二撇雞

營業中

休息中

已經係二撇雞食過無數咁多次既lunch，食極都唔會厭！好記得第一次黎食，最impress我既就係佢個養生湯底！非常夠味同清甜，飲得出真係無味精！係呢度幫襯過咁多次，當然試過好多唔同餸啦，當中最正既，除左佢既招牌花膠雞，就係沙薑雞（因為本人口味較重🤣）夠咸去送湯面食～最一般既對我黎講係個雲吞…因為味道比較清淡，如果要食佢既雲吞，我會建議直接叫個小食：紅油抄手！！紅油抄手同雲吞既分別只係在於個醬汁，其餘既都一樣，但係抄手個汁實在太正，甜甜辣辣既口水汁我至愛，十分推介～而且個重點係佢好！大！粒！食完個面再食佢已經飽到傻，而且價錢都合理！不過有一個好大好大既問題，每次去食必定排長長長長長龍… lunch比較短/同行人數多既都唔好去排喇…因為我試過要排半個鐘先有位…再唔係，就建議大家要一早12點前去排定隊（如果你係食12點嘅話）

嚟觀塘食晏,最佳地方當然係工廈,盲舂舂上到呢層,得呢間最多人排隊咪試下囉,QR code點餐好方便,揀咗個黃酒藥膳雞米線,加咗雲吞($8)同花膠($10)每樣一舊,雲吞比一般大,味道ok,花膠同腸仔差不多szie,味道正常無咩特別,值唔值得自己諗,黃酒藥膳湯底值得一讚,夠香夠甜夠藥味,雞肉正常水準,整體分數7.5分(10分滿分)

今日中午去了，已經2點多，仍然好多人。好難想像中午食飯時間，應該是人山人海。只等幾分鐘，去了另一個舖位，較開揚好坐。點了藥膳鷄米粉，同事點了花膠鷄，一個米粉，一個油面。加最平$2 有可樂，我就$5飲無糖黑豆漿藥膳雞米粉，湯極濃，有當歸藥材味，鷄肉嫩滑無骨，配米粉索湯最正，如果有多條菜balancing 就perfect 反而同事配幼面，索湯發脹冧晒，唔太享受，食了一半就放棄，返到公司仲要食零食。花膠湯正常發揮，另上雞脾，嫩滑。我本來完全滿足，但回到公司，同事們都開始超口渴，勁飲水，味精強度似乎不少，是否回頭要再想想。

喺IG見到好多廣告介紹食花膠雞米線，果間係駱駝漆1樓，但我見有人話4樓呢間好食d又平d，所以我試左4樓果間先。我專登兩點去到避開lunch hour，去到都無位等左幾分鐘人地埋左單就入得，我見好多人食花膠雞米線，不過我想飲黃酒雞湯，所以叫咗藥膳黃酒雞米線。黎到個樣就麻麻地，但個湯好好飲，米線就比較幼小小身，但好Q彈幾好食！但一食舊雞就奶野，係雪藏雞扒嚟嘅，雖然去咗皮同埋份量都多，但係麻麻哋啦個雞，食左2，3舊就無食了。但咁既價錢同味道都已經算ok，只係我唔係太鐘意食雪藏雞扒。同埋我本身鍾意食辣，枱面又冇辣椒油，如果佢有供應嘅擺埋出嚟會更加好囉，始終有d人社恐唔敢叫（例如我😂😂）黃酒雞藥膳米線$59+$2汽水=$61二撇雞

同朋友去觀塘食米線~~呢間米線勁多人排隊!!!!!吊你癮小鍋米線酸同辣平衡都好好~仲有偏向少少甜味!!!!我差D飲曬D湯HAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHA!!而且仲好足料!!!!!!!最怕食米線係淋曬,而米線好幼又好煙靭~最怕食米線係淋曬,養生花膠雞米線有少少失望,以為佢會好濃雞味, 比我想像中有D淡~但佢雞件有雞味而且都幾嫩滑!失傳以久豬扒都係同想像有少少出入,不過佢勝在份量大,同炸得脆!

