咗二鍋頭惹味雞煲先，因為我哋本身好鍾意食雞煲，上枱嘅時候店員會即刻幫你加熱，嗰陣時已經聞到香味，味道濃郁，非常惹味～之後我哋再食咗酸辣清江魚烤魚鍋，，肉質細膩緊致，無腥味而且小骨，魚油豐盈，係烤魚嘅首選～跟住我哋再揀咗鴛鴦鍋打邊爐，打邊爐配料款式都好多，肉類、丸類、海鮮類、蔬菜，都好多選擇～放題仲包咗多款飲品選擇、仲有多款雪糕雪條，我哋食得好飽，原本仲想試埋豬手煲，但係真係食唔落啦，要下次再去食～

我今次同朋友去品嚐佢地既任食烤魚雞煲火鍋放題套餐，真是太過癮了！這裡的特色就是無限量任食新推出既烤魚，再加上雞煲、牛尾煲和豬手煲，仲有得打邊爐，絕對是肚子空空的食慾挑戰者的最佳選擇。首先，讓我來介紹一下他們的烤魚。佢地有幾種口味分別是麻辣、醬香、香辣和酸辣，相信每一種都有獨特的風味。我們叫了一款口味，是醬香味 。烤角有炸過 所以外皮有少少脆口，可以令條魚更加吸到湯底既味道，讓烤魚更加美味。另外，叫左雞煲同豬手煲後已經非常飽。此外，他們的打邊爐有好多種，有各種新鮮的海鮮、肉類和蔬菜。一路食雞煲時都可以加啲打邊爐材料落去 非常吸味👍🏻 同埋提供多種不同的湯底選擇，例如麻辣、番茄等，讓每個人都能找到自己喜愛的口味。整體而言，「二鍋頭」的任食烤魚雞煲火鍋放題套餐絕對是一個超值的選擇。無限量的任食烤魚口味多樣，肉質鮮嫩多汁，醬料搭配恰到好處；再加上美味的雞煲、牛尾煲和豬手煲，以及豐富的打邊爐選擇，每一餐都能讓人滿足。如果你對火鍋和烤魚有著無止境的愛，「二鍋頭」絕對是一個值得一試的好地方！

今次直係任你魚肉7小時，近排發現咗間嘢除咗雞煲同打邊爐任食之外，竟然有豬手煲、牛尾煲、烤魚，全部嘢都係任食！我本身就比較細食，淨係試咗雞煲同埋打邊爐雞煲有幾個辣度揀，就算食完第一次加煲都可以轉辣度，呢樣我係覺得幾貼心嘅，上到枱店員仲會將個雞煲快手兜一兜，令到個雞煲整體更加惹味。另外嗰幾樣我就冇食，因為想放多啲quota喺打邊爐，不過以我所知佢哋嘅烤魚都做得好好味，有兩種魚可以揀，重點係可以任食，幾個朋友或者大食嘅都可以嚟挑戰吓！湯底我哋就揀咗胡椒豬肚雞湯，睇色澤就知道幾濃味。呢度最高質嘅係牛肉，幾款都好值得encore，安格斯封門柳、牛板腱，兩款都好好味！其他重點推點推介有牛栢葉，新鮮海蝦，蜆。自助區、飲品區同雪糕區都有好多選擇添~ 比較特別嘅仲有好少見到放題類打邊爐嘅醬料係每台都有自己一set，非常企理乾淨

餐廳推出的任你魚肉烤魚套餐，可任食二鍋頭野味雞煲、秘製火焰牛尾煲、豬手煲……等，尖沙咀店平日至周四的烤魚雞煲火鍋放題套餐免費升級至無限時。精選牛肉，包括汽水及指定啤酒，性價比高，物超所值。超過80款食物選擇。套餐中的無限量任食新推出4款口味烤魚，香辣、麻辣、蒜香、醬香，滿足不同口味需求。麻辣雞煲，口感肉質鮮嫩，湯汁濃郁，麻辣鮮香，辣而不烈。秘製火焰牛尾煲，牛尾酥軟，酒香醇厚，秘制香料，微辣滋味，膠質豐富，麻辣刺激。鴛鴦鍋，川椒麻辣鴨血鍋辣而不燥，鴨血嫩滑﹔懷舊沙嗲鍋香濃微辣，回味無窮。牛板腱肉質緊實，口感細膩。本地鮮滑牛肉質新鮮滑嫩，風味獨特。牛柏葉質地脆嫩，略帶嚼勁。紐西蘭羊捲肉羊肉卷薄而均勻，肉質鮮美。脆鯇魚腩魚肉細膩，口感層次分明。青口、活海蜆、帆立貝新鮮，肉質飽滿，鮮美無比。活海蝦蝦肉緊實，涮后更加鮮甜。精致的甜品，甜蜜滋味在舌尖融化，為晚餐畫上圓滿句號。

