二撇雞

營業中

休息中

吊你癮小鍋 $66呢個小鍋湯底偏向甜味，真係有少少吊癮嘅感覺，飲完一啖就想繼續飲🤣🤣🤣用app落單個陣唔小心禁咗米粉，個湯底飲多幾啖就覺得有啲咸，如果叫米線吸少啲湯會好食好多。小鍋好足料，有雞肉、魚腐、蟹柳、冬菇、豆卜……好正花膠雞濃湯$69呢個湯有啲啲失望，有少少似濃湯寶個隻味，同唔夠濃味，較淡。🙉🙉不過佢個雞好滑！😆😆😆加翻啲分失傳已久的豬扒$28豬扒炸得香口，但係又唔係好特別🤔🤔

二撇雞絕對係我觀塘lunch嘅口袋名單頭三位！今日又過去食lunch,今次唔算排咗好耐15分鐘左右就入得去黃酒藥膳雞米線😋😋必點！湯底十分香濃，真材實料無味精，每次食都忍唔住飲晒啲湯。呢道嘅米線煙煙韌韌，有彈性，配合埋一齊食好好味！花膠雞濃湯米線湯底清甜，有三大舊花膠，再配一碟切雞，雞件十分嫩滑而且好有雞味👍🏻每次一定要嗌嘅紅油抄手，大大粒再配埋惹味醬汁😋😋價錢十分合理，如果要彈唯一缺點就係成日都好多人😂但呢間絕對值得我排隊嚟食👍🏻

駱駝漆第一雞米👍嫩滑雞件，米線彈口，醇厚藥膳黃酒湯底🫶！・・・・・・・・・・・・・・・・・・・・🍜 黃酒藥膳雞米線 HK$59・味道：雞件嫩到一個點，唔明點解浸住熱湯食到最尾都係咁嫩🤩份量都好多！湯底好掂，一入口係一浸藥膳甘甜香唔苦，然後淡淡酒味隨後散發，平衛得好好～・口感：湯底好light唔會感覺好補好重身，米線幼身但好彈牙，彈過啲正常粗度嘅米線添，本波大喜🫶🐷 失傳已久的豬扒 HK$28・味道：呢個就普通，醃得夠入味但冇咩特別。個脆皮似係炸芋角嘅皮，少有用呢種炸皮配豬扒，幾特別的。・口感：唔係乾/柴，但未叫juicy。正常，可食可不食～・・・・・・・・・・・・・・・・・・・・🤰性價比：高～🤰9衝度：9衝～🤰結論：多謝波友嘅推薦，當日去雖然都要排隊但都好快，大概5-10分鐘入得。值得排隊一食👍！ ・・・・・・・・・・・・・・・・・・・・

📍 二撇雞 ——————————————————🍜｜ 黃酒藥膳雞米線💰59——————————————————個湯底好香黃酒味好鮮甜 米線好煙韌雞肉幾嫩滑完全唔痴牙 而且好多雞件飲完食完完全唔會口渴 好有料——————————————————🐣性價比： 8.5/10🫨回頭率： 9/10👅味道： 8/10——————————————————地址：觀塘開源道60號駱駝漆大廈第3座4樓O室

作為一個米線控🍜減肥期間成日都想食米線 但係麻辣又好油😫清湯又太寡～終於終於比我搵到呢間減肥都食到🤤仲要好滿足嘅米線～不過呢間小店門口長期都有條人龍 小編嗰日等咗15分鐘 大家記得預留返時間去啦🫶🏻🍜黃酒藥膳雞米線 $59 呢度每一款湯底都可以揀米線、米粉或者上海麵。試咗米線，幾爽口彈牙。但係最驚喜嘅一定係佢啖湯，飲落去好濃酒味同藥材味，仲帶有一陣甜味🤤湯底亦好足料，除咗有雞，仲有杞子、紅棗、腐皮及蟲草花，每樣配料都好出味，雞件亦係無骨好嫩滑，啱哂懶人一族。食完走個刻成身暖笠笠，冬天一定會返嚟再食過！❄️(P.S. ✨減肥人士就記得走咗入邊啲腐皮啦～好高卡架)味道: 8.9/10CP值: 8.7/10🍜花膠雞濃湯米線 $69呢款米線對比黃酒雞米線就冇咁驚喜啦🤔，湯底清甜，可惜冇想像中咁濃。湯底入邊有腐竹、雲耳、杞子，呢兩件花膠軟腍。呢款嘅雞係另上嘅，雞件唔算嫩滑，亦冇上一款嘅雞件咁入味同咁多。不過成個米線食落去都配合得幾好，表現中規中矩。味道: 6.9/10CP值: 8.4/10📍二撇雞觀塘開源道60號駱駝漆大廈三期4樓O室想了解更多有關減肥食譜同美食分享，就記得like同comment

