二撇雞

營業中

休息中

駱駝漆隱藏工廠美食🤪米線控一定唔可以錯過之 成碗湯都可以飲晒嘅米線🥰喺觀塘返工已經翻兜過無限次！個湯飲得好舒服，可以清底都唔覺口渴！米線都好滑🤤隻雞好滑，連皮食正！佢哋啲小食都好出色！食咗咁多次，已經食晒佢哋嘅小食！新出咗個熔岩凍豆腐，豆腐好滑，重點係凍肉汁，啲味啱啱好！藍色碟係紅油抄手，巨型大粒！紅色碟係腐皮魚角，脆口魚肉又滑，一食停唔到口🥰PS:佢哋個黃酒藥膳都好味㗎🤤

之前閒日夜晚黎摸門釘，貼左紙話人手不足暫停晚市，唔知依家係咪都仲係咁🥲揀左禮拜六晏晝兩點再戰，有條長長既人龍，但流動率都高，排左二十分鐘到😳▪️ 花膠雞濃湯米線 💲69標榜養顏健康無味精，湯底呈奶白色，有花膠、腐皮、雲耳、杞子，飲落幾清同舒服，都無咩雞油，但同時缺乏雞味，講唔上係濃湯，呢個位同預期中有少少出入🫣雞件會係另上，賣相似海南雞，雞皮幾爽滑，肉質都算嫩滑，但味道略鹹🐔最值得一讚既係，米線幼身得黎，非常煙韌好有咬口，如果下次黎應該會試其他湯底🫢🔎 整體評分（7/10）

觀塘駱駝漆出名多食店，今期最新有呢間主打無味精雞湯米線的餐廳，即刻去試味先！黃酒藥膳雞米線 $59雖然試唔到最想食的生滾花膠雲吞雞，但呢款黃酒藥膳雞米線都令我覺得甚有驚喜。好多人都好怕藥膳湯的藥材味太濃，呢度的藥膳湯比較溫和，香香的藥材味，有種滋補的感覺，不致太衝擊；花雕酒味香而不濃，令米線湯底帶少許甜味。雞肉嫩滑之餘，仲帶淡淡的藥膳湯味，而且分量十足，超讚！花膠雞濃湯米線 $69好欣賞大廚將雞肉另外上碟，而不會擺埋喺米線上面，花膠濃湯不會因雞油浮面而變得油淋淋，而雞肉亦不會因濃湯的熱度以致過熟、變韌。失傳已久的豬扒 $28外層薄薄的粉漿帶點微脆感，而且豬扒肉質依然保持juicy，難怪個名咁犀利啦！香炸腐皮魚角 $24鯪魚肉以腐皮包裹再炸，味道正常，不失為一個小食choice。手機自助下單，no problem！

店如其名，主打鷄，星期日休息，想食嘅要留意。包括大熱黃酒藥饍雞/花膠鷄濃湯。食過覺得番尋味，今晚去要排隊，人龍都有成十幾個，好彩最後唔駛等好耐就有位。上次試過黃酒藥饍雞米粉，今次就轉第二款，胡椒濃湯雞米粉 ($59)，相當大碗。最期待嘅時刻當然係飲頭啖湯，想講嘅係胡椒味相當濃，亦見到粒粒胡椒係湯內，比起胡椒豬肚湯，呢啖黎得辣中帶甜味。飲完個人好舒服，飲咗佢差唔多半碗 (無味精)，搞到D米粉最後係食唔晒嘅。 鷄肉量亦唔多客氣，啖啖肉，可能索咗湯嘅甜味，嫩滑之餘亦夠味道; 仲有少少木耳作配菜。仲有小食提供，叫客”失傳已久的豬扒” ($28)，帶點厚度嘅有骨豬扒，煎好就切開幾件，方便易食。熱度十足，外面帶少少鬆脆，肉質相當鬆化，醃得相當入味，帶少少微甜，用黎送湯米正呀。

今晚八點幾朋友推介去駱駝漆食米線😍一去到已經好多人，好彩都有位，門面亦都好乾淨服務姨姨態度非常好🫶🏻自己用code落單，非常方便見到餐單裏邊有個吊你癮小鍋即刻好想試裏面配料勁多，係酸辣湯底但又唔會好難啱晒我只係接受到少少辣嘅朋友配料裏面有冬菇蟹柳豆卜肉碎雲吞雞肉酸菜等等非常足料✨值得一讚湯底都非常濃味🥰一食已經滿意另外朋友叫咗個藥膳雞米線🍜😀都有十個讚呀💖 好好食😋性價比都非常高❣️ 米線真係會食上癮下次要再去食🥰