依間放題真係好抵食❗️好易食到回本，唔推唔得❗️🐟🥘 $298 烤魚雞煲牛尾鍋豬手煲火鍋，任飲任食，質素完全唔hea✅戰鬥力強可以由1700-2400食足七個鐘都冇問題😎 上星期趁台灣fd返香港，大家都冇諗過竟然食物質素都咁高質💚 雞煲香辣好入味，肉質幾嫩💜 火焰牛尾煲，會係你面前落玫瑰露酒再炒香，食起淡淡酒香🧡 豬手煲黑椒汁比較濃稠，係重口味之選💛 烤魚二款都係原條上，有幾款口味揀，香辣程度都比較溫柔，而肉質大條厚身，外皮煎得香脆，記得食左魚皮先當每款菜式試晒基本已經八成飽😂 但真係會忍唔住試埋火鍋，無諗過湯底幾驚豔叫咗沙嗲同蕃茄薯仔，兩款都好香濃，前者仲有花生醬香味，想飲啖暖胃叫後者就啱曬啦😋火鍋配料更有啲丸類仲台灣直送，出面未見過😆特別想講，豆腐好濃豆味一定要試😍

講到打邊爐，就梗係不得不提呢間二鍋頭啦！佢打邊爐之前，有得選擇四款唔同嘅煲任食，我今次就首先叫咗佢嘅牛尾煲，雞煲同埋清江魚烤魚。職員喺你面前燒過牛尾，所以非常之靚，好好睇！而清肝烤魚佢嘅肉質鮮嫩，骨比較少 所以我都幾鍾意食呢一個，不過要煮耐少少先會入味啲！所以大家就唔好咁心急就食啦！去到打邊爐方面，佢亦都好闊綽，海鮮牛肉都可以繼續任嗌，菜同魚皮或者嘅就可以喺出邊拎，不過個人覺得美中不足嘅係，佢嘅魚皮放喺出邊俾人任拎，所以放得有啲耐。

🦥烤魚雞煲火鍋放題套餐無限量任食新推出4款口味烤魚🐟再加雞煲，牛尾煲，豬手煲任食，食完仲可以打邊爐😳呢間餐廳簡直係懶人恩物，晚市無限時，成晚慢慢傾計食嘢都可以😌打邊爐嘅基本配料都齊晒，仲有飲品同甜品無限量供應為咗留肚食火鍋正係試咗雞煲同豬手，睇黎要黎多幾次先試得灑雖然雞煲係其中一款食物，但係調味一啲都唔馬虎，醬汁惹味令人有想再食嘅衝動🐔另外值得一提店員非常有禮貌，少數見放題店有咁耐心嘅店員🌲🌲🌲🌲🌲🌲🌲🌲🌼懶好食指數：4.6/5🌼懶住去指數：4.7/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

依間打邊爐嘅性價比，係我食過咁多間打邊爐之中，性價比最高嘅，因為佢有得任食烤魚，牛尾煲，豬手，雞煲同埋打邊爐。選擇豐富到勁誇張，而且佢哋嘅味道都唔錯，顏值亦都好適合打卡，特別係佢嘅牛尾煲。會喺你面前倒咗啲酒去燒住佢，佢可以影住啲火光，真係勁靚！而且加咗酒之後，酒味可以掩蓋牛嘅臊味，所以牛尾食落甜甜地，幾好食🥰🥰而且呢一啲嘅煲係都有得揀辣同唔辣，所以就算唔鍾意食辣嘅人，都可以食得好開心。打邊爐方面亦都有得揀鴛鴦湯底，個人比較鍾意芫荽皮蛋湯，佢哋啲肉都可以飲嗌，只要掃個QR code就有，如果想食其他嘅話就要出去拎！

呢間係🚇旺角嘅人氣火鍋放題店地點📍方便，又大又闊落，仲周不時會有唔同嘅🤩新搞作，令人好有新鮮感。今期推出咗任你魚肉🥢放題，有二鍋頭三寶煲🍲、四款風味烤魚🐟同埋鴛鴦湯底火鍋，全部可以任食足三個鐘，如果日至四晚☺️來幫襯仲會升級到無限時食到十二點！自助區💪有多款火鍋配料、🥬蔬菜、飲品亦包括有罐裝啤酒🍺同埋雪糕無限量供應，👍好多完化。二鍋頭三寶煲分別係惹味🐓雞煲、黑椒豬手煲同埋火焰🔥牛尾煲，我尤其鍾意火焰🐂牛尾煲，一來佢落烈酒點火勁👀吸睛，二來牛尾超腍勁🤤入味，而且仲有少少🥃酒香好惹味！烤魚有麻辣、香辣🌶️、酸辣同埋醬香四款口味，亦可以選擇🐟海鱸魚或者清江魚。我哋今次就😍揀咗麻辣清江魚，肉質細膩無乜骨😎，而且油脂豐盈十分肥美！基本上我哋兩個人食完🔥火焰牛尾煲同埋烤魚🐟已經十分之飽，已經食唔落🍲火鍋，所以呢個餐建議四人或以上😊來就可以試多啲唔同款嘢食啦。最後🍮甜品方面，佢哋就主打雪糕🍨同埋雪條，而且款式亦都唔少，最特別嘅係有🍿焦糖爆谷味同埋港式奶茶味，🥰啱晒我嘅口味！