好彩我好早少少六點幾去入座，遲多半個鐘都冇位要等位入，雲吞好大粒又足料，每粒都有三大隻蝦，舊花膠都好大塊，個湯又好味唔淡，連叫個菜都有湯飲，炸豬扒就等得比較耐，但值得等，好脆卜卜的，會再去😋

觀塘🇭🇰 米線關注組 養生之選✨觀塘名物🤩 應該住觀塘區/係觀塘返工嘅人無人唔識！好味又抵食😛 建議大家lunch去因為湯底會賣晒～ 但lunch超多人排隊🫨 可以早啲去避開排隊時間.🔸生滾花膠雲吞雞 $𝟖𝟖原本想食花膠雞濃湯但當晚好晏去所以無晒 就試下佢個生滾花膠雞～ 好大碗 個湯清清地帶甜味 重口味人士可能會覺得較淡💁🏻‍♀️ 啲雞無骨好嫩滑😚 花膠都唔吝嗇 有3-4塊 .🔸黃酒藥膳雞 $𝟓𝟗呢個係第一好食 個湯我可以飲晒😙 一黎已經聞到黃酒香味 配埋蟲草花 杞子 紅棗 木耳 啲雞件都索晒黃酒嘅香味～.🔸失傳已久的豬扒 $𝟐𝟖薄身炸豬扒 熱辣辣新鮮炸起都好脆 肉質鮮嫩多汁🥩.🔸紅油抄手 $𝟐𝟒超大粒雲吞 皮薄餡靚 好足料食落啖啖肉同蝦 配埋辣油更加香 又唔會好辣👍🏻.📍二撇雞🗺️觀塘開源道60號駱駝漆大廈第3座4樓O室..#mytaste_觀塘#mytaste_米線

- 黃酒藥膳雞米線⁵⁹黃酒味好香，食落酒味唔會好重，唔使擔心食完會有醉意。湯底材料相當足料，有紅棗、杞子、木耳，蟲草花等等，細食嘅分分鐘食湯底材料都夠飽。由於我非常欣賞佢哋嘅湯底，所以我加配咗竹笙，吸晒湯底嘅酒香一齊食，真係好好味。而雞肉份量好多，肉質嫩滑入味。食飽後成個人暖笠笠，冬天嚟食一流。- 紅油抄手²⁴紅油抄手大大粒，啖啖肉好足料，味道偏甜帶點微微辣味，加上蔥花同蒜油相當香口非常惹味，同行唔食辣嘅朋友都接受到嘅辣度。

在觀塘處理完事務後，去了妹妹提議的二撇雞醫肚。雖然已是接近3pm的下午茶時間，而且沒有特價下午茶餐之類，但店內還是多客人的狀態，幸好剛好有枱才不用等位。話明二撇雞，主食主打都是有雞的粉麵飯類，還有大約10款小食供應。花膠雞濃湯米線，除了米線，也可選擇米粉或者加$3選上海麵。雖說是濃湯米線，實質是一碗好清淡，幾近無油，以及無味精的雞湯米線。配料有花膠、木耳、腐竹及杞子，都是健康養生食品之選。雞件另上，份量足，而且雞肉好嫩滑！偏重口味者或會覺得這款米線有點淡。黃酒藥膳雞米線，一上桌那陣黃酒香已撲鼻！配料有雞件、蟲草花、木耳、紅棗及杞子，夠滋補！湯底的酒味香甜濃郁，雞件雖沒那麼嫩滑，但吸收了黃酒香，很好吃，米線湯都被喝清光～～～香炸腐皮魚角，外層腐皮炸得夠香脆，魚角又香又彈牙！失傳已久的豬扒，一塊薄身的炸豬扒，內裡肉質仍然鬆軟並帶有肉汁，帶微微的甜味，好味～～不論是米線或小食，食物味道都令我們感到滿意，唯一就是花膠雞濃湯米線對我們而言是稍為偏淡，籲愛吃濃味食物人士不選這款或會比較合適。

時常經過二撇雞的門口卻從來不知道內部裝修得如此簡單潔淨，也不知道此食店售賣的是什麼食品，直至讀到食評，才決定光顧。QR code 點餐，十分方便，可以慢慢選擇。衝着花膠而來，因此選了花膠雞濃湯配菜底。雖然不能與自家烹調的雞湯相比，但湯底熬得確實不錯，雞也處理得很好，肉質軟滑有油香，以娃娃菜代替米綫也是不二之選，娃娃菜吸滿湯汁很清甜，比較失色的是花膠偏細與尋常魚鰾無異，但以價錢而言，絕無投訴。隔天本來打算與朋友再來光顧，可惜駱駝漆大廈三座的食肆大部份因為牌照問題沒有開門，希望稍後問題可以解決，有機會再品嚐其他食物。