要數駱駝漆入面最有人氣嘅餐廳，相信二撇雞係其中一間👑今次大約12:30pm到，前面已經有10枱客等緊，到咗12:55pm先安排到座位，如果趕時間嘅話就未必食到呢間啦🥲⚠️中午時間可能需要等候約半小時環境🏠雖然係駱駝漆熱門餐廳，但係環境唔算太狹窄，通道同座位都有足夠嘅空間，等完之後都可以舒舒服服咁坐低慢慢食食物🐓黃酒藥膳雞米線碗米線一放低已經聞到好香藥材味，飲一啖湯都真係藥膳味濃郁，鮮甜又唔鹹，食完都唔會覺得特別口渴。另外米線係比較幼滑但係好有咬口，雖然有好多唔同嘅面類選擇例如米粉、麵之類，不過會推薦試吓米線👍🏻而雞就係雞件唔係有骨嗰種切雞，但係鍾意佢去咗雞皮令到個湯唔會太過油膩。整體份量都算多，食完好飽好滿足😋💰呢碗麵價錢係$59，如果想加飲品都可以加$2加杯罐裝汽水/$5加豆漿，價錢合理👌🏻美中不足就係等候嘅時間比較耐，如果有時間嘅話會推薦試吓呢間✅

終於嚟咗位於駱駝漆嘅二撇雞，一嚐佢地嘅人氣雞湯米線！嚟到已經滿座，好彩一個人黎，都唔太洗等位就入得！黃酒藥膳雞米線 ＄59黃酒藥膳雞湯底味道香濃，裡面有蟲草花、紅棗、黨參片、雲耳。湯底十分易入口，飲落非常鮮甜，藥材味亦唔會太重，有甜味！飲完唔會口乾，好正啊！雞件分量都幾多，亦係無骨好嫩滑。食完成身暖笠笠，冬天一定會返嚟再食過！畢生難忘炸雞翼 $24雞翼都幾大隻，炸得好香口。鍾意食雞翼嘅朋友都可以叫一碟嚟試吓！

駱駝漆的人氣食店🏅當天到達時正值午飯時間，還好大約只等候了15分鐘，很幸運呀🌟✂︎❥$𝟱𝟵 黃酒藥膳雞🐥喜歡藥膳的朋友一定會滿意，那股香味撲鼻而來😻 先來一口熱乎乎的湯底，黃酒藥膳味道濃郁，讓人不知不覺接二連三的再多喝幾口🙊 雞肉肉質嫩滑，而且份量頗多，吃得很盡興👍🏻 小店的米線比起坊間其他餐廳較為幼身，滑溜滑溜帶著Q彈的口感🍜✂︎❥$𝟱𝟵 胡椒濃湯雞🐥相比黃酒藥膳湯底胡椒湯底的氣味顯得較為清淡，濃郁一點會更合我口味🤭✂︎❥$𝟴? 雲吞／1顆🥟價錢有點忘了，好像是$𝟴或$𝟵🙊 只記得豬肉及鮮蝦的比例大概為2:1🐽🦐 每顆雲吞如小女生的拳頭般大👊🏻

見到岩岩開門就好多人食緊，滿心歡喜嗌個藥膳雞米，米線一黎到，黃酒味好勁，好似好正，望真啲上面啲雞係雞扒，唔係切雞！！！真係聞所未聞！！！仲要溶雪溶得好差，好大陣雪味，腥到爆，最後食曬啲米線，無食啲雞，真係好難食。。。。。。。分座位都係香港飲食業通病，好多張枱無人都叫你搭枱，都理解既。。但埋單出到去發現原來佢仲有另一個鋪位有超多吉枱，咁都逼人搭枱，接受唔到😭😭可能佢其他野會好食啲，但絕對唔會有下次。

來不來都要嚟食，因為掛住佢個湯底😂佢啲湯底普遍都係偏濃味，今次試咗「黃酒藥膳雞」米線。一嚟到已好香藥材味，包括紅棗、杞子、蟲草花。雞肉大部份都係雞胸肉，但又唔會太「鞋」，仲有成 6 至 7 舊。另外仲有幾塊腐皮。米線份量比較多，叫咗小米線，都係好大碗，食唔晒😅

網上見有好多好評，今日黎專登黎試一試～叫左藥膳雞米線同沙薑雞米線 😌雞肉份量多，肉質都滑，米線有咬口，藥膳雞湯味比較濃，好香酒味，但飲唔出雞味🫣米線好大碗，夠飽肚👍🏼沙薑雞好多沙薑😂唔使錢咁😆雞肉都好滑😌湯底清清地，但飲到尾有啲啲咸😕味道可以，餸同米線都份量十足… 但要排長龍食就要諗諗…今晚6點幾黎到等，入到去，好多小食都賣晒😮‍💨同埋呢間款式比較少，又少咗啲小食選擇，真係有啲失望🥺