喺旺角行完街，時間尚早，決定搵一間邊爐可以慢慢食，就去到新之城對面嗰間叫二鍋頭邊爐。由於當時只係5:00 ，舖頭未有好多人，但係環境都非常之闊落同舒服，入邊嘅員工都非常之好客，去親自詳細咁介紹餐廳嘅套餐。而我就選擇咗最新推出嘅任食三款鍋底再加打邊爐，一人仲可以食足3小時，而星期一至日都有。咩叫食足三種鍋底我當時睇到都有個疑問，原來當中包括黑椒豬手、惹味雞煲、火焰牛尾煲、烤魚，四款煲都可以任食，以食完四款煲後，仲可以自選一款鍋底，再打邊爐，打邊爐食材都好多選擇，不但可以QR code落單，包括肉類海鮮類等等，仲有一啲食材較昂貴嘅食物可以自費加選，而且亦有不少酒類飲品可挑選。此外，餐廳亦有食物吧枱可以俾我哋任拎任食，當中包括不少丸類、蔬菜、菇類等等。而且有好多款飲品可以免費飲。最後亦有雪糕雪條可以食用。所以價錢非常之抵😋😋當我落單嘅時候，我都有啲擔心，驚叫咗其中一款煲份量太多，然之後咩都食唔到，但估唔到舖頭好細心，可以每一款煲嘅份量減半，而每款都可以試下。不過值得留意嘅係，魚煲係一條魚咁上，份量冇得減半。咁我首先叫咗最想食嘅黑椒豬手煲，嚟到嘅時候黑椒味非常濃郁，每一舊豬手都非常有肉，而且濃

有咩正得過有得食雞煲之餘仲可以轉湯底打邊爐任食😛二重奏～首先可以要豬手煲/雞煲/牛尾煲其實之前幫襯過尖沙咀店 個豬手好惹味不過兩個人食有啲吃力 食晒就食唔到其他嘢雞煲比較容易處理～雞煲可以揀辣度 點咗小辣食落都夠晒香麻香味足 而且有大量芫荽之後就可以揀湯底打邊爐 點咗胡椒豬肚雞湯 胡椒粒粒已經爆開晒啲香味完全落晒個湯度 而且仲放咗少少酸菜食落勁開胃自助櫃有丸、蔬菜、豆品類嘅火鍋配料當然唔少得有出前一丁、響鈴、炸魚皮啦想食海鮮同肉類就可以用QR code落單啲海蝦同埋蜆超級新鮮呀食肉獸就記住點安格斯牛板腱、豬肉片等肉類而且店家仲會有suggested烹調時間最近仲推出左新餐，有埋烤魚可以任飲任食3小時㗎！多款式嘅飲品 食完慢慢吹水都冇問題！

👦🏻👧🏻嚟到旺角食二鍋頭嘅「烤魚雞煲火鍋放題」，有雞煲、豬手煲、牛尾煲任食，食完之後可以轉食烤魚，跟住再轉食打邊爐，火鍋配料仲有好多選擇添！出面自助區可以任拎蔬菜、丸類、飲品同雪糕。星期日至四成人$298，星期五六日$338，有咁多嘢食同雞煲烤魚質素高，性價比相當唔錯！🐤二鍋頭惹味雞煲有大辣、中辣、小辣同唔辣揀。我地叫咗唔辣，上枱時店員會先炒幾下，雞肉炒得好香口，就算係雞胸肉都好嫩滑入味，醬汁惹味，做得幾出色👍🏻🐟海鱸魚魚可以選擇海鱸魚或者清江魚，而味道方面可以選擇麻辣味、香辣味、酸辣味同醬香味（唔辣）。海鱸魚大大條魚肉份量多，煎過嘅魚皮有香脆感，而浸咗湯之後嘅魚皮會變得有煙靭感。魚肉潔白肥嫩，醬香味好惹味，醬汁煮得越滾令魚肉越入味！仲有蓮藕、豆卜同豆皮係底到吸湯，吸收晒魚肉嘅精華！🍲湯底有10款湯底選擇，因為雞煲同烤魚比較濃味，所以湯底我哋揀咗比較清啲嘅蕃茄薯仔湯，估唔到有驚喜！蕃茄味非常香濃，配肉類都無咁膩。✨火鍋配料推介✨🐮安格斯牛版腱呢個食完一定要encore，一碟有三大片，切得有厚度，食落肉味濃厚同有口感。🐷西班牙豬梅肉豬肉片油花分佈均勻，肉質軟腍，唔會好肥。💦活海蜆粒粒都洗