🔔撳入#myfoodiefoodie觀塘 follow更多有關銅鑼灣既好野食啦!🔔今次介紹已經幫襯過好多次嘅二撇雞! 仲要好近地鐵站同Apm🥸 除左招牌吊你癮米線，仲有其他都好推薦，性價比幾高🤝🏼 沙薑雞米線 $54米線同雞係分開上，啲雞肉質好嫩滑，味道好夠，沙薑味好出好足，不過就咁食雞就咸左啲，要搭埋個米線好啲👌🏻米線清湯底好清，同沙薑雞好搭岩岩好，米線口感好滑同煙韌😭鮮茄濃湯肥牛米線 $53身為蕃茄湯愛好者，食過一次之後，就淨係嗌呢個😂! 蕃茄新鮮，啲牛雖然係打邊爐肥牛，但係真係一啲都吾失色，質素幾好🫡湯底蕃茄味好出同夠，佢加左洋蔥吊味，令到個湯底好甜😍味道: 8/10環境: 7/10服務: 8/10人均: $60-90#myfoodiefoodie #myfoodiefoodie觀塘#hkfoodie #hkfoodieblogger #hkfoodierecommendation #香港美食指南 #香港美食日記 #香港美食分享 #香港美食推薦

呢間位於觀塘駱駝漆大廈嘅二撇雞，雞湯米線絕對係世一，食過一定會上癮!🤤 營業時間只開11am - 4pm，無論幾點去都長期滿座要排隊，必須人齊先可以入座。📌黃酒藥膳雞米線黃酒藥膳雞米線絕對係世一，必食! 湯底十分足料，有紅棗、杞子、木耳、蟲草花，大大件雞肉。一上枱已經聞到好香黃酒味，食落黃酒同雞湯味道啱啱好，唔會其中一樣太濃。食米線好少會連湯清埋，呢個湯勁養生，飲完個人成身暖哂!😍📌吊你癮小鍋米線除左雞湯出色，呢個吊你癮小鍋米線亦十分推介! 湯底辣度雖然冇得揀，但酸辣度啱啱好，略帶少少甜味，就算平時唔食辣嘅朋友都可以接受到，湯底會比較濃稠少少，米線超掛湯。小鍋米線配料十分豐富，有肉碎、韭菜、酸菜、雞肉、蟹柳、豆卜、冬菇、雲吞同埋炸魚角，食完真係超級滿足!😋

上次試完海南雞，今次試人氣藥膳雞米線～🌸黃酒藥膳雞米線｜$59湯底勁香酒味😍好清甜。如果怕酒味太重可以要求「少酒」。配料有紅棗片、雲耳、杞子、腐皮、蟲草花、其他藥材。大約有6件雞件，全部都去左皮，肉質未到好嫩滑但絕對唔鞋，雞味香濃，食完真系有種好滋補既感覺。————————————————————— #hkfood #hongkong #推介 #花膠雞米線 #米線 #米線關注組 #觀塘美食 #駱駝漆美食 #駱駝漆大廈 #海南雞 #海南雞飯

✨ 二撇雞 ( ू•‧̫•ू⑅)⁡小編特別喜歡吃米線觀塘區不少米線鋪都食過呢間上次特意去才發現不開晚市今日有幸哋排咗廿分鐘就食到⁡🎀 <花膠雞濃湯米線>𝚁𝚊𝚝𝚒𝚗𝚐: 𝟾/𝟷𝟶⁡雞肉是海南雞有驚喜肉質嫩滑 和湯米線分開上雞肉無骨花膠幾大塊有兩件另有杞子，雲耳，腐皮湯底清清哋飲得出無味精好健康⁡🎀 <生滾花膠雲吞雞米線>𝚁𝚊𝚝𝚒𝚗𝚐: 𝟿/𝟷𝟶⁡整碗米線份量很多湯底同花膠雞米線一樣配料差不多最大分別是雞件和雲吞雞件係滑雞無骨雲吞有三粒大得誇張每粒四隻蝦仁一口都食唔唒成隻雲吞⁡⁡🎀 <失傳已久豬扒>𝚁𝚊𝚝𝚒𝚗𝚐: 𝟾/𝟷𝟶⁡豬扒大大塊大過手掌炸得肉質幾軟諗外皮香脆幾好吃惟沒有很大驚喜但share吃真的蠻不錯⁡整體評分：😋 味道: 9/10💰價錢: 二人人均約$80⁡*☼*―――*☼*―――*☼*―――*☼*―――*☼*💖 二撇雞 📍觀塘開源道60號駱駝漆大廈第3座4樓O室📞(852) 5129 2929⁡ ⁡⁡⁡ ⁡⁡