又失蹤左一排。。呢排太多野做。。跟本都分身唔到🤦🏼‍♀️今日返工日去食左個靚麵先。。平日嘅食飯時間好多人排緊。。我到2點去都有條人龍係度。。我主要係想食佢啲面。。因為佢啲湯麵個湯底係好足料‼️全部都係藥膳補身嘅湯底👍🏼👍🏼女仔係要補下嘅😏我當然嗌咗個花膠湯底人食啦😁😁平時我叫湯麵係唔會飲嗰啲湯底嘅。。但佢呢個湯底我係飲晒😋😋我本身都好想嗌多幾個小食食下。。但佢個湯麵嚟到嘅時候就已經覺得食唔晒。。所以我就係叫做一過嚟試吓。。而朋友嗌嗰碗藥膳雞湯麵。。都好出色。。一聽個名以為佢好有藥材嘅味道。。但原來唔係㗎喎。。我都充滿着好濃嘅湯底味。。藥材嘅味唔會太重。。入口就好清新。。唔算好腬。。想食嘅你哋。。一係早啲去排隊，一係就早啲去啦。。..🍗畢生難忘炸雞翼🍜花膠雞濃湯🍜黃酒藥膳雞..📍 二撇雞 (觀塘)觀塘開源道60號駱駝漆大廈第3座4樓O室..@brotherchickenhk..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coff

星期五收工係觀塘做完運動，就係附近覓食～就嚟咗之前bookmark好耐嘅二撇雞，去到門口已經有人龍排隊，但人流都去得好快，排咗一陣就有位～本身想嗌花膠雞米線但去到已經賣哂 轉戰生滾花膠雲吞雞米線🍜碗米線有好多料，包括有三塊花膠、三隻勁大嘅雲吞、冇骨雞食極都有同埋蟲草花&雲耳/木耳？湯底清，食完成個麵再飲似飲緊屋企煲嘅湯，花膠軟林林有淡淡嘅花膠味；雲吞係勁大件，唔似平時食嘅雲吞，餡係比較實淨嘅肉餡包住兩隻蝦，味道一啲都唔會腥，好大隻食埋啲米線好快飽🤣雞件雖然浸住湯上但唔會話煮好到好嚡口，口感依然好好👍🏼讚呢另外仲嗌咗畢生難忘炸雞翼，同一粒溏心蛋🥚炸雞翼好似我自己屋企平時炸嘅雞翼，好香脆而又唔乾；溏心蛋係酒漬，好重酒味，少少苦，我個人唔係好鍾意，但好流心！

湯夠熱！ 湯好飲！ 但平日下午比較多人的觀塘小數好食的米線最鐘意食佢個藥膳米線Good staff Good food !A good choice for Take away! Pls have a try

之前因為人手問題 二撇雞暫停左了晚市一段時間 朋友於駱駝漆見到二撇雞回復晚市了 即刻分享了呢個好消息 相約再次回訪吊你癮小鍋上海麵 $69小店主打無味精 即使酸辣湯底十分濃郁 飲完不會有口渴的感覺 配料多 有雞件 雲吞 冬菇 魚片頭 豆卜 上海麵不會太軟身 推薦給喜歡濃郁口味的大家生滾花膠雲吞雞米線配凍檸茶 $88 + $7花膠雞湯底養顏滋補 味道鮮甜 令人不停想飲湯 加上大量雞件和雲吞 十分滿足 配料方面雞件無骨 肉質滑身 雲吞足料大大粒 可以食到啖啖蝦仁 米線方面 一如以往滑身 軟硬剛剛好 味道保持到一貫水準 失傳已久的豬扒 $28有骨豬扒有一定厚度 上菜時已經切開了 方便食用 比起上一次光顧 覺得豬扒有少少退步了 同上一次一樣豬扒脆漿薄身 調味亦入味 外皮仍然脆身 可惜豬扒中間有點乾身及瘦 油炸火喉有點退步 豬扒邊邊位較出色 畢生難忘炸雞翼 $24雞翼比豬扒更出色 與豬扒一樣 脆漿薄身 香口鬆脆 但咬開更多肉汁 油炸火喉同調味控制得剛剛好更滋味 更值得一試小店雖然只有簡約裝潢 但食物味道出色 值得一試 希望下一次豬扒可能回復水準

😋味道　：8.0 / 10💰性價比：8.0 / 10💕回頭　：7.5 / 10🍴 花膠雞濃湯米線 - $69🍴 黃酒藥膳雞 - $59🍴 失傳已久的豬扒 - $28🍴 檸茶 (跟餐) - $7