〔二撇雞〕呢個名係朋友口中聽左無數次，嚟觀塘就一定要食！終於！搵日收工特登入去觀塘食✨【生滾花膠雲吞雞】$88首先！頭啖湯已經有驚艷到，有好多蟲草花，湯底好清甜！三大隻雲吞：每隻雲吞都好似拳頭咁大，入邊仲有三隻蝦！超級足料！三塊花膠：食落入口滑溜溜，口感彈牙！有好多雞件，不過我覺得就無蔥油二撇雞嘅雞咁滑～另外想講✨一定一定要嗌米線！煮得好爽口，彈牙超好食～【吊你癮小鍋】$66鍾意食濃味嘅朋友就一定要食小窩米線！個酸辣湯底真係整得好好，勁好飲！亦都勁足料，有雞肉、雲吞、魚腐、魚角、蟹柳、冬菇、酸菜！米線都超級彈牙！【蔥油二撇雞】（例牌）$45呢個蔥油雞我比💯 蔥同豉油都勁香，啲雞好滑好嫩！【失傳已久的豬扒】$28豬扒就覺得有少少失望，雖然炸完出嚟肉汁都好夠，不過食落去就感覺上有啲乾身，無咩味道！【麻辣雲耳】$22朋友話好食過米線舖嘅雲耳～我就覺得正正常常，不過雲耳就好爽口！

🕰️今日未夠6點去食二撇雞，已經有人籠，我以為佢冇落場時間，好明顯以為錯左，佢地要18:00先開夜市。一如以往食我最鐘情嘅吊你癮小鍋米線，其實就係咩餸都有d,但個湯底就有別佢地嘅賣點純滑雞湯，呢個湯底濃烈但沒有味精feel,有點花椒八角的香料味，當中的咸酸菜略帶甜味非常爽口，沒有一些「噏咸」的味道，明顯係正野，超好味！🍜其中有蟹柳和鹵過的肉碎也非常不錯，最大賣點當然是拳頭咁大嘅雲吞，超足料，而且裡面的豬肉餡也不是那些7成肥膏3成碎肉再加無限調味料，佢就係一粒貨真價實的拳頭雲吞，而最吊詭係佢裡面嘅雞柳好似自動無限供應咁，食極都仲有…😎老實講，我覺得普通女仔就算小米線都真係好難單人清碗🍴佢個豆腐都好味，重點係佢較個醬真係正，就介乎於麻辣重慶之間，有點相似又有點不同，總之就唔會覺得自己食緊「又係個d味」嘅感覺。🍖唯獨覺得佢個豬扒沒有預期中咁滿分，其實還是可以的，但要食到真正好味嘅豬扒其實係難過食到好味嘅牛扒

如處於十分飢餓狀態，又或者無肉不歡，此處的招牌雲吞、雞件米線便能滿足飽腹之慾。 (1)生滾花膠雲吞雞雲吞有BB拳頭大，當中的蝦肉更是手拍蝦膠，爽滑彈牙。另外花膠厚身、無腥，令湯底清新溫醇。 (2)黃酒藥膳雞米線藥膳精髓在於北芪、黨參、當歸、枸杞、紅棗以及黃酒等藥材相輔相乘。還有肉眼可見的等蟲草花和木耳。 每塊雞件軟腍，使其糯米酒、藥材及湯汁完全融合。一抿即有花雕酒香，獨特香甜亦由此滲出。雖然雞件散亂，不是完整疊上，但性價比卻無從挑剔。 米線比一貫連鎖集團的相對幼身，但不易被湯汁浸透，亦相對有嚼勁。至於味道方面，個人認為調味重了些，食用後會有點口渴。

觀塘一向都係養生花膠雞米線激戰區，其中一間人龍店二撇雞除左花膠雞出色，其他口味雞米線同樣好食!!- 沙薑雞米線 HK$54 🐤🍜超濃厚沙薑味道!!沙薑雞肉及米線分開上菜，沙薑雞皮有彈性又滑溜，雞肉熟度控得宜，肉質嫩滑帶有淡淡雞香味。配上濃郁麻油沙薑醬，既惹味又富滿麻油香氣，非常入味!!米線使用雞湯底，整個湯底都散發著濃郁香氣，米線口感煙韌有彈性，帶有微微米香甜。另外仲加入杞子及木耳，令到米線更加滋補養生!!- 黃油藥膳雞米線 HK$59 🧉🐤🍜- 胡椒濃湯雞上海麵 HK$62 🧂🐤🍜- 花膠雞濃湯米線 HK$69 🐟🐤🍜- 蔥油二撇雞肥牛上海麵 HK$69 🥬🐤🐂🍜