米線控又出動🫡強烈推薦大家去養生～無論湯底、麵質、雞肉嫩滑程度都高質☝🏻建議大家中午去因為湯底會賣完🫨小編大概1230去排隊等左半個鐘到～Bar枱照入😋1️⃣黃酒藥膳雞米線 $59推薦鍾意藥膳嘅朋友🙌🏻黎到就聞到濃烈酒香味，湯底有大量蟲草花、紅棗、杞子同黨參😖好養生🐓雞柳肉份量頗多食落十分嫩滑～米線幼身好爽口彈牙！依個價錢超值！2️⃣花膠雞濃湯 $69 轉上海麵+$3依款雞濃湯望落奶白色一啲都唔油🥰成碗飲完都唔口渴，雞湯唔係好濃但好清甜配花膠、杞子、木耳同腐竹感覺好滋潤～轉左上海麵都好夾～麵份量幾多軟硬度剛好，雞身肉質鮮嫩好滑～如果多少少雞就perfect🤣3️⃣失傳已久的豬扒 $28💯推薦豬扒成隻手掌✋🏻甘大份～無骨😨趁熱食外酥脆內軟肉質彈牙好juicy😚超正！4️⃣紅油抄手 $24紅油抄手大大粒😍外皮薄食落啖啖肉餡料豐富～有好多肉汁配辣油偏甜唔太辣～唔錯👍🏻5️⃣無糖豆漿 $9有低糖同無糖選擇～揀左無糖諗住健康啲🤭飲落豆味唔算好濃味道正常～無太大驚喜

好耐無食嘅二撇雞🐣記得啱啱開果陣同同事食過，無耐出曬名，lunch要排到癲就再無食過今日嗌左招牌海南雞飯（$57）、重慶口水雞例牌（$45）同麻辣擔擔麵（$43），嘢飲有凍檸茶（+$7）同無糖豆漿（+$9）海南雞幾滑，個醬好味，份量普通，個飯就唔夠油香🥹最搞笑係嗌左少飯都係上左完整份量搞到食太飽，上菜果陣疑似老闆仲要話以為係男朋友嗌，因為飯通常男仔嗌個口水雞就份量普通，味道幾好不過個醬唔係麻辣醬，而係豆豉醬擔擔麵幾出色，好濃花生味，個麵好煙靭無會太淋雞飯配個湯幾好飲，無乜味精，熱飲好香，凍左就小鹹個裝修同野食完全唔match，一間扮地中海希臘風但食中式雞嘅鋪頭都係一個記憶點🤣美味指數：❤️‍🔥❤️‍🔥❤️‍🔥❤️‍🔥抵食指數：❤️‍🔥❤️‍🔥❤️‍🔥❤️‍🔥覆桌指數：❤️‍🔥❤️‍🔥❤️‍🔥❤️‍🔥

呢間絕對係我喜愛餐廳之一，已經食過無數次，佢地既藥膳湯底係真材實料，大推！黃酒藥膳雞米線 $59呢間既黃酒藥膳雞米線真係大愛！花雕酒雞就經常見到，但係黃酒雞就絕少有！材料有紅棗、杞子、木耳、蟲草花，當然仲有黃酒，仲有好多好多雞肉，完全係真材實料。一上枱已經聞到好香，酒味唔會好重，絕對係接受到既味道，食完成個人暖笠笠，好滿足☺️胡椒濃湯雞米線 $59睇個湯白雪雪，其實胡椒味十足，一樣用不同既養生材料去煲個湯底，杞子、蟲草花等等，而且雞肉都好滑👍🏻紅油炒手 $24大大粒，好足料，味道偏甜，怕辣既朋友都絕對食到

駱駝漆又發掘到一間好嘢！朋友介紹嚟既😉朋友話4點就無嘢食了，咁啱我吔要食lunch嗰時3點，即刻搭上4樓睇下有無機會食。幾乎要等位，差不多full house，好強的小店喔！黃酒藥膳雞湯米線雞湯很濃，有酒香但不會過重。雞件很多，就算無骨，雞肉部分都唔鞋，份量足！配合蟲草花，紅棗等等。很滋味的一個lunchPS: 米線是比較幼身有咬口，唔似坊間米線舖嗰啲，不錯👌🏻$66 但無嘢飲跟，略嫌少貴。因為無下午茶選項。但小店用心煮面/飯，很值得支持。

經常都大排長龍既二撇雞，個個都食佢個黃酒雞米線，我就想試下佢個海南雞飯😝🌸招牌海南雞飯｜$57雞件份量多，肥瘦比例均勻，食落雞皮爽彈，雞肉唔鞋，雞味濃郁。油飯顏色雖然好淺，估唔到好重雞油香味仲有淡淡既椰香味～粒粒分明軟硬適中。醬油微辣，配雞好惹味。跟配既湯系雞濃湯，仲有啲杞子系入面，味道滑順又暖胃👍🏻#香港美食 #美食 #美食推介 #foodie #hkfoodie #食好西 #hkfood #hongkong #推介 #花膠雞米線 #米線 #米線關注組 #觀塘美食 #駱駝漆美食 #駱駝漆大廈 #海南雞 #海南雞飯

友人介紹左好多次今日決定試一試叫左花膠雲吞雞米線米線送上 急不及待即刻要試一啖湯真係好正 好好飲 湯底唔假 亦唔會太咸 但略嫌唔夠多湯 不過材料足 雲吞係乒乓波咁大粒食完啲餸加埋飲湯 都已經8成飽米線口感煙韌但唯一唔好既地方 佢地唔會供應水 只能加錢叫飲品